شي جينپيڭ مەملەكەتتىك جاستار بىرلەستىگى 13 - كەزەكتى كوميتەتىنىڭ جالپى ءماجىلىسى جانە مەملەكەتتىك وقۋشىلار بىرلەستىگىنىڭ 27 - قۇرىلتايى اشىلعاندىعىن حات جولداپ قۇتتىقتادى

شي جينپيڭ مەملەكەتتىك جاستار بىرلەستىگى 13 - كەزەكتى كوميتەتىنىڭ جالپى ءماجىلىسى جانە مەملەكەتتىك وقۋشىلار بىرلەستىگىنىڭ 27 - قۇرىلتايى اشىلعاندىعىن حات جولداپ قۇتتىقتاپ، بىلاي دەپ باسا دارىپتەدى

پارتياعا باتىل ىلەسىپ، جاڭا داۋىردە ەكپىندەي ىلگەرىلەپ، پارتيا مەن مەملەكەت ىستەرىنىڭ دامۋىنا جاڭا دا اناعۇرلىم زور ۇلەس قوسۋ كەرەك

ۋاڭ حۋنيڭ اشىلۋ جينالىسىنا قاتىناستى

قۇتتىقتاۋ حات

　　جۇڭحۋا مەملەكەتتىك جاستار بىرلەستىگى 13 - كەزەكتى كوميتەتىنىڭ جالپى ءماجىلىسى جانە جۇڭحۋا مەملەكەتتىك وقۋشىلار بىرلەستىگىنىڭ 27 - قۇرىلتايى اشىلۋ ورايىندا، مەن پارتيا ورتالىق كوميتەتى اتىنان قۇرىلتايدىڭ اشىلعاندىعىن قىزۋ قۇتتىقتايمىن! بۇكىل ەلدەگى ءار ۇلت، ءار سالا جاستارى مەن جاس وقۋشىلارعا، شەتەلدەگى قالىڭ جۇڭحۋا جاستارىنا ىقىلاستى سالەم جولدايمىن.

　　5 جىلدان بەرى، پارتيانىڭ باسشىلىعىندا، كوممۋنيستىك جاستار وداعىنىڭ كومەگىندە، جەتەكشىلىگىندە ءار دارەجەلى جاستار بىرلەستىگى مەن وقۋشىلار بىرلەستىگى ۇيىمدارى قايراتتانا رەفورما جاساپ، بەلسەنە تالپىنىپ، قالىڭ جاستار مەن جاس وقۋشىلاردى ىنتىماقتاستىرىپ جاپپاي دوڭگەلەك داۋلەتتى قوعام ورناتۋ بارىسىندا اقىل - پاراساتتارىن، كۇش - قۋاتتارىن ارناۋدا، جاستىق ورالدارىن ايگىلەۋدە، پارتيانىڭ جاستار قىزمەتىن ويداعىداي ىستەۋدە ماڭىزدى رول اتقاردى.

　　بۇكىل پارتيانىڭ، بۇكىل ەلدەگى ءار ۇلت حالقىنىڭ ىنتىماقتاسا كۇرەس جۇرگىزۋىنىڭ ارقاسىندا ءبىز جاپپاي دوڭگەلەك داۋلەتتى قوعام ورناتۋ ۇلى جەڭىسىنە قول جەتكىزىپ، ەكىنشى 100 جىلدىق كۇرەس نىساناسىن جۇزەگە اسىرۋ جاڭا ساپارىنا قادام باسۋ الدىندا تۇرمىز. ەلىمىزدەگى قالىڭ جاستار مۇرات - سەنىمدى بەكەمدەپ، وسكەلەڭ ءمورالدىق قاسيەت جەتىلدىرىپ، شىنايى ونەرگە جاتىلىپ، باتىلدىقپەن جاڭالىق اشىپ، جاسامپازدىق جاراتىپ، قاجىرلىلىقپەن كۇرەس جۇرگىزۋگە بەل بۋىپ، سان ميلليونداعان حالىقپەن بىرگە كۇرەس جۇرگىزۋگە بەلدى بەكەم بايلاۋ بارىسىندا جاڭا ءداۋىردىڭ جاستىق جىرىن جازۋ كەرەك.

　　جاستار بىرلەستىگى مەن وقۋشىلار بىرلەستىگى قىزمەتى پارتيانىڭ جاستار قىزمەتىنىڭ ماڭىزدى قۇرامداس بولىگى. ءار دارەجەلى پارتكومدار مەن ۇكىمەتتەر جاستار قىزمەتىنە باسشىلىقتى كۇشەيتىپ، جاستار بىرلەستىگى مەن وقۋشىلار بىرلەستىگىنىڭ قىزمەتىنە كوڭىل ءبولىپ جانە قولداپ، قالىڭ جاستار مەن جاس وقۋشىلاردىڭ ىسكەرلىگىن ارتتىرۋىنا، دارىنىن ايگىلەۋىنە تاماشا شارت - جاعداي جاراتۋ كەرەك. جاستار بىرلەستىگى مەن وقۋشىلار بىرلەستىگى ۇيىمدارى ءداۋىردىڭ قادامىنا ءجىتى ىلەسىپ، جاستار قىزمەتىنىڭ ەرەكشەلىگى مەن زاڭدىلىعىن يگەرىپ، رەفورما جاساۋدى، جاڭالىق اشۋدى تەرەڭدەتىپ، قالىڭ جاستار مەن جاس وقۋشىلاردى پارتياعا باتىل ىلەسۋگە، جاڭا داۋىردە ەكپىندەي ىلگەرىلەۋگە ۇيىمداستىرىپ، جۇمىلدىرىپ، پارتيا مەن مەملەكەت ىستەرىنىڭ دامۋىنا جاڭا دا اناعۇرلىم زور ۇلەس قوسۋ كەرەك.

شي جينپيڭ

2020 - جىلى 8 - ايدىڭ 17 - كۇنى

　　جۇڭحۋا مەملەكەتتىك جاستار بىرلەستىگى 13 - كەزەكتى كوميتەتىنىڭ جالپى ءماجىلىسى، جۇڭحۋا مەملەكەتتىك وقۋشىلار بىرلەستىگىنىڭ 27 - قۇرىلتايى 8 - ايدىڭ 17 - كۇنى تۇستەن بۇرىن بەيجيڭدە اشىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قۇتتىقتاۋ حات جولداپ، پارتيا ورتالىق كوميتەتى اتىنان قۇرىلتايدىڭ اشىلعاندىعىن قىزۋ قۇتتىقتادى، بۇكىل ەلدەگى ءار ۇلت، ءار سالا جاستارى مەن جاس وقۋشىلارعا، شەتەلدەگى قالىڭ جۇڭحۋا جاستارىنا ىقىلاستى سالەم جولدادى.

　　شي جينپيڭ قۇتتىقتاۋ حاتىندا بىلاي دەدى: 5 جىلدان بەرى، پارتيانىڭ باسشىلىعىندا، كوممۋنيستىك جاستار وداعىنىڭ كومەگىندە، جەتەكشىلىگىندە ءار دارەجەلى جاستار بىرلەستىگى مەن وقۋشىلار بىرلەستىگى ۇيىمدارى قايراتتانا رەفورما جاساپ، بەلسەنە تالپىنىپ، قالىڭ جاستار مەن جاس وقۋشىلاردى ىنتىماقتاستىرىپ جاپپاي دوڭگەلەك داۋلەتتى قوعام ورناتۋ بارىسىندا اقىل - پاراساتتارىن، كۇش - قۋاتتارىن ارناۋدا، جاستىق ورالدارىن ايگىلەۋدە، پارتيانىڭ جاستار قىزمەتىن ويداعىداي ىستەۋدە ماڭىزدى رول اتقاردى.

　　شي جينپيڭ بىلاي دەپ اتاپ كورسەتتى: بۇكىل پارتيانىڭ، بۇكىل ەلدەگى ءار ۇلت حالقىنىڭ ىنتىماقتاسا كۇرەس جۇرگىزۋىنىڭ ارقاسىندا ءبىز جاپپاي دوڭگەلەك داۋلەتتى قوعام ورناتۋ ۇلى جەڭىسىنە قول جەتكىزىپ، ەكىنشى 100 جىلدىق كۇرەس نىساناسىن جۇزەگە اسىرۋ جاڭا ساپارىنا قادام باسۋ الدىندا تۇرمىز. ەلىمىزدەگى قالىڭ جاستار مۇرات - سەنىمدى بەكەمدەپ، وسكەلەڭ ءمورالدىق قاسيەت جەتىلدىرىپ، شىنايى ونەرگە جاتىلىپ، باتىلدىقپەن جاڭالىق اشىپ، جاسامپازدىق جاراتىپ، قاجىرلىلىقپەن كۇرەس جۇرگىزۋگە بەل بۋىپ، سان ميلليونداعان حالىقپەن بىرگە كۇرەس جۇرگىزۋگە بەلدى بەكەم بايلاۋ بارىسىندا جاڭا ءداۋىردىڭ جاستىق جىرىن جازۋ كەرەك.

　　شي جينپيڭ بىلاي دەپ باسا دارىپتەدى: جاستار بىرلەستىگى مەن وقۋشىلار بىرلەستىگى قىزمەتى پارتيانىڭ جاستار قىزمەتىنىڭ ماڭىزدى قۇرامداس بولىگى. ءار دارەجەلى پارتكومدار مەن ۇكىمەتتەر جاستار قىزمەتىنە باسشىلىقتى كۇشەيتىپ، جاستار بىرلەستىگى مەن وقۋشىلار بىرلەستىگىنىڭ قىزمەتىنە كوڭىل ءبولىپ جانە قولداپ، قالىڭ جاستار مەن جاس وقۋشىلاردىڭ ىسكەرلىگىن ارتتىرۋىنا، دارىنىن ايگىلەۋىنە تاماشا شارت - جاعداي جاراتۋ كەرەك. جاستار بىرلەستىگى مەن وقۋشىلار بىرلەستىگى ۇيىمدارى ءداۋىردىڭ قادامىنا ءجىتى ىلەسىپ، جاستار قىزمەتىنىڭ ەرەكشەلىگى مەن زاڭدىلىعىن يگەرىپ، رەفورما جاساۋدى، جاڭالىق اشۋدى تەرەڭدەتىپ، قالىڭ جاستار مەن جاس وقۋشىلاردى پارتياعا باتىل ىلەسۋگە، جاڭا داۋىردە ەكپىندەي ىلگەرىلەۋگە ۇيىمداستىرىپ، جۇمىلدىرىپ، پارتيا مەن مەملەكەت ىستەرىنىڭ دامۋىنا جاڭا دا اناعۇرلىم زور ۇلەس قوسۋ كەرەك.

　　جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ۋاڭ حۋنيڭ اشىلۋ جينالىسىنا قاتىناستى.

　　جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت ۇيىمداستىرۋ ءبولىمىنىڭ باستىعى چىن شي جينالىستا شي جينپيڭنىڭ قۇتتىقتاۋ حاتىن وقىدى.

　　جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەستىڭ ورىنباسار زۇڭليى سۇن چۇنلان پارتيا ورتالىق كوميتەتى اتىنان ءسوز سويلەدى. ول بىلاي دەدى: باس شۋجي شي جينپيڭنىڭ جاستار قىزمەتى جونىندەگى ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، جاستاردىڭ ەسەيىپ - تولىسۋىن، دامۋىن جەبەۋدىڭ ءىس جۇزىندىك قىزمەتىندە سانالى تياناقتاندىرۋ كەرەك. قالىڭ جاستاردان مۇرات - سەنىمدى بەكەمدەپ، قۇلشىنا تولىسىپ، دارىندى بولىپ، باتىلدىقپەن ءورىس اشىپ، جاڭالىق جاراتىپ، وسكەلەڭ ءمورالدى سومداپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ءداۋىردىڭ الدىڭعى لەگىندە جۇرەتىن ەكپىندەي ىلگەرىلەۋشى، ءورىس اشۋشى، ۇلەس قوسۋشى بولۋعا قۇلشىنىپ، جاستىق ورالى مەن ماڭداي تەرى ارقىلى جۇڭحۋا ۇلتىنىڭ ۇلى گۇلدەنۋىنىڭ كوركەم داستانىن جازۋدى ءۇمىت ەتەمىن.

　　ديڭ شۋەشياڭ، ياڭ شياۋدۋ، گو شىڭكۇن، حۋاڭ كۇنميڭ، يوۋ چۋان، ەركىن يمىرباقى، گۋ شىڭزۋ جينالىسقا قاتىناستى.

　　قۇرىلتايدىڭ اشىلۋ جينالىسىندا كوممۋنيستىك جاستار وداعى ورتالىق كوميتەتى شۋجيچۋىنىڭ ءبىرىنشى شۋجيى حى جۇنكى ءسوز سويلەدى. جۇڭگو عىلىم - تەحنيكا قوعامى شۋجيچۋىنىڭ ءبىرىنشى شۋجيى حۋاي جينپىڭ حالىقتىق ۇيىمدار اتىنان ءسوز سويلەدى. كوممۋنيستىك جاستار وداعى ورتالىق كوميتەتى شۋجيچۋىنىڭ ۇنەمىلىك ىستەرگە جاۋاپتى شۋجيى، 12 - كەزەكتى مەملەكەتتىك جاستار بىرلەستىگىنىڭ ءتوراعاسى ۋاڭ حۇڭيان مەن 26 - كەزەكتى مەملەكەتتىك وقۋشىلار بىرلەستىگىنىڭ ءتوراعاسى ۋاڭ شىڭبو جەكە - جەكە مەملەكەتتىك جاستار بىرلەستىگى 12 - كەزەكتى كوميتەتى تۇراقتى كوميتەتى جانە مەملەكەتتىك وقۋشىلار بىرلەستىگى 26 - كەزەكتى كوميتەتى اتىنان قىزمەتتەن بايانداما جاسادى.

　　اشىلۋ جينالىسىن ۋاڭ حۇڭيان باسقاردى. جينالىس تەلەۆيزور - تەلەفون ءماجىلىسى فورماسىندا اشىلدى، ءارقايسى ولكەدە، اۆتونوميالى رايوندا، توتە قاراستى قالادا بولىمشە ءماجىلىس الاڭى اشىلدى. ءارقايسى ولكەلىك، اۆتونوميالى رايوندىق، قالالىق پارتكومداعى جاۋاپتى جولداستار جانە كوممۋنيستىك جاستار وداعىنداعى، وقۋ - اعارتۋ تاراۋلارىنداعى نەگىزگى جاۋاپتى جولداستار، مەملەكەتتىك جاستار بىرلەستىگى 13 - كەزەكتى كوميتەتىنىڭ مۇشەلەرى، مەملەكەتتىك وقۋشىلار بىرلەستىگى 27 - قۇرىلتايىنىڭ ۋاكىلدەرى، ءار سالاداعى جاستار مەن جاس وقۋشىلاردىڭ ۋاكىلدەرى بولىپ شامامەن 3000 ادام اشىلۋ جينالىسىنا قاتىناستى.

　　بۇل رەتكى قۇرىلتاي مەملەكەتتىك جاستار بىرلەستىگى مەن مەملەكەتتىك وقۋشىلار بىرلەستىگىنىڭ 5 جىلدان بەرگى قىزمەتتەرىن قورىتىندىلايدى، الداعى 5 جىلداعى قىزمەت مىندەتتەرىن اقىلداسىپ تۇراقتاندىرادى، «جۇڭحۋا مەملەكەتتىك جاستار بىرلەستىگىنىڭ ۋستاۆىنا» جانە «جۇڭحۋا مەملەكەتتىك وقۋشىلار بىرلەستىگىنىڭ ۋستاۆىنا» وزگەرىس ەنگىزەدى، جۇڭحۋا مەملەكەتتىك جاستار بىرلەستىگىنىڭ بىرلەستىك گەربىن تۇراقتاندىرادى، جاڭا كەزەكتى مەملەكەتتىك جاستار بىرلەستىگى مەن مەملەكەتتىك وقۋشىلار بىرلەستىگىنىڭ باسشىلىق قۇرىلىمىن سايلايدى.