سوڭعى جىلداردان بەرى، ديقانداردىڭ تۇرمىس ورەسىنىڭ بىرتىندەپ جوعارىلاۋىنا بايلانىستى، اۋىل - قىستاقتاردا ءوز الدىنا سالىنعان ۇيلەردى ءوز بەتىمەن وزگەرتىپ سالۋ، كەڭەيتىپ سالۋ قۇبىلىسى توتەنشە كوپ كەزىگەدى. كەيبىر ۇيلەردىڭ جىل شەگى ءبىرشاما ۇزاق بولعاندىقتان، قالىپتى تۇرمىس قاجەتىن قاناعاتتاندىرا الماي، وزگەرتىپ كەڭەيتىپ سالۋعا تۋرا كەلەدى، كەيبىرەۋى اۋىل ـ قىستاق ساياحاتىنىڭ قارىشتاپ دامۋىنا بايلانىستى، تيجارات قاجەتى ءۇشىن، ءوزى تۇرعان اۋىل ـ قىستاق ۇيلەرىن وزگەرتىپ حالىقتىق تۇسەلحانا سياقتى تيجارات ورىندارى ەتىپ قۇردى. الايدا، مۇنداي ۇيلەردى كەڭەيتىپ سالۋ بارىسىندا حاۋىپسىزدىك كومەسكى حاۋىپىنە نەمقۇرايدى قاراۋعا بولمايدى.
ادەتتەگى جاعدايدا، اۋىل - قىستاقتاردا ءوز الدىنا سالىنعان ۇيلەردى وزگەرتىپ سالۋ، كەڭەيتىپ سالۋدىڭ ادەتتە ەركىندىگى ءبىرشاما كۇشتى بولىپ، جوبالاۋ جاعىندا عىلىمي جەتەكشىلىك كەمشىل بولدى . قۇرىلىس جاعىندا تولىمدىلىعى بار كاسىپتىك قوسىن كەمشىل، قۇرىلىس جۇرگىزۋ بارىسىندا حاۋىپسىزدىكتى قورعاۋ شارالارى كەمشىل. ءدال وسىلاي بولعاندىقتان، اۋىر حاۋىپسىزدىك كومەسكى قاتەرى زور دارەجەدە ساقتالىپ، قۇرىلىستىڭ ۇيلەسىمدى بولماۋىنان نەمەسە ءۇيدىڭ ساپاسى سياقتى ماسەلەلەردەن حاۋىپسىزدىك شىرعالاڭدارى دا تۋىلدى.
اۋىل - قىستاقتاردا ءوز الدىنا سالىنعان ۇيلەردىڭ كوپ، جەلىسى ۇزىن، تارالۋى كولەمى كەڭ بولعاندىقتان، باقىلاپ - باسقارۋدا شىنىندا وبيەكتيۆ قيىنشىلىق ساقتالىپ وتىر. قاتىستى زاڭ، زاڭدىق ەرەجەلەردى جالعاستى كەمەلدەندىرىپ، قىستاقتارداعى ءوز الدىنا سالىنعان ۇيلەردى باسقارۋ مەحانيزمىن كەمەلدەندىرىپ، قاتىستى فۋنكتسيالىق تاراۋلاردىڭ ۇقىعى مەن جاۋاپكەرشىلىگىن ايقىندالىپ، اۋىل - قىستاقتاردا ءوز الدىنا سالىناتىن ۇيلەردىڭ جوباسى، ورىن تاڭداۋ، قۇرىلىس سالۋ، سالىنعان قۇرىلىستى تەكسەرىپ وتكىزىپ الۋ، سونداي - اق وزگەرتىپ سالۋ قاتارلى جالپى بارىستىق باقىلاۋ - باسقارۋ كۇشەيتىپ، ءوز الدىنا سالىنعان ءۇيدىڭ جوبالانۋ حاۋىپسىزدىگىنە، قۇرىلىس حاۋىپسىزدىگىنە، پايدالانۋ حاۋىپسىزدىگىنە شىنايى كەپىلدىك ەتۋدى ۇسىنىس ەتەمىز.
حۋنان ليشيان اۋدانىنان باي يفۋ
