مەملەكەت ءتوراعاسى شي جينپيڭ 9 - ايدىڭ 23 - كۇنى كەشتە بەيجيڭدە بەينە ەكران تاسىلىندە بىرلەسكەن مەملەكەتتەر ۇيىمىنىڭ باس حاتشىسى گۋتەرەسپەن كەزدەستى.
شي جينپيڭ بىلاي دەپ باسا دارىپتەدى: بىرلەسكەن مەملەكەتتەر ۇيىمى قۇرىلعان 75 جىلدان بەرى دۇنيە ءجۇزىنىڭ بەيبىتشىلىگى مەن دامۋىنا ماڭىزدى ۇلەس قوستى. حالىقارالىق قوعام بىرلەسكەن مەملەكەتتەر ۇيىمى قۇرىلعاندىعىنىڭ 75 جىلدىعىن سالتاناتپەن ەسكە الۋدى وراي ەتىپ، كوپ جاقتىلىقتى باتىل قولداۋدى قايتالاي دارىپتەۋ، بىرلەسكەن مەملەكەتتەر ۇيىمى ۋستاۆى الدىنداعى ايبىندى ۋادەسىن قايتالاي دارىپتەۋ كەرەك. جۇڭگو بىرلەسكەن مەملەكەتتەر ۇيىمى حاۋىپسىزدىك القالار كەڭەسىنىڭ تۇراقتى القا ەلى رەتىندە، بىرلەسكەن مەملەكەتتەر ۇيىمىنىڭ حالىقارالىق ىستەردە وزەكتى رول اتقارۋىن باتىل قولدايدى، بىرلەسكەن مەملەكەتتەر ۇيىمىنىڭ قىزمەتىن باتىل قولدايدى.
شي جينپيڭ بىلاي دەپ اتاپ كورسەتتى: قازىر جاڭا تيپتى ايدارشا ۆيرۋس وكپە قابىنۋ ىندەتى بۇكىل الەمدە ءالى تارالۋدا، بۇكىل الەمدەگى ىندەتكە قارسى اتتانۋدا بوساڭسۋعا بولمايدى. جۇڭگو جاق ەشتەڭەنى ىركىپ قالماستان، ءار جاقپەن تاجىريبەنى، ءادىس - امالداردى ءبولىسۋدى ءارى قاجەت ەتكەن ەلدەرگە ۇزدىكسىز قولداۋ كورسەتۋدى جانە كومەك بەرۋدى قالايدى. جۇڭگو جاق بىرلەسكەن مەملەكەتتەر ۇيىمى جۇيەسىنىڭ، اسىرەسە، دۇنيە جۇزىلىك دەنساۋلىق ساقتاۋ ۇيىمىنىڭ شەشۋشى باسشىلىق رولىن ساۋلەلەندىرىپ، حالىقارالىق سەلبەستىك پەن بىرلەسىپ ساقتانۋدى، بىرلەسىپ تىزگىندەۋدى كۇشەيتىپ، ادامزاتتىڭ دەنساۋلىق ساقتاۋ، سالاماتتىق ورتاق تۇلعاسىن بىرگە قۇرۋىن باتىل قولدايدى. جۇڭگو جاق ۋادەسىن ورىنداپ، ۆاكسينانى زەرتتەپ جاسالعاننان جانە پايدالانۋعا بەرىلگەننەن كەيىن، ونى الەمدىك الەۋمەتتىك ءونىم رەتىندە قاراپ، ۆاكسينانىڭ وركەندەپ كەلە جاتقان ەلدەرگە تولىق جەتۋىن جانە قول جەتىمدى بولۋىن جۇزەگە اسىرۋعا ۇلەس قوسادى.
شي جينپيڭ بىلاي دەپ اتاپ كورسەتتى: ىندەت كوپتەگەن جاڭا ماسەلەلەردىڭ تۋىلۋىنا تۇرتكى بولدى، دەسەدە، جيناقتاپ كەلگەندە، بەيبىتشىلىك جانە دامۋ ماسەلەسىنەن شىعا المايدى. حاۋىپسىزدىك القالار كەڭەسى كوللەكتيۆ حاۋىپسىزدىك مەحانيزمى رولىن ساۋلەلەندىرۋى، تۇراقتى القا ەلدەر ۇلگى بولۋى كەرەك. سىڭار جاقتىلىق پەن زورەكەرلىك، ءسوز جوق، جۇرت تىلەگىنە قايشى.
شي جينپيڭ بىلاي دەپ باسا دارىپتەدى: ىندەتتىڭ ەكونوميكا مەن حالىق تۇرمىسىنا اكەلگەن ىقپالىن بار كۇشپەن تومەندەتىپ، بۇكىل الەمنىڭ بايلىعى مەن كۇشىن جۇمىلدىرىپ، ءارقايسى جاقتىڭ قارىزدىڭ قايتارىلۋ مەرزىمىن كەشەۋىلدەتۋ، كومەكتى ارتتىرۋ سياقتى جاقتاردا پارمەندى شارالاردى دەر كەزىندە جولعا قويىپ، وركەندەپ كەلە جاتقان ەلدەردىڭ دامۋىنا كۇش ۇستەپ، كەدەي مەن بايدىڭ پارقىن ازايتۋىن جەبەۋ كەرەك.
شي جينپيڭ بىلاي دەپ باسا دارىپتەدى: دامۋ، ءسوز جوق، باياندى بولۋ كەرەك، ادام مەن تابيعاتتىڭ قاتىناسىن ويداعىداي ءبىر جايلى ەتۋ قاجەت. جۇڭگو ءوزىنىڭ ەكولوگيالىق وركەنيەت قۇرىلىسىن كۇشەيتۋمەن بىرگە، كليمات وزگەرىسىنە توتەپ بەرۋدىڭ حالىقارالىق جاۋاپكەرشىلىگىن دە ىرىقتىلىقپەن ارقالاپ، ادامزاتتىڭ ورتاق جەر شارى مەكەنىن قۇلشىنا جاقسى قورعاپ، ءار ەلمەن ”جاسىل جىبەك جولىن“ بەلسەندىلىكپەن بىرگە قۇرادى.
شي جينپيڭ بىلاي دەپ اتاپ كورسەتتى: ىندەت الەمدىك جونگە سالۋ جۇيەسىندەگى ۇيلەسپەۋ، سايكەسپەۋ ماسەلەلەرىن دە ۇلعايتتى. ءارقايسى جاق قۇلاتىپ قايتا باستاۋدىڭ، باسقا جولمەن ءجۇرۋدىڭ ورنىنا ونى قالاي كەمەلدەندىرۋ جونىندە ويلانۋ كەرەك. دۇنيە جۇزىندە ءبىر عانا جۇيە بار، ول بىرلەسكەن مەملەكەتتەر ۇيىمىن وزەك ەتكەن حالىقارالىق جۇيە؛ تەك ءبىر عانا ەرەجە بار، ول بىرلەسكەن مەملەكەتتەر ۇيىمىنىڭ ۋستاۆى نەگىزىندەگى حالىقارالىق قارىم - قاتىناس نەگىزگى ولشەمى. جۇڭگو ەجەلدەن يدەولوگيالىق قارسىلاسۋ جۇرگىزبەيدى، ەشقاشان بولەكتەنۋدى دارىپتەمەيدى، ەشقاشان ۇستەمدىك ەتىپ، زورەكەرلىك جاساۋدى ويلاعان ەمەس. ءبىزدىڭ ەڭ كوپ ويلايتىنىمىز ءبىر ميلليارد 400 ميلليون جۇڭگو حالقىنىڭ اناعۇرلىم جاقسى تۇرمىس وتكىزىپ، ادامزات ءۇشىن اناعۇرلىم زور ۇلەس قوسۋ. الايدا، ءبىز مەملەكەتتىڭ يەلىك ۇقىعىنىڭ، ۇلتتىڭ ابىرويىنىڭ، دامۋ كەڭىستىگىنىڭ زيانعا ۇشىراۋىنا قول قۋسىرىپ قاراپ تۇرا المايمىز، ءوزىمىزدىڭ ورىندى ۇقىق - مۇددەمىزدى باتىل قورعايمىز، حالىقارانىڭ ادىلدىگىن، تۋراشىلدىعىن قورعايمىز.
شي جينپيڭ بىلاي دەپ باسا دارىپتەدى: ءار ەل ءوزارا ۇلاسقان، تۇتاسقان، بەينەت پەن زەينەتتى بىرگە وتكەرىپ كەلەدى. مەملەكەت، ۇلت، مادەنيەت، يدەولوگيا شەكتەۋىنەن القىپ، بۇكىل ادامزات بيىگىندە تۇرىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتىپ، تىرشىلىك ەتىپ وتىرعان جەر شارى مەكەنىمىزدى تىزە قوسا جاقسى قۇرۋىمىز كەرەك.
گۋتەرەس مىنالاردى ءبىلدىردى: قازىر دۇنيە ءجۇزى جاڭا تيپتى ايدارشا ۆيرۋس وكپە قابىنۋ ىندەتى، كليمات وزگەرىسى سياقتى كوپتەگەن داعدارىستار مەن سىن - سايىستارعا ءدوپ كەلىپ وتىر، كوپ جاقتىلىق اناعۇرلىم قاجەت، حالىقارالىق سەلبەستىك اناعۇرلىم قاجەت، قۋاتتى دا پارمەندى بىرلەسكەن مەملەكەتتەر ۇيىمى اناعۇرلىم قاجەت. جۇڭگونىڭ قاشاندا كوپ جاقتىلىقتى جانە بىرلەسكەن مەملەكەتتەر ۇيىمىن باتىل قولداعاندىعىنا العىس ايتامىن. جۇڭگونىڭ قولداۋى بولعاندىقتان، بىرلەسكەن مەملەكەتتەر ۇيىمى مىندەت جاۋاپكەرشىلىگىن اناعۇرلىم جاقسى اتقاردى. جۇڭگو دۇنيە ءجۇزىنىڭ بەيبىتشىلىگىن قورعاۋ، بىرگە دامۋدى جەبەۋ جاقتارىندا ماڭىزدى رول ساۋلەلەندىرۋدە. مەن ءتوراعا شي جينپيڭنىڭ جاقىندا بىرلەسكەن مەملەكەتتەر ۇيىمىنىڭ جينالىسىندا جاريالاعان جۇڭگونىڭ كوپ جاقتىلىقتى امالياتتا ايگىلەۋ، كليمات وزگەرىسىنە توتەپ بەرۋ، باياندى دامۋدى جەبەۋ سياقتى جاقتاردا العا قويعان ءبىر قىدىرۋ كەلەلى باستامالارى مەن شارالارىن وسكەلەڭ القايمىن، جۇڭگونىڭ ”جاسىل جىبەك جولىن“ بىرگە قۇرۋدى جەبەۋىن قولدايمىن، جۇڭگونىڭ افريكامەن جانە وركەندەپ كەلە جاتقان ەلدەرمەن سەلبەستىكتى تەرەڭدەتۋىن قولدايمىن. بىرلەسكەن مەملەكەتتەر ۇيىمى جۇڭگومەن سەلبەستىكتى ۇزدىكسىز كۇشەيتۋدى، جۇڭگونىڭ باسشىلىق رولدى ساۋلەلەندىرۋىن ءۇمىت ەتەدى. مەن جۇڭگونىڭ وزىندىك دامۋىن ىسكە اسىرۋعا جانە دۇنيە جۇزىنە اناعۇرلىم زور ۇلەس قوسۋعا قابىلەتىنىڭ بۇكىلدەي جەتەتىندىگىنە سەنەمىن.
ياڭ جيەچى، ۋاڭ ي قاتارلىلار كەزدەسۋگە قاتىناستى.
