5 ـ ايدىڭ 22 ـ كۇنى ياركەن اۋدانى الامات قالاشىعى كىشى يگەرشى قىستاعىنىڭ ومارتا بازاسىندا بال اراسى گۋلەيدى، تازا بالدىڭ حوش ءيىسى كىسىنى باۋرايدى، ومارتاشىلىق بازاسىنىڭ جاۋاپتىسى روزى تۇرسۇن وزىنە ءتان وسى كاسىپتى دەڭگەلەك اينالدىرىپ كەلەدى.
كىشى يگەرشى قىستاعىنىڭ ومارتا بازاسىندا 1100 ارا باعۋ ساندىعى رەتتى ءتىزىلىپ قويىلعان، ارالار ساندىقتان توپ - توبىمەن ۇشىپ شىعىپ، ۇشىپ كىرىپ بال جيناۋمەن قاربالاس، ومارتاداعى قىزمەتكەرلەر دە بال جيناۋدىڭ جۇمىستارىمەن ابىگەر. ومارتا قىزمەتكەرلەرى بال ساندىعىنىڭ جانىندا بال ساندىعىنىڭ قاقپاعىن اشىپ، ارا ۇياسى تاقتاسىن ەپپەن كوتەرىپ، جۇمساق شوتكىمەن تاقتاداعى ارانى اقىرىن قاعىپ ۇشىرىپ، ونان سوڭ ارا ۇياسى تاقتاسىن تاتتانبايتىن بولاتتان جاسالعان بال شىعارعىشقا سالىپ، سەنتردەن تەبۋ رولىنان پايدالانىپ، بەينە كىر جۋۋ ماشيناسىنىڭ كيىمدى سىققانى سياقتى، ارا ۇياسى تاقتاسىنداعى بالدى سىعىپ شىعاردى، سوڭىندا جينالعان بالدى تازارتقىش سۇزگى تورمەن ٴسۇزىپ تاستادى.
ومارتا بازاسىنىڭ جاۋاپتىسى روزى تۇرسىن بىلاي دەدى: ومارتاشىلىق كاسىپپەن شۇعىلدانعانىمىزعا 8 جىلدان استى، ۇكىمەت جىل سايىن قوسىمشا قاراجات بەرىپ كەلەدى، ومارتا بازامىزدا الىناتىن بالدىڭ كۇندەلىكتى ٴونىم مولشەرى 500 كيلوگرامعا جەتەدى، بالدى وسى جەردىڭ وزىندە قوراپتايمىز ءارى ٴسۇزىپ الامىز، ەشقانداي ەرەكشە مانەرلەۋ جۇرگىزبەيمىز، كوپشىلىكتىڭ ۇزدىكسىز قۇلشىنۋىنىڭ ارقاسىندا، قازىر كىرىسىمىز دە بارعان سايىن مولايدى.
روزى تۇرسىن قىستاقتاعى اۋقاتتانۋدىڭ كوشباسشىسى رەتىندە، 8 جىل قۇلشىنۋ ارقىلى ٴوزىنىڭ ومارتا بازاسىنىڭ اتاعىن اسپانداتتى، قىستاقتاعى 12 قىستاق تۇرعىنىنىڭ جۇمىسقا ورنالاسىپ، كىرىسىن ارتتىرۋىنا جەتەكشىلىك ەتىپ قانا قالماستان، ولارعا ومارتاشىلىق شەبەرلىگىن ۇيرەتتى.
ومارتا بازاسىنىڭ قىزمەتكەرى ابدۇقيىم ابلىميت بىلاي دەدى: ”مەن بۇل ارادا بال اراسىن باعۋدى ۇيرەندىم، ايىنا 2000 يۋان ەڭبەكاقى الامىن، مەن ومارتاشىلىقتى يگەردىم، بۇدان كەيىن تاباندىلىقپەن اقشا تاۋىپ، ٴتىپتى دە جاقسى تۇرمىس كەشىرەمىن“.
ومارتا بازاسىنان جيدە شىرىنىنىڭ حوش ٴيىسى اڭقىيدى، بۇل بالدى تاۋساپ كورسەڭىز، اۋىزىڭىزعا جۇمساق ءارى مايدا سەزىلەدى، بال ناق مايداندا ٴسۇزىپ الىنادى، ەشقانداي قوسپا بولماعاندىقتان، بازاردىڭ قىزۋ قارسى الۋىنا يە بولدى. قازىر ولاردىڭ بالدارى قاشقار قالاسى، قاعىلىق اۋدانى سياقتى توڭىرەكتەگى اۋدان - قالالارعا ساتىلادى، ٴار كۇنى الىناتىن 500 كيلوگرام بال قاجەتتى قاناعاتتاندىرا المايدى. ياركەن اۋدانىنىڭ تۇرعىنى احات قادىر بىلاي دەدى: ”مەن بۇل جەردەن بال ساتىپ العانىما 6 دا 7 جىل بولدى، ولاردىڭ ساتىپ وتىرعان بالى تابيعي، ٴار جولى ولار سول جەردىڭ وزىندە بال الادى، بالىنىڭ باعاسى دا ارزان، ٴدامى دە وتە جاقسى“.
ياركەن اۋداندىق كينو ـ تەلەۆيزيا اۋدارىپ ـ جاساۋ ورتالىعىنىڭ الامات قالاشىعى كىشى يگەرشى قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى اينۇر ابدوللا بىلاي دەدى: ”جاز ماۋسىمى گۇل ـ ٴشوپ، اعاشتار گۇل اشاتىن مەزگىل، قىزمەت اترەتىمىز ومارتا بازاسىنىڭ توڭىرەكتەگى اۋىل ـ قالاشىقتارمەن بايلانىس جاساپ، بال جياتىن جەر تابۋىنا كومەكتەسەدى، ٴبىز دە ۋيشين، دوۋيىن سياقتى ينتەرنەت تۇعىرلارى ارقىلى ولاردىڭ بال ساتۋىنا كومەكتەسەمىز. ومارتا بازاسىنىڭ بالى قىستاق تۇرعىندارىنىڭ كاسىپ سالاسىن دامىتۋ سەنىمى مەن كىرىسىن ارتتىرىپ، اۋقاتتانۋ ىنتاسىن ونان ارى تاسقىنداتتى. بۇدان كەيىن ٴبىز كومەكتەسۋ ـ سۇيەمەلدەۋ سەرپىنىن ۇزدىكسىز ارتتىرىپ، قىستاقتىڭ بال ماركاسىن تۇلعالاپ، تانىمالدىلىعىن جوعارىلاتىپ، اناعۇرلىم كوپ قىستاق تۇرعىندارىنىڭ ومارتاشىلىق ارقىلى كىرىستەرىن ارتتىرۋىنا مۇمكىندىك جاسايمىز“.
