شي جينپيڭ تۇڭعىش كەزەكتى مەملەكەتتىك كاسىپتىك شەبەرلىك جارىسىنىڭ وتكىزىلگەندىگىن حات جازىپ قۇتتىقتاعاندا بىلاي دەپ باسا دارىپتەدى
ەڭبەك ەرلەرى رۋحىن، ەڭبەك رۋحىن، ۇستا رۋحىن زور كۇشپەن اسقاقتاتىپ، اناعۇرلىم كوپ جوعارى دەڭگەيدەگى شەبەر دارىندىلاردى جانە ءىرى ەل ۇستالارىن جەتىلدىرۋ كەرەك
لي كىچياڭ بەكىتۋ جازدى
قۇتتىقتاۋ حات
ەلىمىزدىڭ تۇڭعىش كەزەكتى كاسىپتىك شەبەرلىك جارىسىنىڭ باستالۋى بايلانىسىمەن جارىستىڭ وتكىزىلگەنىن قىزۋ قۇتتىقتايمىن! جارىسقا قاتىناسقان شەبەرلەرگە جانە قالىڭ شەبەر دارىندىلارعا ىقىلاستى سالەم جولدايمىن!
تەحنيكالىق جۇمىسشىلار قوسىنى − جۇڭگو جاساۋىنا، جۇڭگو جاسامپازدىعىنا تىرەك بولاتىن ماڭىزدى كۇش. كاسىپتىك شەبەرلىك جارىسى قالىڭ شەبەر دارىندىلارعا ەرەن شەبەرلىكتەرىن كورسەتۋ، ونەر تۋرالى ءوزارا پىكىرلەسۋ تۇعىرىن ازىرلەدى، تەحنيكالىق جۇمىسشىلار قوسىنىن زورايتۋ، ەكونوميكالىق، قوعامدىق دامۋدى ىلگەرىلەتۋدە بەلسەندى رول اتقارادى. جارىسقا قاتىناسقان قالىڭ شەبەرلەردىڭ ەرلىكپەن قۇلشىنىپ، تاماشا ناتيجەلەر جاراتۋعا ۇمتىلىپ، جاڭا داۋىردەگى شەبەر دارىندىلاردىڭ كەلبەتىن ايگىلەۋىن ءۇمىت ەتەمىن.
ءار دارەجەلى پارتكوم مەن ۇكىمەت شەبەر دارىندىلار قىزمەتىنە ايرىقشا ءمان بەرىپ، ەڭبەك ەرلەرى رۋحىن، ەڭبەك رۋحىن، ۇستا رۋحىن زور كۇشپەن اسقاقتاتىپ، اناعۇرلىم كوپ ەڭبەكشىلەردى، اسىرەسە، جاس بۋىندى شەبەرلىك ارقىلى دارىندى بولۋ، شەبەرلىك ارقىلى وتان ءۇمىتىن اقتاۋ جولىمەن جۇرۋگە شابىتتاندىرىپ، اناعۇرلىم كوپ جوعارى دەڭگەيلى شەبەر دارىندىلار مەن ءىرى ەل ۇستالارىن جەتىلدىرىپ، جاپپاي سوتسياليستىك وسىزاماندانعان مەملەكەت قۇرۋعا دارىندى جاعىنان پارمەندى قامتاماسىزدىق ازىرلەۋى كەرەك.
جارىستىڭ تولىق تابىستى بولۋىنا تىلەكتەسپىن!
شي جينپيڭ
2020 - جىلى 12 - ايدىڭ 10 - كۇنى
جۇڭحۋا حالىق رەسپۋبليكاسىنىڭ 1 - كەزەكتى كاسىپتىك شەبەرلىك جارىسى 12 - ايدىڭ 10 - كۇنى گۋاڭدۇڭ ولكەسىنىڭ گۋاڭجوۋ قالاسىندا باستالدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قۇتتىقتاۋ حات جولداپ، جارىستىڭ وتكىزىلگەنىن قىزۋ قۇتتىقتادى، جارىسقا قاتىناسقان شەبەرلەر مەن قالىڭ شەبەر دارىندىلارعا ىقىلاستى سالەم جولدادى.
شي جينپيڭ قۇتتىقتاۋ حاتىندا بىلاي دەپ اتاپ كورسەتتى: تەحنيكالىق جۇمىسشىلار قوسىنى − جۇڭگو جاساۋىنا، جۇڭگو جاسامپازدىعىنا تىرەك بولاتىن ماڭىزدى كۇش. كاسىپتىك شەبەرلىك جارىسى قالىڭ شەبەر دارىندىلارعا ەرەن شەبەرلىكتەرىن كورسەتۋ، ونەر تۋرالى ءوزارا پىكىرلەسۋ تۇعىرىن ازىرلەدى، تەحنيكالىق جۇمىسشىلار قوسىنىن زورايتۋ، ەكونوميكالىق، قوعامدىق دامۋدى ىلگەرىلەتۋدە بەلسەندى رول اتقارادى. جارىسقا قاتىناسقان قالىڭ شەبەرلەردىڭ ەرلىكپەن قۇلشىنىپ، تاماشا ناتيجەلەر جاراتۋعا ۇمتىلىپ، جاڭا داۋىردەگى شەبەر دارىندىلاردىڭ كەلبەتىن ايگىلەۋىن ءۇمىت ەتەمىن.
شي جينپيڭ بىلاي دەپ باسا دارىپتەدى: ءار دارەجەلى پارتكوم مەن ۇكىمەت شەبەر دارىندىلار قىزمەتىنە ايرىقشا ءمان بەرىپ، ەڭبەك ەرلەرى رۋحىن، ەڭبەك رۋحىن، ۇستا رۋحىن زور كۇشپەن اسقاقتاتىپ، اناعۇرلىم كوپ ەڭبەكشىلەردى، اسىرەسە، جاس بۋىندى شەبەرلىك ارقىلى دارىندى بولۋ، شەبەرلىك ارقىلى وتان ءۇمىتىن اقتاۋ جولىمەن جۇرۋگە شابىتتاندىرىپ، اناعۇرلىم كوپ جوعارى دەڭگەيلى شەبەر دارىندىلار مەن ءىرى ەل ۇستالارىن جەتىلدىرىپ، جاپپاي سوتسياليستىك وسىزاماندانعان مەملەكەت قۇرۋعا دارىندى جاعىنان پارمەندى قامتاماسىزدىق ازىرلەۋى كەرەك.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ بەكىتۋ جازىپ بىلاي دەپ اتاپ كورسەتتى: كاسىپتىك شەبەرلىكتى ءوسىرۋ − جۇڭگو جاساۋىن جەبەۋدىڭ جانە ورتا جوعارى دەڭگەيگە قاراي بەت الۋعا قىزمەت وتەۋدىڭ ماڭىزدى نەگىزى. شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرىن، ورنالاستىرۋلارىن ىشكەرىلەي دايەكتىلەندىرىپ، شەبەر دارىندىلاردى باۋلۋ، جەتىلدىرۋ جۇيەسىن ونان ارى كەمەلدەندىرىپ، شەبەر دارىندىلارىنىڭ قارا ءۇزىپ العا شىعۋىنا ءتيىمدى تاماشا ورتانى بەلسەنە قالىپتاستىرىپ، كوپ بولىپ شارۋاشىلىق قۇرۋ، جالپى جۇرت جاڭالىق اشۋدى ىشكەرىلەي ورىستەتىپ، اناعۇرلىم كوپ جاستاردى شەبەرلىكتى قىزۋ سۇيۋگە، شەبەرلىكتى بەرىلە زەرتتەۋگە، شەبەرلىكتى وسىرۋگە ۇمتىلۋعا جەتەكتەپ جانە جەبەپ، جوعارى ساپالى شەبەر دارىندىلار قوسىنىن تۇلعالاپ، اناعۇرلىم كوپ ءىرى ەل ۇستالارىن جەتىلدىرىپ، اناعۇرلىم كوپ جىگەرلى ادامداردىڭ ءومىردىڭ جارقىن بەتىن اشۋىنا مۇمكىندىك جاساپ، جۇمىستانۋدى، شارۋاشىلىق قۇرۋدى، جاڭالىق اشۋدى جەبەۋگە، ەكونوميكانىڭ جوعارى ساپالى دامۋىن ىلگەرىلەتۋگە پارمەندى تىرەك ازىرلەۋ كەرەك.
باستالۋ سالتىندا جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەستىڭ ورىنباسار زۇڭليى حۋ چۇنحۋا شي جينپيڭنىڭ قۇتتىقتاۋ حاتىن جانە لي كىچياڭنىڭ بەكىتۋىن وقىدى ءارى جارىستىڭ باستالعاندىعىن جاريالادى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، گۋاڭدۇڭ ولكەلىك پارتكومنىڭ شۋجيى لي شي قارسى الۋ ءسوزىن سويلەدى.
مەملەكەتتىك كەڭەستىڭ بەكىتۋىمەن ادام كۇشى بايلىعى جانە قوعامدىق قامتاماسىزداندىرۋ مينيسترلىگى 2020 - جىلدان باستاپ مەملەكەت بويىنشا كاسىپتىك شەبەرلىك جارىسىن وتكىزدى. تۇڭعىش كەزەكتى جارىستا ”جاڭا ءداۋىر، جاڭا شەبەرلىك، جاڭا ارمان“ نەگىزگى تاقىرىپ ەتىلىپ، 86 جارىس ءتۇرى ورنالاستىرىلدى، جالپى 2500دەن استام شەبەر، 2300دەن استام تورەشى جارىسقا قاتىناستى. بۇل جاڭا جۇڭگو قۇرىلعاننان بەرگى ەڭ جوعارى ولشەمدەگى، جارىس ءتۇرى ەڭ كوپ، كولەمى ەڭ كەڭ، دەڭگەيى ەڭ جوعارى امبەباپ مەملەكەتتىك كاسىپتىك شەبەرلىك جارىسى ەسەپتەلەدى.
