ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 1 - ايدىڭ 25 - كۇنى تۇستەن بۇرىن ج ك پ ورتالىق كوميتەتى ساياسي بيۋروسىنىڭ 12 - رەتكى توپتىق ۇيرەنۋىندە ماڭىزدى ءسوز سويلەپ، بۇكىل ەلدەگى قالىڭ اقپارات قىزمەتكەرىن كوكتەم مەرەكەسىمەن قۇتتىقتادى.
ورتالىق كوميتەت ساياسي بيۋروسى وسى رەتكى توپتىق ۇيرەنۋدە نازاردى جالپىلىق اقپارات قۇرالدارى داۋىرىنە جانە اقپارات قۇرالدارىن توعىستىرا دامىتۋعا شوعىرلاندىرىپ، جۇڭنانحايدان شىعىپ، «ساباقحانانى» اقپارات قۇرالدارىن توعىستىرا دامىتۋدىڭ ءبىرىنشى شەبى − حالىق گازەتى مەكەمەسىنىڭ جاڭا اقپارات قۇرالى عيماراتىندا اشىپ، تەكسەرۋ - زەرتتەۋ، ءتۇسىندىرۋ، تالقىلاۋ ءوزارا ۇشتاسقان فورمامەن وتكىزدى.
شي جينپيڭ مىنالاردى دارىپتەدى: جاعدايعا قاراي جوسپار جاساپ، جاعدايعا سايكەس قيمىلداپ، جاعدايعا ساي ىستەپ، اقپارات قۇرالدارىن توعىستىرا دامىتۋدى جەدەل ىلگەرىلەتىپ، نەگىزگى اقپارات قۇرالدارىن قۇدىرەتتى تاراتۋ قۋاتىنا، جەتەكتەۋ قۋاتىنا، ىقپال قۋاتىنا، الەۋمەتتىك سەنىمدىلىك قۋاتىنا يە ەتىپ، جەلى مەن جەلى سىرتىنىڭ سەنترلەس شەڭبەرىن قالىپتاستىرىپ، جالپى حالىقتى مۇرات - سەنىم، قۇن ۇستانىمى، ءمورالدىق كوزقاراس جاعىندا تىعىز ىنتىماقتاستىرىپ، وڭ ەنەرگيانى اناعۇرلىم نىعايتىپ، نەگىزگى اۋەندى اناعۇرلىم اسقاقتاتا ءتۇسۋ كەرەك.
