تيانشان تورىنىڭ حابارى. (حابارىن جازىپ سۋرتىن تۇسىرگەن تىلشىلەر ليۋ حۇڭۋىن، چىن شياڭ، لۇي نا، فىڭ لەي، ەرىكتى تىلشىلەر يان حاۋ، ۋ لى، ياڭ چيڭليڭ، ۋ ايجىن) كوكتەم مەرەكەسىنىڭ جاقىنداۋىنا ساي، جەر - جەر مەرەكەلىك قويۋ تۇسكە ەندى. جۋىقتان بەرى، شينجياڭ اقسۋ ايماعىنىڭ جەر - جەرى بوساعالىق جازۋ، بوساعالىق ۇسىنۋ سياقتى الۋان ءتۇرلى باي مازمۇندى قيمىلدار ورىستەتىپ، ءار ۇلت بۇقاراسىنا مەرەكەلىك سالەم جەتكىزدى.
1 - ايدىڭ 20 - كۇنى، اۋات اۋداندىق كىتاپحانا ادەبيەت - كوركەمونەرشىلەر بىرلەستىگىمەن بىرلەسىپ ”كوكتەمدى قارسى الۋ . بوساعالىق ۇسىنۋ“ قيمىلىن ورىستەتىپ، سياسى كەپپەگەن جا- - جاڭا بوساعالىقتى ءار ۇلت بۇقاراسىنا تەگىن تاراتىپ بەردى. ”بوساعالىقتارىڭا راقىمەت، قايتقاننان كەيىن مەن بوساعاما جاپىسرىپ، شات مەرەيمەن كوكتەم مەرەكەسىن قارسى الامىن“،-دەدى اۋات اۋدانىنىڭ تۇرعىنى جاڭ حاۋ.
بىرنەشە كۇننەن بەرى، باي اۋداندىق ادەبيەت - كوركەمونەرشىلەر بىرلەستىگى حاتكەرلەر قوعامىنىڭ مۇشەلەرىن ءارقايسى الەۋمەتتىك اۋماققا ”بوساعالىق جازۋ . تىلەك ءبىلدىرۋ“ قيمىلىن ىشكەرىلەي ورىستەتۋگە ۇيىمداستىرىپ، جازىلىپ بولعان بوساعالىقتى ءار ۇلت بۇقاراسىنا اقىسىز ۇسىندى. 1 - ايدىڭ 21 - كۇنى، باي قالاشىعى حۋايۋان الەۋمەتتىك اۋماعىندا، تۇرعىن چۋ جيانجياڭ بوساعالىقتى الىپ تۇرىپ: ”بوساعالىق جازۋ . تىلەك ءبىلدىرۋ“ قيمىلى وتە ءماندى بولدى، قولمەن جازعان بوساعالىقتىڭ مەرەكەلىك ءتۇسى ايقىن بولادى، مەن ۇناتامىن“،-دەدى.
1 - ايدىڭ 23 - كۇنى، اقسۋ كونەشاھار اۋدانى ”بوساعالىق جازۋ، تەرەزە ويماسىن قيۋ، كوكتەمدى قارسى الۋ“ قيمىلىن ورىستەتتى، حاتكەرلەر قوعامىنىڭ مۇشەلەرى مەن قاعاز قيما اۋەسكەرلەرى تۇرعىندارعا اقىسىز بوساعالىق جازىپ، تەرەزە ويماسىن قيىپ بەرىپ، مەرەكەلىك ءتۇستى ايقىندادى. بوساعالىقتار، قاعاز ويمالاردى اقسۋ كونە شاھار اۋداندىق مادەنيەت سارايىنىڭ قىزمەتكەرلەرى حالىق ساقشىلارىنا، ءورت سوندىرۋشىلەرگە، ەمدەۋ قىزمەتكەرلەرىنە جانە تۇرعىندارعا جەتكىزىپ بەردى.
”اپاي، ءسىز جاساعان روزا گۇلى بۋنانى تاماشا ەكەن“. ”وتە قاراپايىم، مەن ساعان ۇيرەتەيىن...“ 1 - ايدىڭ 25 - كۇنى، اقسۋ قالالىق مادەنيەت، دەنە تاربيە، راديو - تەلەۆيزيا جانە ساياحات مەكەمەسىنىڭ لاڭگار ءمالىسى لاڭگار الەۋمەتتىك اۋماعىندا تۇراتىن قىزمەت اترەتى مەن الەۋمەتتىك اۋماق ”ەكى كوميتەتى“ ”كوكتەم مەرەكەسىن قارسى الىپ جاڭا جىلدى قۇتتىقتاۋ، گۇلدى مومى مەن بوساعالىقتى وتباسىلارىنا جەتكىزۋ “ قيمىلىن ۇيىمداستىرىپ ورىستەتتى. كادرلار مەن ءىشىنارا تۇرعىندار ۇدايىلانعان ىندەتتەن ساقتانۋ - تىزگىندەۋ شارالارىن ويداعىداي ىستەۋ شارتى استىندا، بوساعالىق جازىپ، بۋنان جاساپ، شاتتىققا شومدى. ىلە - شالا، قىزمەت اترەتى مۇشەلەرى مەن الەۋمەتتىك اۋماق كادرلارى قيىنشىلىعى بار ءبىر ءبولىم تۇرعىنداردان حال سۇراپ، ولارعا بوساعالىق ۇسىندى جانە مەرەكەلىك تىلەك ءبىلدىردى.
