جۇيەلى كوزقاراسقا، زاڭمەن جونگە سالۋ وي جەلىسىنە، نەگىزدى كۇشەيتۋ باعدارىنا اناعۇرلىم ءمان بەرىپ، ساياسي - زاڭ قىزمەتىنىڭ جوعارى ساپالى دامۋىن شىن مانىندە ىلگەرىلەتۋ كەرەك
تۇڭعىش رەتكى ”جۇڭگو حالىق ساقشىلارى مەرەكەسى“ بايلانىسىمەن بۇكىل مەملەكەتتەگى حالىق ساقشىلارىنان شىن ىقىلاسپەن حال سۇرادى
شينحۋا اگەنتتىگىنىڭ 1 - ايدىڭ 9 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاياۋدا ساياسي - زاڭ قىزمەتى جونىندە ماڭىزدى نۇسقاۋ بەرىپ بىلاي دەپ باسا دارىپتەدى: 2020 - جىلى ساياسي - زاڭ شەبى پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتۋگە حاۋىپسىز، ورنىقتى قوعامدىق ورتا جاراتتى. 2021 - جىل ”14 - بەسجىلدىقتىڭ“ باستالاتىن جىلى، ءار دارەجەلى ساياسي - زاڭ ورگاندارى پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ جانە ورتالىقتىڭ مەملەكەتتى جاپپاي زاڭمەن جونگە سالۋ قىزمەتى ءماجىلىسىنىڭ رۋحىن مۇقيات دايەكتىلەندىرىپ، جۇيەلى كوزقاراسقا، زاڭمەن جونگە سالۋ وي جەلىسىنە، نەگىزدى كۇشەيتۋ باعدارىنا اناعۇرلىم ءمان بەرىپ، ساياسي - زاڭ قىزمەتىنىڭ جوعارى ساپالى دامۋىن شىن مانىندە ىلگەرىلەتۋ كەرەك.
تۇڭعىش رەتكى ”جۇڭگو حالىق ساقشىلارى مەرەكەسى“ بايلانىسىمەن شي جينپيڭ پارتيا ورتالىق كوميتەتى اتىنان بۇكىل مەملەكەتتەگى حالىق ساقشىلارىنان شىن ىقىلاسپەن حال سۇرادى. كوپشىلىكتىڭ ءىس جۇزىندىك ارەكەت ارقىلى پارتياعا ادال بولىپ، حالىق ءۇشىن قىزمەت وتەپ، زاڭدى ءادىل اتقارىپ، تارتىپتە قاتاڭ بولىپ، اناعۇرلىم جوعارى دەڭگەيدەگى تىنىش جۇڭگونى، زاڭمەن جونگە سالىناتىن جۇڭگونى قۇرۋعا قۇلشىنىس جاساپ، حالىقتىڭ باقىتىن، مەملەكەت حاۋىپسىزدىگىن، قوعام ورنىقتىلىعىن قامتاماسىز ەتۋگە اناعۇرلىم تىڭ ۇلەس قوسىپ، پارتيا قۇرىلعاندىعىنىڭ 100 جىلدىعىن ۇزدىك ناتيجەلەرىمەن قارسى الۋلارىن ءۇمىت ەتتى.
ورتالىقتىڭ ساياسي - زاڭ قىزمەتى ءماجىلىسى 1 - ايدىڭ 9 - كۇنى بەيجيڭدە اشىلدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق ساياسي - زاڭ كوميتەتىنىڭ شۋجيى گو شىڭكۇن ماجىلىستە شي جينپيڭنىڭ ماڭىزدى نۇسقاۋىن جەتكىزدى ءارى ءسوز سويلەپ بىلاي دەپ باسا دارىپتەدى: ساياسي - زاڭ ورگاندارى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، شي جينپيڭنىڭ زاڭمەن جونگە سالۋ يدەياسىن ىشكەرىلەي دايەكتىلەندىرىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتيانىڭ ساياسي قۇرىلىسىن ءبىر تۇتاس باسشىلىققا الىپ، ءتۇرلى حاۋىپ - قاتەردەن ساقتانۋدى، جويۋدى جەتەكشى ەتىپ، مەملەكەتتىڭ ساياسي حاۋىپسىزدىگىن قورعاۋدى، قارا كۇشتەردى الاستاۋ، سۇرقيا كۇشتەردى جويۋدى ىلگەرىلەتۋدى ۇدايىلاندىرۋدى، قالا ءوڭىرى قوعامىن جونگە سالۋدى وسىزامانداندىرۋ سىناق ءتۇيىنىن تەرەڭدەتۋدى، ساياسي - زاڭ سالاسىنىڭ رەفورماسىن جاپپاي تەرەڭدەتۋدى، ساياسي - زاڭ قوسىنىن تاربيەلەۋدى، رەتتەۋدى كۇش سالۋ ءتۇيىنى ەتىپ، ساياسي - زاڭ قىزمەتىنىڭ جوعارى ساپالى دامۋىن ىلگەرىلەتىپ، پارتيا قۇرىلعاندىعىنىڭ 100 جىلدىعىن ۇزدىك ناتيجەمەن قارسى الۋ كەرەك.
مەملەكەت ىستەر جوراسى، قوعام حاۋىپسىزدىگى مينيسترى جاۋ كىجى، ەڭ جوعارى حالىق سوتى مەكەمەسىنىڭ باستىعى جوۋ چياڭ، ەڭ جوعارى حالىق پروكۋراتۋراسىنىڭ باس پروكۋرورى جاڭ جۇن ماجىلىسكە قاتىناستى.
