ينتەرنەت ارقىلى ساتىپ الۋ داۋىرىندە اۋىل شارۋاشىلىق ەرەكشە ونىمدەرى قازىرگى تۇتىنۋشىلاردىڭ قىزۋ قارسى الۋىنا يە بولدى. قۇلجا قالالىق ۇكىمەت كەڭسەسىنىڭ كەپەكيۇز اۋىلى اراءمالى قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى ٴداۋىر اعىمىنا ىلەسىپ، قىزمەت اترەتىنىڭ مۇشەلەرى جۇرگىزۋشىگە اينالىپ، اۋىل ـ قىستاق ەلەكتروندى ساۋدا تۇعىرىنان پايدالانىپ، تىكە تاراتۋ ارقىلى زات ساتىپ، اۋىل شارۋاشىلىق ەرەكشە ونىمدەرىن ساتۋدىڭ جاڭا ۇلگىسىن بەلسەنە قاراستىردى.
قازىر كەپەكيۇز اۋىلى اراءمالى قىستاعىنداعى جۇنزىلان جەتىلدىرۋ بازاسىنداعى 30 مىڭ تۇپتەن استام جۇنزىلان گۇل اشۋ مەزگىلىنە ءوتتى. قىزمەت اترەتى تىكە تاراتۋ بولمەسىن گۇل ءوسىرۋ قالتقىسىنا كوشىرىپ اكەلىپ، ينتەرنەت تۇعىرى ارقىلى ديقانداردىڭ جۇنزىلان گۇلىن تىكە تاراتۋ ارقىلى ساتۋىنا مىندەتتى تۇردە كومەكتەستى.
”تىكە تاراتۋ بولمەسىنە كىرگەن جانكۇيەرلەردى قارسى الامىز، كوپشىلىك ارتىمداعى جۇنزىلاندى كورىڭىزدەر، قازىر ٴدال گۇل اشۋ مەزگىلى، ٴاربىر گۇل ەرەكشە قۇلپىرا اشىلىپ، جاپىراقتارى دا توتەنشە جاسىل، ونىڭ ۇستىنە جۇنزىلاندى ٴوسىرۋ وڭاي…“. قۇلجا قالالىق ۇكىمەت كەڭسەسىنىڭ اراءمالى قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ مۇشەسى مان جيڭجيڭ گۇل قالتقىسىندا تىكە تاراتۋ ارقىلى گۇل ساتۋدا. ونىڭ جانىنداعى تاعى ٴبىر جىلىجاي قالتقىسىندا جۇمىسشىلار الارماندارعا گۇلدەردى قوراپتاپ سالۋمەن قاربالاستاۋدا.
كەپەكيۇز اۋىلى اراءمالى قىستاعىنداعى جۇنزىلان جەتىلدىرۋ بازاسى 2019 ـ جىلى مەملەكەتتىڭ 3 ميلليون 500 مىڭ يۋان كەدەيلەردى سۇيەمەلدەۋ قارجىسىنان يگىلىكتەنىپ سالىنعان جوعارى ولشەمدى قۇرىلعىلى اۋىل شارۋاشىلىق نىسانى، يەلەگەن جەر اۋماعى 12 مۋ. بازا قۇرىلعاننان كەيىن، ورتالىقتىڭ كەدەيلەردى سۇيەمەلدەۋ ارناۋلى قارجىسىنان يگىلىكتەنىپ، يۇنناننان 30 مىڭ تۇپتەن استام سورتتى مايسا ساتىپ الىپ، ”بازا + ديقان وتباسى + ساتۋ“ سىندى جۇمىس جۇرگىزۋ ۇلگىسىن قولدانىپ، جۇنزىلان مايساسىن كەدەيلىكتەن ارىلتاتىن 147 وتباسىنىڭ جارناسى ەتىپ، ورتا ەسەپپەن ادام باسىنا جىلىنا 500 يۋاننان استام كىرىس كىرگىزۋدى جۇزەگە اسىرىپ، كەدەيلىكتەن ارىلتاتىن وتباسىلارىنىڭ كەدەيلىكتەن ارىلىپ، كىرىسىن ارتتىرۋىنا جەتەكشىلىك ەتتى.
قىستاق تۇرعىنى ما يۇيجىن دا بازادا جارناعا يە بولىپ، ساتۋ پايداسىن الۋدان سىرت، بازادا ۇزاق ۋاقىت جۇمىس ىستەپ، جىل سايىن تۇراقتى كىرىسكە يە بولدى، وسى رەتكى ”الەۋمەتتىك يگىلىك ارقىلى ديقاندارعا كومەكتەسۋ“ قيمىلى ما يۇيجىننىڭ كىرىستى ارتتىرۋ سەنىمىن ٴتىپتى دە كۇشەيتتى.
تىكە تاراتۋ ارقىلى جۇنزىلاندى ساتۋ − جەرگىلىكتى ورىننىڭ ”تىكە تاراتۋ ارقىلى ديقاندارعا كومەكتەسۋ“ قيمىلىن ورىستەتۋىنىڭ ىقشام كورىنىسى. ٴتىپتى دە كوپ ديقانداردىڭ اۋىل شارۋاشىلىق ەرەكشە ونىمدەرىن ساتۋىنا كومەكتەسۋ ٴۇشىن، بيىل جىل باسىندا ”ۇعىسۋ، تيىمدىلىك جاساۋ، توعىستىرۋ“ قيمىلى بويىنشا قىستاقتا تۇراتىن قىزمەت اترەتى ”ەرەكشە ونىمدەر تىكە تاراتۋ بولمەسىن“ قۇرىپ، ىشىنە زات رايونىن، سەزىنۋ رايونىن، كورمە رايونىن، جيىنتىق ٴنومىردى ايىرباستاۋ رايونىن ورنالاستىرىپ، زات سورەسىنە گۇل شايى، استىق ـ ماي، سۇرلەنگەن قازى، تۇيە قۇس جۇمىرتقاسى، لاۆاندا سياقتى اۋىل شارۋاشىلىق قوسىمشا ونىمدەرىن، سونداي ـ اق ەر - تۇرمان، تامىر ويما، تاقيا سياقتى قولونەر بۇيىمدارى ٴتىزىپ قويدى.
قۇلجا قالالىق ۇكىمەت كەڭسەسىنىڭ اراءمالى قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ ورىنباسار باستىعى نۇردۇن يسامدىن بىلاي دەپ تانىستىردى: الداعى جەردە اۋىل ـ قىستاق سەيىل ـ سەرۋەن ساياحاتىن تياناق ەتىپ، جەلىدە جانە جەلىدەن تىس ساتۋ ٴتاسىلى ارقىلى اۋىلىمىزدىڭ ەرەكشە ونىمدەرىن جانە قولونەر بۇيىمدارىن جالپىلاستىرىپ ساتامىز، سونىمەن بىرگە قىستاق تۇرعىندارىنىڭ جاقىن ماڭدا، سول جەردە جۇمىسقا ورنالاسۋىن جەبەپ، قىستاق تۇرعىندارىنىڭ ەڭبەكاقى سيپاتىندىق، تيجارات سيپاتىندىق كىرىسىن ۇزدىكسىز جوعارىلاتىپ، كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەيمىز.
