شي جينپيڭ سىچۋان - شيزاڭ تەمىر جولىنىڭ قۇرىلىس باستاۋى جونىندە ماڭىزدى نۇسقاۋ بەرىپ بىلاي دەپ باسا دارىپتەدى
”2 جول“ رۋحىن جانە چيڭحاي - شيزاڭ تەمىر جولى رۋحىن ساۋلەلەندىرىپ، ينجەنەريا قۇرىلىسىن جوعارى ساپامەن ىلگەرىلەتۋ كەرەك
لي كىچياڭ بەكىتۋ جازدى
جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جۋىقتا سىچۋان - شيزاڭ تەمىر جولىنىڭ قۇرىلىس باستاۋى جونىندە ماڭىزدى نۇسقاۋ بەرىپ بىلاي دەپ اتاپ كورسەتتى: سىچۋان - شيزاڭ تەمىر جولىن سالۋ − جاڭا داۋىردەگى پارتيانىڭ شيزاڭدى جونگە سالۋ جالپى جوباسىن دايەكتىلەندىرۋدەگى، تياناقتاندىرۋداعى ماڭىزدى شارا، ول مەملەكەتتىڭ تۇتاستىعىن قورعاۋ، ۇلتتار ىنتىماعىن جەبەۋ، شەكارا ءوڭىردىڭ ورنىقتىلىعىن بەكەمدەۋ جونىنەن، باتىس ءوڭىردىڭ، اسىرەسە، سىچۋان مەن شيزاڭ 2 ولكە، رايوننىڭ ەكونوميكالىق، قوعامدىق دامۋىن ىلگەرىلەتۋ جونىنەن اسا ماڭىزدى مانگە يە.
شي جينپيڭ بىلاي دەپ باسا دارىپتەدى: سىچۋان - شيزاڭ تەمىر جولى بويىنىڭ جەر بەدەرى - گەولوگيالىق جانە كليمات شارت - جاعدايى كۇردەلى، ەكولوگيالىق ورتاسى ءالسىز، قۇرىلىس جۇرگىزۋ قيىندىعى دۇنيە جۇزىندە سيرەك كەزدەسەدى، ەلىمىز سوتسياليستىك ءتۇزىمىنىڭ كۇش - قۋاتتى شوعىرلاندىرىپ ءىرى ىستەر تىندىراتىن ابزالدىلىعىن تولىق ساۋلەلەندىرىپ، وسى داڭقتى دا ماشاقاتتى تاريحي مىندەتتى ويداعىداي ورىنداۋ كەرەك. مەملەكەتتىك تەمىر جول توبى تۇلعالىق جاۋاپكەرشىلىكتى تياناقتاندىرىپ، قاتىستى ورىندار مەن سىچۋان - شيزاڭ 2 ولكە، رايون سايكەسۋدى، سەلبەسۋدى كۇشەيتىپ، دەن قويا ۇيىمداستىرىپ اتقارۋ، قالىڭ تەمىر جول قۇرىلىسشىلارى ”2 جول“ رۋحىن جانە چيڭحاي - شيزاڭ تەمىر جولى رۋحىن ساۋلەلەندىرىپ، قۇرىلىستى عىلمي جۇرگىزىپ، قۇرىلىستى حاۋىپسىز جۇرگىزىپ، قۇرىلىستى جاسىل جولمەن جۇرگىزىپ، ينجەنەريا قۇرىلىسىن جوعارى ساپامەن ىلگەرىلەتىپ، جاپپاي سوتسياليستىك وسىزاماندانعان مەملەكەت قۇرىپ شىعۋعا تىڭ ۇلەس قوسۋلارى كەرەك.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ بەكىتۋ جازىپ، بىلاي دەپ اتاپ كورسەتتى: سىچۋان - شيزاڭ تەمىر جولىن سالۋ − پارتيا ورتالىق كوميتەتىنىڭ، مەملەكەتتىك كەڭەستىڭ جالپى جاعدايدى تياناق ەتىپ، ۇزاق بولاشاقتى كوزدەي وتىرىپ جاساعان كەلەلى ستراتەگيالىق ورنالاستىرۋى. قاتىستى جاقتار شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرىن، ورنالاستىرۋلارىن مۇقيات دايەكتىلەندىرىپ، جاڭا دامۋ ۇستانىمىن تياناقتاندىرىپ، حاۋىپسىز، سەنىمدى بولۋدى الدىڭعى ورىنعا قويۋ، ۋاقىتتى ساپاعا بويسۇندىرۋ پرينسيبى بويىنشا، ينجەنەريا جوباسىن ساپالىلاندىرىپ، كەمەلدەندىرىپ، تەحنيكادان قامال الۋ سەرپىنىن ارتتىرىپ، قۇرىلىس جۇرگىزۋدى ۇيىمداستىرۋدى عىلمي ورنالاستىرىپ، ءوندىرىس حاۋىپسىزدىگى جاۋاپكەرشىلىگىن مىقتاپ يگەرىپ، ەكولوگيالىق ورتانى قورعاۋدى كۇشەيتىپ، ىندەتتەن ساقتانۋ - تىزگىندەۋ، بۇقارانىڭ حالىق تۇرمىسى سياقتى قىزمەتتەردى ءبىر تۇتاس ويداعىداي جوسپارلاپ، سىچۋان - شيزاڭ تەمىر جولى ينجەنەرياسى قۇرىلىسىن جوعارى باستامامەن، جوعارى ولشەممەن، جوعارى ساپامەن ىلگەرىلەتىپ، زاڭزۋ رايونىنداعى بۇقارانىڭ ىرىس - قۇتىن مولايتۋ، وڭىرلەردىڭ سايكەسە دامۋىن جەبەۋ جانە جاپپاي سوتسياليستىك وسىزاماندانعان مەملەكەت قۇرىپ شىعۋ ءۇشىن تىڭ ۇلەس قوسۋ كەرەك!
سىچۋان - شيزاڭ تەمىر جولىنىڭ (يا - ان - لينجى بولىگى) قۇرىلىس باستاۋعا جۇمىلدىرۋ جينالىسى 11 - ايدىڭ 8 - كۇنى بەيجيڭ جانە سىچۋان - شيزاڭ تەمىر جولىنىڭ مەڭگەرىلمەلى ينجەنەرياسى بولعان سىجيلا تاۋى تۋنەلى، دادۋحى وزەنىندەگى ەرەكشە ءىرى كوپىرى سىندى 3 جەردە بەينە ەكران بايلانىسى فورماسىندا ءبىر ۋاقىتتا وتكىزىلدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەستىڭ ورىنباسار زۇڭليى ليۋ حى جينالىستا شي جينپيڭنىڭ ماڭىزدى نۇسقاۋىن جەتكىزىپ، سىچۋان - شيزاڭ تەمىر جولى ينجەنەرياسى قۇرىلىسىنىڭ قولباسشىلىق شتابىنىڭ ماڭدايشالىعىن اشىپ، سىچۋان - شيزاڭ تەمىر جولى (يا - ان - لينجى بولىگى) قۇرىلىسى باستالعاندىعىن جاريالادى.
سىچۋان - شيزاڭ تەمىر جولىنىڭ چىڭدۋدان يا - انعا دەيىنگى بولىگىندە 2018 - جىلى 12 - ايدا پويەز قاتىناعان، لحاسادان لينجىعا دەيىنگى بولىگى 2015 - جىلى 6 - ايدا قۇرىلىس باستاعان، قازىر ينجەنەريا ءساتتى جۇرگىزىلۋدە، بۇل رەت قۇرىلىس باستاعان يا - اننان لينجىعا دەيىنگى بولىگى سىچۋان ولكەسىنىڭ، شيزاڭ اۆتونوميالى رايونىنىڭ ىشىندە. سىچۋاننىڭ يا - انىنان باستالىپ، شيزاڭنىڭ لينجىسىنە كەلىپ تىرەلەتىن جول جەلىسى مەملەكەتتىڭⅠدارەجەلى قوس جەلىلى تەمىر جول سانالادى، جاڭادان سالىناتىن باس جەلىنىڭ ۇزىندىعى 1011 كيلومەتر، جوباداعى ساعاتتىق جىلدامدىعى 120 كيلومەتردە 200 كيلومەتر. نىساندى مەملەكەتتىك تەمىر جولى توبى جاۋاپتى بولىپ ۇيىمداستىرىپ اتقارادى.
