قاھارمان ىزگى ىستەردى قايتا پىسىقتاپ، قىزىل گەندى جالعاستىردى − امەريكا جيھانگەرلەرىنە قارسى تۇرىپ، چاۋشيانعا كومەك بەرگەن ساقا جاۋىنگەرگە تىلەكتەرىن ارنادى

日期:2022年08月04日
来源:新疆日报
【字体:

  تيانشان تورى - شينجياڭ گازەتىنىڭ حابارى (ءتىلشى ۋاڭ شينحۇڭ حابارلايدى) ”اتا، بۇگىن ءسىزدىڭ تۋىلعان كۇنىڭىز، دەنىڭىز ساۋ، ۇزاق عۇمىر جاساۋىڭىزدى شىن جۇرەكتەن تىلەيمىن!“ 7 - ايدىڭ 31 - كۇنى تۇستەن بۇرىن، ءۇرىمجى ەكونوميكالىق، تەحنيكالىق اشۋ رايونى (توۋتۇنحى رايونى) سۇڭشان كوشەسى ءمالىسى شيحۋ الەۋمەتتىك اۋماعىنىڭ شۋجيى جاڭ سايمەي، ءۇرىمجى ەكونوميكالىق، تەحنيكالىق اشۋ رايونى قۇرىلىسقا قارجى قوسۋ، اشۋ (توبى) شەكتى سەرىكتەستىگىنىڭ شيحۋ الەۋمەتتىك اۋماعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى ۋاڭ جۇنچىڭ الەۋمەتتىك اۋماق كادرلارى مەن قاراستى رايونداعى 3 وقۋشىنى باستاپ، امەريكا جيھانگەرلەرىنە قارسى تۇرىپ، چاۋشيانعا كومەك بەرگەن ساقا جاۋىنگەر پان جىجۇننىڭ وتباسىنا اسا قۇرمەتپەن كەلىپ، تۋىلعان كۇنىنە تىلەك تىلەدى ءارى ”1 - تامىز“ ارميا مەرەكەسى بايلانىسىمەن حال سۇرادى.

  بيىل 90 جاسقا كەلگەن پان جىجۇن سانشي ولكەسى چيڭشۇي اۋدانىنىڭ ادامى، 1947 - جىلى ارمياعا قاتىناسقان. 1951 - جىلى قوسىنعا ىلەسە چاۋشيانعا بارىپ شايقاس جۇرگىزدى. داڭقپەن 2 رەت ءبىرىنشى دارەجەلى ەڭبەك، 3 رەت ەكىنشى دارەجەلى ەڭبەك ءسىڭىردى. كاريا الەۋمەتتىك اۋماق كادرلارىنىڭ امانداسا كەلگەنىن كورىپ، تەبىرەنىپ بىلاي دەدى: ”بۇگىن مەنىڭ تۋىلعان كۇنىم، كەلگەندەرىڭە ايرىقشا قۋاندىم“.

  7 - ايدىڭ 31 - كۇنى، ءۇرىمجى ەكونوميكالىق، تەحنيكالىق اشۋ رايونى (توۋتۇنحى رايونى) سۇڭشان كوشەسى ءمالىسى شيحۋ الەۋمەتتىك اۋماعىنىڭ كادرلارى، ءۇرىمجى ەكونوميكالىق، تەحنيكالىق اشۋ رايونى قۇرىلىسقا قارجى قوسۋ، اشۋ (توبى) شەكتى سەرىكتەستىگىنىڭ شيحۋ الەۋمەتتىك اۋماعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ كادرلارى جانە قاراستى رايونداعى 3 وقۋشى بىرگە پان جىجۇن كاريانىڭ تۋىلعان كۇنىن قۇتتىقتادى. سۋرەتتى تيانشان تورى - شينجياڭ گازەتىنىڭ ءتىلشىسى ۋاڭ شينحۇڭ تۇسىرگەن

  الەۋمەتتىك اۋماق كادرلارىمەن بىرگە كارياعا امانداسىپ، حال سۇراي كەلگەن بيڭتۋان 11 - شىسى 2 - ورتا مەكتەپ 6 - جىلدىق (4) - كلاسىنىڭ وقۋشىلارى جاڭ شۋجيە مەن جاڭ يۇيكۇن قاريانىڭ قاسىنا وتىرىپ، قاريانىڭ بۇرىنعى قاھارماندىق ىزگى ىستەرىن ىجداعاتپەن تىڭدادى.

  پان جىجۇن قاريانىڭ قاھارماندىق ىزگى ىستەرىن ەستىگەننەن كەيىن، الەۋمەتتىك اۋماق كادرلارى مەن وقۋشىلار قاريانىڭ سوعىس داۋىرىندە قان توگۋدەن، قۇربان بەرۋدەن قورىقپايتىن ەرلىك جىگەرى رۋحىنا قۇرمەت ءبىلدىردى، ولار بىرگە قاريانىڭ ءۇيىن تازالاپ بەرىپ، قاريانىڭ دەنىنىڭ ساۋ، قارتتىق شاعىنىڭ باقىتتى بولۋىن تىلەدى.

  رۋحى سەرگەك پان جىجۇن كاريا ەكپىندى داۋىسپەن: ”مەن حاباردان باس شۋجي شي جينپيڭنىڭ شينجياڭعا كەلىپ، كوزدەن كەشىرگەن حابارىن كورىپ، جىگەرىم قاۋلادى. ءبىز ىنتىماقتاسىپ، ءبىر نيەتپەن پارتياعا ىلەسكەندە عانا، شينجياڭنىڭ ەرتەڭى ءسوزسىز اناعۇرلىم تاماشا بولاتىنىنا سەنەمىن“، - دەدى.