تيانشان تورى - شينجياڭ گازەتىنىڭ حابارى (ٴتىلشى جيا چۇنشيا، ەرىكتى ٴتىلشى ۋاڭ فاڭجي حابارلايدى) ”كۇن سۋىتتى، سىرتقا شىعىپ ٴدارى ساتىپ الۋعا ءجۇرىس - تۇرىسىم قولايسىز، مىنا ٴدارى سومكەسى ٴدال ۋاعىندا بەرىلدى، سەندەرگە راقىمەت“، - دەدى 1 ـ ايدىڭ 7 ـ كۇنى ساۋان قالاسى سانداۋحىزى قالاشىعى كونە ساۋان جولى الەۋمەتتىك اۋماعىندا، 67 جاستاعى ساجيدا توحتى ”مەيىر ٴدارى سومكەسىن“ تارتۋ ەتۋگە كەلگەن قىزمەتكەرلەرگە.
1 - ايدىڭ 7 - كۇنى ساۋان قالالىق قوعام حاۋىپسىزدىگى مەكەمەسىنىڭ، دەنساۋلىق ساقتاۋ، سالاماتتىق كوميتەتىنىڭ، قاتىناس - تاسىمال مەكەمەسىنىڭ سانداۋحىزى قالاشىعى كونە ساۋان جولى الەۋمەتتىك اۋماعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى مەن الەۋمەتتىك اۋماق ”ەكى كوميتەتىنىڭ“ قىزمەتكەرلەرى تۇرعىن ساجيدا توحتىعا ”مەيىر ٴدارى سومكەسىن“ بەرىپ، ىندەتتەن ساقتانۋ بىلىمدەرىن ۇگىتتەدى، جالپىلاستىردى. سۋرەتتى ۋاڭ فاڭجي تۇسىرگەن
ۇعىسۋعا قاراعاندا، وسى رەت ساۋان قالاسى بۇكىل قالاداعى 65 جاستان (65 جاستى قامتيدى) جوعارى نەگىزدىك اۋرۋى بار ٴتۇيىندى قارتتار قاۋىمىنا 8000 دانا ”مەيىر ٴدارى سومكەسىن“ تاراتقان، قازىرگە دەيىن 6000 داناسى تاراتىلىپ بولعان. ٴدارى سومكەسىندە برۋفەن باياۋ قونىمدى كاپسۋلاسى، جەل تيۋدەن بولعان تۇماۋعا قولدانىلاتىن تۇيىرشىك ءدارى، جوتەلدى تيۋ تابلەتكاسى، مەديتسينادا قولدانىلاتىن ماسكى جانە مەديتسينادا قولدانىلاتىن 84 زارارسىزداندىرۋ بۇيىمى سياقتىلار بار، ٴاربىر ٴدارى سومكەنىڭ قۇنى 100 يۋان اينالاسىندا ەكەن.
تۇرعىندارعا تاراتىلعان ”مەيىر ٴدارى سومكەسى“. سۋرەتتى ۋاڭ فاڭجي تۇسىرگەن
ساۋان قالالىق دەنساۋلىق ساقتاۋ، سالاماتتىق كوميتەتى پارتيا باسشىلىق گرۋپپاسىنىڭ ورىنباسار شۋجيى، مەڭگەرۋشى جياڭ تاۋ بىلاي دەپ تانىستىردى: بۇل ٴدارى - دارمەكتەردى ساۋان قالاسىنداعى ەمدەۋ قۇرىلىمدارى جىلۋعا اتادى. ٴدارى - دارمەكتەردى تاپسىرىپ العاننان كەيىن، قالالىق ىندەتتەن ساقتانۋ - تىزگىندەۋ قولباسشىلىق شتابىنىڭ، قالالىق قىزىل كرەست قوعامىنىڭ جانە قالالىق شيپاحانانىڭ قىزمەتكەرلەرى ٴدارى - دارمەك پەن ىندەتتەن ساقتانۋ بۇيىمدارىن دەرەۋ سومكەگە ٴبولىپ سالىپ، ”مەيىر ٴدارى سومكەسى“ بەلگىسىن جاپسىرىپ، ٴارقايسى اۋىل - قالاشىقتارعا الدىڭعى مەرزىمدەگى اداقتاپ تەكسەرۋ جاعدايىنا ساي تەگىن تاراتۋدى دەر كەزىندە ۇقتىردى.
1 - ايدىڭ 7 - كۇنى ساۋان قالالىق قوعام حاۋىپسىزدىگى مەكەمەسىنىڭ، دەنساۋلىق ساقتاۋ، سالاماتتىق كوميتەتىنىڭ، قاتىناس - تاسىمال مەكەمەسىنىڭ سانداۋحىزى قالاشىعى كونە ساۋان جولى الەۋمەتتىك اۋماعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى مەن الەۋمەتتىك اۋماق ”ەكى كوميتەتى“ حالىققا قولايلى ەرىكتى قىزمەت وتەۋ اترەتىن قۇرىپ، وتباسىلارىن ارالاپ ”مەيىر ٴدارى سومكەسىن“ تاراتىپ، قارتتارعا ٴدارى - دارمەكتەردى پايدالانۋ ٴادىسىن جانە كوڭىل بولۋگە ٴتيىستى ىستەردى سابىرلىلىقپەن، ەگجەي - تەگجەيلى ٴتۇسىندىرىپ، ىندەتتەن ساقتانۋ - تىزگىندەۋ بىلىمدەرىن ۇگىتتەپ، كوپشىلىككە وزىندىك قورعانۋدى ويداعىداي ىستەۋدى تاپسىردى.
”كەلەسى قادامدا ساۋان قالاسى 2 ـ توپتاعى 2000 دانا مەيىر ٴدارى سومكەسىن تاراتۋدى تەز ارادا ورىنداپ، قارتتار ەرەكشە قاۋىمىنىڭ ٴدارى پايدالانۋ قاجەتى مەن ىندەتتەن ساقتانۋ جاعدايىنا ۇزدىكسىز كوڭىل ٴبولىپ، قامقورلىق جاساپ، بۇقارانىڭ سالاماتتىعىن بار كۇشپەن قورعايدى“، ـ جياڭ تاۋ.
