جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى ءماجىلىس اشتى
«حۋاڭحى وزەنى الابىنىڭ ەكولوگياسىن قورعاۋ جانە جوعارى ساپالى دامۋ جوباسى باعدارلاماسىن» جانە «پارتيا 19 - كەزەكتى ورتالىق كوميتەتىنىڭ 5 - رەتكى شارلاۋ جاعدايى جونىندەگى جالپىلىق بايانداماسىن» قارادى
جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى
جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى 8 - ايدىڭ 31 - كۇنى ءماجىلىس اشىپ، «حۋاڭحى وزەنى الابىنىڭ ەكولوگياسىن قورعاۋ جانە جوعارى ساپالى دامۋ جوباسى باعدارلاماسىن» جانە « پارتيا 19 - كەزەكتى ورتالىق كوميتەتىنىڭ 5 - رەتكى شارلاۋ جاعدايى جونىندەگى جالپىلىق بايانداماسىن» قارادى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى.
ءماجىلىس بىلاي دەپ اتاپ كورسەتتى: حۋاڭحى وزەنى جۇڭحۋا ۇلتىنىڭ انا وزەنى، حۋاڭحى وزەنى الابىنىڭ ەكولوگياسىن قورعاۋدى جانە جوعارى ساپالى دامۋدى جۇڭحۋا ۇلتىنىڭ ۇلى گۇلدەنۋىنە قاتىستى ماڭگىلىك ۇلى جوسپار رەتىندە قاراپ، جاڭا دامۋ ۇستانىمىن دايەكتىلەندىرىپ، تابيعات زاڭدىلىعى مەن وبيەكتيۆ زاڭدىلىققا بويسۇنىپ، تاۋ، سۋ، ورمان، اتىز، كول، جايلىم، قۇمدىقتى جالپىلىق جونگە سالۋدى، جۇيەلى جونگە سالۋدى، تۋ باستان جونگە سالۋدى ءبىر تۇتاس جوسپارلاپ ىلگەرىلەتىپ، حۋاڭحى وزەنى الابىنىڭ ەكولوگياسىن جاقسارتىپ، سۋ بايلىعىن ورنالاستىرۋدى ساپالىلاندىرىپ، تۇتاس الاپتىڭ جوعارى ساپالى دامۋىن جەبەپ، حالىق بۇقاراسىنىڭ تۇرمىسىن جاقسارتىپ، حۋاڭحى وزەنى مادەنيەتىن قورعاپ، جالعاستىرىپ، اسقاقتاتىپ، حۋاڭحى وزەنىن حالىقتى باقىتقا كەنەلتەتىن باقىت وزەنىنە اينالدىرۋ كەرەك.
ءماجىلىس مىنالاردى باسا دارىپتەدى: جەرگىلىكتى جاعدايعا قاراي ىستەپ، تۇرگە ايىرىپ شارا قولدانىپ، زاڭدىلىققا قۇرمەت ەتىپ، حۋاڭحى وزەنى الابىنىڭ ەكولوگياسىن جاقسارتۋ كەرەك. حۋاڭحى وزەنىنىڭ سۋ بايلىعىن شوعىرلى، ۇنەمدى پايدالانۋدى بار كۇشپەن ىلگەرىلەتىپ، سۋ بايلىعىن ەڭ ۇلكەن قاتاڭ شەكتەمە ەتىپ، سۋدى ۇنەمدى پايدالانۋ ارقىلى دامۋ كەڭىستىگىن كەڭەيتۋ كەرەك. ۇزاق بولاشاقتى كوزدەپ، حۋاڭحىنىڭ سۋ، قۇرعاقشىلىق اپاتىن ازايتىپ، عىلمي زەرتتەۋدى كۇشەيتىپ، اپاتتان ساقتانۋ، اپات شىعىنىن ازايتۋ جۇيەسىن كەمەلدەندىرىپ، ءتۇرلى اپاتقا توتەپ بەرۋ قۋاتىن جوعارىلاتۋ كەرەك. ءونىمدى شارا قولدانىپ، حۋاڭحى وزەنى الابىنىڭ جوعارى ساپالى دامۋىن ىلگەرىلەتىپ، جاڭا، كونە قوزعاۋشى قۋاتتاردى اۋىستىرۋدى تەزدەتىپ، ەرەكشە، باسىم وسى زامانعى كاسىپ سالاسى جۇيەسىن قۇرىپ، قالالاردىڭ دامۋ ارناسىن ساپالىلاندىرىپ، اۋىل - قىستاقتى گۇلدەندىرۋدى ىلگەرىلەتۋ كەرەك. حۋاڭحى وزەنى مادەنيەتىن كۇش سالا قورعاپ جانە اسقاقتاتىپ، تاريحي مادەنيەت تامىرلاستىعىن جالعاستىرىپ، داۋىرلىك قۇنىن اشىپ، مادەنيەت سەنىمىن بەكەمدەۋ كەرەك. تەمىردە تاپ، تاستا ءىز قالدىرۋ ستيلىمەن ءتۇرلى قىزمەتتىڭ تياناقتانۋىن ىلگەرىلەتىپ، ءبىر تۇتاس جوسپارلاپ سايكەستىرۋدى كۇشەيتىپ، حۋاڭحى بويىنداعى ءارقايسى ولكە، اۆتونوميالى رايوندار مەن قاتىستى تاراۋلاردىڭ نەگىزگى تۇلعالىق جاۋاپكەرشىلىگىن تياناقتاندىرىپ، ناقتى جوبانى، اتقارۋ جوباسىن جانە ساياسات جۇيەسىن جاساۋدى، اتقارۋدى تەزدەتىپ،”14 - بەسجىلدىق“ كەزىندە كورنەكتى ىلگەرىلەۋشىلىككە قول جەتكىزۋگە قۇلشىنۋ كەرەك.
ءماجىلىس مىنالاردى اتاپ كورسەتتى: پارتيا 19 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى جۇڭحۋا ۇلتىنىڭ ۇلى گۇلدەنۋى سىندى ستراتەگيالىق جالپى جاعدايدى جانە دۇنيە جۇزىندە ءجۇز جىلدا بولماعان زور وزگەرىستى كوزدەپ، پارتيانى جاپپاي قاتاڭ جونگە سالۋدى ءۇرتىس ىلگەرىلەتىپ، پارتيا مەن مەملەكەت قۇرىلىمدارى رەفورماسىن تەرەڭدەتىپ، ورتالىق پەن مەملەكەت ورگاندارىنىڭ ساياسي قۇرىلىسىن، يدەيالىق قۇرىلىسىن، ۇيىمدىق قۇرىلىسىن، پارتيا ستيلى، پاكتىك قۇرىلىسىن ۇزدىكسىز كۇشەيتىپ، كورنەكتى ونىمدىلىككە قول جەتكىزدى. شارلاۋ جاعدايىنان قاراعاندا، ورتالىق پەن مەملەكەت ورگاندارىنىڭ پارتيا باسشىلىق گرۋپپاسى (پارتكوم) پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرۋ، تياناقتاندىرۋ پوزيتسياسى اناعۇرلىم بەلسەندى بولىپ، پارتيانى باسقارۋ، پارتيانى جونگە سالۋ جاۋاپكەرشىلىك تانىمى جالپى تۇلعالىق جاقتان جوعارىلاپ، پارتيانى جاپپاي قاتاڭ جونگە سالۋدا ءۇرتىس ىلگەرىلەۋ، جاقسارۋ جاعدايى جارىققا شىعىپ، ءتۇرلى قىزمەتتە جاڭا بەلسەندى ىلگەرىلەۋشىلىككە قول جەتكىزدى، جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ كۇرەسى مەن ەكونوميكانىڭ، قوعامنىڭ قالىپتى اينالىمىن قالپىنا كەلتىرۋ سياقتى جاقتاردا بەلسەنە مىندەت اتقارىپ، تىڭعىلىقتى قىزمەت ىستەدى. سونىمەن بىرگە، جاڭا ءداۋىر، جاڭا جاعداي، جاڭا تالاپ الدىندا، تاعى ءىشىنارا كورنەكتى ماسەلەلەر ساقتالىپ وتىر، وسكەلەڭ ءمان بەرىپ، رەتتەۋ - تۇزەتۋ، تياناقتاندىرۋ جاعىندا قيىن تۇيىندەردى تىڭعىلىقتى ىستەپ، رەتتەۋ - تۇزەتۋ نەگىزگى تۇلعالىق جاۋاپكەرشىلىگىن قاتايتىپ، كۇندەلىكتى باقىلاۋدى كۇشەيتىپ، رەتتەۋ - تۇزەتۋدى يگەرۋدى كۇندەلىكتى قىزمەتپەن توعىستىرۋ، رەفورمانى تەرەڭدەتۋمەن توعىستىرۋ، پارتيانى جاپپاي قاتاڭ جونگە سالۋمەن توعىستىرۋ، القا قوسىنى قۇرىلىسىمەن توعىستىرۋ كەرەك.
ءماجىلىس مىنالاردى باسا دارىپتەدى: ورتالىق پەن مەملەكەت ورگاندارى پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرەتىن، تياناقتاندىراتىن ”ەڭ العاشقى ءبىر كيلومەتر“، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، جەتە ۇيرەنۋ، جەتە ۇعىنۋ، شىنايى تياناقتاندىرۋ جاعىنا كۇش سالىپ، ءىس جۇزىندىكپەن ۇشتاستىرۋدى جاسامپازدىقپەن دايەكتىلەندىرۋ، تياناقتاندىرۋ جاعىنا كۇش سالىپ، سانالى تۇردە پارتيانىڭ جاسامپاز نازارياسىمەن وي - سانانى قارۋلاندىرىپ، ءىس جۇزىندىككە جەتەكشىلىك ەتىپ، قىزمەتتەردى ىلگەرىلەتىپ، جاڭا داۋىرگە، جاڭا جاعدايعا، جاڭا تالاپقا ىرىقتىلىقپەن ۇيلەسىپ، پارتيا مەن مەملەكەت جۇكتەگەن فۋنكتسيانى، قىزمەت جاۋاپكەرشىلىگىن تەرەڭ تانىپ، ”ەكى كەلەلى جاعدايدى“ كوكەيدە ساقتاپ، بورىشتىلىق تانىمى مەن ساياسي جاۋاپكەرشىلىك ارقالاۋدى كۇشەيتىپ، مىندەتتى وتەپ، جاۋاپكەرشىلىكتى ادا ەتەتىن ءىس جۇزىندىك ارەكەتپەن ”ەكىنى قورعاۋدى“ ورىنداۋ كەرەك. رەفورمانىڭ ساياسي سانالىلىعى مەن ارەكەت سانالىلىعىن باستاماشىلدىقپەن كۇشەيتىپ، رەفورمانى جالپى بەتتىك تەرەڭدەتۋدىڭ ءتۇرلى شەشىمدەرىن، ورنالاستىرۋلارىن مۇقيات تياناقتاندىرىپ، قۇرىلىم رەفورماسىنىڭ جەتىستىكتەرىن ۇزدىكسىز بەكەمدەپ، تەرەڭدەتىپ، جۇيەلى، شوعىرلى، سايكەستى، جوعارى ءونىمدى بولۋدى ورىنداپ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋ قۇرىلىسىن تىڭعىلىقتى ىلگەرىلەتۋ كەرەك. پارتيانى جاپپاي قاتاڭ جونگە سالۋ نەگىزگى تۇلعالىق جاۋاپكەرشىلىگى مەن باقىلاۋ جاۋاپكەرشىلىگىن باتىل تياناقتاندىرىپ، ساتى بويىنشا قىسىم ءتۇسىرىپ، ”قاتاڭ بولۋ“ نەگىزگى ارناسىنا ۇزاق ۋاقىت تاباندى بولىپ، ۇقىقتى باقىلاۋ، تەجەۋ مەحانيزمىن ورناتىپ، اقاۋسىزداندىرىپ، ”ءتورت بۇرىس ستيلدى“ اسىرەسە، فورماشىلدىق، تورەشىلدىك ماسەلەلەرىن ۇزدىكسىز رەتتەۋ - وڭاۋ كەرەك. جاڭا داۋىردەگى پارتيانىڭ ۇيىمدىق لۋشيانىن مۇقيات دايەكتىلەندىرىپ، تياناقتاندىرىپ، باسشىلىق القا قۇرىلىسىن، كادر - دارىندىلار قوسىنى قۇرىلىسىن جانە نەگىزگى ساتى پارتيا ۇيىمى قۇرىلىسىن كۇشەيتىپ، ورتالىق پەن مەملەكەت ورگاندارى قۇرىلىسىن ساياسيدى دارىپتەيتىن، تارتىپكە بويسۇناتىن، جاۋاپكەرشىلىك ارقالايتىن، ءونىمدى جۇمىس جۇرگىزەتىن ۇلگىلى ورگان ەتىپ قۇرىپ شىعۋ كەرەك.
ءماجىلىس باسقا دا ىستەردى اقىلداستى.
