جۇڭگو شيپاگەرلەر مەرەكەسى قارساڭىندا
شي جينپيڭ بۇكىل ەلدەگى قالىڭ ەمدەۋ قىزمەتكەرلەرىنىڭ مەرەكەسىن قۇتتىقتادى جانە ولاردان ىقىلاستى حال سۇرادى
جۇڭگو شيپاگەرلەر مەرەكەسى قارساڭىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ پارتيا ورتالىق كوميتەتى اتىنان بۇكىل ەلدەگى قالىڭ ەمدەۋ قىزمەتكەرلەرىنىڭ مەرەكەسىن قۇتتىقتادى جانە ولاردان ىقىلاستى حال سۇرادى.
شي جينپيڭ بىلاي دەپ اتاپ كورسەتتى: قالىڭ ەمدەۋ قىزمەتكەرلەرى − دەنساۋلىق، سالاماتتىق ىستەرىنىڭ دامۋىن ىلگەرىلەتەتىن ماڭىزدى كۇش. جاڭا تيپتى ايدارشا ۋيرۆس وكپە قابىنۋ ىندەتى تۋىلعاننان بەرى، قالىڭ ەمدەۋ قىزمەتكەرلەرى پارتيا مەن حالىقتىڭ ماڭىزدى تاپسىرماسىن ەستە بەرىك ساقتاپ، ادىلەت جولىندا ەشتەڭەدەن تايىنباستان ىندەتتەن ساقتانۋ - تىزگىندەۋدىڭ ءبىرىنشى شەبىندە اتويلاپ، ۋاقىتپەن بىرگە جارىسىپ، ىندەتپەن ايقاسىپ، قايسارلىقپەن كۇرەسىپ، كۇندى تۇنگە جالعاپ شايقاس جاساپ، ىندەتكە قارسى اتتانۋدا قاجىرلى قۇلشىنىس جاساپ، ماڭىزدى ۇلەس قوسىپ، ءومىردى قاستەرلەيتىن، اجالعا اراشاشى، جارالىعا مەدەت بولاتىن، ۇلەس قوسۋعا پەيىل، شەكسىز ۇلى سۇيىسپەنشىلىك ارنايتىن اسقاق رۋحتى ايگىلەپ، پارتيا مەن حالىقتىڭ جوعارى باعاسىنا يە بولدى.
شي جينپيڭ بىلاي دەپ باسا دارىپتەدى: قالىڭ ەمدەۋ قىزمەتكەرلەرى حالىقتى بارىنەن جوعارى قويۋعا، ءومىردى بارىنەن جوعارى قويۋعا تاباندى بولىپ، شيپاگەرلىك ءمورالدى اسقاقتاتىپ، شيپاگەرلىك ونەرگە جاتىلىپ، شيپاگەرلىك ستيل ۇستانىپ، اۋىر مىندەتتى باتىلدىقپەن ارقالاپ، مەديتسينانىڭ العا باسۋىن قۇلشىنا جەبەپ، سالاماتتى جۇڭگو قۇرۋعا، حالىقتىڭ سالاماتتىعىن، قۇت - ىرىسىن ارتتىرۋعا تىڭ ۇلەس قوسۋلارى كەرەك. ءار دارەجەلى پارتكوم جانە ۇكىمەت، تۇتاس قوعام ەمدەۋ قىزمەتكەرلەرىنە قامقورلىق جاساپ، ولارعا كوڭىل ءبولىپ، العاباسار ىزگى ىستەردى اسقاقتاتىپ، كاسىپتىك تاربيەلەۋدى كۇشەيتىپ، ءورىس اشا جاڭالىق اشۋعا قولداۋ كورسەتىپ، قيىنشىلىقتارىن شەشۋگە كومەكتەسىپ، تۇتاس قوعامدا شيپاگەرلەردى قۇرمەتتەپ، دەنساۋلىققا ءمان بەرەتىن تاماشا ورتا جاپپاي قالىپتاستىرۋدى ىلگەرىلەتۋ كەرەك.
