جۇڭگو حالقىنىڭ جاپون شاپقىنشىلارىنا قارسى سوعىس جانە دۇنيە جۇزىلىك فاشيزمگە قارسى سوعىس جەڭىسىنىڭ 75 جىلدىعىن ەسكە ءتۇسىرۋ اڭگىمە ماجىلىسىندە سويلەنگەن ءسوز
(2020 - جىلى 9 - ايدىڭ 3 - كۇنى)
شي جينپيڭ
باۋىرلاستار، جولداستار، دوستار:
بۇگىن ءبىز وسى ارادا ايبىندى جينالىس وتكىزىپ، جۇڭگو حالقىنىڭ جاپون شاپقىنشىلارىنا قارسى سوعىس جانە دۇنيە جۇزىلىك فاشيزمگە قارسى سوعىس جەڭىسىنىڭ 75 جىلدىعىن ەسكە ءتۇسىرىپ وتىرمىز.
75 جىلدىڭ الدىنداعى وسى كۇنى جۇڭگو حالقى دۇنيە جۇزىندەگى حالىقتارمەن بىرگە مويىماس جىگەر جانە ەرلىكپەن كۇرەس جۇرگىزۋ ارقىلى فاشيزمدى تۇبەگەيلى جەڭىپ، ادىلەت زۇلىمدىقتى جەڭگەن، جارىق قاراڭعىلىقتى جەڭگەن، العاباسارلىق كەرتارتپالىقتى جەڭگەن ۇلى جەڭىسكە قول جەتكىزدى!
75 جىلدىڭ الدىنداعى وسى كۇنى جۇڭگو حالقى 14 جىل قاجىماي - تالماي ەرلىكپەن قاندى شايقاس جۇرگىزۋ ارقىلى قانقۇيلى جاپون ميليتاريزم شاپقىنشىلارىن جەڭىپ، جۇڭگو حالقىنىڭ جاپون شاپقىنشىلارىنا قارسى سوعىسىنىڭ ۇلى جەڭىسىنە قول جەتكىزدى!
بۇل تاياۋ زاماننان بەرى جۇڭگو حالقىنىڭ سىرتقى جاۋدىڭ شاپقىنشىلىعىنا قارسى تۇرۋدا جالعاسقان ۋاقىتى ەڭ ۇزاق، كولەمى ەڭ زور، قۇرباندىق بەرۋى ەڭ كوپ بولعان ۇلت ازاتتىق كۇرەسى ءارى تۇڭعىش رەت تولىق جەڭىسكە جەتكەن ۇلت ازاتتىق كۇرەسى. بۇل ۇلى جەڭىس جۇڭحۋا ۇلتىنىڭ تاياۋ زاماننان بەرى اۋىر داعدارىسقا كىرىپتار بولۋدان ۇلى گۇلدەنۋگە قاراي بەت الۋىنىڭ تاريحي بۇرىلىس ءتۇيىنى ءارى دۇنيە جۇزىلىك فاشيزمگە قارسى سوعىس جەڭىسىنىڭ ماڭىزدى قۇرامداس بولىگى، جۇڭگو حالقىنىڭ جەڭىسى ءارى دۇنيە ءجۇزى حالقىنىڭ جەڭىسى.
جۇڭگو حالقىنىڭ جاپون شاپقىنشىلارىنا قارسى سوعىسىنىڭ ۇلى جەڭىسى جۇڭحۋا ۇلتى تاريحىنا ماڭگى جازىلادى! ادامزاتتىڭ ادىلەتتى ىستەرىنىڭ تاريحىنا ماڭگى جازىلادى!
وسى ارادا مەن جۇڭگو كوممۋنيستىك پارتياسى ورتالىق كوميتەتى، مەملەكەتتىك حالىق قۇرىلتايى، مەملەكەتتىك كەڭەس، مەملەكەتتىك ساياسي كەڭەس، ورتالىق اسكەري ىستەر كوميتەتى اتىنان بۇكىل ەلدەگى جاپون شاپقىنشىلارىنا قارسى سوعىسقا قاتىناسقان ساقا جاۋىنگەرلەرگە، ساقا جولداستارعا، وتانشىل قايراتكەرلەرگە جانە جاپون شاپقىنشىلارىنا قارسى سوعىس قولباسشىلارىنا، جۇڭگو حالقىنىڭ جاپون شاپقىنشىلارىنا قارسى سوعىسىنىڭ جەڭىسى ءۇشىن تاريحي ەڭبەك سىڭىرگەن ەل ءىشى - سىرتىنداعى جۇڭحۋا ۇلاندارىنا وسكەلەڭ قۇرمەت بىلدىرەمىن! جۇڭگو حالقىنىڭ جاپون شاپقىنشىلارىنا قارسى سوعىسىنا قولداۋ كورسەتكەن جانە كومەكتەسكەن شەتەل ۇكىمەتتەرىنە جانە حالىقاراداعى دوستارعا شىن جۇرەكتەن العىس ايتامىن! جەڭىس ءۇشىن ەرلىكپەن قۇربان بولعان بارلىق ارداگەرلەرگە، شاپقىنشىلاردىڭ قىناداي قىرعىنداۋىنا اياۋسىز ۇشىراپ قازا بولعاندارعا قايعىلى ازا بىلدىرەمىن!
باۋىرلاستار، جولداستار، دوستار!
جۇڭحۋا وركەنيەتى 5000 نەشە جىلدان بەرى توقتاۋسىز جالعاسىپ كەلەدى، جۇڭگو حالقى وزگەشە جاسامپازدىق قابىلەتى ارقىلى ادامزات وركەنيەتىنىڭ العا باسۋىنا وشپەس ۇلەس قوستى. ءبىراق 1840 - جىلدان كەيىن، ازۋلى ەلدەردىڭ شاپقىنشىلىعى جانە فەودالدىق ۇستەمدىكتىڭ شىرىكتەسۋى سەبەبىنەن، جۇڭگو زوبالاڭدى باستان وتكەرىپ، جۇڭگو حالقى اۋىر تاۋقىمەتكە ۇشىرادى. جاپونيانىڭ جۇڭگوعا ۇزدىكسىز شاپقىنشىلىق جاساۋى تاياۋ زاماننان بەرگى جۇڭگو تاريحىنداعى ەڭ قاراڭعى ءبىر بەت، جاپونيا كەرتارتپا بيلەپ - توستەۋشىلەرى جۇڭگوعا قايتا - قايتا شاپقىنشىلىق جاسادى، 1894 - جىلى جيا - ۋ سوعىسىن قوزعادى، 1895 - جىلى تايۋان مەن پىڭحۋ ارالدارىن جاۋلاپ الدى، 1900 - جىلى باسقا يمپەرياليستىك ازۋلى ەلدەرمەن بىرگە بەيجيڭگە شاپقىنشىلىق جاسادى، 1904 - جىلى جاپونيا - روسسيا سوعىسىن قوزعادى، جۇڭگونىڭ شىعىس سولتۇستىك تەرريتورياسى مەن يەلىك ۇقىعىنا سۇعاناقتىق جاسادى، 1914 - جىلى چيڭداۋدى جاۋلاپ الدى، 1915 - جىلى ”21 تارماقتى“ العا قويدى، 1931 - جىلى 18 - قىركۇيەك وقيعاسىن جوسپارلاپ تۋدىرىپ، جۇڭگونىڭ شىعىس سولتۇستىك ءوڭىرىن تۇتاستاي جاۋلاپ الدى، 1935 - جىلى حۋابەي وقيعاسىن تۋدىردى، 1937 - جىلى 7 - ايدىڭ 7 - كۇنى ۋانپيڭ اۋدان قالاشىعىن زەڭبىرەكپەن اتقىلاۋدى جانە لۋگوۋچياۋعا شابۋىل جاساۋدى بەلگى ەتە وتىرىپ جۇڭگوعا جالپى بەتتىك شاپقىنشىلىق سوعىس قوزعاپ، جۇڭگونى ءوزى جەكە يەمدەنگەن وتارىنا اينالدىرىپ، سول ارقىلى ازيانى جۇتۋعا، دۇنيە ءجۇزىن باسا بيلەۋگە ۇرىندى. جاپونيا ميليتاريزمىنىڭ تاعىلىق شاپقىنشىلىعى جۇڭگو حالقىنا بۇرىن بولماعان وراسان زور اپات اكەلىپ، جۇڭگو حالقىنىڭ قايسار قارسىلىعىن قوزعادى.
18 - قىركۇيەك وقيعاسىنان كەيىن، جۇڭگو حالقىنىڭ چاڭبايشان تاۋى مەن حيلۇڭجياڭ وزەنى اراسىندا قاجىماس قارسىلىق كورسەتۋى جۇڭگو حالقىنىڭ جاپون شاپقىنشىلارىنا قارسى سوعىسىنىڭ باستاماسىنا اينالدى، سونىمەن بىرگە دۇنيە جۇزىلىك فاشيزمگە قارسى سوعىستىڭ شىمىلدىعىن اشتى. 7 - شىلدە وقيعاسىنان كەيىن، شاپقىنشىلىققا قارسى سوققى بەرۋ، وتاندى جويىلۋدان قۇتقارۋ جۇڭگوداعى ءارقايسى پارتيا - توپتاردىڭ، ءار ۇلتتىڭ، ءارقايسى تاپتىڭ، ءارقايسى جىكتىڭ، ءارقايسى ۇيىمنىڭ جانە شەتەلدەگى حۋاچياۋلاردىڭ، حۋارىنداردىڭ ورتاق ەرىك - جىگەرى مەن ارەكەتىنە اينالىپ، جۇڭگو وسىدان كەيىن بۇكىل ۇلتتىڭ جاپون شاپقىنشىلارىنا قارسى سوعىس كەزەڭىنە ءوتتى ءارى دۇنيە جۇزىلىك فاشيزمگە قارسى سوعىستىڭ شىعىستاعى نەگىزگى سوعىس مايدانىن اشتى.
جاپون شاپقىنشىلارىنا قارسى جاپالى دا ەرەسەن سوعىس بارىسىندا بۇكىل جۇڭحۋا ۇلاندارى مەملەكەتتىڭ ءومىر ءسۇرۋى ءۇشىن شايقاس جۇرگىزدى، ۇلتتىڭ گۇلدەنۋى ءۇشىن شايقاس جۇرگىزدى، ادامزاتتىڭ ادىلەتى ءۇشىن شايقاس جۇرگىزدى، قوعامنىڭ كەڭ كولەمدە اتتانىسقا كەلتىرىلۋى، ۇلتتىڭ تەرەڭ ويانۋى، كۇرەسكەرلىك ەرىك - جىگەرىنىڭ قاجىماستىعى، ءسوز جوق، جەڭۋ سەنىمىنىڭ بەرىكتىگى بۇرىن بولماعان جوعارى دەڭگەيگە جەتتى. ياڭ جيڭيۇي، جاۋ شاڭجى، زو چۋان، پىڭ شۋەفىڭ، دۇڭ لينگى، جاۋ دىڭيۇي، جاڭ زىجۇڭ، داي انلان قاتارلى وتان ءۇشىن قۇربان بولعان قولباسشىلار، 8 - ارميانىڭ ”لاڭياشانداعى بەس باتىرى“، جاڭا 4 - ارميانىڭ ”ليۋلاۋجۋاڭ ليانى“، شىعىس سولتۇستىك جاپون شاپقىنشىلارىنا قارسى بىرلەسكەن ارمياسىنىڭ 8 ايەل جاۋىنگەرى، گومينداڭ ارمياسىنىڭ ”800 باتىرى“ سياقتى كوپتەگەن قاھارماندار شوعىرى جاپون شاپقىنشىلارىنا قارسى سوعىستاعى سان ميلليونداعان قولباسىلار مەن جاۋىنگەرلەردىڭ كورنەكتى ۋاكىلدەرى. جۇڭگو حالقى قۇرىشتاي مويىماس قايسارلىقتارىمەن كۇشتى جاۋدى جەڭىپ، جان - تانىمەن قۇرىش قورعان سوعىپ، الدىڭعىلاردىڭ ءىزىن سوڭعىلار باسىپ ەل باسىنا تونگەن حاۋىپكە قارسى اتتانىپ، دۇنيەنى ءدۇر سىلكىندىرگەن اسەرلى دە عالامات تاريحي ايبىندى داستان جازدى.
جۇڭگو حالقىنىڭ جاپون شاپقىنشىلارىنا قارسى سوعىسىنىڭ ۇلى جەڭىسى جاپونيا ميليتاريزمىنىڭ جۇڭگونى وتارلاۋ، قۇلدانۋ قاسكۇنەمدىگىن تۇبەگەيلى تالقانداپ، مەملەكەتتىڭ يەلىك ۇقىعى مەن تەرريتوريا تۇتاستىعىن پارمەندى تۇردە قورعاپ، تاياۋ زاماننان بەرگى سىرتقى شاپقىنشىلىققا قارسى تۇرۋدا شايقاس سايىن جەڭىلگەن ۇلتتىق قورلىقتان تۇبەگەيلى ارىلتتى!
جۇڭگو حالقىنىڭ جاپون شاپقىنشىلارىنا قارسى سوعىسىنىڭ ۇلى جەڭىسى جۇڭگونىڭ دۇنيە جۇزىندەگى ءىرى ەلدىك ورنىن قايتادان تۇراقتاندىردى، جۇڭگو حالقى دۇنيە جۇزىندەگى بەيبىتشىلىكتى سۇيەتىن حالىقتاردىڭ قۇرمەتىنە بولەندى، جۇڭحۋا ۇلتى وسكەلەڭ ۇلتتىق بەدەلگە يە بولدى!
جۇڭگو حالقىنىڭ جاپون شاپقىنشىلارىنا قارسى سوعىسىنىڭ ۇلى جەڭىسى جۇڭگو حالقىنىڭ ۇلت تاۋەلسىزدىگىنە، ەركىندىگىنە، ازاتتىعىنا ۇمتىلۋ ەرىك - جىگەرىن بەكەمدەپ، بايىرعى جۇڭگونىڭ قايتا تۇلەپ قاناتتانۋ، لاۋلاعان ورتتە قايتا سومدالۋداي تاريحي جاڭا جورىعىن باستادى!
باۋىرلاستار، جولداستار، دوستار!
− جۇڭگو حالقىنىڭ جاپون شاپقىنشىلارىنا قارسى سوعىسىنىڭ جەڭىسى − وتانشىلدىقتى وزەك ەتكەن ۇلت رۋحىنىڭ ۇلى جەڭىسى. وتانشىلدىق − ءبىزدىڭ ۇلت رۋحىمىزدىڭ ۇيتقىسى، جۇڭگو حالقى مەن جۇڭحۋا ۇلتى ءبىر نيەت، ءبىر تىلەكتە بولۋىنىڭ، ءوزىن تالماي الۋەتتەندىرۋىنىڭ رۋحاني دانەكەرى. مەملەكەت پەن ۇلتتىڭ ءومىر ءسۇرۋى مەن قۇرىپ - جوعالۋىنىڭ الدىندا، بۇكىل جۇڭحۋا ۇلاندارى جاۋعا بىرگە كەكتەنىپ، ەل بىرلىگىنەن بەرىك قامال تۇرعىزىپ، تاۋدى تالقان ەتەتىن ايبىندى وتانشىلدىق جىرىن اسقاقتاتتى. وتانشىلدىق − جۇڭگو حالقىن ۇلت تاۋەلسىزدىگى مەن ۇلت نامىسىن قورعاۋعا، تاريح تاسقىنىندا ەرلىكپەن العا ىلگەرىلەۋگە جىگەرلەندىرەتىن قۇدىرەتتى رۋحاني قوزعاۋشى كۇش، جۇڭحۋا ۇلتى سىندى كەمەنى تولقىن جارا، ەرلىكپەن العا ىلگەرىلەۋگە دەم بەرەتىن سەرپىندى قوزعالتقىش، جۇڭگو حالقى مەن جۇڭحۋا ۇلتىن قايراتتانا تاۋ قوپارىپ، تەڭىز قوتارۋعا جەتەكتەيتىن تاريحي ۇلى كۇش، العا باسۋ جولىنداعى بارلىق جاپا - ماشاقاتتى، قيىنشىلىقتى، حاۋىپ - قاتەردى، كەدەرگىنى جەڭەتىن ايبىندى تۋ!
− جۇڭگو حالقىنىڭ جاپون شاپقىنشىلارىنا قارسى سوعىسىنىڭ جەڭىسى − جۇڭگو كوممۋنيستىك پارتياسىنىڭ مىزعىماس تىرەكتىك رولىن ساۋلەلەندىرۋىنىڭ ۇلى جەڭىسى. جۇڭگو كوممۋنيستىك پارتياسى قۇرىلعان كۇننەن باستاپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدى ءوزىنىڭ تاريحي بورىشى ەتىپ، ۇلتتىڭ تاۋەلسىزدىگىن قورعاۋدا ەڭ تاباندى، ۇلت مۇددەسىن قورعاۋدا ەڭ باتىل، سىرتتىڭ شاپقىنشىلىعىنا قارسى تۇرۋدا ەڭ ەرجۇرەك بولدى. جاپون شاپقىنشىلارىنا قارسى سوعىس مەزگىلىندە، ۇلت جويىلۋ حاۋپىنە ۇشىراعان تاريحي ساتتە، جۇڭگو كوممۋنيستىك پارتياسى اسا كورنەكتى ساياسي باسشىلىق قابىلەتى جانە دۇرىس ستراتەگياسى، تاكتيكاسى ارقىلى جۇڭگونىڭ جاپون شاپقىنشىلارىنا قارسى سوعىسىنىڭ العا باسۋ بەتالىسىن كورسەتىپ، بۇكىل ۇلتتىڭ تاباندىلىقپەن جاپون شاپقىنشىلارىنا قارسى سوعىس جۇرگىزۋىن، ىنتىماقتاسۋىن، العا باسۋىن بۇلجىماستان ىلگەرىلەتىپ، ىمىرالاسۋعا، بولشەكتەۋگە، ارتقا شەگىنۋگە قارسى تۇردى. جۇڭگو كوممۋنيستىك پارتياسى جاپون شاپقىنشىلارىنا قارسى ۇلتتىق بىرلىكساپ تۋىن بيىك ۇستاپ، بىرلىكساپتى باتىل قورعادى، بەكەمدەدى، دامىتتى، جاپون شاپقىنشىلارىنا دەربەس، ءوز - وزىنە قوجا بولا وتىرىپ، ىنتىماقتاسا سوعىس جۇرگىزۋگە تاباندى بولىپ، جاپون شاپقىنشىلارىنا قارسى ىنتىماقتاسا سوعىس جۇرگىزۋدىڭ كەلەلى جاعدايىن قورعادى. جۇڭگو كوممۋنيستەرى جاپون شاپقىنشىلارىنا قارسى سوعىستىڭ ەڭ الدىڭعى شەبىندە ەرلىكپەن شايقاس جاساپ، جۇڭحۋا ۇلتىن جويىلۋدان قۇتقارۋدىڭ ءۇمىتىن ارقالاپ، بۇكىل ۇلتتىڭ جاپون شاپقىنشىلارىنا قارسى سوعىسىنىڭ مىزعىماس تىرەگىنە اينالدى!
− جۇڭگو حالقىنىڭ جاپون شاپقىنشىلارىنا قارسى سوعىسىنىڭ جەڭىسى − بۇكىل ۇلتتىڭ ەل بىرلىگىنەن بەرىك قامال تۇرعىزىپ جاپون شاپقىنشىلارىنا ەرلىكپەن قارسى سوعىس جۇرگىزۋىنىڭ ۇلى جەڭىسى. جۇڭگو كوممۋنيستىك پارتياسى حالىقتى جۇمىلدىرۋعا، حالىققا سۇيەنۋگە تاباندى بولىپ، بۇكىل ۇلتتىڭ جاپون شاپقىنشىلارىنا قارسى سوعىسىنىڭ تاريحي تاسقىنىنىڭ قالىپتاسۋىن ىلگەرىلەتتى. ماۋ زىدۇڭ جولداس بۇكىل ەل بويىنشا جاپون شاپقىنشىلارىنا قارسى سوعىس باستالعاننان كەيىن بىلاي دەپ ايقىن اتاپ كورسەتتى: ”ءبىز بۇكىل ەل حالقى جاپپاي جۇمىلدىرىلعان، تولىق ۇلتتىق توڭكەرىستىك سوعىستى، ياعني جاپون شاپقىنشىلارىنا قارسى جالپى بەتتىك سوعىستى قۋاتتايمىز. ويتكەنى وسىنداي قارسىلاسۋ سوعىسى عانا بۇقارالىق سوعىس بولادى، وسىنداي سوعىس ارقىلى عانا وتاندى قورعاۋ ماقساتىنا جەتۋگە بولادى“. جۇڭگو كوممۋنيستىك پارتياسى اسكەر مەن حالىقتى جەڭىستىڭ نەگىزى ەتۋگە تاباندى بولىپ، ۇزاققا سوزىلاتىن سوعىس سىندى ستراتەگيالىق جالپى باعىتتى جانە تۇتاس حالىقتىق سوعىستىڭ ستراتەگيالارى مەن تاكتيكالارىن العا قويدى جانە اتقاردى، جاۋ ارتقى شەبى بازالارىنداعى ارميا مەن حالىق تورۋىل شايقاسى، ويرانداۋ شايقاسى، مينا سوعىسى، اكوب سوعىسى، تورعايشا سوعىسى سياقتى پارتيزاندىق سوعىستاردىڭ تاكتيكا - امالدارىن كەڭ كولەمدە قولدانىپ، جاپون شاپقىنشىلارىن حالىقتىق سوعىستىڭ شالقار تەڭىزىنىڭ شىڭىراۋىنا باتىردى. جۇڭگو كوممۋنيستىك پارتياسى باسشىلىق ەتىپ اشقان جاۋ ارتقى شەبىندەگى شايقاس مايداندارى مەن گومينداڭنىڭ قولباسشىلىعىنداعى بەتپە - بەت شايقاس مايداندارى سايكەسە سەلبەسىپ، جاپون شاپقىنشىلارىنا بىرگە قارسى تۇرۋدىڭ ستراتەگيالىق جاعدايىن قالىپتاستىردى. جۇڭگو حالقىنىڭ جاپون شاپقىنشىلارىنا قارسى سوعىسىنىڭ جەڭىسى − بارلىق جۇڭحۋا ۇلاندارىنىڭ جۇدىرىقتاي جۇمىلىپ، ءالسىزدىڭ كۇشتىنى جەڭۋى سىندى تاريحي ەرلىك داستانى، جۇڭگو حالقى مەن جۇڭحۋا ۇلاندارىنىڭ مىزعىماس ايبىندى كۇشىن ايگىلەدى!
− جۇڭگو حالقىنىڭ جاپون شاپقىنشىلارىنا قارسى سوعىسىنىڭ جەڭىسى − جۇڭگو حالقىنىڭ فاشيزمگە قارسى وداقتاس ەلدەرمەن، سونداي - اق ءار ەل حالىقتارىمەن تىزە قوسا سوعىس جۇرگىزۋىنىڭ ۇلى جەڭىسى. جۇڭگو حالقى دۇنيە جۇزىندەگى بەيبىتشىلىك پەن ادىلەتتى سۇيەتىن مەملەكەتتەر مەن حالىقتار، حالىقارالىق ۇيىمدار سياقتى فاشيزمگە قارسى ءتۇرلى كۇشتەردىڭ جۇڭگو حالقىنىڭ جاپون شاپقىنشىلارىنا قارسى سوعىسىنا بەرگەن قىمباتتى كومەگىن جانە قولداۋىن ماڭگى ۇمىتپايدى. سوۆەت وداعى جۇڭگونىڭ جاپون شاپقىنشىلارىنا قارسى سوعىسىنا پارمەندى زاتتىق ماتەريال قولداۋىن كورسەتتى، امەريكانىڭ ”فيحۋ اترەتى“ حاۋىپ - قاتەرگە قاراماي، توفىڭ اۆياتسيا جەلىسىن اشتى، چاۋشيان، ۆيەتنام، كانادا، ءۇندىستان، جاڭا زەلانديا، پولشا، دانيا، سونداي - اق گەرمانيا، اۆستريا، رۋمينيا، بولعاريا، جاپونيا قاتارلى ەلدەردەگى زور توپتاعى فاشيزمگە قارسى جاۋىنگەرلەر جۇڭگونىڭ جاپون شاپقىنشىلارىنا قارسى سوعىسىنا تىكە ات سالىستى. كانادالىق شيپاگەر بەتيۋن، ءۇندىستاندىق شيپاگەر كوتنس سوناۋ شالعايدان جۇڭگوعا كەلىپ، اجالعا اراشاشى، جارالىعا مەدەت بولدى، فرانسيالىق شيپاگەر بۇسيەر ءدارى - دارمەك تاسيتىن ۆەلوسيپەد ”توفىڭ اۆياتسيا جەلىسىن“ اشتى، گەرمانيالىق رابە، دانيالىق سيندبەرگ نانجيڭدەگى قاندى قىرعىنشىلىق كەزىندە بار امالىن سالىپ جۇڭگولىق بوسقىنداردى قورعادى، انگليالىق ليندسەي، ينتەرناتسيوناليزمشىل جاۋىنگەر حانس شيپپە قاتارلى تىلشىلەر جۇڭگونىڭ جاپون شاپقىنشىلارىنا قارسى سوعىسىنىڭ ۇلى باستامالارىن بەلسەندىلىكپەن حابارلادى جانە ۇگىتتەدى. ولاردىڭ اسەرلى ىزگى ىستەرى مەن وسكەلەڭ قاسيەتى جۇڭگو حالقىنىڭ جۇرەگىندە ماڭگى ساقتالادى!
جۇڭگو حالقى جاپون شاپقىنشىلارىنا قارسى سوعىستىڭ ايبىندى بارىسىندا جاپون شاپقىنشىلارىنا قارسى سوعىستىڭ ۇلى رۋحىن جەتىلدىرىپ، دۇنيە جۇزىنە ەلدىڭ گۇلدەنۋى مەن جويىلۋىندا ءار ادامنىڭ جاۋاپكەرشىلىگى بار دەگەن وتانشىلدىق سۇيىسپەنشىلىكتى، ولىمنەن قورىقپايتىن، ولسە دە باس يمەيتىن ۇلتتىق جىگەردى، جاۋىزدىقتان تايسالمايتىن، سوڭىنا دەيىن قاندى سوعىس جۇرگىزەتىن قاھارماندىق جىگەردى، قايىسپاس، مىزعىماس، ءسوزسىز، جەڭىسكە جەتۋ سەنىمىن ايگىلەدى. جاپون شاپقىنشىلارىنا قارسى سوعىستىڭ ۇلى رۋحى جۇڭگو حالقىنىڭ اسا قىمباتتى رۋحاني بايلىعى، جۇڭگو حالقىن بارلىق قيىندىقتى، حاۋىپ - قاتەردى، كەدەرگىلەردى جەڭۋگە، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ جولىندا كۇرەس جۇرگىزۋگە ماڭگى ىنتالاندىرادى.
باۋىرلاستار، جولداستار، دوستار!
جۇڭگو مەن جاپونيا كورشى. جۇڭگو مەن جاپونيانىڭ باياندى بەيبىت، دوستىق قارىم - قاتىناسىن ساقتاۋ ەكى ەل حالقىنىڭ ءتۇبىرلى مۇددەسىنە ۇيلەسەدى، ازيانىڭ جانە دۇنيە ءجۇزىنىڭ بەيبىتشىلىگىن، ورنىقتىلىعىن قورعاۋ قاجەتىنە ۇيلەسەدى. ەكى ەلدىڭ 2000 جىلدان استام بارىس - كەلىس تاريحىندا بەيبىتشىلىك، دوستىق نەگىزگى اعىن بولىپ كەلەدى. جۇڭگو مەن جاپونيانىڭ دوستىق قارىم - قاتىناسى دامۋىنىڭ بۇگىنگىدەي ورەگە جەتۋى وڭاي - وسپاق قولعا كەلگەن جوق. ءبىز ەكى ەلدىڭ قارىم - قاتىناسىن تاريحي تۇرعىدا جانە الەمدىك كوز ايادا ويلاپ جانە جوسپارلاپ، ءوزارا قۇرمەت ەتۋگە، پارىقتاردى ساقتاپ، ورتاقتىققا ۇمتىلۋعا تاباندى بولۋ نەگىزىندە، قول ۇستاسا سەلبەسەتىن، ءوزارا تيىمدىلىك جەتكىزىپ، تەڭ يگىلىككە كەنەلەتىن جاڭا ارنا اشۋدى بەلسەندىلىكپەن ىلگەرىلەتۋىمىز، ەكى ەلدىڭ قارىم - قاتىناسىنىڭ دۇرىس ارنانى بويلاپ ۇزدىكسىز العا قاراي دامۋىن جەبەۋىمىز ءتيىس.
جاپون ميليتاريزمىنىڭ شاپقىنشىلىق تاريحىنا دۇرىس مامىلەدە بولۋ مەن ءوزىن - ءوزى تەرەڭدەي تەرگەۋى جۇڭگو - جاپونيا قارىم - قاتىناسىن ورناتۋدىڭ جانە دامىتۋدىڭ ماڭىزدى ساياسي نەگىزى. جاپون ميليتاريزمىنىڭ ادامگەرشىلىكتەن جۇرداي شاپقىنشىلىق ارەكەتى، ادامنىڭ جانىن تۇرشىكتىرەتىن قىرعىنداۋ قىلمىسى، جابايى دا قۇتىرىنعان بۇلاپ - تالاۋ، ءبۇلدىرۋى جۇڭگو حالقى مەن قالىڭ ازيا ەلدەرىنىڭ حالىقتارىنا جان تۇرشىگەرلىك اپات اكەلدى. شىندىقتى وشىرۋگە بولمايدى، وشىرۋگە دە كەلمەيدى. شاپقىنشىلىق تاريحىن تەرىستەيتىن، ءتىپتى، شاپقىنشىلىق سوعىستى جانە وتارلىق ۇستەمدىكتى اسەمدەپ كورسەتەتىن ءارقانداي ءسوز جۇڭگو حالقى مەن ازيا ەلدەرى حالىقتارىنىڭ ايرىقشا كەگىن، قاتاڭ جازعىرۋىن، ايرىقشا قىراعىلىعىن تۋدىرماي قويمايدى.
الدىڭعىدان ساباق الىپ، كەيىنگىگە عيبىرات ەتۋ. ءبىزدىڭ جۇڭگو حالقىنىڭ جاپون شاپقىنشىلارىنا قارسى سوعىس جانە دۇنيە جۇزىلىك فاشيزمگە قارسى سوعىس جەڭىسىن ەسكە ءتۇسىرۋىمىز، شاپقىنشىلاردىڭ قانقۇيلىلىعىن جازعىرۋىمىز، تاريحي تاجىريبە مەن ساباقتى ەستە بەرىك ساقتاۋدى دارىپتەۋىمىز وشپەندىلىكتى جالعاستىرۋ ءۇشىن ەمەس، قايتا ىزگى جانداردىڭ بەيبىتشىلىككە دەگەن تالپىنىسى مەن تاباندىلىعىن وياتۋ، تاريحتى اينا ەتىپ، بولاشاققا بەت الىپ، بەيبىتشىلىكتى بىرگە قاستەرلەپ، بەيبىتشىلىكتى بىرگە قورعاپ، جۇڭگو مەن جاپونيا ەكى ەل حالقىنىڭ ۇرپاقتار بويى دوس بولۋىنا مۇمكىندىك تۋدىرۋ، دۇنيە جۇزىندەگى ءار ەل حالقىنىڭ بەيبىتشىلىكتەن، تىنىشتىقتان ماڭگى يگىلىكتەنۋىنە مۇمكىندىك جاساۋ ءۇشىن بولىپ تابىلادى.
باۋىرلاستار، جولداستار، دوستار!
جۇڭگو حالقىنىڭ جاپون شاپقىنشىلارىنا قارسى سوعىسى جەڭىسكە جەتكەن 75 جىلدان بەرى، جۇڭگودا اسا كەرەمەت وزگەرىستەر تۋىلدى. جۇڭگو كوممۋنيستىك پارتياسى بۇكىل ەلدەگى ءار ۇلت حالقىن ىنتىماقتاستىرا باستاپ، كوركەيۋ جولىندا قۇلشىنىپ، قاجىرلىلىقپەن شارۋاشىلىق قۇرىپ، بۇكىل الەمدى جالت قاراتقان دامۋ تابىستارىن جاراتىپ، جۇڭگوشا سوتسياليزم جولىن ءساتتى اشتى، جۇڭگوشا سوتسياليزم جاڭا داۋىرگە ءوتتى، كەدەيلىكتەن ارىلتۋدان قامال الۋ شايقاسىنىڭ، جاپپاي دوڭگەلەك داۋلەتتى قوعام ورناتۋدىڭ جەڭىسى الدىمىزدا تۇر، جۇڭحۋا ۇلتىنىڭ ۇلى گۇلدەنۋى جارقىن بولاشاقتى قارسى الدى. بارلىق جۇڭحۋا پەرزەنتتەرى مۇنى شەكسىز ماقتانىش ەتەدى!
ءبىز مىنانى دا سەرگەكتىكپەن تانىدىق: العا باسۋ جولىندا ءبىز ءالى دە ءتۇرلى - ءتۇستى حاۋىپ - قاتەرلەر مەن سىن - سايىستارعا ءدوپ كەلەمىز، ءتۇرلى - ءتۇستى قيىنشىلىقتار مەن بوگەتتەرگە جولىعامىز. ءبىز جاپون شاپقىنشىلارىنا قارسى سوعىستىڭ ۇلى رۋحىن اسقاقتاتىپ، قيىنشىلىق اتاۋلىنى باسىپ تۇسەتىن، قيىنشىلىققا باس يمەيتىن بەكىم جانە ەرلىكپەن كۇرەس جاسايتىن باتىلدىق ارقىلى جاسامپازدىق جاراتۋعا شەبەر بولىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ جولىندا ەڭ سوڭعى جەڭىسكە جەتكەنگە دەيىن قاجىماي - تالماي كۇرەس جۇرگىزۋىمىز كەرەك.
− جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدا، ءسوز جوق، جۇڭگو كوممۋنيستىك پارتياسىنىڭ باسشىلىعىنا تاباندى بولۋ كەرەك. جۇڭگونىڭ ىستەرىن جاقسى ىستەۋدىڭ تەتىگى پارتيادا. ءبىز جۇڭگونىڭ تاياۋ زاماننان بەرگى تاريحىن ىشكەرىلەي تۇسىنسەك بولعانى، مىنالاردى وڭاي بايقايمىز: اپيىن سوعىسىنان كەيىنگى ۇزاق ۋاقىتتا، جۇڭگودا اركىم باس - باسىنا بيلىك جۇرگىزگەن، تورعايداي توزعان بىلىققان جاعداي جارىققا شىقتى، بۇل جاپون ميليتاريزمىنىڭ جۇڭگوعا جالپى بەتتىك شاپقىنشىلىق سوعىس قوزعاۋعا باتىلدىق ەتە الۋىنىڭ ماڭىزدى سەبەبى. ەگەر جۇڭگو كوممۋنيستىك پارتياسىنىڭ باسشىلىعى بولماسا، ۇلتتىڭ تاۋەلسىزدىگى مەن ازاتتىعىن جۇزەگە اسىرۋ مىندەتى ءتىپتى دە ۇزاققا سوزىلعان، ءتىپتى دە زور بوداۋ بەرىلگەن بولار ەدى، ءبىزدىڭ مەملەكەتىمىزدىڭ بۇگىنگىدەي دامۋ جەتىستىگىنە قول جەتكىزۋى ءتىپتى دە مۇمكىن ەمەس ەدى، بۇگىنگىدەي حالىقارالىق ورىنعا يە بولۋى ءتىپتى دە مۇمكىن ەمەس ەدى. پارتيانىڭ جالپى بەتتىك باسشىلىعىنا تاباندى بولۋ − مەملەكەت پەن ۇلتتىڭ گۇلدەنىپ - كوركەيۋىنىڭ ءتۇبىرلى تياناعى، بۇكىل ەلدەگى ءار ۇلت حالقىنىڭ باقىتىنىڭ، امان - ەسەندىگىنىڭ ءتۇبىرلى تياناعى. ءبىز بار زەيىندى سالىپ، پارتيا قۇرىلىسىن مىقتى ۇستاپ، پارتيامىزدى بارعان سايىن جەتىلگەن، بارعان سايىن كىرشىكسىز، بارعان سايىن قۋاتتى، بارعان سايىن جاۋىنگەرلىك كۇشكە يە ەتۋىمىز كەرەك. بۇكىل ەلدەگى ءارقايسى پارتيا - توپتار، ءارقايسى ۇيىمدار، ءار ۇلت، ءار جىك، ءار سالا قايراتكەرلەرى پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، جالپى جۇرت جۇدىرىقتاي جۇمىلا العا ىلگەرىلەۋ كەرەك. ءارقانداي ادامنىڭ، ءارقانداي كۇشتىڭ جۇڭگو كوممۋنيستىك پارتياسىنىڭ تاريحىن بۇرمالاۋعا، جۇڭگو كوممۋنيستىك پارتياسىنىڭ سيپاتى مەن باس ماقساتىن جيرەنىشتى ەتىپ كورسەتۋگە ۇرىنۋىنا جۇڭگو حالقى استە جول بەرمەيدى!
− جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدا، ءسوز جوق، جۇڭگوشا سوتسياليزم جولىمەن جۇرۋگە تاباندى بولۋ كەرەك. جول ماسەلەسى پارتيا مەن حالىق ىستەرىنىڭ گۇلدەنۋى مەن قۇلدىراۋىنا، ءساتتى بولۋى مەن ءساتسىز بولۋىنا تىكە سايادى. جۇڭگوشا سوتسياليزم جولى − پارتيا مەن حالىقتىڭ سان - ساناقسىز جاپا - ماشاقاتتى باستان كەشىرىپ، سان - ساناقسىز قيىنشىلىقتى جەڭىپ قول جەتكىزگەن قىمباتتى جەتىستىگى. جۇڭگوشا سوتسياليزم جولى جۇڭگو حالقىنىڭ تىزە قوسا كۇرەس جاساۋىندا اشىلعان، جۇڭحۋانىڭ بايتاق دالاسىنا تامىر تارتقان، جۇڭگو حالقىنا باقىت، تىنىشتىق الا كەلگەن دۇرىس جول. مەيلى قانداي بوران مەن تولقىنعا ۇشىراساقتا، جۇڭگوشا سوتسياليزم جولىنا تاباندى بولۋ سىندى وسى ءتۇبىرلى ماسەلەنى باستان - اياق جالعاستىرۋ، ءتۇرلى بوتەن، بوگدە ۇندەرگە بولا استە باسقا جول ۇستانبايمىز. جاڭا داۋىرگە ىلەسە جۇڭگوشا سوتسياليزمگە تاباندى بولۋ جانە ونى دامىتۋدىڭ ۇلى امالياتىندا ۇزدىكسىز العا ىلگەرىلەسەك، ءبىزدىڭ جولىمىز، ءسوز جوق، جۇرگەن سايىن كەڭەيەدى، ءبىزدىڭ ءتۇزىمىمىز، ءسوز جوق، بارعان سايىن كەمەلدەنەدى. ءارقانداي ادامنىڭ، ءارقانداي كۇشتىڭ جۇڭگوشا سوتسياليزم جولىن بۇرمالاۋعا جانە وزگەرتۋگە، جۇڭگو حالقىنىڭ سوتسياليزم قۇرۋداعى ۇلى ناتيجەسىن تەرىسكە شىعارۋعا جانە جيرەنىشتى ەتىپ كورسەتۋگە ۇرىنۋىنا جۇڭگو حالقى استە جول بەرمەيدى!
− جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدا، ءسوز جوق، حالىقتى وزەك ەتۋگە تاباندى بولۋ كەرەك. حالىق تاريحتىڭ جاراتۋشىسى، پارتيا مەن مەملەكەتتىڭ كەلەشەگىن، تاعدىرىن بەلگىلەيتىن ءتۇبىرلى كۇش. جۇڭگو كوممۋنيستىك پارتياسى حالىقتان كەلگەن، حالىققا تامىر تارتقان، اۋەلگى ماقساتى مەن بورىشى − جۇڭگو حالقىن باقىتقا كەنەلتۋ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ، ءتۇبىرلى ماقساتى − بۇكىل ىنتا - پەيىلىمەن حالىققا قىزمەت ەتۋ. ءبىز بارلىعىندا حالىقتى ويلاۋ، بارلىعىندا حالىققا سۇيەنۋگە تاباندى بولىپ، حالىقپەن ەتەنە بايلانىستى ساقتاپ، حالىققا تىعىز سۇيەنىپ، ىستەردە جاڭا جاعداي اشىپ، جالپى حالىقتىڭ ورتاق بايۋىن جەبەۋىمىز كەرەك. ءارقانداي ادامنىڭ، ءارقانداي كۇشتىڭ جۇڭگو كوممۋنيستىك پارتياسى مەن جۇڭگو حالقىن ايىرۋعا، قارسىلاستىرۋعا ۇرىنۋىنا جۇڭگو حالقى استە جول بەرمەيدى!
− جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدا، ءسوز جوق، كۇرەس جۇرگىزۋ رۋحىنا تاباندى بولۋ كەرەك. جۇڭگو كوممۋنيستىك پارتياسى مەن جۇڭگو حالقى كۇرەس بارىسىندا ءوسىپ - جەتىلدى جانە زورايدى، كۇرەس جۇرگىزۋ رۋحى جۇڭگو توڭكەرىسىنىڭ، قۇرىلىسىنىڭ، رەفورماسىنىڭ ءاربىر كەزەڭىمەن ساباقتاسىپ جاتىر. ەلىمىز جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ شەشۋشى كەزەڭىندە تۇر، رەفورما مەن دامۋ قيىندىقتان قامال الۋدىڭ ماڭىزدى ساتىسىندا تۇر، العا باسۋ جولىندا ءبىز ءدوپ كەلەتىن ەلەۋلى كۇرەستەر از بولمايدى. ءبىز، ءسوز جوق، نەعۇرلىم قيىن - قىستاۋ بولعان سايىن سولعۇرلىم العا باساتىن رۋحپەن قايسارلانا سايىس جۇرگىزىپ، قيىندىقتارعا قارسى اتتانۋىمىز كەرەك. جۇڭگو كوممۋنيستىك پارتياسىنىڭ باسشىلىعىنا جانە ەلىمىزدىڭ سوتسياليستىك تۇزىمىنە زيان كەلتىرەتىن بارلىق ءار ءتۇرلى حاۋىپ - قاتەر مەن سىن - سايىستار، ەلىمىزدىڭ يەلىك ۇقىعىنا، حاۋىپسىزدىگىنە، دامۋ مۇددەسىنە زيان كەلتىرەتىن بارلىق ءار ءتۇرلى حاۋىپ - قاتەر مەن سىن - سايىستار، ەلىمىزدىڭ وزەكتى مۇددەسىنە جانە كەلەلى پرينسيبىنە زيان كەلتىرەتىن بارلىق ءار ءتۇرلى حاۋىپ - قاتەر مەن سىن - سايىستار، ەلىمىز حالقىنىڭ ءتۇبىرلى مۇددەسىنە زيان كەلتىرەتىن بارلىق ءار ءتۇرلى حاۋىپ - قاتەر مەن سىن - سايىستار، ەلىمىزدىڭ ”قوس 100 جىلدىق“ كۇرەس نىساناسىن جۇزەگە اسىرۋعا، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا زيان كەلتىرەتىن بارلىق ءار ءتۇرلى حاۋىپ - قاتەر مەن سىن - سايىستار تەك تۋىلادى ەكەن، ءبىز، ءسوز جوق، باتىل كۇرەس جۇرگىزەمىز، ەشقانداي ءارى - ءسارى بولمايمىز، تيتتەي دە شەگىنبەيمىز، جەڭىسكە جەتپەيىنشە تىنبايمىز. تاريح، ءسوزسىز، جۇڭحۋا ۇلتىنىڭ ۇلى گۇلدەنۋگە بەتالعان تاريحي اياق الىسىن بوگەۋگە بولمايتىندىعىن دالەلدەيتىن بولادى. ءارقانداي ادامنىڭ، ءارقانداي كۇشتىڭ زورەكەرلىك تاسىلمەن ولاردىڭ ەركىن جۇڭگوعا زورلاپ تاڭۋعا، جۇڭگونىڭ العا باسۋ بەتالىسىن وزگەرتۋگە، جۇڭگو حالقىنىڭ ءوزىنىڭ تاماشا تۇرمىسىن جاراتۋ قۇلشىنىسىنا كەدەرگىلىك جاساۋعا ۇرىنۋىنا جۇڭگو حالقى استە جول بەرمەيدى!
− جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدا، ءسوز جوق، بەيبىت دامۋ جولىمەن مىزعىماي ءجۇرۋ كەرەك. تاياۋ زاماننان كەيىن، جۇڭگو حالقىنىڭ ازۋلى ەلدەردىڭ شاپقىنشىلىعىنا، قورلاۋىنا، تالان - تاراجىسىنا ۇشىراۋى 100 جىلدان استام ۋاقىتقا جالعاستى، الايدا جۇڭگو حالقى بۇدان ازۋلىلار السىزدەردى باسىنۋداي قاراقشىلىق لوگيكانى ۇيرەنبەي، قايتا بەيبىتشىلىكتى قورعاۋ بەكىمىن اناعۇرلىم كۇشەيتە ءتۇستى. ادامزاتتىڭ تاعدىرى بەينەت پەن زەينەتتى بىرگە وتكەرىپ كەلەدى، ءار ەل حالقى ”دۇنيە ءجۇزى ءبىر شاڭىراق“ ۇستانىمىنان جازباي، ادامزاتتىڭ تاعدىرلاس ورتاق تۇلعاسىن بىرگە ىلگەرىلەتۋى كەرەك. جۇڭگو حالقى بەيبىتشىلىكتى سۇيەدى، بەيبىتشىلىكتى قاستەرلەيدى، دۇنيە ءجۇزىنىڭ بەيبىتشىلىگىن قورعاپ، زورەكەرلىككە جانە وكتەمدىك ساياساتقا قارسى تۇرۋدى ءوزىنىڭ قاسيەتتى بورىشى ەتىپ، قىمىس ەتسە قارۋلى كۇش ىستەتۋ نەمەسە قارۋلى كۇشپەن قوقان - لوقى جاساۋ ارقىلى حالىقارالىق داۋ - شاردى ءبىر جاقتى ەتۋگە باتىل قارسى تۇرادى، ايتىلمىس ”دەموكراتيا“، ”ەركىندىك“، ”ادامدىق ۇقىق“ سياقتىلاردى جەلەۋ ەتىپ باسقا ەلدىڭ ىشكى ىسىنە قالاعانىنشا كيلىگۋگە باتىل قارسى تۇرادى. جۇڭگو حالقى ءباز - باياعىسىنداي ءار ەل حالقىمەن قول ۇستاسا قۇلشىنىپ، ادامزاتتىڭ تاماشا بولاشاعىن جاراتۋ جولىندا كۇرەسە بەرەدى. ءارقانداي ادامنىڭ، ءارقانداي كۇشتىڭ جۇڭگو حالقىنىڭ بەيبىت تۇرمىسى مەن دامۋ ۇقىعىن بۇلدىرۋگە، جۇڭگو حالقىنىڭ وزگە ەلدەر حالقىمەن بولعان اۋىس - كۇيىسىن، سەلبەستىگىن بۇلدىرۋگە، ادامزاتتىڭ بەيبىتشىلىك پەن دامۋ وسكەلەڭ ىستەرىن بۇلدىرۋگە ۇرىنۋىنا جۇڭگو حالقى استە جول بەرمەيدى!
باۋىرلاستار، جولداستار، دوستار!
وتكەن ىستەردى اينا ەتىپ، بولاشاقتى بىلەمىز. بۇكىل پارتيا، بۇكىل ارميا، بۇكىل ەلدەگى ءار ۇلت حالقى، ەل ءىشى - سىرتىنداعى بارلىق جۇڭحۋا ۇلاندارى ونان ارى تىعىز ىنتىماقتاسىپ، جاپون شاپقىنشىلارىنا قارسى سوعىس ۇلى رۋحىن اسقاقتاتىپ، جۇڭحۋا ۇلتىنىڭ ۇلى گۇلدەنۋىنىڭ نۇرلى ارمانىنا قاراي ەرلىكپەن ىلگەرىلەۋى كەرەك. بۇل جۇڭگو حالقىنىڭ جاپون شاپقىنشىلارىنا قارسى سوعىس جەڭىسىن قولعا كەلتىرۋدە ءومىرىن ارناعان بارلىق قۇرباندارعا، جۇڭحۋا ۇلتىنىڭ تاۋەلسىزدىگى مەن جۇڭگو حالقىنىڭ ازاتتىعىنا ءومىرىن ارناعان بارلىق ارداگەرلەرگە ەڭ جاقسى جۇباتۋ بولىپ تابىلادى.
