1. اعىمداعى ورىن:
  2. باس بەت
  3. اعىم جاڭالىقتارى
  4. باس حابار
  5. زاڭ - ەرەجە

شي جينپيڭ گۋاڭدۇڭدا قىزمەت تەكسەرگەندە مىنانى دارىپتەدى

اناعۇرلىم كۇشتى تارتىمدىلىقپەن اناعۇرلىم بيىك باستامادا رەفورما جاساپ، قاقپا اشۋدى ىلگەرىلەتىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىندا بۇكىل ەلدىڭ الدىڭعى لەگىندە ءجۇرىپ، تىڭ دا شۇعىلالى تابىس جاراتۋ كەرەك

日期:2020年10月16日
来源:人民网
【字体:


ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاياۋدا گۋاڭدۇڭدا قىزمەت تەكسەرگەندە مىنانى دارىپتەدى: پارتيا ورتالىق كوميتەتىنىڭ ستراتەگيالىق ورنالاستىرۋىن باتىل دايەكتەندىرىپ، جاڭا دامۋ تانىمىندا، ساپالى دامۋدا تاباندى بولىپ، ىشكەرىلەي وتىرىپ يدەيانى ازات ەتىپ، باتىلدىقپەن جاڭالىق جاراتىپ، شىنايى يگەرىپ، ناقتى ىستەپ، قايراتتانا العا ۇمتىلىپ، رەفورما جاساپ، قاقپا اشۋدى اناعۇرلىم زور تەبىنمەن، اناعۇرلىم بيىك باستامادا ىلگەرىلەتىپ، گۋاڭدۇڭ - شياڭگاڭ - اۋمىن ۇلكەن شىعاناق رايونى قۇرىلىسىن ىلگەرىلەتۋ، اناعۇرلىم جوعارى دەڭگەيدە سىرتقا قاقپا اشۋدى، وسىزاماندانعان ەكونوميكالىق جۇيە قالىپتاستىرۋدى ىلگەرىلەتۋ، رۋحاني وركەنيەت قۇرىلىسىن كۇشەيتۋ، ەكولوگيالىق وركەنيەت قۇرىلىسىن ويداعىداي يگەرۋ، حالىق تۇرمىسىن قامتاماسىزداندىرۋ جانە جاقسارتۋ قاتارلى جاقتاردا تىڭ دا اناعۇرلىم زور ناتيجە جاراتىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىندا بۇكىل ەلدىڭ الدىڭعى لەگىندە ءجۇرىپ، تىڭ دا شۇعىلالى تابىس جاراتۋعا قۇلشىنۋ كەرەك.

التىن كۇزدىڭ شۇعىلاسىنا شومعان وڭتۇستىك گۋاڭدۇڭنىڭ بايتاق دالاسى ومىرشەڭ بەينەگە شومعان. 10 - ايدىڭ 12 -، 13 - كۇندەرى شي جينپيڭ ج ك پ ورتالىق كوميتەتى ساياسي بيۋروسىنىڭ مۇشەسى، گۋاڭدۇڭ ولكەلىك پارتكومنىڭ شۋجيى لي شي مەن ولكە باستىعى ما شيڭرۇيدىڭ سەرىك بولۋىندا ىلگەرىندى - كەيىندى چاۋجوۋ، شانتوۋ قاتارلى جەرلەرگە بارىپ، مادەني مۇرالاردى قورعاۋ ورىندارى، تاريحي مادەنيەت كوشە - رايوندارى، كاسىپورىن قاتارلىلاردى ىشكەرىلەي ارالاپ، ىندەتتەن ۇنەمىلىك ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس ىلگەرىلەتۋ، رەفورما جاساپ، قاقپا اشۋدى تەرەڭدەتۋ، «14 - بەس جىلدىق» جوسپار كەزىندەگى ەكونوميكالىق، قوعامدىق دامۋدى جوسپارلاۋ قاتارلىلار جونىندە تەكسەرۋ - زەرتتەۋ جۇرگىزدى.

10 - ايدىڭ 12 - كۇنى تۇستەن كەيىن شي جينپيڭ چاۋجوۋ قالاسىنا بارىپ قىزمەت تەكسەردى. چاۋجوۋ كونە قالاسىنىڭ شىعىسىنداعى گۋاڭجي كوپىرى وڭتۇستىك سۇڭ پاتشالىعى داۋىرىندە سالىنعان، حانجياڭ وزەنىنىڭ ەكى جاعالاۋىن تۇتاستىرادى، ستيلى وزگەشە، دىڭگەك، قالقىما كوپىر، دوعاشا كوپىر ءبىر تۇلعالاندىرىلعان بۇل كوپىر «دۇنيە ءجۇزى بويىنشا ەڭ ەرتە سالىنعان اشىلىپ - جابىلاتىن كوپىر» دەپ اسپەتتەلەدى. شي جينپيڭ كوپىردى بويلاي ءجۇرىپ، كوپىر سامالدىعىن، قالقىما كوپىردى كوردى، حانجياڭ وزەنىنىڭ ەكى جاعالاۋىنا كوز جىبەرىپ، كوپىردىڭ تاريحي مادەنيەت ەرەكشەلىگىن ۇعىسىپ، گۋاڭجي كوپىرىن قالپىنا كەلتىرۋ، قورعاۋ جاعدايى جونىندەگى تانىستىرۋدى تىڭدادى. شي جينپيڭ مىنالاردى دارىپتەدى: گۋاڭجي كوپىرى تاريحتا نەشە رەت قايتا سالىنۋ جانە جوندەلۋ ارقىلى ءار داۋىردەگى ەڭبەكشى حالىقتىڭ شەبەرلىگى مەن اقىل - پاراساتىن شوعىرلاندىرىپ، ماڭىزدى تاريحي، عىلمي، كوركەمونەرلىك قۇنعا يە كوپىرگە اينالدى، ول − چاۋجوۋدىڭ تاريحي مادەنيەتىنىڭ ماڭىزدى بەلگىسى. وسى باعالى تاريحي مادەنيەت مۇراسىن قاستەرلەۋ جانە قورعاۋ، شەكتەن اسىرا جوندەپ اۋەلگى قالپىنان ايرىلتپاۋ، جاڭا قالا قۇرامىز دەپ كونە قالانى جوعالتپاۋ، تاريحي بەينەسىن مۇمكىندىكتىڭ بارىنشا ساقتاۋعا قۇلشىنۋ كەرەك. حانجياڭ وزەنى الابىن جان - جاقتى وڭاۋدى ويداعىداي يگەرۋ، حانجياڭ وزەنىنىڭ سۋى تۇنىق، كورىنىسى كوركەم بولۋىنا مۇمكىندىك جاراتۋ كەرەك.

وسىدان كەيىن شي جينپيڭ گۋاڭجي كوپىرىنىڭ جاعاسىنداعى گۋاڭجي قاقپاسىنان ءوتىپ، تاس باسپالداقتى بويلاپ گۋاڭجي سامالدىعىنا شىقتى. سامالدىق كورمە زالىندا شي جينپيڭ چاۋجوۋ بەيزاتتىق مادەنيەت تۋىندىلارىن كوزدەن كەشىرىپ، بەيزاتتىق مادەني مۇراعاتتاردى جالعاستىرۋشىلار ۋاكىلدەرىنىڭ ناق مايداندا بەيزاتتىق مۇرالار جاساعانىن كوردى ءارى ولارمەن ىقىلاسپەن اڭگىمەلەسىپ، چاۋجوۋدىڭ ءداستۇرلى مادەنيەتكە مۇراگەرلىك ەتۋ جاعدايىن ۇعىستى. شي جينپيڭ بىلاي دەپ اتاپ كورسەتتى: چاۋجوۋ مادەنيەتى ايقىن وڭىرلىك ەرەكشەلىككە يە، ۋليڭ تاۋلارىنىڭ وڭتۇستىك ءوڭىرى مادەنيەتىنىڭ ماڭىزدى قۇرامداس بولەگى، جۇڭحۋا مادەنيەتىنىڭ ماڭىزدى تارماعى. چاۋجوۋ جىبەگى، چاۋجوۋ فارفورى، چاۋجوۋ ويماشىلىعى، چاۋجوۋ مۇسىنشىلىگى، چاۋجوۋ تەاترى جانە چاۋجوۋ شاي دامدەۋ ونەرى، چاۋجوۋ قۋىرماشتارى قاتارلىلاردى ۋاكىل ەتكەن چاۋجوۋدىڭ بەيزاتتىق مادەني مۇرالارى − جۇڭحۋا مادەنيەتىنىڭ جاۋھارى. بەيزاتتىق مادەنيەت مۇرالارىن قورعاۋدى جانە وعان مۇراگەرلىك ەتۋدى كۇشەيتۋ، مۇراگەرلەردى بەلسەنە جەتىلدىرىپ، بەيزاتتىق مادەنيەت مۇرالارىن ءتىپتى دە ارلەندىرە ءتۇسۋ كەرەك.