تيانشان تورى - شينجياڭ گازەتىنىڭ ءتىلشىسى جاڭ دۇڭمەي حابارلايدى. ٴبىلىم باسەكەسى، سۋرەت سىزۋ جارىسى، قىزىقتى سپورت جينالىسى، اسەمونەر كورمەسىن ەكسكۋرسيالاۋ ... بىرنەشە كۇننەن بەرى، ٴۇرىمجى قالاسىنداعى ٴبىر ٴبولىم ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى قاراستى اۋماقتاعى تۇرعىندارعا قاراتا تارتىمدى قيمىلدار ۇيىمداستىردى.
”دەنە - تاربيە جارىسىندا نەلەر ٴبىرىنشى، نەلەر ەكىنشى؟“ 5 ـ ايدىڭ 2 ـ كۇنى قىزىقتى سپورت جينالىسى باستالۋدان بۇرىن، ٴۇرىمجى قالالىق ساياسي كەڭەستىڭ تيانشان رايونى يان - ىرۋو ٴمالىسى يان ـ ىرۋو سولتۇستىك جولى شىعىس الەۋمەتتىك اۋماعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى چي يشۇي قيمىلعا قاتىناسقان بالالارعا سۇراۋ قويدى. ”دوستىق ٴبىرىنشى، جارىس ەكىنشى“،-دەپ بالالار تەگىس شۋ ەتە ءتۇستى. ”دۇرىس ايتاسىڭدار، بالالار، دوستىق ٴبىرىنشى، ۇلتتار ىنتىماعى ٴبىرىنشى، كوپشىلىك اناردىڭ دانىندەي تىعىز ۇيىسۋى كەرەك“، - دەدى چي يشۇي.
ٴۇرىمجى قالالىق ساياسي كەڭەستىڭ تيانشان رايونى يان - ىرۋو ٴمالىسى يان ـ ىرۋو سولتۇستىك جولى شىعىس الەۋمەتتىك اۋماعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى چي يشۇي بالالارعا سيلىق تاراتۋدا. سۋرەتتى لي يۋانچاۋ تۇسىرگەن
ٴۇرىمجى قالاسى تيانشان رايونى يان - ىرۋو ٴمالىسى يان ـ ىرۋو سولتۇستىك جولى شىعىس الەۋمەتتىك اۋماعى − كوپ ۇلت توعىسا ارالاس قونىستانعان الەۋمەتتىك اۋماق، ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى قاراستى اۋماقتىڭ ەرەكشەلىگىمەن ۇشتاستىرىپ، قىزمەت وتەۋ تاسىلىندە ۇزدىكسىز جاڭالىق اشىپ، قيمىل مازمۇنىن كەڭەيتتى.
ەندى عانا وتكەن ”1 ـ مامىر“ شاعىن دەمالىسىندا ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى ”ۇلتتار ىنتىماعى ارقىلى جاستىق ورالدى جالىنداتايىق، بالا جۇرەك پارتياعا ىنتىعىپ، بولاشاققا تالپىنادى“ جەلىلەس تاقىرىپتىق قيمىلدارىن ۇيىمداستىردى، قىزىقتى سپورت جارىسى وسى جەلىلەس قيمىلداردىڭ ٴبىرى.
سول كۇنى، 11 جاستاعى لينا ٴومىرتاي مەن باسقا كىشكەنتاي سەرىكتەرى قيمىل الاڭىنا ەرتە كەلدى، ول ٴبىلىم باسەكەسى، سۋرەت سالۋ جارىسى، قىزىقتى سپورت قيمىلدارىنا قاتىناسۋعا كەلگەن، سونداي ـ اق قيمىل بارىسىنداعى قورشاعان ورتانى قورعاۋ بىلىمدەرى جونىندەگى ۇگىت ـ لەكسيا، ۇلتتار ىنتىماعى بىلىمدەرىنەن سۇراۋ ـ جاۋاپ سياقتىلارعا قاتىناسادى.
ناق مايدان دۋمانعا بولەندى، بارلىق جەردەن بالالاردىڭ شاتتىق كۇلكىسى ەستى.”ٴار ۇلت بالالارى كىشكەنتايىنان بىرگە ويناپ، بىرگە ەسەيىپ ـ ەرجەتىپ، بەينە اعا ـ ٴىنى، اپەكە ـ سىڭلىلەر سياقتى ٴوزارا كومەكتەسۋى كەرەك ،- دەدى لينا ٴومىرتاي.
5 ـ ايدىڭ 5 ـ كۇنى − 15 ـ رەتكى دۇنيە جۇزىلىك قول تازالىعى كۇنى، بۇل كۇنى ءتىپتى دە كوپ ادامدى قول تازالىعىن بىلۋگە، اۋرۋدىڭ الدىن الۋ جانە ٴوز دەنساۋلىعىن قورعاۋ قابىلەتىن جوعارىلاتۋعا ءۇندەۋ ءۇشىن، ٴۇرىمجى قالالىق دەنساۋلىق ساقتاۋ، سالاماتتىق كوميتەتىنىڭ تيانشان رايونى نانۋان كوشەسى ٴمالىسى جۇڭحۋان جولى وڭتۇستىك الەۋمەتتىك اۋماعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى تيانشان رايونى حۋاڭچاۋ شاعىن اۋماعىندا ”ارەكەتتى بىرگە جەدەلدەتىپ، ءومىردى قۇتقارۋ − قوس قولدىڭ تازالىعى“ اتىنداعى دۇنيە جۇزىلىك قول تازالىعى كۇنى قيمىلىن ورىستەتتى.
قاراستى اۋماقتا قيمىل ۇيىمداستىرۋدان سىرت، ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ مۇشەلەرى قاراستى اۋماقتاعى تۇرعىندارمەن، الەۋمەتتىك اۋماق قىزمەتكەرلەرىمەن بىرگە شينجياڭ كوركەمونەر شۋەيۋانىنىڭ ”جاستىق كوكتەم“ اسەمونەر كورمەسىن ەكسكۋرسيالادى.
”قىزمەت اترەتى مەن الەۋمەتتىك اۋماق بىزگە سان الۋان قيمىل ۇيىمداستىرىپ، تۇرمىسىمىزدى تۇلەجىتتى، كورشىلەر اراسىنداعى سۇيىسپەنشىلىكتى دە ارتتىردى، بۇدان كەيىن وسىنداي قيمىلداردى كوبىرەك ۇيىمداستىرىپ، تۇرمىسىمىزدىڭ بارعان سايىن ٴماندى دە ٴساندى وتۋىنە مۇمىكىندىك تۋدىرۋىن ٴۇمىت ەتەمىن“،- دەدى سول جەردىڭ تۇرعىنى ٴمارامنيسا ٴادىل.
