11 - ايدىڭ 28 - كۇنى اقتاۋ اۋدانى پىلال اۋىلى جايىلعان قىستاعىنىڭ تۇرعىنى قۇربان قادىر بىلاي دەدى: «بيىل كۇزدە مەن جىلىجايدا سيىربۇرشاق ەگىپ، ونى 1000 يۋانعا ساتتىم، ەندى ۋاقىتتى ۇنەمدەپ كوكونىس ەگەمىن، كوكتەمدە جاقسى باعاعا جارايدى». سول كۇنى اۆتونوميالى رايوندىق ءتارتىپ تەكسەرۋ كوميتەتىنىڭ، باقىلاۋ - تەكسەرۋ كوميتەتىنىڭ «ۇعىسۋ، تيىمدىلىك جاساۋ، توعىستىرۋ» بويىنشا اقتاۋ اۋدانى پىلال اۋىلى جايىلعان قىستاعىندا تۇراتىن قىزمەت اترەتىنىڭ باستىعى، ءبىرىنشى شۋجي ءادىل ءالي قىستاق تۇرعىندارىن باستاپ، قۇرباننىڭ كۇمبەزشە جىلىجايداعى كوكونىس ەگىسىنىڭ جاعدايىمەن تانىستى.
قۇربان كوكونىس ەگەتىن جىلىجايدى قىزمەت اترەتىنىڭ كومەگىندە سالدى.
«ۇعىسۋ، تيىمدىلىك جاساۋ، توعىستىرۋ» قىزمەت اترەتى قىستاقتا تۇرعاننان بەرى، دالمە - ءدال شارا قولدانۋ ارقىلى كەدەيلىكتەن ارىلتۋدان قامال الۋعا كۇشتى شوعىرلاندىرىپ، جەرگىلىكتى جاعدايعا قاراي ءىس كورىپ، قىستاق تۇرعىندارىن شاعىن شارۋاشىلىق پەن ەرەكشە ەگىنشىلىكتى دامىتۋعا بەلسەنە جەتەكتەدى ءارى ارتىق ەڭبەككۇشتەردى باسقا سالاعا ويىسۋعا، سىرتقا شىعۋعا ۇيىمداستىرىپ، قىستاق تۇرعىندارىنىڭ كىرىستى ارتتىرىپ، كەدەيلىكتەن ارىلۋىنا قولعابىس ەتتى.
«اعاششىلىقتان ازىراق حابارىم بار ەدى، قىزمەت اترەتى ماعان ۇستاز تاۋىپ بەردى، سول كىسىدەن كوپ ونەر ۇيرەندىم، قىزمەت اترەتى مەنىڭ شاعىن نەسيە الۋىما دا كومەكتەستى، قازىر مەن 5 قىستاق تۇرعىنىن باستاپ، ءۇي اشەكەيلەۋ اترەتىن قۇردىم، ءبارىمىز بىرگە كىرىسىمىزدى ارتتىرىپ، اۋقاتتانۋعا بەت الدىق»، - دەدى ابىلا اجى، ول قازىر قىستاقتاعى بەلگىلى اعاششى.
جەردى تەگىستەۋ، جەردى وتكەرمەلەۋدى كۇشەيتۋ ارقىلى، قىزمەت اترەتى قىستاق تۇرعىندارىنىڭ جەردەن پايدالانۋ تيىمدىلىگى مەن ونىمدىلىگىن جوعارىلاتۋىنا كومەكتەسىپ، كاسىپ سالالانعان، كولەمدەنگەن دامۋدى ىلگەرىلەتتى. بيىل قىستاق تۇرعىنى ايگۇل توحتى وتباسى 5 مۋ جەرگە ءبىر تۇتاس كارتوپ ەگىپ، كىرىسىن ايتارلىقتاي ارتتىردى.
قىزمەت اترەتى تاعى بايلىقتى بىرىكتىرىپ، 4 ميلليون يۋان قارجى سالىپ مادەنيەت الاڭى مەن بازار سالدىرىپ، 29 دۇكەن سالدىردى. قازىر شاعىن ەرەن بازار، بەس مەتال ماگازينى، شاش الۋ، شاش بوياۋ دۇكەنى، شاعىن اسحانا، جەمىس - جيدەك دۇكەنى، كاۋاپ دۇكەنى سياقتى 15 دۇكەن رەسمي تۇردە تيجارات جۇرگىزۋدە. سىمايىل ابدىرەيىم اشقان شاشتارازحانا ونىڭ وتباسىنىڭ نەگىزگى ەكونوميكالىق كىرىس كوزىنە اينالدى، ول بىلاي دەدى: مەنىڭ وتباسىم كەزىندە كەدەي بولعان، قىزمەت اترەتى مەنى شارۋاشىلىق قۇرۋعا ىنتالاندىرىپ، مەنىڭ شاشتارازحانا اشۋىما كومەكتەستى، قازىر كۇنىنە 200 يۋانداي اقشا تابامىن، قىزمەت اترەتىنە مىڭ راقىمەت.
قىزمەت اترەتى ءبىر قاتار شارالار قولدانىپ، 151 كەدەي وتباسىنىڭ شاعىن شارۋاشىلىقتى دامىتۋ ارقىلى تۇراقتى كىرىسكە قول جەتكىزۋىنە كومەكتەستى. قىستاقتاعى 1523 ەڭبەككۇشتىڭ ىشىندە، 597 ادام سالىستىرمالى تۇردە تۇراقتى جۇمىسقا (جۇمىسقا تۇرعان ۋاقىتى 6 ايدان، كىرىسى 10 مىڭ يۋاننان اسقان) تۇردى، ولاردىڭ ىشىندەگى 259 ادام ارحيۆ تۇرعىزىلىپ، كارتچكالانعان كەدەي وتباسىنىڭ ادامى. بولاشاق تۋرالى ءسوز بولعاندا، ادىل سەنىممەن بىلاي دەدى: ءبىز قازىر بار شاعىن بازارعا سۇيەنىپ، اۋدانى 11 مۋ كەشكى بازار سالىپ، اۋىل - قىستاق ءدامدى تاعام ورتالىعىن قۇرىپ، جەمىس - جيدەك بازاسىنا سۇيەنە وتىرىپ، اۋىل - قىستاق ساياحات ورتالىعىن اشىپ، كەلەر جىلى قىستاق بويىنشا كەدەيلىكتەن ارىلۋعا كۇش سالامىز.
