11 - ايدىڭ 27 - كۇنى مەملەكەت ءتوراعاسى شي جينپيڭ 17 - كەزەكتى جۇڭگو -- شىعىس وڭتۇستىك ازيا ەلدەرى وداعى كورمەسىنىڭ جانە جۇڭگو - شىعىس وڭتۇستىك ازيا ەلدەرى وداعى ساۋدا جانە قارجى قوسۋ باسشىلار باس قوسۋىنىڭ باستالۋ سالتىندا ءسوز سويلەدى.
مەملەكەت ءتوراعاسى شي جينپيڭ 11 - ايدىڭ 27 - كۇنى 17 - كەزەكتى جۇڭگو − شىعىس وڭتۇستىك ازيا ەلدەرى وداعى كورمەسىنىڭ جانە جۇڭگو − شىعىس وڭتۇستىك ازيا ەلدەرى وداعى ساۋدا جانە قارجى قوسۋ باسشىلار باس قوسۋىنىڭ باستالۋ سالتىندا ءسوز سويلەدى.
شي جينپيڭ بىلاي دەپ باسا دارىپتەدى: 2013 - جىلى مەن شىعىس وڭتۇستىك ازيا ەلدەرى وداعىنداعى ەلدەرمەن 21 - عاسىرداعى تەڭىز جىبەك جولىن بىرگە قۇرۋدى، اناعۇرلىم بەرىك جۇڭگو − شىعىس وڭتۇستىك ازيا ەلدەرى وداعى تاعدىرلاس ورتاق تۇلعاسىن قول ۇستاسا بىرگە قۇرۋدى قالايتىندىعىمىزدى العا قويعان ەدىم. 7 جىلدان بەرى جۇڭگو − شىعىس وڭتۇستىك ازيا ەلدەرى وداعى قارىم - قاتىناسى ازيا − تىنىق مۇحيت ءوڭىرى سەلبەستىگىندەگى ەڭ تابىستى جانە ەڭ ومىرشەڭدىككە يە ۇلگىگە، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋدىڭ جاندى مىسالىنا اينالدى. جاڭا تيپتى ايدارشا ۆيرۋس وكپە قابىنۋ ىندەتى الدىندا، ەكى جاق ءوزارا قارايلاسىپ، ۋاقىتتىق قيىندىقتى بىرگە جەڭدى. بۇگىنگى تاڭداعى دۇنيە ءجۇزى 100 جىلدا بولماعان ۇلكەن وزگەرىستى باستان كەشىرۋدە، ءار ەل حالقىنىڭ تاعدىرى ەشقاشان بۇگىنگىدەي تىعىز جالعاسىپ كورگەن جوق. جۇڭگو جاق شىعىس وڭتۇستىك ازيا ەلدەرى وداعىن توڭىرەك ديپلوماتياسىنداعى الدىمەن ويلاستىرىلاتىن بەتالىس جانە ”ءبىر بەلدەۋ، ءبىر جولدى“ جوعارى ساپالى بىرگە قۇرۋداعى ءتۇيىندى ءوڭىر رەتىندە قاراپ، شىعىس وڭتۇستىك ازيا ەلدەرى وداعىمەن ءار سالاداعى سەلبەستىكتى ىلگەرىلەتىپ، وسى ءوڭىردىڭ گۇلدەنۋى مەن دامۋىنىڭ تاماشا اۋقىمىن قورعاپ، اناعۇرلىم بەرىك جۇڭگو − شىعىس وڭتۇستىك ازيا ەلدەرى وداعى تاعدىرلاس ورتاق تۇلعاسىن قۇرۋدى قالايدى.
ءبىرىنشى، ستراتەگيالىق ءوزارا سەنىمدىلىكتى جوعارىلاتىپ، دامۋ جوبالارىن ىشكەرىلەي ۇشتاستىرۋ. قۇرلىق، تەڭىز جاڭا جولى قۇرىلىسىنا سۇيەنە وتىرىپ، نەگىزدىك قۇرىلعىلاردى ۇلاستىرۋ، تۇتاستىرۋ سەلبەستىگىن كۇشەيتىپ، قازىرگى ەكونوميكالىق ءدالىز بەن ءتۇيىندى نىسان قۇرىلىسىن جەدەل ىلگەرىلەتىپ، جۇڭگو − شىعىس وڭتۇستىك ازيا ەلدەرى وداعى كوپ فورمالى بىرلەسكەن تاسىمال وداعىن بەلسەنە قۇرۋ كەرەك. كەلەر جىلى جۇڭگو − شىعىس وڭتۇستىك ازيا ەلدەرى وداعى تىلدەسۋ قارىم - قاتىناسى ورناتقاندىعىنىڭ 30 جىلدىعى، جۇڭگو جاق شىعىس وڭتۇستىك ازيا ەلدەرى وداعىمەن بىرگە اناعۇرلىم جوعارى دەڭگەيدەگى ستراتەگيالىق سەرىكتەستىك قارىم - قاتىناستى تۇلعالاۋدى قالايدى.
ەكىنشى، ەكونوميكا - ساۋدا سەلبەستىگىن جوعارىلاتىپ، ءوڭىر ەكونوميكاسىنىڭ جاپپاي قالپىنا كەلۋىن جەدەلدەتۋ. جۇڭگو − شىعىس وڭتۇستىك ازيا ەلدەرى وداعى ەركىن ساۋدا كەلىسىمىن ونان ارى ويداعىداي اتقارۋ كەرەك. جۇڭگو جاق «وڭىرلىك جان - جاقتى ەكونوميكالىق سەرىكتەستىك قارىم - قاتىناس كەلىسىمىنىڭ» تەزىرەك كۇشكە يە بولۋىن ءۇمىت ەتەدى. ساۋدانى ىركىلىسسىزدەندىرۋ، قارجى قوسۋدى جەبەۋ، بازاردى ءوزارا اشىپ، كاسىپ سالاسى تىزبەگىنىڭ، قامداۋ تىزبەگىنىڭ، قۇن تىزبەگىنىڭ تەرەڭدەي توعىسۋىن ىلگەرىلەتۋ كەرەك. ىندەتتەن ساقتانۋ - تىزگىندەۋگە شىنايى كەپىلدىك ەتۋ العى شارتىندا، شارا قولدانىپ ادامداردىڭ بارىس - كەلىسىنە جانە زات تاسىمالىنا قولايلىلىق تۋدىرۋ كەرەك. لانساڭجياڭ - مەكونگ سەلبەستىگىن، جۇڭگو − شىعىس وڭتۇستىك ازيا ەلدەرى وداعى شىعىس بولىك ارتۋ رايونى سەلبەستىگىن ىلگەرىلەتۋ كەرەك.
ءۇشىنشى، عىلىم - تەحنيكالىق جاڭالىق اشۋدى جوعارىلاتىپ، سيفرلى ەكونوميكالىق سەلبەستىكتى تەرەڭدەتۋ. زەردەلى قالا، 5G، جاساندى زەردە، ەلەكتروندى ساۋدا، ۇلكەن ساندى مالىمەت، بلوكچەين، قاشىقتان ەمدەۋ سياقتى سالالاردا سەلبەستىكتىڭ اناعۇرلىم كوپ جاڭا جارقىن تۇيىندەرىن قالىپتاستىرىپ، ساندى مالىمەت حاۋىپسىزدىگىن قورعاۋدى جانە ساياساتتىڭ بايلانىسۋىن، سايكەسۋىن كۇشەيتۋ كەرەك. جۇڭگو − شىعىس وڭتۇستىك ازيا ەلدەرى وداعى ينفورماتسيا پورتىن قۇرىپ، ”سيفرلى جىبەك جولىن“ قالىپتاستىرۋ كەرەك.
ءتورتىنشى، ىندەتكە قارسى اتتانۋ سەلبەستىگىن جوعارىلاتىپ، الەۋمەتتىك دەنساۋلىق ساقتاۋ قابىلەتى قۇرىلىسىن كۇشەيتۋ. ساياساتتىق تىلدەسۋدى، ينفورماتسيالاردى ءبولىسۋدى جانە ۆاكسينا سەلبەستىگىن كۇشەيتۋ كەرەك. جۇڭگو ۆاكسينانى ىسكە قوسىپ پايدالانعاننان كەيىن شىعىس وڭتۇستىك ازيا ەلدەرى وداعىنداعى ەلدەردىڭ سۇرانىسىن بەلسەنە ويلاستىرىپ، شىعىس وڭتۇستىك ازيا ەلدەرى وداعىنىڭ ىندەتكە قارسى اتتانۋ قورىنا قارجىلىق قولداۋ كورسەتەدى، شىعىس وڭتۇستىك ازيا ەلدەرى وداعىنا 1000 دەنساۋلىق ساقتاۋ اكىمشىلىك قىزمەتكەرىن جانە كاسىپتىك تەحنيكالىق قىزمەتكەر تاربيەلەپ بەرەدى، توتەنشە جاعدايعا توتەپ بەرۋ مەديتسينالىق ەمدەۋ زاتتىق ماتەريالدارى زاپاس قامباسىن جانە الەۋمەتتىك دەنساۋلىق ساقتاۋ بويىنشا توتەنشە جاعدايعا توتەپ بەرۋ بايلانىس مەحانيزمىن بىرگە قۇرادى.
شي جينپيڭ بىلاي دەپ باسا دارىپتەدى: كەلەر جىلى جۇڭگو جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستايدى. جۇڭگو سىرتقا ەسىك اشۋدى بۇلجىماستان كەڭەيتەدى، جۇڭگونىڭ شىعىس وڭتۇستىك ازيا ەلدەرى وداعىمەن سەلبەستىگىنىڭ ءورىسى ءتىپتى كەڭەيە تۇسەدى.
شي جينپيڭ سوڭىندا بىلاي دەدى: ەكى جاقتىڭ وسى كەزەكتى سالتاناتتى جينالىس ارقىلى اناعۇرلىم كوپ ساۋدا ورايىن جاراتىپ، اناعۇرلىم كوپ تابىسقا جەتىپ، اناعۇرلىم گۇلدەنگەن كوركەم بولاشاقتى قول ۇستاسا بىرگە قۇرۋىن ءۇمىت ەتەمىن.
