بيىل − جۇڭگو حالىق ەرىكتىلەر ارمياسىنىڭ امەريكا جيھانگەرلەرىنە قارسى تۇرىپ، چاۋشيانعا كومەك بەرۋ ءۇشىن مەملەكەتتەن شىعىپ سوعىس جۇرگىزگەنىنىڭ 70 جىلدىعى. «ەكى 100 جىلدىق» كۇرەس نىساناسىنىڭ تاريحي توعىسۋ تۇيىنىندە تۇرىپ، جۇڭگو حالىق ەرىكتىلەر ارمياسى سىڭىرگەن تاريحي ۇلەستى قايتادان ەسكە الىپ، ايبىندى قاھارماندار ماداق جىرىن جازعان، ادامزاتتىڭ سوعىس تاريحىندا ءالسىز كۇشپەن مىعىم جاۋدى جەڭۋدىڭ شۇعىلالى ۇلگىسىن جاراتقان ەرىكتىلەر ارمياسىنىڭ قولباسشىلارى مەن جاۋىنگەرلەرىنە قۇرمەت ءبىلدىرۋ، امەريكا جيھانگەرلەرىنە قارسى تۇرىپ، چاۋشيانعا كومەك بەرۋ ۇلى رۋحىن بارىنشا ساۋلەلەندىرۋ بۇكىل پارتيانى، بۇكىل ارميانى، بۇكىل ەلدەگى ءار ۇلت حالقىن جاڭا داۋىردەگى جاڭا جورىقتا قيىندىقتاردى جەڭىپ، ەرلىكپەن العا باسۋعا شابىتتاندىرۋ جانە جۇمىلدىرۋ جونىنەن كەلەلى ماڭىز الادى.
باس شۋجي شي جينپيڭ بىلاي دەپ اتاپ كورسەتتى: «امەريكا جيھانگەرلەرىنە قارسى تۇرىپ، چاۋشيانعا كومەك بەرۋ سوعىسىنىڭ جەڭىسى − ادىلەتتىلىكتىڭ جەڭىسى، بەيبىتشىلىكتىڭ جەڭىسى، حالىقتىڭ جەڭىسى». «70 جىلدىڭ الدىندا تۋىلعان سوعىس يمپەرياليستىك شاپقىنشىلاردىڭ جۇڭگو حالقىنا زورلاپ تاڭعان سوعىسى ەدى. ا ق ش شىمىرىكپەستەن چاۋشيانعا جالپى بەتتىك سوعىس قوزعادى ءارى جۇڭگو ۇكىمەتىنىڭ تالاي رەتكى ەسكەرتۋىن ەسكەرمەي، سوعىس ءورتىن جۇڭحۋا حالىق رەسپۋبليكاسى تەرريتورياسىنا تاياۋ ماڭعا دەيىن تۇتاندىردى. جۇڭگو پارتياسى مەن ۇكىمەتى امەريكا جيھانگەرلەرىنە قارسى تۇرىپ، چاۋشيانعا كومەك بەرۋ، وتاندى قورعاۋ تاريحي شەشىمىن جاسادى، ەشنارسەدەن تايسالمايتىن ەرلىك جىگەرمەن بەيبىتشىلىكتى قورعاۋ تاريحي بورىشىن باتىلدىقپەن ارقالادى. بۇل دۇنيە جۇزىلىك ەكىنشى سوعىس اياقتاعاننان كەيىنگى ءبىرىنشى رەتكى كەڭ كولەمدى حالىقارالىق سيپاتتى ءىشىنارالىق سوعىس بولدى. كۇش پارقى اسا زور، توتەنشە قيىن - قىستاۋ جاعدايدا قاھارمان جۇڭگو حالىق ەرىكتىلەر ارمياسى ادىلەت تۋىن بيىك كوتەرىپ، چاۋشيان حالقىمەن جانە ارمياسىمەن بىرگە 2 جىل 9 اي ولىمنەن تايسالماي قان توگىپ شايقاس جۇرگىزىپ، امەريكا جيھانگەرلەرىنە قارسى تۇرىپ، چاۋشيانعا كومەك بەرۋ سوعىسىنىڭ ۇلى جەڭىسىنە قول جەتكىزدى. بەيبىتشىلىكتى قورعاپ، شاپقىنشىلىققا قارسى تۇرۋداعى وسى ادىلەتتى سوعىس جۇڭگو كوممۋنيستىك پارتياسى مەن حالىق ارمياسىنىڭ توڭكەرىستىك رۋحىن ساۋلەلەندىرىپ جانە اسقاقتاتىپ، سۇراپىل سوعىستىڭ سىناعىنان وتكەن حالىق ارمياسىن ونان ارى شىڭدادى، جاڭا جۇڭگونىڭ مەملەكەت ايبىنى مەن حالىق ارمياسىنىڭ اسكەري ايباتىن ايگىلەدى، دۇنيەنى ءدۇر سىلكىندىرگەن، الباستىلاردىڭ اپتىعىن باسقان سوعىس كەرەمەتىن جاراتتى. بۇكىل ەلدەگى ءار ۇلت حالقى بىرگە جازعان وسى سالتاناتتى جەڭىس جىرى جۇڭحۋا ۇلتىنىڭ زورلىق - زومبىلىقتان تايسالمايتىن، دۇنيە ءجۇزىنىڭ بەيبىتشىلىگىن قورعايتىن بەرىك بەكىمى مەن قۇدىرەتتى كۇشىن تولىق ايگىلەپ، ەلىمىزدىڭ حالىقاراداعى ورنىن بارىنشا جوعارىلاتتى، بۇكىل دۇنيە جۇزىندەگى ەزىلگەن ۇلتتار مەن حالىقتاردىڭ ۇلتتىڭ تاۋەلسىزدىگى مەن حالىقتىڭ ازاتتىعىنا قول جەتكىزۋدەگى ادىلەتتى ىستەرىنە زور شابىت بەردى، دۇنيە ءجۇزىنىڭ بەيبىتشىلىگى مەن ادامزاتتىڭ العاباسارلىق ىستەرىن بارىنشا ىلگەرىلەتتى.
