ۋاڭ بوۋي: ۋايىم - قايعىدان ارىلتىپ، قيىنشىلىقتاردى شەشىپ، ناقتى ءىس ىستەدى

日期:2019年11月26日
来源:新疆日报
【字体:

”مەملەكەتتىك ۇلتتار ىنتىماعى، العاباسارلىعىنداعى ۇلگىلى جەكە بولىپ باعالانعاندىعىمدى بىلگەنىمدە ەرەكشە تولقىدىم. قىستاقتا تۇراتىن قىزمەت اترەتىنىڭ باستىعى رەتىندە، مەن باس شۋجي شي جينپيڭنىڭ مەملەكەتتىك ۇلتتار ىنتىماعى، العاباسارلىعى جونىندەگى ماداقتاۋ - سيلاۋ ماجىلىسىندە سويلەگەن ماڭىزدى ءسوزىنىڭ رۋحىن اۋىلداستارعا جەتكىزىپ، ءار ۇلت كادرلارى مەن بۇقاراسىن ىنتىماقتاستىرىپ، باستاپ، قاربول قىستاعىن تۇرمىسى جاقسى، ورتاسى جاقسى، ىنتىماعى جاقسى، كاسىپ سالاسى جاقسى جاڭا قىستاق ەتىپ قۇرامىن“، - دەدى 10 - ايدىڭ 8 - كۇنى مەملەكەتتىك ۇلتتار ىنتىماعى، العاباسارلىعىنداعى ۇلگىلى جەكە، بايىنعولين موڭعۇل اۆتونوميالى وبلىستىق ونەركاسىپ جانە ينفورماتسيالاندىرۋ مەكەمەسىنىڭ يانجي حۇيزۋ اۆتونوميالى اۋدانى شاعانسەركە اۋىلى قاربول قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، ءبىرىنشى شۋجيى ۋاڭ بوۋي.

قاربول قىستاعى كەزىندە ءالسىز، بىتىراڭقى قىستاق بولاتىن، قىستاقتىڭ نەگىزدىك قۇرىلعىلارى ءبىرشاما ناشار، كاسىپ قۇرىلىمى جالاڭ، شارۋالاردىڭ وي - ساناسى توماعا - تۇيىق ەدى.

2017 - جىلى 1 - ايدا، كەزىندە بايىنعولين وبلىستىق ەكونوميكا جانە ينفورماتسيالاندىرۋ كوميتەتى پارتيا باسشىلىق گرۋپپاسىنىڭ شۋجيى، ورىنباسار مەكەمە باستىعى مىندەتىن وتەيتىن ۋاڭ بوۋي قاربول قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، ءبىرىنشى شۋجيى بولعاننان كەيىن، قىزمەت اترەتىندەگىلەردى باستاپ، وتباسىلاردى ارالاپ، بۇقارانىڭ جۇرەك ءسوزىن تىڭداپ، قيىنشىلىقتارىن، ارمان - تىلەكتەرىن ۇعىستى، كىمنىڭ وتباسىندا قانشا جان بار، قانشا جەرگە ەگىن ەكتى، قانداي قيىنشىلىعى جانە ماسەلەلەرى بار دەگەننىڭ ءبارىن ول ءبىر - بىرلەپ ەستەلىككە الدى، 2 جىلدان استام ۋاقىتتا ونىڭ جازعان قىزمەت ەستەلىكتەرىنىڭ ءوزى 30 نەشە داپتەرگە جەتىپ، قاتارلاپ جيناعاندا ءبىر مەتردەن استى.

ۋاڭ بوۋي قىزمەت اترەتىندەگىلەردى، قىستاق كادرلارىن باستاپ، بۇكىل قىستاقتىڭ توعانىن، جولىن، سالالى اتىزىن، كوشەلەرىن تەكسەرىپ، ”جوبالاۋدى باستاماشى، جولدى جۇلگە ەتۋ، سۋلاندىرۋ جۇيەسىن الدىمەن اتقارۋ، اۋلانى ءتۇيىن، جاسىلداندىرۋدى كوركەمدىك، كىرىستى ارتتىرۋدى نىسانا ەتۋ“ سىندى دامۋ وي جەلىسىن العا قويدى.

بۇگىنگى كۇنى، قاربول قىستاعى جاڭادان 7.8 كيلومەترلىك سۋ سىڭبەيتىن توعان جاساپ، جاڭادان 17 كيلومەتر جول سالىپ، تۇرعىنداردىڭ 4 قونىستانۋ ءتۇيىنىن جاقسارتىپ، 265 كورىكتى اۋلا سالىپ، 6500 مەتر ەلەكتر تورىن جاڭالاپ، 268 وتباسىنا تابيعي گاز جەتكىزىپ، قىستاقتىڭ بەت - بەينەسىن جاقسارتتى.

قىستاق تۇرعىنى قادىر سىمايىل بالاسى ناۋقاستانعاندىعى سەبەپتى كەدەيلەسكەن، الايدا ونىڭ ۇلكەن اۆتوموبيل جۇرگىزۋ كۋالىگى بار ەدى. ۋاڭ بوۋيدىڭ كومەگىندە قادىر 50 مىڭ يۋان قارىز اقشا الىپ، ءبىر شاعىن جۇك اۆتوموبيلىن ساتىپ الىپ، قىستاق تۇرعىندارىنا شاعىل تاس ماتەريالدارىن تاسىپ كەدەيلىكتەن ارىلدى. قىستاق تۇرعىنى ما شۋە - ي كەدەي وتباسى ەدى، 2 بالاسىنىڭ ءبىرى ىشكى جەردەگى شينجياڭ ورتا مەكتەپ كلاسىنا، ءبىرى شينجياڭ ىشىندەگى ورتالاۋ مەكتەپ كلاسىنا قابىلدانعان. ۋاڭ بوۋي دەرلىك اپتا سايىن ونىڭ وتباسىنا بارىپ جاعداي ۇعىسىپ، ونىڭ اۋلا شارۋاشىلىعىن دامىتۋىنا كومەكتەستى، ءوسىمى قازىنادان بەرىلەتىن قارىز اقشا الۋعا سايكەستىردى، سىرتقا شىعىپ جۇمىس ىستەۋىنە بايلانىس جاسادى، وتباسى كىرىسىن ارتتىردى. ۋاڭ بوۋيدىڭ كومەگىندە ما شۋە - ي كىرىستى ارتتىرىپ اۋقاتتانۋعا سەنىم بايلادى.

ءار جولعى ءىرى مەرەكە - مەيرامداردا ۋاڭ بوۋي ءار ۇلت بۇقاراسىن ۇيىمداستىرىپ، مەملەكەت تۋىن شىعارۋ، مەملەكەت ءانىن ايتۋ، ادەبيەت - كوركەمونەر ويىنى سياقتى قيمىلدار ورىستەتىپ، قىستاق تۇرعىندارىنىڭ پارتيانى ءسۇيۋ، وتاندى ءسۇيۋ سۇيىسپەنشىلىگىن قاۋلاتتى.

ۋاڭ بوۋي نەگىزگى ساتى ۇيىمىن مىقتاپ قۇرۋدىڭ، پارتيا مۇشەلەرىنىڭ رولىن ساۋلەلەندىرۋدىڭ ۇلتتار ىنتىماعىن جەبەۋدەگى رولىن تەرەڭ تۇسىنەدى. ول پارتيا قۇرىلىسىن جەتەكشى ەتىپ، ”ءۇش جيىن، ءبىر ساباق“تى ارناعا تۇسىرۋدەن باستاپ كىرىسىپ، قىستاقتاعى ءارقايسى كۇشتەردى بىرىكتىرىپ، ”ۇيرەتۋ، كومەكتەسۋ، جەتەكتەۋ“ رولىن ويداعىداي ساۋلەلەندىردى. بۇگىنگى كۇنى، قىستاق كادرلارىنىڭ قابىلەتى ارتىپ، بۇقارا اراسىنداعى بەدەلدەرى بارىنشا ءوسىپ، پارتيا ۇيىمىنىڭ ۇيىستىرۋ كۇشى، وزەككە تارتۋ كۇشى، ۇندەۋ كۇشى بارىنشا ارتىپ، ءالسىز، بىتىراڭقى جاعدايدى تۇبەگەيلى وزگەرتتى.

ۋاڭ بوۋي تاعى بۇقارالىق قىزمەت ادىسىنە جاڭالىق ەنگىزىپ، ”وتان جۇرەگىمدە، مەملەكەت تۋى وتباسىمدا“ قيمىلىن ورىستەتتى. بارلىق قىستاق تۇرعىنىنىڭ مەملەكەت تۋى استىندا مەملەكەت ءانىن ايتۋ، ”وتباسى ءماجىلىسىن“ مەملەكەت تۋى استىندا اشۋ، بارلىق وتباسىنا مەملەكەت تۋىن ءىلۋ قاربول قىستاعىنىڭ كوركەم كورىنىسىنە اينالدى ءارى ۇلتتار ىنتىماعىن نىعايتتى.