اۋىل - قىستاقتىڭ مادەنيەت تۇرمىسىن بايىتىپ، كىتاپ وقىپ، ۇيرەنەتىن تاماشا ورتا جاراتىپ، شارۋالار كىتاپ ءۇيىنىڭ رولىن ساۋلەلەندىرۋ ماقساتىمەن، جۋىقتا ساۋان قالالىق اۋىل شارۋاشىلىق، اۋىل - قىستاق مەكەمەسىنىڭ سىداۋحىزى قالاشىعى چاڭشىڭ شىعىس قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى حالىقارالىق كىتاپ وقۋ كۇنى بايلانىسىمەن، شارۋالار كىتاپ ۇيىندە كىتاپ وقىپ، گازەت كورۋ قيمىلىن بەلسەنە ۇيىمداستىرىپ ورىستەتتى.
قيمىل بارىسىندا، كوپشىلىك وزدەرى ۇناتاتىن كىتاپتاردى تاڭداپ وقىپ، كىتاپ وقۋ اسەرلەرىن ورتاقتاستى. وسى ارادا كوپشىلىك كىتاپ وقىپ ءبىلىم الۋمەن قاتار، قيمىلعا قاتىناسقان ءاربىر قىستاق تۇرعىنى كىتاپ وقۋعا ىنتىعىپ، كىتاپ وقۋدى ۇناتىپ، كىتاپ وقۋدى مەڭگەرىپ، كىتاپ وقۋ ارقىلى ءومىردىڭ قۋانىشىن سەزىندى.
شارۋالار كىتاپ ءۇيى نەگىزگى ساتى مادەنيەتىنىڭ ماڭىزدى دانەكەرى، سىداۋحىزى قالاشىعى شارۋالار كىتاپ ءۇيىن قۇرۋ جانە باسقارۋدى جاپپاي كۇشەيتىپ، شارۋالار كىتاپ ءۇيىنىڭ دەڭگەيىن ءوسىرىپ، دارەجەسىن جوعارىلاتىپ، جۇرتشىلىقتىڭ رۋحاني مادەنيەت قۇرىلىسىن كۇشەيتىپ، شارۋالار كىتاپ ءۇيىن شارۋالاردىڭ وركەنيەتتى ۇيرەنىپ، ونەرىن ۇشتايتىن، قابىلەتىن وسىرەتىن ”ماي قۇيۋ پۋنكتى“، اۋىل - قىستاقتى گۇلدەندىرۋدىڭ ”قوزعاۋشى كۇشى“ ەتىپ قۇرىپ شىعۋعا كۇش سالدى.
چاڭشىڭ شىعىس قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، ءبىرىنشى شۋجي لين جى بىلاي دەدى: ”وسى رەت حالىقارالىق كىتاپ وقۋ كۇنى قيمىلىن ورىستەتۋ ارقىلى، ءتىپتى دە كوپ شارۋا بۇقاراسىن كىتاپ وقۋ قىزعىندىلىعىن ارتتىرۋعا جەتەلەپ، كىتاپ وقۋعا ىنتالى ورتانى جاراتىپ، چاڭشىڭ شىعىس قىستاعىنداعى جۇرتشىلىقتىڭ كىتاپ وقۋدى ۇناتاتىن تۇرمىس كۇيى مەن رۋحاني بەت - بەينەسىن ايگىلەدىك، سونىمەن قاتار، كىتاپ ءۇيى شارۋالاردىڭ ءبىلىم تولىقتاپ، كوڭىل اشىپ، كىتاپ وقيتىن تاماشا ورنىنا اينالدى“.
ەندىگى قادامدا، سىداۋحىزى قالاشىعى كىتاپ وقۋ ءۇيىن جاڭا ءداۋىر وركەنيەت امالياتى قيمىلىمەن ۇشتاستىرۋدى ۇزدىكسىز ىلگەرىلەتىپ، ”شارۋالار كىتاپ ءۇيى + جاڭا ءداۋىر وركەنيەت امالياتى“ ۇلگىسىن بەلسەنە قاراستىرىپ، كىتاپ وقۋ، ۇگىت - لەكسيا، قابىلەتكە باۋلۋ سياقتى مادەنيەت قيمىلدارىن ۇيىمداستىرىپ، وتكىزىپ، شارۋالار كىتاپ ءۇيىن بۇقارانىڭ ەسىك الدىنداعى ناعىز مادەنيەت ”قامباسىنا“ اينالدىرادى.
