12 – ايدىڭ 22 – كۇنى ساياحاتشىلار جيدەبۇلاق قىستاعىنداعى كەمپىرقوساق سىرعىمالى جولىندا سىرعاناۋدا. سۋرەتتى انار بۇلت / شينجياڭ گازەتىنىڭ ٴتىلشىسى حان لياڭ تۇسىرگەن
انار بۇلت / شينجياڭ گازەتىنىڭ ٴتىلشىسى ياۋ گاڭ
12 ـ ايدىڭ 22 ـ كۇنى تاڭەرتەڭ ەليجان ۇسەن ازىراق تاڭەرتەڭگى اس ٴىشىپ، ەلەكتروسيكىلمەن قىستاق شەتىندەگى مۇز الاڭىنا توتە بارىپ، مۇز بەتىنىڭ جاعدايىن تەكسەرىپ كوردى. مۇز الاڭىنىڭ جانى بيىل جازدا پايدالانۋعا بەرىلگەن 200 مەتر ۇزىندىقتاعى كەمپىرقوساق سىرعىمالى جولى ەدى.
”قىستا ساياحاتشىلار كەمپىرقوساق سىرعىمالى جولىندا ويناۋدان سىرت، وسى ارادا كونكي تەۋىپ، قارلى الاپ سوعىلىسپالى ماشيناسى مەن قارلى الاپ موتوتسيكلىن وينايدى“. ەليجان بۇراتالا قالاسى ۇتىبۇلاق قالاشىعى جيدەبۇلاق قىستاعىنىڭ تۇرعىنى.
جيدەبۇلاق قىستاعى بۇراتالا قالاسىنان 10 نەشە كيلومەتر قاشىقتىقتا. ”قىستاقتا كوللەكتيۆ جەر كوپ، تەگىس جەرلەردى كوتەرمەگە بەرىپ ماقتا ەگىلگەن، بەتكەيدى ٴبىر مەزەت ەشكىم سۇراستىرمادى“، ـ دەدى بۇراتالا موڭعۇل اۆتونوميالى وبلىستىق ٴتارتىپ تەكسەرۋ، باقىلاۋ - تەكسەرۋ كوميتەتىنىڭ وسى قىستاقتا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، ٴبىرىنشى شۋجي جياڭ ۋىنجيە.
2017 ـ جىلدان باستاپ، ولار قاعىر بەتكەيدەن پايدالانىپ، سىناق رەتىندە شۇعىنىق ەكتى، شۇعىنىقتىڭ ٴارى دارىلىك قۇنى، ٴارى تاماشالاۋ قۇنى بار. بيىل ەگىلگەن جەر اۋدانى 700 مۋعا جەتىپ، گۇل تاماشالاۋ ساياحاتىنا نەگىز قالادى. شۇعىنىق گۇلى اشىلعان كەزدە توڭىرەكتەگى ساياحاتشىلار ەستي سالا ارت ـ ارتىنان كەلدى. ” 5 ـ ايدان قازىرگە دەيىن قىستاق 210 مىڭ ادام ـ رەت ساياحاتشى قابىلدادى“. جياڭ ۋىنجيە بىلاي دەدى: ساياحاتشىلار كەلدى، قىزمەت وتەۋدى ويداعىداي ىستەۋ كەرەك. قىستاق اۋىل ـ قىستاق ساياحات نىساندارىن دامىتۋ قارجىسىنان پايدالانىپ، اعاش شارباق جولىن، كولەڭكەلىك سالدى، 150 ورىندىق اۆتوكولىك توقتاتۋ الاڭى، مادەنيەت كاريدورى، ساياحاتشىلارعا قىزمەت وتەۋ ورتالىعى، الەۋمەتتىك دارەتحانا سياقتى نەگىزدىك قۇرىلعىلاردى قارجى قوسىپ سالدى.
12 – ايدىڭ 22 - كۇنى ساياحاتشىلار جيدەبۇلاق قىستاعىنان وسى قىستاق وندىرگەن ەرەكشە ونىمدەردى ساتىپ الۋدا. سۋرەتتى انار بۇلت / شينجياڭ گازەتىنىڭ ٴتىلشىسى حان لياڭ تۇسىرگەن
”قىستاق ساياحاتى ساياحاتشىلاردى باۋراۋمەن بىرگە، قىستاق تا كورىكتەنە ٴتۇسىپ، قالاداعى شاعىن رايوندارمەن بىردەي بولدى“. قىستاق تۇرعىنى مىڭ گىن قىستاقتا سالىنعان بولشەك ساتۋ شاعىن اعاش ٴۇيدى تەگىن مايعا الىپ، ٴوزى باققان سيىر، قويلارىن ساتتى، قاۋىرت مەزگىلدە ايىنا 4000 يۋاننان استام كىرىس كىرگىزدى.
قىس مەزگىلىندە ساياحاتشىلاردى قالاي باۋراۋعا بولادى؟ قىزمەت اترەتى مەن قىستاق ”ەكى كوميتەتى“ قىستاقتاعى بايۋعا باستاماشىلىق ەتۋشىلەرمەن اقىلداسىپ، قىستاقتاعى بەكەر تۇرعان كولشىكتەن پايدالانىپ مۇز الاڭىن قاتىرىپ، قار ـ مۇز ساياحاتىن دامىتۋدى ۇيعاردى. ەليجان جازدا شۇعىنىق گۇل باقشاسىندا جۇمىس ىستەپ، 4 ايدا 20 مىڭ يۋاننان استام كىرىس كىرگىزگەن بولاتىن. ”قىستاق بيىل بەتكەي جولىندا كەمپىرقوساق سىرعىمالى جولىن سالدى، اپتا سوڭىنداعى ٴبىر كۇندە نەشە مىڭ ادام كەلىپ وينايدى“. اۋىل ـ قىستاق ساياحاتىن دامىتۋدىڭ بولاشاعىنا كوزى جەتكەن ەليجان بىرنەشە رەتكى باسەكە ارقىلى مۇز الاڭىن كوتەرمەگە الىپ شارۋاشىلىق جۇرگىزۋ ۇقىعىن الدى. قارجى جەتىسپەگەندە ول قىستاقتاعى باسقا ەكى ادامدى وزىنە تارتىپ، 3 ادام 200 مىڭ يۋاننان استام قارجى قوسىپ، كونكي شاقايى، قارلى الاپ موتوتسيكلى، قارلى الاپ سوعىلىسپالى ماشيناسى سياقتى ويىن قۇرىلعىلارىن ساتىپ الدى.
”قىستاق تۇرعىندارىنىڭ جىلدىق ورتاشا كىرىسى 2016 ـ جىلعى 13 مىڭ 800 يۋاننان 2020 ـ جىلى 22 مىڭ يۋانعا ارتىپ، ساياحات ۇلەسى 1/3ىن يەلەدى“. جياڭ ۋىنجيە تانىستىرىپ بىلاي دەدى: ”ٴبىز اۋىل ـ قىستاق ساياحاتىن ارقاۋ ەتىپ، نەگىزدىك قۇرىلعى ورەسىن ۇزدىكسىز جوعارىلاتىپ، قىستاق تۇرعىندارىن تاربيەلەپ، ولاردىڭ قىزمەت وتەۋ تانىمىن ارتتىرىپ، اۋىل ـ قىستاق ساياحاتىن ’ٴبىر كۇندىك ساياحاتتان‘’ەكى كۇندىك ساياحاتقا‘ اينالدىرىپ، اۋىل ـ قىستاق ساياحاتىنىڭ كاسىپ تىزبەگىن ۇزارتىپ، اۋىل ـ قىستاق ساياحاتى ارقىلى قىستاق تۇرعىندارىن كىرىسىن ارتتىرۋعا جەتەكتەپ، اۋىل ـ قىستاقتى گۇلدەندىرۋدى ىلگەرىلەتەمىز“.
مۇز الاڭىنا كەلگەندە ەليجان كونكي شاقايىن كيىپ، مۇز بەتىنىڭ جاعدايىن تەكسەرىپ كوردى. ”كەلەر اپتانىڭ سوڭىندا مۇز الاڭى اشىلادى“. ول ويىن جابدىعىمەن قامداۋشى ساۋداگەرمەن بايلانىس جاساۋمەن قاربالاس بولىپ، زات جونەلتۋ زات اينالىمى ينفورماتسياسىن سۇراپ: ” تەز بول！ تەز بول!“، ـ دەدى.
12 – ايدىڭ 22 - كۇنى ساياحاتشىلار جيدەبۇلاق قىستاعىنداعى حالىقتىق تۇسەلحانادا ٴان ايتۋدا. سۋرەتتى انار بۇلت - شينجياڭ گازەتىنىڭ ٴتىلشىسى حان لياڭ تۇسىرگەن
