شي جينپيڭ ورتالىق رەفورمانى جالپى بەتتىك تەرەڭدەتۋ كوميتەتىنىڭ 15 - رەتكى ءماجىلىسىن باسقارىپ اشقاندا بىلاي دەپ باسا دارىپتەدى
اناعۇرلىم تەرەڭ قاتپارداعى رەفورمانى ىلگەرىلەتىپ، اناعۇرلىم جوعارى دەڭگەيدە ەسىك اشىپ، جاڭا دامۋ ارناسىن قالىپتاستىرۋعا قۋاتتى قوزعاۋشى كۇش ازىرلەۋ كەرەك
لي كىچياڭ، ۋاڭ حۋنيڭ، حان جىڭ قاتىناستى
جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى، ورتالىق رەفورمانى جالپى بەتتىك تەرەڭدەتۋ كوميتەتىنىڭ مەڭگەرۋشىسى شي جينپيڭ 9 - ايدىڭ 1 - كۇنى تۇستەن كەيىن ورتالىق رەفورمانى جالپى بەتتىك تەرەڭدەتۋ كوميتەتىنىڭ 15 - رەتكى ءماجىلىسىن باسقارىپ اشتى ءارى ماڭىزدى ءسوز سويلەدى. ول بىلاي دەپ باسا دارىپتەدى: ەل ىشىندەگى ۇلكەن اينالىمدى نەگىزگى تۇلعا ەتەتىن، ەل ءىشى مەن حالىقارا سىندى قوس اينالىم ءبىرىن - ءبىرى جەبەيتىن جاڭا دامۋ ارناسىن جەدەل قالىپتاستىرۋ − ەلىمىزدىڭ دامۋ كەزەڭىنىڭ، ورتاسىنىڭ، شارت - جاعدايىنىڭ وزگەرىسىنە نەگىزدەلە وتىرىپ جاساعان ستراتەگيالىق شەشىمى، جالپى جاعدايعا ساياتىن جۇيەلى تەرەڭ قاتپارداعى وزگەرىس. رەفورما سىندى تەتىكتەن ۇزدىكسىز تۇردە جەتكىلىكتى، ويداعىداي پايدالانىپ، ەرلىكپەن العا تارتاتىن، بوران - شاشىنعا توتەپ بەرەتىن ستراتەگيالىق تاباندىلىقتى ساقتاپ، جۇڭگوشا سوتسياليستىك تۇزىمگە تاباندى بولۋدى جانە ونى كەمەلدەندىرۋدى، مەملەكەتتىڭ جونگە سالۋ جۇيەسى مەن جونگە سالۋ قابىلەتىنىڭ وسىزاماندانۋىن ىلگەرىلەتۋدى ارقاۋ ەتىپ، اناعۇرلىم تەرەڭ قاتپارداعى رەفورمانى ىلگەرىلەتىپ، اناعۇرلىم جوعارى دەڭگەيدە ەسىك اشىپ، جاڭا دامۋ ارناسىن قالىپتاستىرۋعا قۋاتتى قوزعاۋشى كۇش ازىرلەۋ كەرەك.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرى، ورتالىق رەفورمانى جالپى بەتتىك تەرەڭدەتۋ كوميتەتىنىڭ ورىنباسار مەڭگەرۋشىلەرى لي كىچياڭ، ۋاڭ حۋنيڭ، حان جىڭ ماجىلىسكە قاتىناستى.
شي جينپيڭ سوزىندە بىلاي دەپ اتاپ كورسەتتى: جاڭا دامۋ ارناسىن قالىپتاستىرۋدا ءبىزدىڭ كورنەكتى تۇزىمدىك باسىمدىعىمىز جانە مىعىم رەفورما نەگىزىمىز بار. پارتيانىڭ 18 - قۇرىلتايىنان بەرى، ءبىز جاڭا دامۋ ۇستانىمىن تياناقتاندىرۋدى، جوعارى ساپالى دامۋدى ىلگەرىلەتۋدى، سىرتقا ەسىك اشۋدى كەڭەيتۋدى ارقاۋ ەتە ءبىر قىدىرۋ كەلەلى رەفورما شارالارىن العا قويىپ، ءبىر قىدىرۋ نازاريالىق جەتىستىكتەردى، تۇزىمدىك جەتىستىكتەردى، امالياتتىق جەتىستىكتەردى قالىپتاستىردىق. وسى رەفورما جەتىستىكتەرىنەن ويداعىداي پايدالانىپ، تياناقتاندىرۋدى ناقتى يگەرىپ، ناقتى ونىمدىلىگىن كورۋ جاعىندا سەرپىندى كۇشەيتىپ، قارقىندى تەزدەتىپ، ءتىپتى دە تەرەڭدەتىپ، ءتۇرلى رەفورمانى جاڭا دامۋ ارناسىن قالىپتاستىرۋدى ىلگەرىلەتۋگە قاراي شوعىرلاندىرۋىمىز، كۇش سالۋىمىز كەرەك.
شي جينپيڭ بىلاي دەپ باسا دارىپتەدى: قازىرگى جاعدايدا جاڭا دامۋ ارناسىن قالىپتاستىرۋدا قىرۋار جاڭا جاعداي، جاڭا ماسەلەلەرگە ءدوپ كەلىپ وتىرمىز، رەفورما ويى مەن رەفورما ءادىسىن شەبەرلىكپەن قولدانىپ، قىسقا مەزگىلدىك توتەپ بەرۋ مەن ورتا، ۇزاق مەزگىلدىك دامۋدى ءبىر تۇتاس جوسپارلاپ ويلاستىرۋ، ويداعىداي ستراتەگيالىق ورنالاستىرۋ جاساۋ ءارى شەشۋشى تەتىكتى ويداعىداي يگەرۋ كەرەك. بايلىقتىڭ جايعاسۋ ونىمدىلىگىن جوعارىلاتۋعا ءتيىمدى رەفورمانى، دامۋ ساپاسى مەن ونىمدىلىگىن جوعارىلاتۋعا ءتيىمدى رەفورمانى، ءار جاقتىڭ بەلسەندىلىگىن جۇمىلدىرۋعا ءتيىمدى رەفورمانى جەدەل ىلگەرىلەتىپ، نازاردى ءتۇيىندى ماسەلەلەرگە شوعىرلاندىرىپ، رەفورما شارالارىنىڭ جۇيەلى، شوعىرلى، سايكەستى، جوعارى ءونىمدى بولۋىن كۇشەيتىپ، بوگەلىستەر مەن بىتەلىستەردى اشىپ، جالپى تۇلعالىق اسەرىن قاۋلاتۋ كەرەك. جاڭا دامۋ ارناسىن قالىپتاستىرۋدى مەملەكەتتىڭ وڭىرلەردى سايكەستىرە دامىتۋ ستراتەگياسىن اتقارۋ، ەركىن ساۋدا سىناق رايونىن قۇرۋ سياقتىلارمەن ۇلاستىرىپ، شارت - جاعدايى بار وڭىرلەردە جاڭا دامۋ ارناسىن قالىپتاستىرۋدى الدىمەن قاراستىرىپ، رەفورما جاساۋ، ەسىك اشۋدىڭ تىڭ ءورىسىن تۇلعالاۋ كەرەك. رەفورمانى كورەگەندىكپەن زەرتتەۋدى كۇشەيتىپ، قايشىلىقتىڭ قوزعالىس زاڭدىلىعىن يگەرىپ، تۋراشىلدىقتى ساقتاپ جاڭالىق اشىپ، ءورىس اشا جاڭالىق جاساپ، تۇراقسىزدىق، ورنىقسىزدىق فاكتورلارىنا اناعۇرلىم بەلسەندى، ءونىمدى تۇردە توتەپ بەرىپ، كۇرەس قابىلەتىن كۇشەيتىپ، ساياسات كەڭىستىگىن كەڭەيتىپ، ءتۇزىمىنىڭ سەرپىمدىلىگىن ارتتىرۋ كەرەك.
ءماجىلىس «سىرتقى ساۋدانى جاڭالىق اشا دامىتۋدى ىلگەرىلەتۋ جونىندەگى اتقارۋ پىكىرىن»، «جاڭا داۋىردە ورتا، باتىس بولىكتىڭ جوعارى وقۋ - اعارتۋىن گۇلدەندىرۋ جونىندەگى ءبىرقانشا پىكىردى»، «حالىق باسقارۋىنداعى مىندەتتى وقۋ - اعارتۋدىڭ دامۋىن ارناعا ءتۇسىرۋ جونىندەگى اتقارۋ پىكىرىن»، «ەمدەۋ ارەكەتىن اناعۇرلىم ارناعا ءتۇسىرىپ، ۇيلەسىمدى ەمدەۋ - تەكسەرۋدى جەبەۋ جونىندەگى جەتەكشى پىكىردى»، «تۇرمىستىق قوقىستاردى تۇرگە ءبولۋ قىزمەتىن اناعۇرلىم ىلگەرىلەتۋ جونىندەگى ءبىرقانشا پىكىردى» قاراپ ماقۇلدادى. ءماجىلىس تاعى پارتيا 18 - كەزەكتى ورتالىق كوميتەتىنىڭ ءۇشىنشى جالپى ماجىلىسىنەن بەرگى اۋىل - قىستاق رەفورماسىنىڭ ىلگەرىلەتىلۋ جاعدايى جونىندەگى مالىمەتتى تىڭدادى.
ءماجىلىس مىنالاردى اتاپ كورسەتتى: كەزەكتە ەكونوميكانىڭ جاھاندانۋى كەرەعارلىققا ءدوپ كەلىپ وتىر، سىڭار جاقتىلىق، قورعامپازدىق باس كوتەردى، كەرەعار داۋىلدار مەن كەرەعار تولقىندارعا استە بوگەلمەي، تاريحتىڭ دۇرىس جاعىندا تۇرىپ، سىرتقا ەسىك اشۋدى تاباندىلىقپەن كەڭەيتىپ، ەل ءىشى، حالىقارالىق ەكونوميكانىڭ بىرلەسىپ قيمىلداۋ اسەرىن كۇشەيتىپ، دامۋ مەن حاۋىپسىزدىكتى ءبىر تۇتاس جوسپارلاپ، حاۋىپ - قاتەر، سىن - سايىستان جاپپاي قورعانۋ كەرەك. سىرتقى ساۋدانىڭ جاڭالىق اشا دامۋىن ىلگەرىلەتۋدە جاڭا دامۋ ۇستانىمىن تياناقتاندىرىپ، جاڭا دامۋ ارناسىن قالىپتاستىرۋدى مىقتاپ ارقاۋ ەتىپ، قامداۋ جاعىنداعى قۇرىلىمدىق رەفورمانى نەگىزگى جەلى ەتىپ، عىلىم - تەحنيكادا جاڭالىق اشۋدى، تۇزىمدە جاڭالىق اشۋدى، كاسىپ كۇيى مەن ۇلگىسىندە جاڭالىق اشۋدى تەرەڭدەتىپ، ساۋدا ساپاسىن جەدەل جوعارىلاتىپ، كاسىپ سالاسى تىزبەگىن، قامداۋ تىزبەگىن ورنىقتىرىپ، سىرتقى ساۋدانىڭ جاڭا قوزعاۋشى قۋاتىن جەتىلدىرىپ، ساۋدانىڭ قولايلىلاسۋىن ىشكەرىلەي ىلگەرىلەتىپ، سىرتقى ساۋدانىڭ دامۋ ورتاسىن ساپالىلاندىرۋ كەرەك.
ءماجىلىس مىنالاردى باسا دارىپتەدى: ورتا، باتىس بولىكتەردىڭ جوعارى وقۋ - اعارتۋىن گۇلدەندىرۋدە پارتيانىڭ جوعارى مەكتەپتەرگە جالپى بەتتىك باسشىلىعىنا تاباندى بولىپ جانە ونى كۇشەيتىپ، جۇڭگوشا سوتسياليستىك وقۋ - اعارتۋدى دامىتۋ جولىنا تاباندى بولىپ، پارتيانىڭ وقۋ - اعارتۋ باعىتىن جاپپاي دايەكتىلەندىرىپ، ونەگە كورسەتىپ ادام تاربيەلەۋ ءتۇبىرلى مىندەتىن تياناقتاندىرىپ، ماندىك دامۋدىڭ جۇزەگە اسۋىن ىلگەرىلەتىپ، كەلەلى وڭىرلىك دامۋ ستراتەگياسىمەن ىرىقتىلىقپەن ۇشتاسىپ، جۇڭگونىڭ بايتاق دالاسىندا تامىر تارتقان داشۋەلەر قۇرىپ، باسىمدىقتار مەن ەرەكشەلىكتەردى كورنەكتىلەندىرىپ، مەكتەپ باسقارۋ بايلىعىن توپتاپ، فاكتورلاردىڭ جىلجۋىن جەبەپ، ورتا، باتىس بولىكتەردىڭ جوعارى وقۋ - اعارتۋىنىڭ ىشكى قوزعاۋشى كۇشى مەن دامۋ ومىرشەڭدىگىن ءونىمدى تۇردە قاۋلاتىپ، ورتا، باتىس بولىكتى وركەندەتۋ، اشۋ ارناسىنا ۇيلەسەتىن جوعارى وقۋ - اعارتۋ جۇيەسىنىڭ قالىپتاسۋىن ىلگەرىلەتۋ كەرەك.
ءماجىلىس مىنالاردى اتاپ كورسەتتى: حالىق باسقارۋىنداعى مىندەتتى وقۋ - اعارتۋدىڭ دامۋىن ارناعا ءتۇسىرۋدىڭ ماقساتى پارتيانىڭ وقۋ - اعارتۋ باعىتىن جاپپاي دايەكتىلەندىرىپ، پارتيانىڭ مىندەتتى وقۋ - اعارتۋعا جالپى بەتتىك باسشىلىعىنا تاباندى بولىپ، سوتسياليستىك مەكتەپ باسقارۋ بەتالىسىنا تاباندى بولىپ، وقۋ - اعارتۋدى زاڭمەن جونگە سالۋعا تاباندى بولىپ، ۇكىمەت جاۋاپكەرشىلىگىن تياناقتاندىرىپ، تۇرلەر بويىنشا جەتەكشىلىك ەتۋدى كۇشەيتىپ، حالىق باسقارۋىنداعى مىندەتتى وقۋ - اعارتۋدى ارناعا ءتۇسىرۋ، باسقارۋدى كۇشەيتىپ، تاماشا وقۋ - اعارتۋ ەكولوگياسىن قالىپتاستىرىپ، وقۋشىلاردىڭ جان - جاقتى دامۋىن، اقاۋسىز ءوسىپ - جەتىلۋىن جەبەۋ بولىپ تابىلادى. ءار دارەجەلى پارتكوم مەن ۇكىمەت مەملەكەتتىڭ مىندەتتى وقۋ - اعارتۋدى جولعا قويۋىنا تاباندى بولىپ، مىندەتتى وقۋ - اعارتۋدىڭ الەۋمەتتىك يگىلىك سيپاتىنا شىنايى كەپىلدىك ەتىپ، ۇكىمەت باسقارۋىنداعى مىندەتتى وقۋ - اعارتۋدى ويداعىداي جۇرگىزۋ، كۇشەيتۋ كەرەك.
ءماجىلىس مىنالاردى باسا دارىپتەدى: وسى رەتكى جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋدە ءبىز ناۋقاستاردى شوعىرلاندىرۋ، مامانداردى شوعىرلاندىرۋ، بايلىقتى شوعىرلاندىرۋ، قۇتقارۋ - ەمدەۋدى شوعىرلاندىرۋ پرينسيبى بويىنشا، عىلمي ساقتانۋ - ەمدەۋگە، دالمە - ءدال شارا قولدانۋعا تاباندى بولىپ، دياگنوز قويۋ - ەمدەۋ جوباسىن ۇزدىكسىز كەمەلدەندىرىپ، دياگنوز قويۋ - ەمدەۋ ءتارتىبىن، ەمدەۋ ءدارى - دارمەكتەرىن جانە سالماقتى ناۋقاستاردى قۇتقارۋ شارالارىن رەتتەپ ساپالىلاندىرىپ، ەمدەۋ قامسىزداندىرۋى بويىنشا باسقا جەردە دەر كەزىندە ەسەپ جابۋ ءتۇزىمىن كەمەلدەندىرىپ، ەمدەۋ - دەنساۋلىق ساقتاۋ جۇيەسىنىڭ ماڭىزدى رولىن ساۋلەلەندىردىك. قالىڭ ەمدەۋ قىزمەتكەرلەرى شيپاگەرلىك ءمورالدى، شيپاگەرلىك ستيلدى باتىل ساقتاپ، كاسىپتىك ولشەمدى قاتايتىپ، وسكەلەڭ جاۋاپكەرشىلىك سەزىمدى جانە ۇلەس قوسۋ رۋحىن ايگىلەدى. ەمدەۋ ارەكەتىن اناعۇرلىم ارناعا تۇسىرۋدە، ۇيلەسىمدى ەمدەۋ - تەكسەرۋدى جەبەۋدە ەمدەۋ تۇلعالارىنىڭ ارەكەتىن ارناعا تۇسىرۋدەن باستاپ كىرىسىپ، ەمدەۋ قۇرىلىمدارى مەن ەمدەۋ قىزمەتكەرلەرىنىڭ ارەكەتىن باقىلاۋ - باسقارۋدى كۇشەيتىپ، تەحنيكادا جاڭالىق اشۋدى كۇشەيتىپ، بايلىقتان بىرگە يگىلىكتەنۋدى جەبەپ، ەمدەۋدى باسقارۋ ءتۇزىلىسى، جۇمىس مەحانيزمى، قىزمەت وتەۋ باعاسى، ناتيجەلىك ەڭبەكاقى ءبولىسى سياقتى كەشەندى رەفورمالاردى ءبىر تۇتاس جوسپارلاپ ىلگەرىلەتىپ، كاسىپ سالاسى ستيل قۇرىلىسىن تىڭعىلىقتى ىلگەرىلەتۋ كەرەك.
ءماجىلىس مىنالاردى اتاپ كورسەتتى: تۇرمىستىق قوقىستاردى تۇرگە ءبولۋ حالىق بۇقاراسىنىڭ كۇندەلىكتى تۇرمىسىمەن قاتىستى، ەكولوگيالىق وركەنيەت قۇرىلىسىن ىلگەرىلەتۋدە، قوعامنىڭ وركەنيەت دەڭگەيىن جوعارىلاتۋدا، نەگىزگى ساتى قوعامىن جونگە سالۋ جاعىندا جاڭالىق اشۋدا كەلەلى ماڭىزعا يە. قالانىڭ تۇلعالىق جاۋاپكەرشىلىگىن تياناقتاندىرۋ، بۇقارانىڭ داعدىلانۋىن ىلگەرىلەتۋ، تۇرگە ءبولۋ قۇرىلعى قۇرىلىستارىن جەدەلدەتۋ، سايكەستى قولداۋ ساياساتتارىن كەمەلدەندىرۋ سياقتى جاقتاردان كىرىسىپ، زاڭمەن جونگە سالۋدى نەگىز ەتكەن، ۇكىمەت ىلگەرىلەتەتىن، جالپى حالىق ات سالىساتىن، قالا مەن اۋىل ءبىر تۇتاس جوسپارلايتىن، جەرگىلىكتى جاعدايعا قاراي ىستەلەتىن قوقىستى تۇرگە ءبولۋدىڭ باياندى مەحانيزمىن ورناتۋدى جەدەلدەتىپ، عىلمي ۇستانىم ورناتىپ، تۇرلەر بويىنشا جەتەكشىلىك ەتىپ، تۇتاس تىزبەك بويىنشا باسقارۋدى كۇشەيتۋ كەرەك.
ءماجىلىس مىنالاردى باسا دارىپتەدى: پارتيا 18 - كەزەكتى ورتالىق كوميتەتىنىڭ ءۇشىنشى جالپى ماجىلىسىنەن بەرى، ءبىز اۋىل شارۋاشىلىعى، اۋىل - قىستاق رەفورماسىن جالپى بەتتىك ورنالاستىردىق، جۇيەلى ىلگەرىلەتتىك، اۋىل شارۋاشىلىعىنىڭ، اۋىل - قىستاقتىڭ دامۋىنا ۇزاق ۋاقىت تۇساۋ بولىپ كەلە جاتقان كەيبىر تۇزىلىستىك، مەحانيزمدىك كەدەرگىلەر بىرتىندەپ تالقاندالدى، نەگىزدىك، شەشۋشى ءتۇزىم ونان ارى كەمەلدەندى، اۋىل شارۋاشىلىعىن، اۋىل - قىستاقتى الدىمەن دامىتۋدىڭ ءتۇزىم جۇلگەسى مەن ساياسات جۇيەسى العاشقى قادامدا قالىپتاسىپ، اۋىل - قىستاق قوعامدىق وندىرگىش كۇشتەرى ونان ارى ازات ەتىلىپ جانە دامىتىلىپ، اۋىل - قىستاقتىڭ، اۋىل شارۋاشىلىعىنىڭ دامۋ ومىرشەڭدىگى كۇشەيتىلىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋگە ماڭىزدى تۇزىمدىك تىرەك ازىرلەندى. جەردىڭ جالپىلىق مەنشىك سيپاتىنىڭ وزگەرمەۋى، ەگىستىك جەردىڭ قىزىل سىزىعىنان وتپەۋ، شارۋالار مۇددەسىنىڭ زيانعا ۇشىراماۋى سىندى 3 تومەنگى شەكتى باتىل ساقتاپ، ءتۇيىندى سالالار مەن شەشۋشى بۋىندارداعى رەفورمالاردى ۇزدىكسىز ويداعىداي يگەرىپ، ءبىر تۇتاس جوبالاۋ، بەتالىستى مىقتى يگەرۋ، قامال الۋعا جاپپاي كۇش سالۋ كەرەك. استىق حاۋىپسىزدىگىن قامتاماسىز ەتۋدى كورنەكتى ورىنعا قويىپ، استىق حاۋىپسىزدىگى ءتۇزىم جۇيەسىن اقاۋسىزداندىرىپ، اۋىل شارۋاشىلىعىنىڭ دامۋ تاسىلىنە جەدەل بۇرىلىس جاساپ، وسى زامانعى اۋىل شارۋاشىلىعىنىڭ دامۋ جولىن قاراستىرۋدا اناعۇرلىم كوپ تاجىريبەلەر دايىنداۋ كەرەك. اۋىل - قىستاق مال - مۇلىك ۇقىعى ءتۇزىمىن جانە فاكتورلاردىڭ بازارلانىپ جايعاسۋىن كەمەلدەندىرىپ، اۋىل - قىستاق جەرى، قارجى، دارىندى، تەحنيكا سياقتى ءتۇرلى فاكتورلاردىڭ جايعاسۋ ونىمدىلىگىن جوعارىلاتىپ، اۋىل - قىستاقتىڭ ىشكى ومىرشەڭدىگىن قاۋلاتۋ كەرەك. اۋىل شارۋاشىلىعىن قولداۋ، قورعاۋ ءتۇزىمىن اقاۋسىزداندىرىپ، ساياساتتىڭ دالدىگىن، باعىتتامالىلىعىن، ناقتى ونىمدىلىگىن جوعارىلاتىپ، اۋىل شارۋاشىلىعى دامۋىنىڭ ءتۇسىمدى ارتتىرۋ بەتالىسىنان ساپانى ءوسىرۋ بەتالىسىنا قاراي ويىسۋىنا جەتەكشىلىك ەتۋ كەرەك. اۋىل - قىستاقتى گۇلدەندىرۋ ستراتەگياسىن زور كۇشپەن اتقارىپ، قالا مەن اۋىلدىڭ توعىسپالى دامۋ ءتۇزىلىس - مەحانيزمىن جانە ساياساتتىق جۇيەسىن اقاۋسىزداندىرۋ كەرەك. رەفورمانىڭ جۇيەلى، شوعىرلى بولۋىن كۇشەيتۋگە كوڭىل ءبولىپ، ءتۇرلى تۇزىمدەردىڭ ءوزارا ۇشتاسۋىن، بىرىككەن كۇش قالىپتاستىرۋىن ىلگەرىلەتۋ كەرەك. شىندىقتى ءىس جۇزىنەن ىزدەپ، جەرگىلىكتى جاعدايعا قاراي ىستەپ، زاڭعا، ەرەجەگە نەگىزدەلىپ، ورنىقتى، بايسالدى بولىپ، ءتۇرلى قىزمەتتەردىڭ ۋاقىتىن، قارقىنىن، ونىمدىلىگىن ويداعىداي يگەرىپ، تىڭعىلىقتى تۇردە حالىق ءۇشىن ءىس تىندىرۋ، حالىقتى باقىتقا كەنەلدىرۋ كەرەك.
ءماجىلىس مىنالاردى اتاپ كورسەتتى: پارتيا 18 - كەزەكتى ورتالىق كوميتەتىنىڭ ءۇشىنشى جالپى ماجىلىسىندە 2020 - جىلعا دەيىن ماڭىزدى سالالار مەن شەشۋشى بۋىندارداعى رەفورمالاردا شەشۋشى جەتىستىكتەرگە قول جەتكىزۋ كەرەكتىگى العا قويىلدى. وسى جىلداردا رەفورمانى جالپى بەتتىك تەرەڭدەتۋدە تاعاندى بەرىكتەپ، تۇعىردى نىعايتىپ، تىرەۋىن تۇرعىزىپ، ارقالىعىن ورناتۋدان جاپپاي ىلگەرىلەتۋگە، مايەكتى قالىڭداتىپ، اۋقىم قالىپتاستىرۋعا، ودان ارى جۇيەلى، شوعىرلى، سايكەستى، جوعارى ءونىمدى بولۋعا دەيىن، تەز ءارى نىق قادام تاستاپ، ەرلىكپەن، قايسارلىقپەن شىنايى ىستەپ، جاڭا باستاماداعى جاڭا سەرپىلىستى جۇزەگە اسىردىق. رايوندار، تاراۋلار جاۋاپكەرشىلىكتى كۇشەيتىپ، كوكەي تەستىلىك سەزىمدى كۇشەيتىپ، رۋحتى سەرپىلتىپ، پارتيا ورتالىق كوميتەتى ورنالاستىرعان رەفورما مىندەتتەرىن كۇش سالا ورىنداۋى كەرەك. پارتيا 18 - كەزەكتى ورتالىق كوميتەتىنىڭ ءۇشىنشى جالپى ماجىلىسىنەن بەرگى رەفورما مىندەتتەرىنىڭ تياناقتاندىرىلۋ جاعدايىن ويداعىداي قورىتىندىلاپ، باعالاپ، قورىتىندى مەن باعالاۋدى ”14 - بەسجىلدىق“ مەزگىلىندەگى رەفورما وي جەلىسىمەن ۇشتاستىرىپ، رەفورمانى تەرەڭدەتۋدىڭ قۇدىرەتتى كۇشىن توپتاۋمەن ۇشتاستىرىپ، رەفورمادا قول جەتكەن كەلەلى تابىستار مەن باعالى تاجىريبەلەردى جالپى بەتتىك ايگىلەپ، ءار جاقتىڭ رەفورمانى تەرەڭدەتۋ بەكىمى مەن سەنىمىن بەكەمدەپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستاۋعا مىعىم كۇش توپتاۋ كەرەك.
ورتالىق رەفورمانى جالپى بەتتىك تەرەڭدەتۋ كوميتەتىنىڭ مۇشەلەرى ماجىلىسكە قاتىناستى، ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار ماجىلىسكە سىرتتاي قاتىناستى.
