ۇعىسۋ، تيىمدىلىك جاساۋ، توعىستىرۋ丨شوگەلدىكپەن ىستەسەڭ بولعانى، قىزمەتتى مەن تاۋىپ بەرەمىن

日期:2021年12月22日
来源:新疆日报
【字体:

  12 – ايدىڭ 18 – كۇنى چەرچەن اۋداندىق پارتكوم ۇيىمداستىرۋ ٴبولىمىنىڭ سورتتى تۇقىم الاڭى 2 ـ اترەتىندە تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى، اترەت ”ەكى كوميتەتى“ جانە تۇرعىندار ٴبىر اراعا باس قوسىپ، بىرگە تۇشپارا ءتۇيدى. سۋرەتتى ەرىكتى ٴتىلشى لي پىڭيان تۇسىرگەن

  انار بۇلت / شينجياڭ گازەتىنىڭ ٴتىلشىسى دۋ جيانحۇي، ەرىكتى ٴتىلشى رىزۋانگۇل سىمايىل

  12 – ايدىڭ 20 - كۇنى چەرچەن اۋدانىنىڭ سورتتى تۇقىم الاڭى 2 ـ اترەتىندەگى ٴاشىم قاسىم وتباسىنىڭ اۋلاسىندا قاربالاس جاعداي بايقالدى، چىن شىجيە مەن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ مۇشەلەرى، اترەت كادرلارى ٴاشىم وتباسىنا كەرپىش اكەلىپ، اۋلا تاعانىنا جاتقىزۋعا جاردەمدەستى.

  ”ٴاشىم وتباسىنىڭ بالالارى تۇگەل جۇمىس ىستەپ اقشا تابۋعا كەتتى، ٴبىز قارتتىڭ اۋلاسىن رەتتەۋگە كومەكتەستىك“، ـ دەدى چىن شىجيە كۇلىمسىرەپ.

  چىن شىجيە چەرچەن اۋداندىق پارتكوم ۇيىمداستىرۋ ٴبولىمىنىڭ سورتتى تۇقىم الاڭى 2 ـ اترەتىندە تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ ورىنباسار باستىعى، ول تۇرعىنداردىڭ قيىنشىلىعى مەن تالاپ ـ تىلەكتەرىن، قايشىلىقتار مەن داۋ ـ شارلارىن جيناپ ٴبىر جاقتى ەتۋگە جاۋاپتى. كىمنىڭ وتباسىندا قيىنشىلىق بولسىن، الدە قايشىلىق، داۋ - شاردى جاراستىرۋعا تۋرا كەلسىن، ول تيتتەي دە رەنجىمەي، قاشان شاقىرسا دا دايىن بولدى. چىن شىجيە اۋىزعا الىنسا، ونى تانيتىنداردىڭ بارلىعى باس بارماعىن كوتەرەدى.

  سورتتى تۇقىم الاڭى 2 ـ اترەتىندەگى جاستاردىڭ دەنى سىرتقا شىعىپ جۇمىس ىستەيدى، قالعاندارىنىڭ كوبى قارتتار مەن بالالار. قىستاقتىڭ قونىس ورتاسىن جونگە سالۋدى قالاي ىلگەرىلەتۋ كەرەك؟ چىن شىجيە مەن قىزمەتتەستەرى وتباسىلارىن ارالاپ جاعداي ۇعىسىپ، ەرىكتى قىزمەت وتەۋ اترەتىن باستاپ مىنا وتباسىنا ٴجۇزىم سورەسىن سالىپ، ۇيشىك سالىپ بەرسە، انا وتباسىنىڭ اۋلاسىنا سەمەنت جاتقىزىپ، تازالىق دارەتحاناسىن سالۋىنا كومەكتەسىپ، توتەنشە قاربالاستىققا ٴتۇستى.

  اۋاحان ٴسايدي قاريانىڭ وتباسىندا ۇزاق جىل بويى جوندەلمەگەن جىلىجايدىڭ استىنا ۇساق ـ تۇيەك زاتتار تولىپ كەتكەن ەدى، چىن شىجيە كادرلاردى ۇيىمداستىرىپ، ونىڭ سورەسىن بۇزىپ، ۇساق ـ تۇيەك زاتتاردى جيناپ، جەرىن تەگىستەپ، اۋاحان اۋلاسىنىڭ ٴتورت ٴوڭىردى ٴبولۋ جۇمىسى تولىق اياقتادى.

  ”بۇل ماعان جاڭا اۋلا اۋىستىرىپ بەرگەندىك قوي، ايىرىقشا العىس ايتامىن“، ـ دەدى اۋاحان شىت جاڭا بەينەگە ەنگەن جاڭا اۋلاعا قاراپ اسەرلەنە.

  ”قىستاق تۇرعىندارىن جاقسى تۇرمىسقا كەنەلتۋ − قىزمەتىمنىڭ ەڭ ۇلكەن قوزعاۋشى كۇشى، تەر توگىپ، شارشاپ ـ شالدىققانىم تۇككە تۇرمايدى، قىستاق تۇرعىندارىنىڭ كۇلكىسى ماعان دەگەن ەڭ زور جۇبانىش“، ـ دەدى چىن شىجيە.

  ساپالى تۇقىم الاڭى 2 ـ اترەتىنىڭ ادامى كوپ، جەرى از، كاسىپ سالاسى قۇرىلىمى جالاڭ، كىرىستى ارتتىرۋ ٴتۇيىنى كوپ بولماۋداي قازىرگى جاعدايىنا مەڭزەس، چىن شىجيە بۇقارانىڭ جۇمىسقا ورنالاسۋ تىلەگىن ۇعىسىپ، شارۋالاردىڭ ٴىس جۇزىندىك جاعدايىنا جانە بايۋ تىلەگىنە ساي، وتباسىنا، ادامعا قاراي شارا قولدانىپ، بۇقارانى سول جەردىڭ وزىندە، جاقىن ماڭدا جۇمىسقا ورنالاسۋعا بەلسەنە جەتەكتەپ، بۇقارانىڭ قالتاسىن بارعان سايىن قامپايتتى.

  اسەن سادىق وتباسىندا 5 جان بار، ۇيىندە تەك بىرنەشە مۋ جاڭعاق باقشاسى بار. ەرلى - زايىپتى ەكەۋى دە 30 نەشە جاستاعى تولىسقان جاستاعىلار، ادەتتە اسەن جالعىز سىرتتا جۇمىس ىستەپ، ايەلى ۇيدە ەگىنشىلىكپەن شۇعىلدانادى، تۇرمىسى قوڭىر قالتا كۇيدە.

  چىن شىجيە مەن اسەن ەرلى – زايىپتى جاڭعاق ورمانىن كۇندە باسقارۋدىڭ قاجەتى جوق، بوس ۋاقىت كوپ، سىرتقا شىعىپ جۇمىس ىستەۋگە بولادى دەپ ”بايۋ ەسەبىن“ جاسادى. ”جاقىنىراق جەردەن قىزمەت ىزدەۋ قيىن، ۇيدەن الىستاعاندا بالاعا قارايلاساتىن ادام جوق، جاڭعاق باعىن كىم باسقارادى؟“، ـ دەدى اسەن.

  ”سەندەر شوگەلدىكپەن ىستەسەڭدەر بولعانى، جۇمىس تابۋ ٴىسىن ماعان تاپسىرىڭدار“. چىن شىجيە اسەن ەرلى ـ زايىپتىلارعا جاقىن ماڭنان قىزمەت تاۋىپ بەردى، قازىر ەكەۋىنىڭ ايلىق كىرىسى 9000 يۋانعا جەتىپ، ورنىقتى جۇمىسقا ورنالاستى.

  ”چىن اترەت باستىعى مەنىڭ بەكىمگە كەلىپ، ايەلىممەن بىرگە جۇمىس ىستەۋىمە جول كورسەتىپ، شوفەرلىك كۋالىك كۋرسىنا قاتىناسۋعا تىزىمدەلدىم، بيىل ايەلىممەن بىرگە ٴبىر جىل جاقسىراق ىستەپ، كەلەر جىلى اۆتوكولىك ساتىپ الىپ تاسىمالمەن شۇعىلدانۋعا قۇلشىنامىن“، ـ دەدى اسەن قۋانا.

  ”بۇقارانىڭ ٴىسى − مەنىڭ ٴىسىم، قايشىلىق، داۋ ـ شاردى شەشۋ − بورىشىم“. قىزمەت بارىسىندا، چىن شىجيەنىڭ قايشىلىق پەن داۋ ـ شاردى جاراستىرۋدا قاشان دا وزىندىك ٴادىسى بار.

  ءبىر جىلدان استام ۋاقىتتا، چىن شىجيە مەن قىزمەتتەستەرى بۇقارانىڭ 400دەن استام قايشىلىق جانە داۋ - شارىن، قيىنشىلىق تالاپتارىن شەشىپ، حالىق جۇرەگىن جىلىتىپ، پارتيا مەن ۇكىمەتتىڭ قامقورلىعىن بۇقارانىڭ جۇرەك تۇكپىرىنە شىنايى ۇيالاتتى.