1. اعىمداعى ورىن:
  2. باس بەت
  3. اعىم جاڭالىقتارى
  4. باس حابار
  5. زاڭ - ەرەجە

پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن دايەكتىلەندىرىپ، تياناقتاندىرىپ، چاڭجياڭ ەكونوميكالىق بەلدەۋىنىڭ جوعارى ساپالى دامۋىن ىلگەرىلەتۋ كەرەك

日期:2020年11月18日
来源:新疆日报
【字体:

شي جينپيڭ چاڭجياڭ ەكونوميكالىق بەلدەۋىنىڭ دامۋىن جاپپاي ىلگەرىلەتۋ اڭگىمە ماجىلىسىندە بىلاي دەپ باسا دارىپتەدى

  پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن دايەكتىلەندىرىپ، تياناقتاندىرىپ، چاڭجياڭ ەكونوميكالىق بەلدەۋىنىڭ جوعارى ساپالى دامۋىن ىلگەرىلەتۋ كەرەك

  حان جىڭ قاتىناستى ءارى ءسوز سويلەدى

  11 - ايدىڭ 14 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جياڭسۋ ولكەسىنىڭ نانجيڭ قالاسىندا چاڭجياڭ ەكونوميكالىق بەلدەۋىنىڭ دامۋىن جاپپاي ىلگەرىلەتۋ اڭگىمە ءماجىلىسىن باسقارىپ اشتى ءارى ماڭىزدى ءسوز سويلەدى. 

  جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 11 - ايدىڭ 14 - كۇنى تۇستەن بۇرىن جياڭسۋ ولكەسىنىڭ نانجيڭ قالاسىندا چاڭجياڭ ەكونوميكالىق بەلدەۋىنىڭ دامۋىن جاپپاي ىلگەرىلەتۋ اڭگىمە ماجىلىسىنە قاتىناستى ءارى ماڭىزدى ءسوز سويلەدى. ول بىلاي دەپ باسا دارىپتەدى: پارتيا 19 - قۇرىلتايىنىڭ جانە پارتيا 19 - كەزەكتى ورتالىق كوميتەتىنىڭ ەكىنشى، ءۇشىنشى، ءتورتىنشى، بەسىنشى جالپى ماجىلىستەرىنىڭ رۋحىن دايەكتىلەندىرىپ، تياناقتاندىرىپ، جاڭا دامۋ ۇستانىمىن تاباندىلىقپەن دايەكتىلەندىرىپ، چاڭجياڭ ەكونوميكالىق بەلدەۋىنىڭ جوعارى ساپالى دامۋىن ىلگەرىلەتىپ، ەكولوگيانى الدىڭعى ورىنعا قويىپ، جاسىل دامۋدىڭ جاڭا تاراۋىن جازىپ، ءوڭىردىڭ سايكەستى دامۋىنىڭ جاڭا ۇلگىسىن تۇلعالاپ، جوعارى دەڭگەيدە سىرتقا ەسىك اشۋدىڭ جاڭا بەلەسىن قالىپتاستىرىپ، جاڭالىق اشۋ ارقىلى دامۋعا دەم بەرۋدىڭ جاڭا باسىمدىعىن سومداپ، تاۋ مەن سۋ، قالا مەن ادام جاراسىمدى توعىسقان جاڭا كارتينا كەسكىندەپ، چاڭجياڭ ەكونوميكالىق بەلدەۋىنىڭ ەلىمىزدىڭ ەكولوگيانى الدىڭعى ورىنعا قويىپ جاسىل دامۋىنىڭ نەگىزگى شايقاس مايدانىنا، ەل ءىشى، حالىقارا قوس اينالىمىن ىركىلىسسىزدەندىرەتىن نەگىزگى كۇرە تامىرعا، ەكونوميكانىڭ جوعارى ساپالى دامۋىن جەتەكتەيتىن نەگىزگى كۇشكە اينالدىرۋ كەرەك.

  جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى، چاڭجياڭ ەكونوميكالىق بەلدەۋىنىڭ دامۋىن ىلگەرىلەتۋ باسشىلىق گرۋپپاسىنىڭ باستىعى حان جىڭ اڭگىمە ماجىلىسكە قاتىناستى ءارى ءسوز سويلەدى.

  شي جينپيڭ جياڭسۋداعى قىزمەت تەكسەرۋىن اياقتاتقان سوڭ وسى رەتكى اڭگىمە ءماجىلىستى ارنايى اشتى. اڭگىمە ماجىلىستە چاڭجياڭ ەكونوميكالىق بەلدەۋىنىڭ دامۋىن ىلگەرىلەتۋ باسشىلىق گرۋپپاسى كەڭسەسىنىڭ مەڭگەرۋشىسى حى ليفىڭ، ەكولوگيالىق ورتا مينيسترلىگىنىڭ مينيسترى حۋاڭ رۇنچيۋ، سۋ يگىلىگى مينيسترلىگىنىڭ مينيسترى ى جيڭپيڭ، اۋىل شارۋاشىلىعى، اۋىل - قىستاق مينيسترلىگىنىڭ مينيسترى حان چاڭبين، جياڭسۋ ولكەلىك پارتكومنىڭ شۋجيى لوۋ چينجيان، جياڭشي ولكەلىك پارتكومنىڭ شۋجيى ليۋ چي، سىچۋان ولكەلىك پارتكومنىڭ شۋجيى پىڭ چيڭحۋا قاتارلى 7 جولداس ىركەس - تىركەس ءسوز سويلەپ، قىزمەت جاعدايىن تانىستىردى، پىكىر، ۇسىنىستارىن ورتاعا قويدى. اڭگىمە ماجىلىسكە قاتىناسقان باسقا ولكە، قالالارداعى نەگىزگى جاۋاپتى جولداستار جازباشا ءسوز تاپسىردى.

  كوپشىلىكتىڭ ءسوزىن تىڭداعان سوڭ، شي جينپيڭ ماڭىزدى ءسوز سويلەدى. ول بىلاي دەپ باسا دارىپتەدى: 5 جىلدان بەرى پارتيا ورتالىق كوميتەتىنىڭ پارمەندى باسشىلىعىندا چاڭجياڭ بويىنداعى ولكە، قالالار ەكولوگيالىق ورتانى وڭاۋدى ىلگەرىلەتىپ، ەكونوميكالىق، قوعامدىق دامۋدىڭ جالپى جاسىل تيپكە بۇرىلىس جاساۋىن جەبەۋىنىڭ سەرپىنىنىڭ كۇشتىلىگى، كولەمىنىڭ كەڭدىگى، ىقپالىنىڭ تەرەڭدىگى بۇرىن - سوڭدى بولعان ەمەس، چاڭجياڭ ەكونوميكالىق بەلدەۋىنىڭ ەكولوگيالىق ورتاسىن قورعاۋدا بۇرىلىس سيپاتتى وزگەرىس جارىققا شىعىپ، ەكونوميكالىق، قوعامدىق دامۋدا تاريحي تابىستارعا قول جەتتى. چاڭجياڭ ەكونوميكالىق بەلدەۋىنىڭ دامۋى جالپى تۇلعالىق جاقتان ورنىقتى بولدى، قۇرىلىمى ساپالىلاندى، حالىقتىڭ تۇرمىس دەڭگەيى كورنەكتى ءوستى، دامۋ بارىسىندا قورعاۋ، قورعاۋ بارىسىندا دامۋ جۇزەگە استى. اسىرەسە، بيىل جىل باسىنان بەرى چاڭجياڭ بويىنداعى ولكە، قالالار توسىن تۋىلعان جاڭا تيپتى ايدارشا ۆيرۋس وكپە قابىنۋ ىندەتىنە پارمەندى تۇردە توتەپ بەرىپ، ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ جاقسى ىستەپ، اۋىر سەل - تاسقىن اپاتىنىڭ ىقپالىن جانە سىرتقى ورتا وزگەرىسىنىڭ سوققىسىن ءونىمدى تۇردە جەڭىپ، ەلىمىزدىڭ كۇللى الەمدەگى نەگىزگى ەكونوميكالىق تۇلعالار اراسىندا ەكونوميكانىڭ وڭ ارتۋىن الدىمەن قالپىنا كەلتىرۋىنە كورنەكتى ۇلەس قوستى.

  شي جينپيڭ بىلاي دەپ اتاپ كورسەتتى: چاڭجياڭ ەكونوميكالىق بەلدەۋىنىڭ دامۋىن ىلگەرىلەتۋ − پارتيا ورتالىق كوميتەتىنىڭ كەلەلى شەشىمى، مەملەكەتتىڭ دامۋ جالپى جاعدايىنا ساياتىن كەلەلى ستراتەگيا. وسى رەتكى بەسىنشى جالپى ءماجىلىستىڭ ۇسىنىسىندا بۇل جونىندە ايقىن تالاپ قويىلدى. چاڭجياڭ ەكونوميكالىق بەلدەۋى چاڭجياڭ بويىنداعى 11 ولكە، قالانى قامتىپ، ەلىمىزدىڭ شىعىس، ورتا، باتىس 3 ۇلكەن بولىگىن ەندەي كوسىلىپ جاتادى، حالىق سانىنىڭ كولەمى مەن ەكونوميكانىڭ جالپى مولشەرى بۇكىل ەلدىڭ تەڭ جارتىسىن ۇستايدى، ەكولوگيالىق ورنى كورنەكتى، دامۋ كومەسكى كۇشى زور، جاڭا دامۋ ۇستانىمىن امالياتتا ايگىلەۋدە، جاڭا دامۋ ارناسىن قالىپتاستىرۋدا، جوعارى ساپالى دامۋدى ىلگەرىلەتۋدە ماڭىزدى رول اتقارۋى كەرەك.

  شي جينپيڭ بىلاي دەپ اتاپ كورسەتتى: ەكولوگيالىق ورتا جۇيەسىن قورعاۋدى، قالپىنا كەلتىرۋدى كۇشەيتۋ كەرەك. ەكولوگيالىق جۇيەنىڭ تۇتاستىعىن جانە الاپتىڭ جۇيەلىلىگىن شىعار ءتۇيىن ەتىپ، تەگىن تەكتەپ، توركىنىن تاۋىپ، ”جۇيەلى ەمدەپ، قاي جەرى اۋىرسا سول جەردى عانا ەمدەۋدەن“ ساقتانۋ كەرەك. ماسەلەنىڭ ءتۇپ توركىنىن تاۋىپ، ەكولوگيالىق ورتانى قالپىنا كەلتىرۋ مەن قورعاۋدى تۋ باستان جۇيەلى تۇردە ورىستەتۋ كەرەك. سايكەسە بىرلەسىپ قيمىلداۋدى كۇشەيتىپ، تاۋ، سۋ، ورمان، اتىز، كول، جايلىم سياقتى ءتۇرلى ەكولوگيالىق فاكتورلاردى سايكەستىرىپ وڭاۋدى كۇشەيتىپ، جوعارى، ورتا، تومەنگى اعارداعى وڭىرلەردىڭ ىقپالداسىپ سەلبەسۋىن ىلگەرىلەتىپ، ءتۇرلى شارالاردىڭ بايلانىستىلىعى مەن سايكەسىمدىلىگىن كۇشەيتۋ كەرەك. جالپى تۇلعالىق ىلگەرىلەتۋگە ءمان بەرىپ، ءتۇيىندى تىڭ سەرپىلىستەر جاساۋمەن قاتار، جان - جاقتى وڭاۋدىڭ جۇيەلىلىگى مەن تۇتاستىعىن كۇشەيتىپ، كەيدە ءمان بەرىپ، كەيدە نەمقورايدى قاراۋدان، جەكە - دارا كىرىسۋدەن، ءبىر جاعىنا ءمان بەرىپ، ەندى ءبىر جاعىن قاعىس قالدىرۋدان ساقتانۋ كەرەك. ەكولوگيالىق ورتانى قاتاڭ قورعاۋ العى شارتىندا، بايلىقتان پايدالانۋ ونىمدىلىگىن جاپپاي جوعارىلاتىپ، جاسىل، تومەن كومىرتەكتى دامۋدى جەدەل ىلگەرىلەتىپ، ادام مەن تابيعات جاراسىمدى قاتار ءومىر سۇرەتىن جاسىل دامۋدان ۇلگى كورسەتۋ بەلدەۋىن قۇرۋعا قۇلشىنۋ كەرەك. چاڭجياڭنىڭ ەكولوگيالىق ورتاسىن قالپىنا كەلتىرۋدى باسىم ورىنعا قويىپ، جان - جاقتى وڭاۋ جاڭا جۇيەسىن قۇرىپ، سۋ ورتاسى، سۋ ەكولوگياسى، سۋ بايلىعى، سۋ حاۋىپسىزدىگى، سۋ مادەنيەتى جانە جاعالاۋ سياقتى كوپ جاقتاردى ورگانيكالى بايلانىستىرۋدى ءبىر تۇتاس ەسكەرىپ، چاڭجياڭنىڭ جوعارعى، ورتا، تومەنگى اعارلارىن، وزەن، كول، سۋ قويمالارىن، وڭ، سول جاعالاۋلاردى، نەگىزگى اعارلار مەن تارماق اعارلاردى سايكەستى وڭاۋدى ىلگەرىلەتىپ، چاڭجياڭنىڭ ەكولوگيالىق ورتاسىن جانە سۋ ايدىنىنىڭ ەكولوگيالىق يقۋاتىن جاقسارتىپ، ەكولوگيالىق جۇيەنىڭ ساپاسى مەن تۇراقتىلىعىن جوعارىلاتۋ كەرەك. مەملەكەت تەرريتورياسى كەڭىستىگىن باسقارۋ - تىزگىندەۋدى جانە ۇنامسىز تىزىمدىكپەن باسقارۋدى كۇشەيتىپ، ەكولوگيالىق قىزىل سىزىقتى قاتاڭ ساقتاپ، ەكولوگيانى قالپىنا كەلتىرۋ جانە قورشاعان ورتانىڭ لاستانۋىن وڭاۋ ينجەنەرياسىن ۇزدىكسىز ورىستەتىپ، چاڭجياڭ ەكولوگياسىنىڭ اۋەلگى قالپى مەن كەمەلدىلىگىن ساقتاۋ كەرەك. ەكولوگيالىق ونىمدەردىڭ قۇنىن جۇزەگە اسىرۋ مەحانيزمىن جەدەل ورناتىپ، ەكولوگيالىق ورتانى قورعاۋعا، قالپىنا كەلتىرۋگە ۇيلەسىمدى قارىمجى قايتارۋ، ەكولوگيالىق ورتانى بۇلدىرگەندەرگە سايكەستى بوداۋ بەرگىزۋ كەرەك. چاڭجياڭدا سۋ اپاتىن قاداعالاۋ، الدىن الا ساقتاندىرۋ، اپاتتان ساقتانۋ - تىزگىندەۋ، شۇعىل جاعدايعا توتەپ بەرۋ، قۇتقارۋ جۇيەسىن اقاۋسىزداندىرىپ، وزەن ارناسىن جان - جاقتى وڭاۋدى جانە جاعانى بەكەمدەۋدى ىلگەرىلەتىپ، تىنىق چاڭجياڭ قۇرۋ كەرەك.

  شي جينپيڭ بىلاي دەپ باسا دارىپتەدى: ەل ءىشى ۇلكەن اينالىمىن ىركىلىسسىزدەندىرۋدى ىلگەرىلەتۋ كەرەك. بۇكىل ەل ءبىر تۇتاس جۇيە يدەياسىنا تاباندى بولىپ، بۇكىل ەلدىڭ دامۋ كەلەلى جاعدايىندا وزىندىك دامۋ ورنىن ايقىنداپ، ەل ءىشى ۇلكەن اينالىمىن ىركىلىسسىزدەندىرۋدى ىلگەرىلەتۋگە ءتيىمدى ۇتىمدى جول قاراستىرۋ كەرەك. قاجەتسىنۋ ارقىلى جەتەكتەۋ مەن قامداۋ جاسامپازدىعىن جاندى ۇشتاستىرىپ، جوعارعى، ورتا، تومەنگى اعارلاردىڭ سايكەستى بىرلەسىپ دامۋىن ىلگەرىلەتۋ، ەكولوگيالىق ورتانى، نەگىزدىك قۇرىلعىلاردى، الەۋمەتتىك قىزمەت وتەۋدى بىرگە قۇرۋدى، ودان بىرگە يگىلىكتەنۋدى كۇشەيتىپ، تومەنگى اعارداعى وڭىرلەردەگى قارجى، تەحنيكا، ەڭبەك شوعىرلانعان كاسىپ سالالارىن ورتا، جوعارعى اعارداعى وڭىرلەرگە قاراي ءتارتىپتى تۇردە ويىسۋعا جەتەكتەپ، كاسىپ سالاسى تىزبەگىنىڭ شەشۋشى بۋىندارىن ساقتاپ قالۋ كەرەك. ادامدى وزەك ەتكەن جاڭاشا قالا - قالاشىقتاندىرۋدى ىلگەرىلەتىپ، سەنترلى قالالار مەن ءوڭىردىڭ دامۋىنىڭ قاتىناسىن ويداعىداي ءبىر جاقتى ەتىپ، اۋدان قالاشىقتارىن ماڭىزدى دانەكەر ەتكەن قالا - قالاشىقتاندىرۋ قۇرىلىسىن ىلگەرىلەتىپ، قالا مەن اۋىلدىڭ توعىسا دامۋىن جەبەۋ كەرەك. قالالاردىڭ تاسقىننان ساقتانۋ، سەل ىعىستىرۋ قابىلەتىن كۇشەيتۋ كەرەك. حالىقتىڭ تۇرمىس ساپاسىن ءوسىرىپ، كەدەيلىكتەن ارىلتۋدان قامال الۋ تابىستارىن بەكەمدەپ، جوعارىلاتىپ، اۋىل - قىستاقتى گۇلدەندىرۋمەن ءونىمدى تۇردە قابىستىرۋدى كۇشەيتۋ كەرەك. حالىقتىڭ كىرىس دەڭگەيىن جوعارىلاتىپ، جۇمىستاندىرۋعا، وقۋ - اعارتۋعا، قوعامدىق قامسىزداندىرۋعا، ەمدەۋگە ۇسىنىلىم سەرپىنىن كۇشەيتىپ، قولايلى بولۋىن، تەڭ يگىلىكتەنۋدى جەبەپ، بىرگە بايۋدى تىڭعىلىقتى ىلگەرىلەتۋ كەرەك. ءبىر تۇتاس، اشىق، ءتارتىپتى تاسىمال بازارىن قۇرىپ، تاسىمال قۇرىلىمىن ساپالىلاندىرىپ رەتتەپ، تاسىمالدى ۇيىمداستىرۋ ۇلگىسىنە جاڭالىق ەنگىزۋ كەرەك.

  شي جينپيڭ بىلاي دەپ اتاپ كورسەتتى: جوعارى دەڭگەيدە ەسىك اشۋدىڭ جاڭا بەلەسىن قالىپتاستىرۋ كەرەك. تەڭىز جاعالاۋىن، وزەن جاعالاۋىن، شەكارا بويىن جانە ىشكى قۇرلىقتى اشىق ۇستاۋدى ءبىر تۇتاس جوسپارلاپ، اناعۇرلىم كوپ اشىق ۇستالعان ىشكى قۇرلىق جەرلەردى جەدەل جەتىلدىرىپ، شەكارا بويىن اشىق ۇستاۋدىڭ دەڭگەيىن جوعارىلاتىپ، جوعارى ساپالى ەنگىزۋ مەن جوعارى دەڭگەيدەگى سىرتقا شىعارۋدى جۇزەگە اسىرۋ، ساۋدانىڭ جاڭالىق اشا دامۋىن ىلگەرىلەتىپ، شەتەل قارجىسىنان اناعۇرلىم جوعارى ساپادا پايدالانۋ كەرەك. ەرەجە، ولشەم سياقتى تۇزىمدىك ەسىك اشۋدى جەدەل ىلگەرىلەتىپ، ەركىن ساۋدا سىناق رايونىنىڭ ورنالاسۋىن كەمەلدەندىرىپ، اناعۇرلىم جوعارى دەڭگەيدەگى اشىق ەكونوميكالىق جاڭا ءتۇزىلىس قۇرۋ كەرەك. اشىق ۇستاۋ مەن حاۋىپسىزدىكتىڭ بايلانىسىن ويداعىداي يگەرىپ، اشىق ۇستاۋدىڭ تورىن نىعايتۋ، بەكەمدەۋ كەرەك. چاڭجياڭ بويىنداعى ولكە، قالالار ەل ءىشى، حالىقارا قوس اينالىم ءبىرىن - ءبىرى جەبەيتىن جاڭا دامۋ ارناسىندا ءوز ورىندارىن ءداپ باسىپ تاۋىپ، بازاردى ىرىقتى تۇردە دۇنيە جۇزىنە اشىق ۇستاۋ كەرەك. چاڭجياڭ ەكونوميكالىق بەلدەۋىنىڭ دامۋى مەن “ءبىر بەلدەۋ، ءبىر جولدى“ بىرگە قۇرۋدىڭ توعىسۋىن ىلگەرىلەتىپ، چاڭجياڭ ەكونوميكالىق بەلدەۋىندە ”ءبىر بەلدەۋ، ءبىر جول“ ستراتەگيالىق تىرەك قۇرىلىسىن جەدەلدەتىپ، قارجى قوسۋ مەن ساۋدانى كەڭەيتىپ، گۋمانيتارلىق بارىس - كەلىس پەن حالىق تىلەگىنىڭ توعىسۋىن جەبەۋ كەرەك.

  شي جينپيڭ بىلاي دەپ باسا دارىپتەدى: كاسىپ سالاسى نەگىزىنىڭ جوعارى دارەجەلىلەنۋىن، كاسىپ سالاسى تىزبەگىنىڭ وسىزاماندانۋىن جەدەلدەتۋ كەرەك. باتىلدىقپەن جاڭالىق اشىپ، ەكونوميكالىق دامۋدىڭ كۇش سالۋ ءتۇيىنىن ناقتى ەكونوميكاعا قويۋعا تاباندى بولىپ، كاسىپ سالاسى نەگىزىنىڭ جوعارى دارەجەلىلەنۋىن، كاسىپ سالاسى تىزبەگىنىڭ وسىزاماندانۋىن ارقاۋ ەتە وتىرىپ، سايكەسە بىرلەسە قيمىلداۋدىڭ جالپىلىق باسىمدىعىن ساۋلەلەندىرىپ، جاڭالىق اشۋ ارقىلى دامۋعا دەم بەرۋدىڭ جاڭا باسىمدىعىن جاپپاي تۇلعالاۋ كەرەك. ءوندىرىس، وقىتۋ، زەرتتەۋ ءونىمدى تۇردە ۇشتاسقان، ءوڭىر اتتاپ كۇش بىرىكتىرە سەلبەسەتىن ءتۇزىلىس - مەحانيزم ورناتىپ، كەلەلى جاڭالىق اشۋ تۇعىرىنان ءبىر توبىن قاۋىرت ورنالاستىرىپ، ءبىر توپ شەشۋشى، وزەكتى تەحنيكالاردا جەدەل سەرپىلىس جاساپ، شەشۋشى بۋىنداردىڭ، شەشۋشى سالالاردىڭ، شەشۋشى ونىمدەردىڭ قامتاماسىز ەتۋ قابىلەتىن كۇشەيتۋ كەرەك. عىلىم - تەحنيكالىق جاڭالىق اشۋ ورتالىعى مەن كەشەندى مەملەكەتتىك تاجىريبەحانا قۇرىلىسىن ىلگەرىلەتىپ، ءتول جاڭالىق اشۋ قابىلەتى مەن دەڭگەيىن جوعارىلاتۋ كەرەك. كاسىپورىنداردىڭ جاڭالىق اشۋداعى تۇلعالىق ورنىن كۇشەيتىپ، حالىقارالىق باسەكەلىك قابىلەتكە يە وزىق جاساۋ كاسىبى شوعىرىن قالىپتاستىرۋ، ءوز كۇشىنە سۇيەنىپ دەربەس مەڭگەرىلەتىن، حاۋىپسىز، جوعارى ءونىمدى ءارى بۇكىل ەلگە قىزمەت وتەيتىن كاسىپ سالاسى تىزبەگىن، قامداۋ تىزبەگىن قالىپتاستىرۋ كەرەك. ءار ءتۇرلى نەگىزگى تۇلعالاردىڭ ومىرشەڭدىگىن قاۋلاتىپ، فاكتورلاردىڭ ەركىن اينالىس جاساۋىنا تۇساۋ بولاتىن تۇزىمدىك بۇعاۋدى تالقانداپ، عىلىم - تەحنيكا جەتىستىكتەرىنىڭ كادەگە جاراۋىن ىلگەرىلەتۋ كەرەك. استىق حاۋىپسىزدىگى ماسەلەسىنە بارىنشا ءمان بەرۋ كەرەك.

  شي جينپيڭ بىلاي دەپ اتاپ كورسەتتى: چاڭجياڭ مادەنيەتىن قورعاۋ، جالعاستىرۋ، ساۋلەلەندىرۋ كەرەك. چاڭجياڭ باشاننان شۋشۇيدان جياڭنانداعى سۋلى مەكەندەرگە دەيىن 1000 جىلدىق مادەنيەت تامىرلاستىعىن تۇلعالاعان، ول جۇڭحۋا ۇلتىنىڭ ۋاكىلدىك بەلگىسى جانە جۇڭحۋا وركەنيەتىنىڭ بەلگىلىك سيمۆولى، سوتسياليستىك وزەكتى قۇن كوزقاراسىن نارلەندىرەتىن ماڭىزدى قاينار. چاڭجياڭ مادەنيەتىن ويداعىداي قورعاپ، ويداعىداي جالعاستىرىپ، ويداعىداي ساۋلەلەندىرىپ، تاريحي مادەنيەت جەلىسىن جالعاستىرىپ، مادەنيەت سەنىمىن بەكەمدەۋ كەرەك. چاڭجياڭ مادەني ەسكەرتكىشتەرى مەن مادەنيەت مۇرالارىن ويداعىداي قورعاپ، چاڭجياڭ مادەنيەتىنىڭ ىشكى ءمان - مازمۇنىن ىشكەرىلەي زەرتتەپ، تاڭداۋلى ءداستۇرلى مادەنيەتتىڭ جاسامپازدىقپەن كادەگە جاراۋىن، جاسامپازدىقپەن دامۋىن ىلگەرىلەتۋ كەرەك. چاڭجياڭنىڭ تاريحي مادەنيەتىن، تاۋ - سۋ مادەنيەتىن قالا، اۋىلدىڭ دامۋىمەن توعىستىرىپ، جەرگىلىكتى ەرەكشەلىكتى كورنەكتىلەندىرۋ، ”ازداپ وزگەرىس ەنگىزۋ“ سىندى ”ىجداعاتتىلىقپەن ىستەۋ“ ونەرىن اناعۇرلىم كوپ پايدالانىپ، تاريحي مادەنيەت كوشەلەرىن، اۋماقتارىن جوندەپ قالپىنا كەلتىرۋ كەرەك.

  شي جينپيڭ بىلاي دەپ باسا دارىپتەدى: ءار دارەجەلى پارتكومدار مەن ۇكىمەتتەردەگى باسشى جولداستار، اسىرەسە، پارتيا مەن ۇكىمەتتىڭ ءبىرىنشى باسشىلارى پارتيا ورتالىق كوميتەتىنىڭ چاڭجياڭ ەكونوميكالىق بەلدەۋىن دامىتۋ جونىندەگى شەشىمدەرىن، ورنالاستىرۋلارىن باتىل تياناقتاندىرىپ، سەنىمدى بەكەمدەپ، باتىلدىقپەن جاۋاپكەرشىلىك ارقالاپ، تەمىرگە ءىز، تاسقا تاڭبا قالدىرىپ، قىزمەتتى شىن مانىندە ناقتى، ويداعىداي يگەرىپ، ناتيجە شىعارۋ كەرەك. كەزەكتەگى چاڭجياڭ ەكونوميكالىق بەلدەۋىنىڭ دامۋىن تەجەپ وتىرعان قولامتالى، قيىن، تولعاقتى ماسەلەلەرىن ارقاۋ ەتە ىشكەرىلەي زەرتتەۋ جۇرگىزىپ، شىنايى جاعدايدى انىقتاپ، ماسەلەلەردىڭ كۇرمەۋىن ءداپ باسىپ تاۋىپ، توتەپ بەرۋ شاراسىن العا قويۋ كەرەك. ورتالىققا قاراستى كاسىپورىندار، قوعامدىق ۇيىمدار چاڭجياڭ ەكونوميكالىق بەلدەۋىنىڭ دامۋىنا بەلسەنە ات سالىسىپ، ادام كۇشى، زات كۇشى، قازىنا كۇشى سياقتى جاقتارداعى ۇسىنىلىمدى ارتتىرىپ، بۇكىل قوعام چاڭجياڭ ەكونوميكالىق بەلدەۋىنىڭ دامۋىن بىرگە ىلگەرىلەتەتىن تاماشا بەينە قالىپتاستىرۋ كەرەك. تاريحي توزىمدىلىك پەن ستراتەگيالىق تاباندىلىقتى ساقتاپ، جوبانى سوڭىنا دەيىن جاساپ، بىرىنەن سوڭ ءبىرىن جالعاستىرا ىستەپ، چاڭجياڭنىڭ ءمولدىر سۋىنىڭ ۇرپاقتارعا جالعاسۋىنا، حالىققا يگىلىك جەتكىزۋىنە شىنايى كەپىلدىك ەتۋ كەرەك.

  حان جىڭ سوزىندە مىنالاردى ءبىلدىردى: چاڭجياڭ ەكونوميكالىق بەلدەۋىنىڭ دامۋىن ىلگەرىلەتۋدە، باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، ۇعىنىپ، پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن دايەكتىلەندىرىپ، تياناقتاندىرىپ، جاڭا دامۋ ۇستانىمىن دامۋدىڭ جالپى بارىسى مەن ءار سالاسىنا ءسىڭىرىپ، جوعارى ساپالى دامۋدى ىلگەرىلەتۋدە جاقسى ۇلگى بولىپ، جاڭا دامۋ ارناسىن جەدەل قالىپتاستىرۋعا اناعۇرلىم زور ۇلەس قوسۋ كەرەك. ەكولوگيالىق ورتانى جان - جاقتى وڭاۋدى، جۇيەلى وڭاۋدى، تۋ باستان وڭاۋدى كۇشەيتىپ، اسىرەسە، چاڭجياڭدا ”بالىق اۋلاۋعا 10 جىل تيىم سالۋدى“ ويداعىداي يگەرىپ، چاڭجياڭداعى سۋ ورگانيزمدەرىنىڭ كوپ تۇرلىلىگىنىڭ قالپىنا كەلۋىن ىلگەرىلەتۋ كەرەك. ءوڭىردىڭ سايكەسە بىرلەسىپ دامۋىن كۇشەيتىپ، چاڭجياڭ ەكونوميكالىق بەلدەۋىنىڭ عىلىم - تەحنيكالىق جاڭالىق اشۋ قابىلەتىنىڭ تۇلعالىق جاقتان جوعارىلاۋىن ىلگەرىلەتىپ، كاسىپ سالاسىنىڭ جايعاسۋىن ءبىر تۇتاس جوسپارلاپ ساپالىلاندىرىپ، لاستاۋشى كاسىپ سالالارىنىڭ، كاسىپورىنداردىڭ جوعارعى، ورتا اعارداعى وڭىرلەرگە قاراي ويىسۋىنا قاتاڭ تيىم سالۋ كەرەك. كەشەندى قاتىناس - تاسىمال جۇيەسى قۇرىلىسىن كۇشەيتىپ، نەگىزگى سۋ جولىنىڭ قاتىناۋ قابىلەتىن جۇيەلى تۇردە ارتتىرىپ، تەمىر جول، تاس جول، اۋە جولى تاسىمال تورىن كۇشەيتۋ كەرەك. شار تاراپقا ەسىك اشۋدى كۇشەيتىپ، ”ءبىر بەلدەۋ، ءبىر جول“ قۇرىلىسىمەن تەرەڭ توعىسىپ، ەل ءىشى، حالىقارا قوس اينالىمىنىڭ ءبىرىن - ءبىرى جەبەۋىن ىلگەرىلەتۋ كەرەك.

  ديڭ شۋەشياڭ، ليۋ حى، چىن شي، شياۋ جيە اڭگىمە ماجىلىسكە قاتىناستى.

  ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار، قاتىستى ولكە، قالالارداعى جاۋاپتى جولداستار اڭگىمە ماجىلىسكە قاتىناستى.