10 - ايدىڭ 15 - كۇنى قاراقاباق اۋىلى اراسان قىستاعىندا قىزمەت اترەتىنىڭ مۇشەلەرى بۇقارانىڭ جەم - ءشوپ تاسۋىنا كومەكتەستى. سۋرەتتى چىن شيا تۇسىرگەن
انار بۇلت \ شينجياڭ گازەتىنىڭ حابارى (ءتىلشى حان لياڭ، ەرىكتى ءتىلشى چىن شيا حابارلايدى) 10 - ايدىڭ 17 - كۇنى، شاۋەشەك قالاسى قاراقاباق اۋىلى اراسان قىستاعىنىڭ تۇرعىنى تۇنىق ورازانباي وتباسىنداعىلارمەن بىرگە مال - تۇلىكتەرىنىڭ قىستان شىعۋى ءۇشىن جەم - ءشوپ جينادى. ”كۇزگى جيىن - تەرىننىڭ قاربالاس كەزىنە تۋرا كەلىپ تۇرمىز، قىزمەت اترەتى مەن قىستاق كادرلارىنىڭ جەم - ءشوپ تاسۋىمىزعا كومەكتەسۋىنىڭ ارقاسىندا قازىرگە دەيىن 5000 كيلوگرامنان ارتىق جەم - ءشوپ جيدىق، ءبىزدىڭ ءۇيدىڭ مال - تۇلىكتەرىنىڭ قىستان شىعۋىنا ەركىن جەتەدى“،- دەدى تۇنىق ورازانباي.
بۇقارانىڭ جەم - ءشوپ قورى جەتىسپەۋ سياقتى قيىنشىلىقتاردى شەشۋ ءۇشىن شاۋەشەك قالالىق بازاردى باقىلاۋ - باسقارۋ مەكەمەسى، قالالىق وداق كوميتەتىنىڭ قاراقاباق اۋىلى اراسان قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى مەن قىستاق ”ەكى كوميتەتى“ كوپ تاراپتارمەن حابارلاسىپ، قاراستى رايونداعى بۇقاراعا جەم - ءشوپتى ورۋ، تايلاۋ جانە تاسۋ ماشينالارىن بەلسەنە سايكەستىرىپ، قىسقى جەم - ءشوپتى جەتەرلىك قامدادى.
10 - ايدىڭ 15 - كۇنى قاراقاباق اۋىلى اراسان قىستاعىندا قىزمەت اترەتىنىڭ مۇشەلەرى بۇقارانىڭ جەم - ءشوپ تاسۋىنا كومەكتەستى. سۋرەتتى چىن شيا تۇسىرگەن
سول كۇنى، شاۋەشەك قالالىق حالىق سوتى مەكەمەسىنىڭ بوزداق قالاشىعى حۋاڭگۇڭ الەۋمەتتىك اۋماعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى جەم - ءشوپتى حۋاڭگۇڭ الەۋمەتتىك اۋماعىنداعى باعىمشى وتباسى حۋ يۇننىڭ ۇيىنە جەتكىزدى. ”نەشە كۇننىڭ الدىندا جەم - ءشوپ تاسيتىن كولىك جوق، باسىم قاتىپ وتىرعان ەدىم، بۇگىن قىزمەت اترەتى ۇيىمە دەيىن جەتكىزىپ بەردى، ءدال كەزىندە بولدى“،- دەپ حۋ يۇن باس بارماعىن شوشايتتى.
شاۋەشەك قالالىق مال شارۋاشىلىعى، مال شيپاگەرلىگى مەكەمەسى پارتيا باسشىلىق گرۋپپاسىنىڭ شۋجيى، ورىنباسار مەكەمە باستىعى كاڭ حۇي بىلاي دەدى: ”مال - تۇلىكتەرىنىڭ قىستان امان شىعۋى ءۇشىن الدىن - الا جوسپار جاساپ، ۇگىت تەبىنىن ارتتىرىپ، ءارقايسى اۋىل، قالاشىق، قىستاق، اترەتتەردىڭ ەگىنشى - مالشىلارعا كومەكتەسىپ جەم - ءشوپ جيناۋىن قۋزاستىردىق، قازىرگە دەيىن تۇتاس قالا بويىنشا 210 مىڭ توننادان استام جەم - ءشوپ جينالىپ ۇلگىردى“.
