”1 - ماۋسىم“ حالىقارالىق بالالار مەرەكەسى قارساڭىندا، اۆتونوميالى رايوندىق حالىق ۇكىمەتى كەڭسەسىنىڭ جاڭاءشار اۋدانى ارال اۋىلى حانشا قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى وسى قىستاقتاعى بالاباقشامەن بىرلەسىپ ”بالدىرعاندار جۇرەگى پارتيا دەپ سوعادى · تولىسىپ ەرجەتتى“ جەلىلەس قيمىلىن ورىستەتىپ، بالالارمەن بىرگە مەيىرگە تولى ءارى دۋماندى بالالار مەرەكەسىن وتكىزدى.
جەلىلەس قيمىل مەيىر باعىشتاپ، جىلۋ اتاۋ قيمىلىمەن شىمىلدىعىن اشتى، حانشا قىستاعى بالاباقشاسىنىڭ باستىعى لۋ جۋاننۇڭ جىلۋ اتاعانداردىڭ ەسىمدىگىن وقىدى، وسى قىستاقتاعى ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، ءبىرىنشى شۋجي پارحات توقتى قىزمەت اترەتى مەن قىستاق ”ەكى كوميتەتىنىڭ“ اتىنان قيمىلدىڭ جاعدايىن تانىستىردى، ءارى 105 بالاعا جىلۋعا اتالعان وقۋ قۇرالدارى، سۋرەت داپتەرى، سپورت اياق كيىمى سياقتىلاردى تاراتتى، ءارى بالالاردى ۇيرەنۋ ورايىن قادىرلەپ، ۇلى مۇرات ورناتىپ، ۇلى وتان قۇرۋ، كورىكتى مەكەن قۇرۋعا جارامدى دارىندى، تىرەكتى دارىندى بولۋ ءۇشىن قۇلشىنۋعا شابىتتاندىردى.
قىزمەت اترەتىنىڭ مۇشەلەرى مەن وقىتۋشىلار ناق مايداندا ”اتا - انالار جانە بالالار ۇگىت - لەكسياسىن“ ورىستەتىپ، ۇعىنىقتى تىلمەن ازامات جاسىنا تولماعاندارعا قاتىستى زاڭ - ەرەجەلەر جونىندە ۇگىت - لەكسيا جاسادى. سونىمەن بىرگە، اڭگىمەلەۋ، كورىنىستى ەلىكتەۋ سياقتى تاسىلدەر ارقىلى ورتتەن ساقتانۋ، ەلەكتردەن ساقتانۋ، شىرعالاۋ، الداۋدان ساقتانۋ جونىندەگى بىلىمدەر مەن ادىستەر جونىندە تۇسىنىك جاساپ، بالالاردىڭ ورتتەن ساقتانۋ، شۇعىل قۇتقارۋ سياقتى تەلەفوندارعا قوڭىراۋ شالۋدى دۇرىس مەڭگەرۋىنە مۇمكىندىك جاساپ، بالالاردىڭ وزدەرىن قورعاۋ تانىمى مەن قابىلەتىن جوعارىلاتتى.
قيمىل ۇيىندە بالالار زەر سالا دايىنداعان «جۇڭگو ورەنى»، «بەيجيڭ تيان - انمىندى سۇيەمىن» ءبيى، «سۋ ىشكەندە قۇدىق قازۋشىنى ۇمىتپا»، «ءۇش كوبەلەك» مانەرلەپ وقۋى سياقتى 12 ادەبيەت - كوركەمونەر ءنومىرىن قويدى. بالدىرعاندار ”سەن سىز، مەن تابايىن“، ”اياقتى قوسارلاۋ“ سياقتى ويىندارعا بەلسەنە ات سالىسىپ، دەنەسىنىڭ سايكەسىمدىلىگى مەن تىلدىك بەينەلەۋ قابىلەتىن شىڭادى.
جاقىنعى جىلداردان بەرى، قىستاقتا تۇراتىن قىزمەت اترەتى، قىستاق ”ەكى كوميتەتى“ حانشا قىستاعىنداعى جاستار، ورەندەردى جادىلارىنان شىعارماي، كومەكتەسۋ - سۇيەمەلدەۋ قارجىسى، زاتتىق ماتەريالدارىن تولاسسىز قامداپ، وقۋدى سيلاۋ، وقىتۋ ىسىنە كومەكتەسۋگە پايدالانىپ، قيىنشىلىعى بار وقۋشىلاردىڭ كومەكتەسۋگە ءتيىستىسىنىڭ بارىنە كومەكتەسىپ، جاستار مەن ورەندەردىڭ جەلكەن جايىپ الىس ساپارعا اتتانۋىن زاتتىق جاقتان بەرىك قامتاماسىز ەتتى. كەلەسى قادامدا حانشا قىستاعى قامقورلىق تانىمىن ۇزدىكسىز بەكەمدەپ، قامقورلىق جاۋاپكەرشىلىگىن جاپپاي تياناقتاندىرىپ، ونەگە كورسەتىپ ادام تاربيەلەۋ، قامقورلىق جاساپ كومەكتەسىپ - سۇيەمەلدەۋ، جايلى ورتا جاراتۋ سياقتى جولدارمەن ۇرپاقتارعا كوڭىل ءبولۋ قىزمەتىن جاپپاي ويداعىداي ىستەيدى. (سۋرەتىن ءتۇسىرىپ، ماقالاسىن جازعان اۆتونوميالى رايوندىق حالىق ۇكىمەتى كەڭسەسىنىڭ جاڭاءشار اۋدانى ارال اۋىلى حانشا قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى)
