پارتياعا ادال بولىپ، حالىققا قىزمەت ەتىپ، زاڭدى ءادىل اتقارىپ، ءتارتىپتى قاتايتىپ، پارتيا مەن حالىق جۇكتەگەن بورىش پەن مىندەتتى باتىل ورىنداۋ كەرەك

日期：2020年08月27日

来源：新疆日报

【字体：大中小】

شي جينپيڭ جۇڭگو حالىق ساقشىلارى قوسىنىنا تۋ تاپسىردى ءارى ءتالىم بەرىپ بىلاي دەپ باسا دارىپتەدى

　　ۋاڭ حۋنيڭ، حان جىڭ قاتىناستى

　　8 - ايدىڭ 26 - كۇنى جۇڭگو حالىق ساقشىلارىنا ساقشى تۋىن تاپسىرۋ سالتى حالىق سارايىندا وتكىزىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جۇڭگو حالىق ساقشىلارى قوسىنىنا تۋ تاپسىردى ءارى ءتالىم بەردى. سۋرەتتە: شي جينپيڭ ءتالىم بەرۋدە.

　　جۇڭگو حالىق ساقشىلارىنا ساقشى تۋىن تاپسىرۋ سالتى 8 - ايدىڭ 26 - كۇنى حالىق سارايىندا وتكىزىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جۇڭگو حالىق ساقشىلارى قوسىنىنا تۋ تاپسىردى ءارى ءتالىم بەردى، پارتيا ورتالىق كوميتەتى اتىنان بارلىق حالىق ساقشىلارىن قىزۋ قۇتتىقتادى. ول بىلاي دەپ باسا دارىپتەدى: ەلىمىزدىڭ حالىق ساقشىلارى − مەملەكەتتىڭ ماڭىزدى قوعام اماندىعىن باسقارۋ اكىمشىلىك جانە قىلمىستىق ىستەر ءادىليا كۇشى، باستى مىندەتى − مەملەكەتتىڭ حاۋىپسىزدىگىن قورعاۋ، قوعام اماندىعى ءتارتىبىن قورعاۋ، ازاماتتاردىڭ باس اماندىعىن، باس بوستاندىعىن، زاڭدى مال - مۇلكىن قورعاۋ، الەۋمەتتىك مال - مۇلىكتى قورعاۋ، زاڭعا قايشى قىلمىستاردىڭ الدىن الۋ، تەجەۋ، جازالاۋ. جاڭا تاريحي شارت - جاعدايدا ەلىمىز حالىق ساقشىلارى پارتياعا ادال بولىپ، حالىققا قىزمەت ەتىپ، زاڭدى ءادىل اتقارىپ، ءتارتىپتى قاتايتىپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن كۇشەيتۋ جولىندا بۇكىل ىنتا - پەيىلىمەن قۇلشىنا قىزمەت ىستەپ، پارتيا مەن حالىق جۇكتەگەن بورىش پەن مىندەتتى باتىل ورىنداۋى كەرەك.

　　حالىق سارايىنىڭ سولتۇستىك زالى قىزۋ، سالتاناتتى كۇيگە بولەندى. قىزىل ءتۇستى تورگى تاقتادا ”جۇڭگو حالىق ساقشىلارىنا ساقشى تۋىن تاپسىرۋ سالتى“ دەگەن ءسوز ەرەكشە كوز تارتادى. ۇستىلەرىنە ساقشىلاردىڭ سالتانات كيىمىن، سايلاۋىت ساقشىلاردىڭ سوعىس جاتتىعۋ كيىمىن كيگەن 300دەن استام حالىق ساقشىسى دەنەلەرىن تىك ۇستاپ، كوتەرىڭكى رۋحپەن رەتتى قاتار تۇزەدى.

　　ساعات 10نان 30 مينۋت وتكەندە، تۋ تاپسىرۋ سالتى باستالدى. بۇكىل زالداعىلار مەملەكەت ءانىن اسقاقتاتا شىرقادى.

　　قۇرمەت قاراۋىلىنىڭ مۇشەلەرى جۇڭگو حالىق ساقشىلارى ساقشى تۋىن قورعاپ، قۇرمەت قادامىمەن ءتوراعالار مىنبەسىنىڭ الدىنا كەلدى. شي جينپيڭ جەكە - جەكە قوعام حاۋىپسىزدىگى مينيسترلىگىنىڭ مينيسترى، باس ساقشى باقىلاۋشى جاۋ كىجىعا، مەملەكەت حاۋىپسىزدىگى مينيسترلىگىنىڭ مينيسترى، باس ساقشى باقىلاۋشى چىن ۋىنچيڭگە تۋ تاپسىردى. جاۋ كىجى، چىن ۋىنچيڭ شي جينپيڭگە قۇرمەت ءبىلدىردى، شي جينپيڭنىڭ قولىنان جۇڭگو حالىق ساقشىلارى ساقشى تۋىن الىپ، بۇكىل زالداعىلارعا تۋدى كورسەتتى. بۇكىل زالداعى حالىق ساقشىلارى ساقشى تۋىنا ايبىندى تۇردە قۇرمەت ءبىلدىردى.

　　سوڭىنان شي جينپيڭ ءتالىم بەردى. ول بىلاي دەپ اتاپ كورسەتتى: ۇزاق ۋاقىتتان بەرى، پارتيانىڭ باسشىلىعىندا ەلىمىزدىڭ حالىق ساقشىلارى باس ماقسات پەن بورىشتى ەستە بەرىك ساقتاپ، قىزمەت جاۋاپكەرشىلىگىن ادالدىقپەن وتەپ، باتىلدىقپەن جاۋاپكەرشىلىك ارقالاپ، ىسكەرلىك كورسەتىپ، قۇربان بەرىپ، ۇلەس قوسۋعا پەيىل بولىپ، مەملەكەتتىڭ حاۋىپسىزدىگىن، قوعامنىڭ ورنىقتىلىعىن، حالىقتىڭ مۇددەسىن قورعاۋعا ماڭىزدى ۇلەس قوستى. اماليات ەلىمىز حالىق ساقشىلارىنىڭ پارتيا مەن حالىق تولىق سەنىم ارتاتىن پارمەندى جاۋىنگەرلىك قۋاتقا يە قوسىن ەكەندىگىن دالەلدەدى.

　　شي جينپيڭ حالىق ساقشىلارى قوسىنىنا 4 ءتۇرلى تالاپ قويدى: ءبىرىنشى، پارتياعا ادال بولۋ. پارتيانىڭ شارتسىز باسشىلىعىنا تاباندى بولىپ، ساقشىنى ساياسي جاقتان قۇرۋ باعىتىنان جازباي، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، باستان - اياق پارتيا تۋىن تۋ، پارتيانىڭ بەتالىسىن بەتالىس، پارتيانىڭ ەركىن ەرىك ەتىپ، پارتيا ورتالىق كوميتەتىنىڭ بۇيرىعىنا باتىل قۇلاق اسىپ، پارتيا ورتالىق كوميتەتىنىڭ قولباسشىلىعىنا بويسۇنىپ، شارتسىز ادالدىققا، شارتسىز كىرشىكسىزدىككە، شارتسىز سەنىمدىلىككە شىنايى كەپىلدىك ەتۋ كەرەك. ەكىنشى، حالىققا قىزمەت ەتۋ. حالىقتى وزەك ەتۋگە تاباندى بولىپ، پارتيانىڭ بۇقارالىق لۋشيانىن تاباندىلىقپەن دايەكتى اتقارىپ، بارلىعىندا حالىقتى ويلاپ، بارلىعىندا حالىققا سۇيەنىپ، جالپى تۇلعالىق مەملەكەت حاۋىپسىزدىگى كوزقاراسىنا تاباندى بولىپ، بىرگە قۇرۋ، بىرگە جونگە سالۋ، بىرگە يگىلىكتەنۋ بارىسىندا تىنىش جۇڭگو قۇرىلىسىن ىلگەرىلەتىپ، حالىقتىڭ مۇددەسىن قورعاپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن كۇشەيتۋ جولىندا بۇكىل ىنتا - پەيىلىمەن قۇلشىنا قىزمەت ىستەۋ كەرەك. ءۇشىنشى، زاڭدى ءادىل اتقارۋ. قوعامنىڭ ادىلدىگى مەن تۋراشىلدىعىن قورعاۋعا تاباندى بولىپ، تاربيەلەۋ مەن باۋلۋدى كۇشەيتىپ، باقىلاۋ - باسقارۋدى قاتايتىپ، ۇقىقتىڭ جۇرگىزىلۋىن ارناعا ءتۇسىرىپ، زاڭدى قاتاڭ، جۇيەلى، ءادىل، مادەنيەتتى اتقارۋدى ناقتاپ تياناقتاندىرىپ، زاڭ اتقارۋدىڭ، ءادىليانىڭ الەۋمەتتىك سەنىمدىلىگىن ۇزدىكسىز جوعارىلاتىپ، حالىق بۇقاراسىنىڭ ءاربىر دەلونىڭ ىستەلۋىنەن، ءاربىر ءىستىڭ ءبىر جاقتى ەتىلۋىنەن ادىلدىك پەن تۋراشىلدىقتى سەزىنۋىنە مۇمكىندىك جاساۋعا قۇلشىنۋ كەرەك. ءتورتىنشى، ءتارتىپتى قاتايتۋ. قاتاڭ باسقارۋ مەن قالتقىسىز قامقورلىقتى ۇشتاستىرۋعا، شابىتتاندىرۋ مەن تەجەۋگە بىردەي ءمان بەرۋگە تاباندى بولىپ، پارتيانى جاپپاي قاتاڭ باسقارۋ، ساقشىنى جاپپاي قاتاڭ جونگە سالۋ تالابىن قاتاڭ تياناقتاندىرىپ، ساقشى ءتارتىبىن قاتايتىپ، قوسىندى كىرشىكسىزدەندىرىپ، نازاردى ناقتى شايقاسقا شوعىرلاندىرىپ، جاتتىعۋدى كۇشەيتىپ، قۇرىشتاي بەرىك مۇرات - سەنىمدى، قۇرىشتاي بەرىك جاۋاپكەرشىلىكتى، قۇرىشتاي بەرىك ىسىلعان قابىلەتتى، قۇرىشتاي بەرىك ءتارتىپ ستيلىن كۇش سالا شىڭداپ، پارتيانىڭ باسشىلىعىنداعى سوتسياليستىك مەملەكەت حالىق ساقشىلارىنىڭ ءوزىن تەجەپ كوپ قامىن ويلايتىن، قالتقىسىز ۇلەس قوساتىن تاماشا وبرازىن تولىق ايگىلەۋ كەرەك.

　　تۋ تاپسىرۋ سالتىندا جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ۋاڭ حۋنيڭ «جۇڭگو كوممۋنيستىك پارتياسى ورتالىق كوميتەتىنىڭ جۇڭگو حالىق ساقشىلارى قوسىنىنا ”جۇڭگو حالىق ساقشىلارى ساقشى تۋىن“ تاپسىرۋ جونىندەگى قارارىن» وقىدى.

　　جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى حان جىڭ سالتقا قاتىناستى.

　　تۋ تاپسىرۋ سالتىنا قاتىناسقان حالىق ساقشىلارى توپتىق سەرت بەردى. سەرت ءسوزى مىناداي: پارتياعا ادال بولامىز، حالىققا قىزمەت ەتەمىز، زاڭدى ءادىل اتقارامىز، ءتارتىپتى قاتايتامىز؛ تاباندى كىرشىكسىز بولىپ، پارتيانى الاڭسىز ەتەمىز، ۇلەس قوسۋعا پەيىل بولامىز، ەرلىكپەن شايقاسىپ، جەڭىسكە جەتۋگە شەبەر بولامىز.

　　گو شىڭكۇن سالتتى باسقاردى. ديڭ شۋەشياڭ، جاڭ يوۋشيا، چىن شي، جوۋ چياڭ، جاڭ جۇن سالتقا قاتىناستى. ورتالىق ساياسي - زاڭ كوميتەتىنىڭ مۇشەلەرى، ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار سالتقا قاتىناستى.

　　جۇڭگو حالىق ساقشىلارى ساقشى تۋى قىزىل، كوك ەكى تۇستەن قۇرالعان، نەگىزگى ءتۇس قىزىل ءتۇس، ساقشى گەربى تۋدىڭ سول جاق جوعارعى بۇرىشىنا سالىنعان. ساقشى تۋى حالىق ساقشىلارى قوسىنىنىڭ ماڭىزدى بەلگىسى، حالىق ساقشىلارىنىڭ داڭقىنىڭ، جاۋاپكەرشىلىگىنىڭ جانە بورىشىنىڭ سيمۆولى.

责任编辑：哈斯提尔