پۋدۇڭدى يگەرۋدىڭ، اشىق ۇستاۋدىڭ 30 جىلدىعىن قۇتتىقتاۋ جينالىسى سالتاناتپەن وتكىزىلدى
شي جينپيڭ ماڭىزدى ءسوز سويلەدى
11 - ايدىڭ 12 - كۇنى پۋدۇڭدى يگەرۋدىڭ، اشىق ۇستاۋدىڭ 30 جىلدىعىن قۇتتىقتاۋ جينالىسى شاڭحاي قالاسىندا وتكىزىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جينالىستا ماڭىزدى ءسوز سويلەدى.
پۋدۇڭدى يگەرۋدىڭ، اشىق ۇستاۋدىڭ 30 جىلدىعىن قۇتتىقتاۋ جينالىسى 11 - ايدىڭ 12 - كۇنى تۇستەن بۇرىن شاڭحاي قالاسىندا وتكىزىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جينالىستا ماڭىزدى ءسوز سويلەپ بىلاي دەپ باسا دارىپتەدى: ورايدى مىقتى يگەرىپ، وسى ەكپىنمەن العا ۇمتىلىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتىنىڭ ەكىنشى، ءۇشىنشى، ءتورتىنشى، بەسىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، جاڭا دامۋ كەزەڭىن عىلمي يگەرىپ، جاڭا دامۋ ۇستانىمىن باتىل دايەكتىلەندىرىپ، جاڭا دامۋ ارناسىن قالىپتاستىرۋعا قىزمەت وتەپ، ورنىقتىلىق بارىسىندا ىلگەرىلەۋ سىندى قىزمەت جالپى ارناسىنا تاباندى بولىپ، ەڭ اۋىر جۇكتى جۇرەكتىلىكپەن ارقالاپ، ەڭ ماشاقاتتى تۇيىندەردى شەشىپ، اناعۇرلىم جوعارى دەڭگەيدە رەفورما جاساۋدىڭ، ەسىك اشۋدىڭ جول اشار اۆانگاردى، جاپپاي سوتسياليستىك وسىزاماندانعان مەملەكەت قۇرۋدىڭ اتويشىسى، ”ءتورت سەنىمدى“ ايگىلەۋ امالياتىنىڭ ۇلگىسى بولۋعا قۇلشىنىپ، دۇنيە جۇزىنە جۇڭگو ۇستانىمىن، جۇڭگو رۋحىن، جۇڭگو جولىن اناعۇرلىم ويداعىداي كورسەتۋ كەرەك.
شاڭحاي الەمدىك كورمە ورتالىعى سالتاناتتى، قىزۋ مەرەيگە شومدى. جينالىس زالىنا: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، پۋدۇڭنىڭ جوعارى دەڭگەيدە رەفورما جاساۋىن، ەسىك اشۋىن ىشكەرىلەي ىلگەرىلەتىپ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە جەتۋگە تىڭ ۇلەس قوسايىق! دەگەن كەرمە تۋ بيىك ءىلىندى.
9دان 30 مينۋت وتكەندە جينالىس باستالدى. زالداعىلار تۇگەل ورىندارىنان تۇرىپ، مەملەكەت ءانىن اسقاقتاتا شىرقادى.
قىزۋ مەرەيلى شاپالاق ءۇنى ىشىندە شي جينپيڭ ماڭىزدى ءسوز سويلەدى. ول بىلاي دەپ باسا دارىپتەدى: 30 جىلدىڭ الدىندا پارتيا ورتالىق كوميتەتى حالىقارالىق، ەل ىشىندەگى ۇلكەن اۋقىمدى جالپى بەتتىك تۇجىرىمداپ، رەفورمانىڭ، دامۋدىڭ كەلەلى جاعدايىن ءبىر تۇتاس جوسپارلاپ يگەرىپ، شاڭحايدىڭ پۋدۇڭىن يگەرۋ، اشىق ۇستاۋ تۋرالى كەلەلى شەشىم جاساپ، ەلىمىزدىڭ رەفورما جاساۋىنىڭ، ەسىك اشۋىنىڭ ىشكەرىلەي ىلگەرىلەۋىنىڭ شىت جاڭا پاراعىن اشتى. پارتيا ورتالىق كوميتەتى پۋدۇڭدى يگەرۋگە، اشىق ۇستاۋعا ايرىقشا ءمان بەرىپ، ۇلكەن ءۇمىت ارتتى، شاڭحايدىڭ پۋدۇڭىن يگەرۋدى، اشىق ۇستاۋدى باستاماشى ەتىپ، چاڭجياڭ وزەنى بويىنداعى قالالاردى ونان ارى اشىق ۇستاپ، شاڭحايدى حالىقارالىق ەكونوميكا، فينانس، ساۋدا ورتالىقتارىنىڭ ءبىرى ەتىپ جەدەل قۇرىپ شىعىپ، چاڭجياڭ اتىراۋى جانە جالپى چاڭجياڭ وزەنى الابى ءوڭىرى ەكونوميكاسىنىڭ تىڭ شارىقتاۋىنا جەتەكتەۋدى باسا دارىپتەدى، پۋدۇڭنىڭ ەسىك اشۋدى كەڭەيتۋ، ءوز كۇشىنە سۇيەنىپ جاڭالىق اشۋ جاعىندا الدىڭعى قاتاردا ءجۇرۋىن تالاپ ەتتى. جاڭا داۋىرگە وتكەندە، پارتيا ورتالىق كوميتەتى پۋدۇڭدى يگەرۋ، اشىق ۇستاۋ جونىندە ۇزدىكسىز تۇردە ايقىن تالاپ قويىپ، ءبىرسىپىرا مەملەكەتتىك ستراتەگيالىق مىندەتتەردى پۋدۇڭعا جۇكتەپ، پۋدۇڭدى يگەرۋدە، اشىق ۇستاۋدا ۇزدىكسىز تىڭ كەلبەتىن ايگىلەۋدى ىلگەرىلەتتى.
شي جينپيڭ پارتيا ورتالىق كوميتەتى، مەملەكەتتىك كەڭەس جانە ورتالىق اسكەري ىستەر كوميتەتى اتىنان شاڭحايداعى قالىڭ كادر - بۇقاراعا قىزۋ مەرەيلى قۇتتىقتاۋ ايتىپ، شىن ىقىلاستى سالەم جولدادى! پۋدۇڭدى يگەرۋگە، اشىق ۇستاۋعا كوڭىل بولگەن، قولداۋ كورسەتكەن، ات سالىسقان بارلىق شياڭگاڭدىق، اۋمىندىق، تايۋاندىق باۋىرلاستارعا، شەتەلدەگى چياۋمين باۋىرلاستارعا جانە ءار ەل قايراتكەرلەرىنە شىن جۇرەكتەن العىس ايتتى!
شي جينپيڭ بىلاي دەپ اتاپ كورسەتتى: 30 جىلدان بەرى، پۋدۇڭ پارتيا ورتالىق كوميتەتىنىڭ شەشىمدەرىن، ورنالاستىرۋلارىن جاسامپازدىقپەن دايەكتىلەندىرىپ، تياناقتاندىرىپ، كۇللى دۇنيەنىڭ نازارىن اۋدارعان جەتىستىكتەرگە قول جەتكىزدى، ەكونوميكادا قارىشتاپ دامۋدى جۇزەگە اسىرىپ، رەفورما جاساۋدا، ەسىك اشۋدا بۇكىل مەملەكەتتىڭ الدىڭعى لەگىندە ءجۇردى، وزەكتى باسەكەلىك قابىلەتى زور مولشەردە كۇشەيىپ، حالىقتىڭ تۇرمىس دەڭگەيى جالپى تۇلعالىق سيپاتتى جوعارىلادى. پۋدۇڭدى يگەرۋدىڭ، اشىق ۇستاۋدىڭ 30 جىلىندا قول جەتكىزگەن ەلەۋلى جەتىستىكتەر جۇڭگوشا سوتسياليستىك ءتۇزىم ابزالدىلىعىنىڭ ەڭ جاندى رەال، ايقىن دالەلى، رەفورما جاساۋدىڭ، ەسىك اشۋدىڭ جانە سوتسياليستىك وسىزامانداندىرۋ قۇرىلىسىنىڭ ەڭ جالىندى امالياتتىق ايعاعى. اماليات مىنانى تولىق دالەلدەدى: پارتيا 11 - كەزەكتى ورتالىق كوميتەتىنىڭ ءۇشىنشى جالپى ماجىلىسىنەن بەرى قالىپتاسقان پارتيانىڭ نەگىزگى نازاريالارى، نەگىزگى لۋشيانى، نەگىزگى جالپى جوباسى بۇكىلدەي دۇرىس؛ رەفورما جاساۋ، ەسىك اشۋ − جۇڭگوشا سوتسياليزمگە تاباندى بولۋدىڭ جانە ونى دامىتۋدىڭ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ، ءسوز جوق، باسىپ وتەر جولى؛ رەفورما جاساۋدا، دامۋدا، ءسوز جوق، حالىقتى وزەك ەتۋگە تاباندى بولىپ، حالىقتىڭ تاماشا تۇرمىسقا دەگەن تالپىنىسىن كۇرەس نىسانامىز ەتىپ، حالىققا سۇيەنە وتىرىپ تاريحي ۇلى ناتيجە جاراتۋ كەرەك.
شي جينپيڭ بىلاي دەپ باسا دارىپتەدى: قازىردەن وسى عاسىردىڭ ورتا شەنىنە دەيىنگى ۋاقىت ەلىمىز جاپپاي سوتسياليستىك وسىزاماندانعان قۇدىرەتتى مەملەكەت ورناتاتىن 30 جىل. جاڭا ساپاردا ءبىز پۋدۇڭنىڭ جاڭا تاريحي ورنى مەن بورىشىن جۇڭحۋا ۇلتىنىڭ ۇلى گۇلدەنۋ ستراتەگياسىنىڭ جالپى جاعدايى، دۇنيە جۇزىندە 100 جىلدا بولماعان ۇلكەن وزگەرىس سىندى ەكى كەلەلى جاعداي اياسىنا قويىپ جوسپارلاۋىمىز، ەل ىشىندەگى ۇلكەن اينالىمدى نەگىزگى تۇلعا ەتەتىن، ەل ءىشى، حالىقارا سىندى قوس اينالىم ءبىرىن - ءبىرى جەبەيتىن جاڭا دامۋ ارناسىن قالىپتاستىرۋ اياسىنا قويىپ ويلاستىرۋىمىز جانە جوسپارلاۋىمىز، وزگەرىستى ءدال تانۋىمىز، وزگەرىسكە عىلمي توتەپ بەرۋىمىز، ىرىقتىلىقپەن وزگەرىسكە ۇمتىلۋىمىز، داعدارىس ىشىندە ىڭعايلى وراي جەتىلدىرۋىمىز، وزگەرىس ىشىندە جاڭا جاعداي اشۋىمىز كەرەك.
شي جينپيڭ بىلاي دەپ اتاپ كورسەتتى: جاڭالىق اشۋ قوزعالتقىشىن بار كۇشپەن كۇشەيتىپ، ءوز كۇشىنە سۇيەنىپ جاڭالىق اشۋدىڭ جاڭا بيىگىن قالىپتاستىرۋ كەرەك. دۇنيە ءجۇزى عىلىم - تەحنيكاسىنىڭ الدىڭعى لەگىن بەتكە الىپ، ەكونوميكانىڭ نەگىزگى شايقاس مايدانىن بەتكە الىپ، مەملەكەتتىڭ ەلەۋلى قاجەتتەرىن بەتكە الىپ، حالىقتىڭ ءومىرىن، سالاماتتىعىن بەتكە الىپ، نەگىزدىك زەرتتەۋلەر مەن قولدانبالى نەگىزدىك زەرتتەۋلەردى كۇشەيتىپ، شەشۋشى، وزەكتى تەحنيكالاردان قامال الۋ شايقاسىن ويداعىداي جۇرگىزىپ، عىلىم - تەحنيكا جەتىستىكتەرىنىڭ ناقتى وندىرگىش كۇشكە اينالۋىن جەدەلدەتىپ، كاسىپ سالاسى تىزبەگىنىڭ دەڭگەيىن كوتەرىپ، بۇكىل ەلدەگى كاسىپ سالاسى تىزبەگىنىڭ، قامداۋ تىزبەگىنىڭ ورنىقتىلىعىنا شىنايى كەپىلدىك ەتۋ ءۇشىن كوپتەپ تىڭ ۇلەس قوسۋ كەرەك. نەگىزدىك عىلىم - تەحنيكا سالاسىندا ۇلكەن جاڭالىقتار اشىپ، شەشۋشى، وزەكتى تەحنيكالار سالاسىندا ۇلكەن سەرپىلىس جاساپ، عىلىم - تەحنيكالىق جاڭالىق اشۋدىڭ وشاقتىق يقۋاتىن اناعۇرلىم ويداعىداي ساۋلەلەندىرۋ كەرەك. جاڭالىق اشۋدىڭ، شارۋاشىلىق قۇرۋدىڭ ەكولوگيالىق ورتاسىن ساپالىلاندىرىپ، نەگىزدىك زەرتتەۋلەر، قولدانبالى زەرتتەۋلەر جانە كاسىپ سالالاندىرۋدى قوس باعىتتا جالعايتىن جەدەل ارنانى ىركىلىسسىزدەندىرۋ كەرەك. نازاردى شەشۋشى سالالاردا جاڭالىق اشۋ تيبىندەگى كاسىپ سالالارىن دامىتۋعا شوعىرلاندىرىپ، ينتەگرالدى تىزبەك، بيولوگيالىق ءدارى - دارمەك، جاساندى زەردە سياقتى سالالاردا الەمدىك دەڭگەيدەگى كاسىپ سالالار شوعىرىن قالىپتاستىرۋدى جەدەلدەتۋ كەرەك. عىلىم - تەحنيكادا جاڭالىق اشۋ ءتۇزىلىس رەفورماسىن تەرەڭدەتىپ، كاسىپورىنداردىڭ تەحنيكالىق جاڭالىق اشۋداعى تۇلعالىق رولىن ساۋلەلەندىرىپ، چاڭجياڭ اتىراۋى ءوڭىرىنىڭ كاسىپ سالالار شوعىرىمەن جۇمىس بولىسە وتىرىپ سەلبەسۋدى كۇشەيتىپ، ءبىر توپ وزەكتى بولشەكتەردە سەرپىلىس جاساپ، ءبىر توپ جوعارى دەڭگەيلى ونىمدەردى ورتاعا سالىپ، ءبىر توپ جۇڭگو ولشەمىن قالىپتاستىرۋ كەرەك. حالىقارالىق ۇلكەن عىلىم جوسپارلارىنا جانە ۇلكەن عىلىم ينجەنەريالارىنا بەلسەنە ارالاسىپ، ونى باستاماشى بولا وتىرىپ ۇيىمداستىرىپ، الەمدىك عىلىم - تەحنيكادا سايكەسە جاڭالىق اشۋ كەرەك.
شي جينپيڭ بىلاي دەپ باسا دارىپتەدى: رەفورمانىڭ جۇيەلى جيناقتالۋىن كۇشەيتىپ، جوعارى ساپالى دامۋدىڭ جاڭا قوزعاۋشى كۇشىن جانداندىرۋ كەرەك. نازاردى نەگىزدىك جانە ەلەۋلى جەتەكتەۋ رولىنا يە رەفورما شارالارىنا شوعىرلاندىرىپ، ساياساتتىق بەتالىس جاعىندا ءوزارا سايكەستىرىپ، اتقارۋ بارىسىندا ءبىرى ارقىلى ءبىرىن جەبەپ، رەفورمانىڭ ناتيجەسى جاعىندا ءبىرىن - بىرىنە ساي كەلتىرىپ، ءار جاقتاعى تۇزىمدەردىڭ اناعۇرلىم كەمەلىنە كەلۋىن، اناعۇرلىم تۇلعالانۋىن ىلگەرىلەتۋ كەرەك. رەفورمانىڭ جۇيەلى، جيناقى، سايكەسىمدى، جوعارى ءونىمدى بولۋى جاعىندا الدىمەن سىناق ەتىپ، تاجىريبە قولعا كەلتىرىپ، جالپىلىق سيپاتتى رەفورمالاردى تۇيىندە سىناق ەتۋدى قاراستىرىپ جانە ورىستەتىپ، ماڭىزدى سالالار مەن شەشۋشى بۋىندارداعى رەفورمالاردى ءبىر تۇتاس جوسپارلاپ ىلگەرىلەتىپ، زاتتاردىڭ دامۋىنىڭ جالپى بارىسىن، كاسىپ سالاسى دامۋىنىڭ جالپى تىزبەگىن، كاسىپورىندار دامۋىنىڭ جالپى عۇمىر اينالىمىن نەگىزگە الا وتىرىپ رەفورمانى جوسپارلاپ، جوبالاپ، كەلەلى تۇزىمدىك جاڭالىق اشۋلاردىڭ ءبىر - بىرىمەن تولىقتاي بايلانىسۋىن جانە ۇشتاسۋىن، سايكەسۋىن كۇشەيتىپ، رەفورمانىڭ جالپىلىق اسەرىن ۇلعايتىپ، بازارلانعان، زاڭمەن جونگە سالىناتىن، حالىقارالىق بىرەگەي شارۋاشىلىق - ساۋدا ورتاسىن قالىپتاستىرۋ كەرەك.
شي جينپيڭ بىلاي دەپ اتاپ كورسەتتى: جوعارى دەڭگەيدە، تۇزىمدىك تيپتە ەسىك اشۋدى ىشكەرىلەي ىلگەرىلەتىپ، حالىقارالىق سەلبەستىك پەن باسەكەدەگى جاڭا باسىمدىقتى كوبەيتىپ اشۋ كەرەك. قاعيدا، ەرەجە، باسقارۋ، ولشەم سياقتى تۇزىمدىك تيپتە ەسىك اشۋدى كۇش سالا ىلگەرىلەتىپ، جوعارى دەڭگەيلى تۇزىممەن، جوعارى ساپالى ونىممەن، جوعارى ءونىمدى قارجىمەن قامداپ، حالىقارالىق سەلبەستىك پەن باسەكەگە اناعۇرلىم ويداعىداي قاتىناسۋ كەرەك. جۇڭگو (شاڭحاي) ەركىن ساۋدا سىناق رايونى لينگاڭ جاڭا اۋماعىنىڭ رولىن ءتىپتى جاقسى ساۋلەلەندىرىپ، ەڭ جوعارى ولشەمگە، ەڭ جوعارى ورەگە تۋرالانىپ، اناعۇرلىم جوعارى دەڭگەيلى قىسىم سىناعىن اتقارىپ، ءبىرقانشا ءتۇيىندى سالالاردا تىڭ سەرپىلىستى الدىمەن جۇزەگە اسىرۋ كەرەك. چاڭجياڭ اتىراۋىمەن بىرگە الەمدى شارپيىتىن تەڭىز تاسىمال تورابىن بىرگە قۇرۋدى جەدەلدەتىپ، جالپى تۇلعالىق باسەكەلىك قۋاتتى جانە ىقپال كۇشىن ارتتىرۋ كەرەك. دارىندىلاردى ەنگىزۋدىڭ اناعۇرلىم اشىق، اناعۇرلىم قولايلى ساياساتىن الدىمەن اتقارىپ، جوعارى دەڭگەيلى دارىندىلاردى، ماڭدايعا باسار دارىندىلاردى جانە ۇجىمدى، اسىرەسە، جاس تالانتتىلاردى بەلسەنە ەنگىزۋ كەرەك.
شي جينپيڭ بىلاي دەپ باسا دارىپتەدى: الەمدىك بايلىقتاردى جايعاستىرۋ قابىلەتىن نىعايتىپ، جاڭا دامۋ ارناسىن قۇرۋعا قىزمەت وتەۋ كەرەك. ەل ءىشى جانە حالىقارا ەكى بازاردى، ەكى ءتۇرلى بايلىقتى ءتىپتى جاقسى ءبىر تۇتاس جوسپارلاپ، بايلىقتاردى جايعاستىرۋ قابىلەتىن نىعايتىپ، قارجى، ينفورماتسيا، تەحنيكا، دارىندى، زات سياقتى فاكتورلاردى جايعاستىرۋدىڭ الەمدىك ىقپالىن كۇشەيتىپ، ەل ءىشى ۇلكەن اينالىمىنىڭ ورتالىق ءتۇيىنى جانە ەل ءىشى، حالىقارا قوس اينالىمىنىڭ ستراتەگيالىق جالعاۋشىسى بولۋعا قۇلشىنىپ، چاڭجياڭ اتىراۋىن ءبىر تۇلعالاندىرا دامىتۋدا باستاماشىلدىق ەتۋ، شارپۋ رولىن ءتىپتى جاقسى ساۋلەلەندىرۋ كەرەك. فينانس بازارى جۇيەسىن، ءونىم جۇيەسىن، قۇرىلىم جۇيەسىن، نەگىزدىك قۇرىلعى جۇيەسىن كەمەلدەندىرىپ، حالىقارالىق فينانس مال - مۇلىك ايىرباس تۇعىرىن قۇرىپ، ماڭىزدى، مول تاۋارلاردىڭ باعا ىقپالىن جوعارىلاتىپ، ناقتى ەكونوميكانىڭ دامۋىنا ءتىپتى جاقسى قىزمەت وتەۋ جانە جەتەكشىلىك ەتۋ كەرەك. اناعۇرلىم جوعارى قۋات دەڭگەيىندەگى باس شتاپ ەكونوميكاسىن دامىتىپ، الەمدىك كاسىپ سالاسى تىزبەگىنىڭ، قامداۋ تىزبەگىنىڭ، قۇن تىزبەگىنىڭ ماڭىزدى تورابىنا اينالۋ كەرەك.
شي جينپيڭ بىلاي دەپ اتاپ كورسەتتى: قالانى جونگە سالۋدى وسىزامانداندىرۋ دەڭگەيىن جوعارىلاتىپ، حالىق قالاسىن قۇرۋدىڭ جاڭا بەينەسىن اشۋ كەرەك. قالىڭ حالىق بۇقاراسىنىڭ قالا قۇرىلىسى مەن دامۋىنداعى تۇلعالىق ورنىنا تاباندى بولىپ، جۇڭگوشا ەرەكشەلىككە يە، ءداۋىر ەرەكشەلىگىن بەينەلەيتىن، ەلىمىزدىڭ سوتسياليستىك ءتۇزىم ابزالدىلىعىن ايگىلەيتىن ەرەسەن ۇلكەن قالانىڭ دامۋ جولىن قاراستىرۋ كەرەك. قالانى جونگە سالۋ دەڭگەيىن جوعارىلاتىپ، جونگە سالۋ تاسىلىندە، جونگە سالۋ ۇلگىسىندە، جونگە سالۋ ۇستانىمىندا جاڭالىق اشۋدى ىلگەرىلەتىپ، ەكونوميكالىق جونگە سالۋدى، قوعامدىق جونگە سالۋدى، قالانى جونگە سالۋدى ءبىر تۇتاس جوسپارلاپ ىلگەرىلەتەتىن جانە ورگانيكالى ۇشتاستىراتىن جونگە سالۋ جۇيەسىن باستاماشىلدىقپەن ورناتۋ كەرەك. حالىق بۇقاراسى ەڭ كوڭىل بولگەن، ەڭ تىكە، ەڭ رەال مۇددەلىك ماسەلەلەردى كۇش سالا شەشىپ، الەۋمەتتىك قىزمەت وتەۋدى بىركەلكىلەندىرۋ، ساپالىلاندىرۋ دەڭگەيىن ۇزدىكسىز جوعارىلاتۋ كەرەك. جاراسىمدى، تاماشا ەكولوگيالىق ورتانى قالىپتاستىرىپ، قالانى ادام مەن ادام، ادام مەن تابيعات جاراسىمدى قاتار تىرشىلىك ەتەتىن كورىكتى مەكەن ەتىپ قۇرۋ كەرەك. جالپى عۇمىر پەريودىندىق باسقارۋ ۇستانىمىن قالانى جوبالاۋ، قۇرۋ، باسقارۋ جالپى بارىسىنىڭ ءارقايسى بۋىنىنا ءسىڭىرىپ، الەۋمەتتىك دەنساۋلىق ساقتاۋ بويىنشا توتەنشە جاعدايلارعا توتەپ بەرۋدى باسقارۋ جۇيەسىن كەمەلدەندىرۋدى جونگە سالۋ قابىلەتىن جوعارىلاتۋدىڭ ماڭىزدى بۋىنى ەتىپ، ەلەۋلى ىندەتتەن ساقتانۋ - تىزگىندەۋ ءتۇزىلىس مەحانيزمىن كۇش سالا كەمەلدەندىرىپ، ىندەتتەن ساقتانۋ - تىزگىندەۋدى ۇدايىلاندىرۋدى تيتتەي دە بوساڭسىتپاي جاقسى يگەرىپ، حالىقتىڭ سالاماتتىعىن جان - جاقتى، جالپى پەريودتى قامتاماسىز ەتۋ كەرەك.
شي جينپيڭ بىلاي دەپ باسا دارىپتەدى: كەلەر جىلى جۇڭگو كوممۋنيستىك پارتياسى قۇرىلعاندىعىنىڭ 100 جىلدىعى. شاڭحاي جۇڭگو كوممۋنيستىك پارتياسى دۇنيەگە كەلگەن جەر. قىزىل گەنگە مۇراگەرلىك ەتىپ، اۋەلگى ماقساتتى، بورىشتى امالياتتا ايگىلەپ، پارتيانىڭ قۇرىلىس ساپاسى مەن دەڭگەيىن ۇزدىكسىز جوعارىلاتىپ، رەفورما جاساۋدىڭ، ەسىك اشۋدىڭ دۇرىس بەتالىسىنا شىنايى كەپىلدىك ەتۋ كەرەك. قالىڭ پارتيا مۇشەلەرى، كادرلار جاۋاپكەرشىلىكتى باتىلدىقپەن ارقالاپ، باتىلدىقپەن اۆانگارد بولىپ، جاڭا داۋىردە تىڭ كەرەمەتتەردى كۇش سالا جارىققا شىعارۋ كەرەك.
جينالىستا پۋدۇڭ جاڭا رايونى پارتكومىنىڭ شۋجيى ۋىڭ زۋلياڭ، شاڭحاي ۋايگاۋچياۋ توبى جارنا شەكتى سەرىكتەستىگىنىڭ القا باستىعى ليۋ حۇڭ، جۇڭگو عىلىم اكادەمياسى شاڭحاي ءدارى - دارمەك زەرتتەۋ ورنىنىڭ بۇرىنعى باستىعى چىن كايشيان ىلگەرىندى - كەيىندى ءسوز سويلەدى.
لي چياڭ جينالىستى باسقاردى. ديڭ شۋەشياڭ، ليۋ حى، چىن شي، حى ليفىڭ جينالىسقا قاتىناستى.
ورتالىق جانە مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار، شاڭحاي قالاسى مەن پۋدۇڭ جاڭا رايونىنداعى قاتىستى جاۋاپتى جولداستار، جياڭسۋ، جىجياڭ، انحۇي جانە شىنجىن ەكونوميكالىق ەرەكشە رايونىنداعى، حىبەي شيۇڭ - ان جاڭا رايونىنداعى قاتىستى جاۋاپتى جولداستار، پۋدۇڭ جاڭا رايونىنداعى وزات ۇلگىلەردىڭ، سونداي - اق قۇرىلىسشىلاردىڭ ۋاكىلدەرى، پۋدۇڭ قۇرىلىسىنا قاتىناسقان شەتەلدىك قايراتكەرلەر ۋاكىلدەرى، شاڭحاي قالاسىنداعى جانە پۋدۇڭ جاڭا رايونىنداعى ءار سالا ۋاكىلدەرى قاتارلىلار جينالىسقا قاتىناستى.
سول كۇنى تۇستەن بۇرىن شي جينپيڭ قاتارلىلار ”مەملەكەت ستراتەگياسىنىڭ جەتەكشىلىگىندە − پۋدۇڭدى يگەرۋدىڭ، اشىق ۇستاۋدىڭ 30 جىلدىعى تاقىرىپتىق كورمەسىن“ تاماشالاپ، قۇتتىقتاۋ جينالىسىنا قاتىناسقان ءبىر بولىم ۋاكىلدەرمەن ىقىلاسپەن كەزدەستى ءارى كوپشىلىكپەن بىرگە ەستەلىك سۋرەتكە ءتۇستى.
