جۇڭگو كوممۋنيستىك پارتياسى ورتالىق كوميتەتىنىڭ پارتيا تاريحى مەن حۇجاتتار زەرتتەۋ ورنى قۇراستىرعان «شي جينپيڭنىڭ حاۋىپ - قاتەر، سىن - سايىستاردان ساقتانىپ، توسىن وقيعالارعا توتەپ بەرۋ جونىندەگى بايىمداۋلارىنان ءۇزىندى» تاياۋدا ورتالىق حۇجاتتار باسپاسىنان شىعىپ، بۇكىل ەلدە تاراتىلدى.
پارتيا 18 - قۇرىلتايىنان بەرى، الماعايىپ حالىقارالىق جاعداي، كۇردەلى دە سەزىمتال توڭىرەكتىك ورتا، جاپالى دا اۋىر رەفورما، دامۋ، ورنىقتىلىق مىندەتتەرى الدىندا، شي جينپيڭ جولداستى ۇيتقى ەتكەن پارتيا ورتالىق كوميتەتى تومەنگى شەكتە ويلاۋعا تاباندى بولىپ، تاۋقىمەت تانىمىن كۇشەيتىپ، ساقتانۋ - تىزگىندەۋ قابىلەتىن جوعارىلاتىپ، ەلەۋلى حاۋىپ - قاتەرلەردەن ساقتانۋعا جانە ونى جويۋعا كۇش سالىپ، ەكونوميكانىڭ ءۇرتىس اقاۋسىز دامۋىن جانە قوعامنىڭ كەلەلى جاعدايىنىڭ ورنىقتىلىعىن ساقتادى. شي جينپيڭنىڭ حاۋىپ - قاتەر، سىن - سايىستاردان ساقتانۋ، توسىن وقيعالارعا توتەپ بەرۋ توڭىرەگىندە جاريالاعان ءبىر قىدىرۋ ماڭىزدى بايىمداۋلارىنىڭ مۇراتى اسقاق، مازمۇنى باي، يدەياسى تەرەڭ. شي جينپيڭنىڭ حاۋىپ - قاتەر، سىن - سايىستاردان ساقتانۋ، توسىن وقيعالارعا توتەپ بەرۋ جونىندەگى ماڭىزدى بايىمداۋلارىن مۇقيات ۇيرەنۋ ءبىزدىڭ حاۋىپ - قاتەر، سىن - سايىستاردان ساقتانۋ جانە ونى جويۋ قىزمەتتەرىن شىن مانىندە جاقسى ىستەۋىمىز، العا باسۋ جولىنداعى ءتۇرلى قيىنشىلىقتار مەن كەدەرگىلەردى جەڭۋىمىز، ”قوس 100 جىلدىق“ كۇرەس نىساناسىن جۇزەگە اسىرۋىمىز، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋىمىز جونىنەن توتەنشە ماڭىزدى ءمان الادى.
«بايىمداۋلاردان ءۇزىندى» 6 ارناۋلى تاقىرىپقا بولىنگەن، جالپى 404 بايىمداۋ كىرگىزىلگەن، شي جينپيڭنىڭ 2012 - جىلى 11 - ايدىڭ 15 - كۇنىنەن 2020 - جىلى 7 - ايدىڭ 17 - كۇنىنە دەيىنگى مەزگىلدەگى سوزدەرى، باياندامالارى، اڭگىمەلەرى، لەكسيالارى، نۇسقاۋلارى، بەكىتۋلەرى سياقتى 180نەن استام ماڭىزدى حۇجاتتان الىنعان. مۇندا كوپتەگەن بايىمداۋ تۇڭعىش رەت اشىق جاريالانىپ وتىر.
