جۋىقتا شينجياڭنىڭ حوتان ايماعى شەريا اۋدانى شەريا قالاشىعى جاربويى قىستاعىنداعى ي - ۋي كيىم - كەشەك فابريكاسىندا 20 نەشە جۇمىسشى سەح ماشيناسىنىڭ الدىندا كيىم - كەشەك تىگۋمەن قاربالاس بولىپ، ٴبىر توپ ماتەريالداردى ءپىشۋ، سىزىق سىزۋ، جيەكتەۋ جۇمىستارى ءجۇرىپ جاتتى... جۇمىسشىلار ٴتۇرلى جۇمىس ٴتارتىبىن شەبەرلىكپەن ورىنداپ، تۇتاس جۇمىس بارىسى ءتارتىپتى جۇرگىزىلىپ جاتتى.
2019 ـ جىلى مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگىنىڭ جاربويى قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ كومەگىندە، قىستاق تۇرعىندار كوميتەتىنىڭ ماڭىنان كيىم ـ كەشەك مانەرلەۋ ”شاعىن زاۆودى“ قۇرىلىپ، نەگىزىنەن ٴتۇرلى قىزمەت كيىمى، اتويشىلار كيىمى سياقتىلاردى ٴوندىرىپ، توڭىرەكتەگى 34 ايەلدى جۇمىستاندىردى. ”ۇيدەن بۇل اراعا ەلەكترسيكلمەن 5 مينۋتتا جەتەمىن، تابانداپ ىستەسەم ايىنا 4000 يۋان تابامىن، ەڭ ماڭىزدىسى وتباسىما دا قارايلاسا الامىن“، - دەدى جاربويى قىستاعىنىڭ تۇرعىنى تۇنيساگۇل نياز.
سوڭعى جىلدارى شەريا اۋدانى بۇقارانىڭ جۇمىستانۋداعى مۇڭ - مۇقتاجىن شەشۋ ٴۇشىن، ٴىس جۇزىندىك جاعدايمەن ۇشتاستىرىپ، كاسىپورىنداردى ەنگىزىپ ”شاعىن زاۆود“ اشىپ، جۇمىس ورنىمەن قامداپ، بۇقارانى جاقىن ماڭنان جۇمىستانۋعا سۇيەمەلدەپ، بۇقارانىڭ اۋقاتتانۋىنا، كىرىسىن ارتتىرۋىنا دەم بەردى. (شەريا اۋداندىق توعىسپالى مەديا ورتالىعىنىڭ ەرىكتى ٴتىلشىسى گو شينۋي)
