تيانشان تورى \ شينجياڭ گازەتىنىڭ حابارى (ءتىلشى يۇي جياڭيان، پراكتيكانت سا رىنحۋا، ەرىكتى ءتىلشى جۋ جيانرۇڭ حابارلايدى) 6 - ايدىڭ 22 - كۇنى، قىزىل بۇرىش تانابىندا ارام ءشوپ وتاپ جۇرگەن زۇليا مامەت: قىزىل بۇرىش مايسالارى ءوسىپ تىزەڭىزگە كەلەتىن بولدى، ىلگەرىندى - كەيىندى قىزىل بۇرىش كوگەرىپ ءوسىپ شىعا باستادى، ءبىر قاراعاندا - اق ءوسىمى جاقسى ەكەنىن بىلۋگە بولادى،-دەدى قۋانىشىن جاسىرا الماي.
زۇليا جاڭاءشار اۋدانى حانارىق قالاشىعى بوياقشاعىل قىستاعىنىڭ تۇرعىنى. قازىر ونىڭ اۋلاسىنداعى پيگمەت قىزىل بۇرىشتارى 7 دە 8 سانتيمەترگە دەيىن كوكتەدى، بۇل ءتۇيىن سالۋدىڭ ماڭىزدى كەزەڭى سانالادى. قىزىل بۇرىشقا قاجەتتى تىڭايتقىش پەن سۋدى جەتكىلىكتى قامتاماسىز ەتۋ ءۇشىن، زۇليا مەن وتباسىنداعىلار قىزىل بۇرىش اتىزىنىڭ ارام شوپتەرىن وتاۋمەن قاربالاستادى.
بيىل 4 - ايدا، بوياقشاعىل قىستاعىنىڭ تۇرعىندارى پيگمەنت قىزىل بۇرىش ەگۋگە كىرىستى. سۋرەتتى ەرىكتى ءتىلشى جىڭ چيڭتاۋ تۇسىرگەن
2019 - جىلى، جۇڭگو مۇنايى ءۇرىمجى مۇناي حيميا سەرىكتەستىگىنىڭ جاڭاءشار اۋدانى حانارىق قالاشىعى بوياقشاعىل قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى تەكسەرىپ - زەرتتەۋ ارقىلى، پيگمەنت قىزىل بۇرىش ەنگىزىپ ەگىپ، قىستاق تۇرعىندارىنىڭ كىرىسىن ارتتىرۋدى جەبەۋدى ۇيعارادى.
”بازاردىڭ پيگمەنت قىزىل بۇرىشتى قاجەتسىنۋ مولشەرى زور، ەگىمشىلىك تالابى دا قىستاق اتىزىنىڭ جاعدايىنا ۇيلەسەدى، ءبىز كوپ جاقتىلى تەكسەرىپ - زەرتتەۋدەن كەيىن قىستاق تۇرعىندارىن پيگمەنت قىزىل بۇرىش ەگۋگە جەتەكتەۋدى ۇيعاردىق“ ،- دەدى”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ الدىڭعى كەزەكتى باستىعى، 1 - شۋجي ماۋ حۇڭجۇن.
قىستاق تۇرعىندارىن الاڭسىز ەتۋ ءۇشىن، قىزمەت اترەتى قىستاق تۇرعىندارىنا جەتەكشىلىك ەتۋگە تەحنيك مامانداردى ۇسىنىس ەتىپ، قىستاق تۇرعىندارىنىڭ ساتىپ الۋ تاپسىرىسىن الدىن الا جاساپ قويۋعا قول ۇشىن بەردى.
زۇليا وسى ورايدى قولدان بەمەي، باس بولىپ پيگمەنت قىزىل بۇرىش ەكتى. بىلتىر 5 مۋ جەرگە ەككەن پيگمەنت قىزىل بۇرىشىنان جالپى 25 مىڭ يۋان كىرىس كىرگىزگەن ول قىستاقتاعى ەگىمشىلىك شولپانى اتاندى. ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ قازىرگى باستىعى، 1 - شۋجي قايسار تۇرعىن بىلاي دەدى: ”تابىس قامتاماسىز ەتىلگەنىن كورگەن قىستاق تۇرعىندارى بيىل جابال ات سالىسىپ، ەگىمشىلىككە بەلسەندىلىك تانىتتى. قازىر پيگمەنت قىزىل بۇرىش شارۋاشىلىعى قىستاقتاعى باستاماشى كاسىپ سالالارىنىڭ بىرىنە اينالدى.
پيگمەنت قىزىل بۇرىشتان مول ءونىم الىندى، جۇزىنەن قۋانىش لەبى ەسكەن بوياقشاعىل قىستاعىنىڭ تۇرعىنى ءوزى ەككەن بۇرىشتاردى كورسەتۋدە. سۋرەتتى ەرىكتى ءتىلشى جۋ جيانرۇڭ تۇسىرگەن
قىزمەت اترەتىنىڭ جەتەكشىلىگىندە، بوياقشاعىل قىستاعى ”كاسىپورىن + بازا + شارۋا وتباسى“ كاسىپ سالالاندىرىپ جۇمىس جۇرگىزۋ فورماسىن ارقاۋ ەتىپ، ”تاپسىرىسقا قاراي“ ەگىمشىلىكپەن شۇعىلدانۋدى كۇش سالا دامىتتى، بيىل پيگمەنت قىزىل بۇرىش ءوسىرۋ اۋماعىن 600 مۋعا جەتكىزدى.
قىستاق تۇرعىنى مامەتالي ميجيت بيىل 2.7 مۋ جەرگە پيگمەنت قىزىل بۇرىش ەكتى، مامەتالي بىلاي دەدى: ”قىزمەت اترەتى مەن قىستاق كادرلارى ۇنەمى كەلىپ كومەكتەسىپ تۇرادى، بىزبەن بىرگە جەر جىرتىپ، تىڭايتقىش سەبەدى. بىلمەيتىنىمىزدى، قولىمىزدان كەلمەگەن ىستەردى بايىپتىلىقپەن جەتەكشىلىك ەتىپ ءتۇسىندىرىپ وتىرادى“.
بوياقشاعىل قىستاعىنىڭ ەگىمشىلىك كومەسكى قۋاتىن اناعۇرلىم ارتتىرۋ ماقساتىمەن، كەزەكتە، قىستاق 4 ءىرى ەگىمشىلىك بازاسىن قۇرۋدى جوسپارلاپ وتىر، ياعني ”ءتورت 600 مۋلىق “ ەگىمشىلىكتى دامىتۋ جوسپارى: الدىڭعى جارتى جىلدا 600 مۋ جەرگە پيگمەنت قىزىل بۇرىش، 600 مۋ جەرگە قوس جارعاقتى قاربىز ەگىپ، سوڭعى جارتى جىلدا 600 مۋ جەرگە قوناق، 600 مۋ جەرگە بايسايدى قايتالاي ەگىپ، قىستاق تۇرعىندارىنىڭ كىرىسىن ارتتىرۋدى كوپ ساتىلى، كوپ جاقتى ىلگەرىلەتۋگە كەپىلدىك ەتتى.
قايسار بىلاي دەدى: 3 جىلدا، ەكى كەزەكتى قىزمەت اترەتىنىڭ قۇلشىنىسىنىڭ ارقاسىندا، يوياقشاعىل قىستاعىنىڭ تۇرعىندارى كىرىس ارتتىرۋدىڭ تىڭ جولىن اشتى.
