جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى ءماجىلىس اشتى
19 - كەزەكتى ورتالىق كوميتەتتىڭ بەسىنشى جالپى ءماجىلىسىن اشۋدى ۇيعاردى
كەزەكتەگى ەكونوميكالىق جاعداي مەن ەكونوميكالىق قىزمەتكە تالداۋ جاسادى جانە ونى اقىلداستى
جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى
جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى 7 - ايدىڭ 30 - كۇنى ءماجىلىس اشىپ، بيىل 10 - ايدا جۇڭگو كوممۋنيستىك پارتياسى 19 - كەزەكتى ورتالىق كوميتەتىنىڭ بەسىنشى جالپى ءماجىلىسىن بەيجيڭدە اشۋدى ۇيعاردى، ءماجىلىستىڭ باستى كەڭەستىك تارتىپتەرى: جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى ورتالىق كوميتەتكە قىزمەتتەن بايانداما جاسايدى، حالىق شارۋاشىلىعى مەن قوعامدىق دامۋدىڭ 14 - بەسجىلدىق جوباسىن جاساۋ جانە 2035 - جىلعى بولاشاقتىق نىسانانى بەلگىلەۋ جونىندەگى ۇسىنىستى اقىلداسادى. ءماجىلىس كەزەكتەگى ەكونوميكالىق جاعداي مەن ەكونوميكالىق قىزمەتكە تالداۋ جاسادى جانە ونى اقىلداستى، كەلەسى جارتى جىلدىق ەكونوميكالىق قىزمەتتى ورنالاستىردى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى.
ءماجىلىس بىلاي دەپ قارادى: ”14 - بەسجىلدىق“ مەزگىلى − ەلىمىزدىڭ جاپپاي دوڭگەلەك داۋلەتتى قوعام ورناتىپ، ءبىرىنشى 100 جىلدىق كۇرەس نىساناسىن ورىنداعاننان كەيىن، قولايلى ساتتە قيمىلداپ جاپپاي سوتسياليستىك وسىزاماندانعان مەملەكەت قۇرۋ جاڭا ساپارىن باستاۋداعى، ەكىنشى 100 جىلدىق كۇرەس نىساناسىنا قاراي جورىق جاساۋداعى العاشقى بەسجىلدىق. كەزەكتە جانە الداعى ءبىر مەزگىلدە ەلىمىزدىڭ دامۋى ءالى دە ستراتەگيالىق وراي مەزگىلىندە تۇرادى، الايدا وراي مەن سىن - سايىستاردىڭ بارلىعىندا جاڭا دامۋ، وزگەرىس بولادى. قازىر دۇنيە ءجۇزى 100 جىلدا بولماعان زور وزگەرىستى باستان كەشىرۋدە، بەيبىتشىلىك پەن دامۋ ءالى دە ءداۋىردىڭ باستى تاقىرىبى بولا بەرەدى، سونىمەن بىرگە حالىقارالىق ورتا كۇن سايىن كۇردەلىلەسىپ، تۇراقسىزدىق، انىقسىزدىق كورنەكتى كۇشەيدى. ەلىمىز جوعارى ساپالى دامۋ كەزەڭىنە ءوتتى، دامۋدىڭ كوپ جاقتاعى ابزالدىلىقتارى مەن شارت - جاعدايلارى بار، سونىمەن بىرگە دامۋدىڭ بىركەلكى بولماۋى، تولىق بولماۋى ماسەلەسى ءالى دە كورنەكتى بولىپ وتىر. ەلىمىز قوعامىنداعى باستى قايشىلىقتاردىڭ دامۋى، وزگەرىسى اكەلگەن جاڭا ەرەكشەلىكتەردى، جاڭا تالاپتاردى جەتە تانىپ، وراي تانىمىن جانە حاۋىپ - قاتەر تانىمىن كۇشەيتىپ، دامۋ زاڭدىلىعىن يگەرىپ، كۇرەس رۋحىن ساۋلەلەندىرىپ، داعدارىس بارىسىندا جاڭا وراي جەتىلدىرۋگە، وزگەرىس بارىسىندا جاڭا جاعداي اشۋعا شەبەر بولىپ، ورايدى مىقتاپ يگەرىپ، سىن - سايىسقا توتەپ بەرىپ، پايدالى جاققا بەيىمدەلىپ، زالالدى جاقتان اۋلاق بولىپ، ەرلىكپەن العا باسۋ كەرەك.
ءماجىلىس بىلاي دەپ باسا دارىپتەدى: ”14 - بەسجىلدىق“ مەزگىلىندەگى ەلىمىزدىڭ ەكونوميكالىق، قوعامدىق دامۋىن ىلگەرىلەتۋدە، ءسوز جوق، جۇڭگوشا سوتسياليزم ۇلى تۋىن بيىك ۇستاپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتىنىڭ ەكىنشى، ءۇشىنشى، ءتورتىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، ماركسيزم - لەنينيزمدى، ماۋ زىدۇڭ يدەياسىن، دىڭ شياۋپيڭ نازارياسىن، ”ۇشكە ۋاكىلدىك ەتۋ“ ماڭىزدى يدەياسىن، عىلمي دامۋ كوزقاراسىن، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيانىڭ نەگىزگى نازارياسىن، نەگىزگى لۋشيانىن، نەگىزگى جالپى جوباسىن جاپپاي دايەكتىلەندىرىپ، جاڭا دامۋ ۇستانىمىن تاباندىلىقپەن دايەكتىلەندىرىپ، دامۋ مەن حاۋىپسىزدىكتى ءبىر تۇتاس جوسپارلاپ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتىپ، ەكونوميكانىڭ ورنىقتى باياندىلىعىن، قوعامنىڭ تىنىشتىعىن، جاراسىمدىلىعىن جۇزەگە اسىرىپ، جاپپاي سوتسياليستىك وسىزاماندانعان مەملەكەت قۇرۋ ءۇشىن جاقسى باستاما اشۋ، العاشقى قادامدى جاقسى باسۋ كەرەك.
ءماجىلىس مىنالاردى اتاپ كورسەتتى: ”14 - بەسجىلدىق“ مەزگىلىندەگى ەكونوميكالىق، قوعامدىق دامۋدى العا ىلگەرىلەتۋدە، ءسوز جوق، پارتيانىڭ ەكونوميكالىق، قوعامدىق دامۋعا باسشىلىق ەتۋ تۇزىلىسىنە، مەحانيزمىنە تاباندى بولىپ جانە ونى كەمەلدەندىرىپ، جوعارى ساپالى دامۋدى جۇزەگە اسىرۋعا ءتۇبىرلى كەپىلدىك ازىرلەۋ كەرەك. ءسوز جوق، دامۋ حالىق ءۇشىن بولۋدى، دامۋدا حالىققا سۇيەنۋدى، دامۋ جەتىستىكتەرىنەن حالىقتى تەڭ يگىلىككە كەنەلدىرۋدى ورىنداپ، حالىقتىڭ تاماشا تۇرمىسقا تالپىنىسىن ۇزدىكسىز جۇزەگە اسىرۋ كەرەك. ءسوز جوق، جاڭا دامۋ ۇستانىمىن دامۋدىڭ جالپى بارىسىنا جانە ءار سالاسىنا ءسىڭىرىپ، اناعۇرلىم جوعارى ساپالى، اناعۇرلىم ءونىمدى، اناعۇرلىم ءادىل، اناعۇرلىم باياندى، اناعۇرلىم حاۋىپسىز دامۋدى جۇزەگە اسىرۋ كەرەك. ءسوز جوق، رەفورمانى تاباندىلىقپەن ىلگەرىلەتىپ، ەسىك اشۋدى ۇزدىكسىز كەڭەيتىپ، دامۋ قوزعاۋشى كۇشى مەن ومىرشەڭدىگىن ۇزدىكسىز كۇشەيتۋ كەرەك. ءسوز جوق، كورەگەندىكپەن ويلاۋدى، جالپى جاعدايلىق جوسپارلاۋدى، ستراتەگيالىق ورنالاستىرۋدى، جالپى تۇلعالىق ىلگەرىلەتۋدى كۇشەيتىپ، دامۋدىڭ كولەمىنىڭ، جىلدامدىعىنىڭ، ساپاسىنىڭ، قۇرىلىمىنىڭ، ونىمدىلىگىنىڭ، حاۋىپسىزدىگىنىڭ ءبىر تۇتاستىعىن جۇزەگە اسىرۋ كەرەك.
ءماجىلىس مىنالاردى باسا دارىپتەدى: بيىل جىل باسىنان بەرى، جاڭا تيپتى ايدارشا ۆيرۋس وكپە قابىنۋ ىندەتىنىڭ اۋىر سوققىسى الدىندا، ءبىز حالىقتىڭ ءومىرىنىڭ حاۋىپسىزدىگىن جانە دەنساۋلىعىن ءبىرىنشى ورىنعا قويۋعا تاباندى بولىپ، ماكرولىق ساياساتتىڭ توتەپ بەرۋ سەرپىنىن ارتتىرىپ، ”التىنى ورنىقتىرۋ“ قىزمەتىن تىڭعىلىقتى ويداعىداي ىستەپ، ”التىنى قامتاماسىز ەتۋ“ مىندەتىن جالپى بەتتىك تياناقتاندىرىپ، ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ماڭىزدى جەتىستىككە قول جەتكىزدىك. ەكونوميكا ورنىقتى قاداممەن قالپىنا كەلىپ، جۇمىستى، ءوندىرىستى قالپىنا كەلتىرۋ اي سايىن جاقسارىپ، 2 - توقسانداعى ەكونوميكالىق ارتۋ مەجەدەگىدەن كورنەكتى جاقسى بولدى، ءۇش ءىرى قامال الۋ شايقاسى تىڭعىلىقتى ىلگەرىلەدى، ەكونوميكالىق قۇرىلىم ۇزدىكسىز ساپالىلانىپ، كاسىپ سالاسىنىڭ سيفرلانۋعا، زەردەلىلەنۋگە قاراي تيبىن وزگەرتۋى كورنەكتى تەزدەدى، رەفورما جاساۋ، ەسىك اشۋ ۇزدىكسىز تەرەڭدەپ، حالىقتىڭ تۇرمىسى پارمەندى قامتاماسىز ەتىلدى. بۇل پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ دۇرىس ەكەندىگىن، پارتيا باسشىلىعىنىڭ بەرىك، پارمەندى بولعاندىعىن، ەلىمىز ەكونوميكاسىنىڭ سەرپىمدىلىگىنىڭ مىعىم ەكەندىگىن، جۇڭگو حالقىنىڭ ۇلى جاسامپازدىق قۋاتقا، جۇڭگوشا سوتسياليزم ءتۇزىمىنىڭ قۋاتتى ومىرشەڭدىك كۇشكە يە ەكەندىگىن تولىق دالەلدەدى.
ءماجىلىس مىنالاردى اتاپ كورسەتتى: كەزەكتەگى ەكونوميكالىق جاعداي ءالى كۇردەلى دە قاتاڭ، تۇراقسىزدىق، انىقسىزدىق ءبىرشاما زور، ءبىز جولىققان كوپتەگەن ماسەلەلەر ورتا، ۇزاق مەرزىمدىك ماسەلەلەر، بۇل ماسەلەلەردى، ءسوز جوق، ۇزاققا سوزىلاتىن سوعىس جۇرگىزۋ تۇرعىسىنان تانىپ، ەل ىشىندەگى ۇلكەن اينالىمدى نەگىزگى تۇلعا ەتكەن، ەل ءىشى مەن حالىقارا سىندى ەكى اينالىم ءبىرىن - ءبىرىن جەبەيتىن جاڭا دامۋ ارناسىن جەدەل قالىپتاستىرىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋ قىزمەتىن ورتا، ۇزاق مەزگىل بويىنشا سايكەستىرۋ مەحانيزمىن ورناتىپ، قۇرىلىمدى رەتتەۋدىڭ ستراتەگيالىق بەتالىسىنا تاباندى بولىپ، عىلىم - تەحنيكادا جاڭالىق اشۋعا اناعۇرلىم كوپ ارقا سۇيەپ، ماكرولىق رەتتەۋ - مەڭگەرۋدىڭ پەريود اتتاعان جوبالانۋى مەن رەتتەلۋىن كەمەلدەندىرىپ، ارتۋدى ورنىقتىرۋ مەن حاۋىپ - قاتەردەن ساقتانۋدىڭ ۇزاق ۋاقىت تەڭگەرىمدى بولۋىن جۇزەگە اسىرۋىمىز كەرەك.
ءماجىلىس مىنالاردى باسا دارىپتەدى: سوڭعى جارتى جىلدىق ەكونوميكالىق قىزمەتتى ويداعىداي ىستەۋدە ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جاڭا دامۋ ۇستانىمىنا تاباندى بولىپ، ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن اناعۇرلىم ويداعىداي ءبىر تۇتاس جوسپارلاپ، قامداۋ جاعىنداعى قۇرىلىمدىق رەفورمانى نەگىزگى جەلى ەتۋگە تاباندى بولىپ، رەفورما جاساۋدى، ەسىك اشۋدى تەرەڭدەتۋگە تاباندى بولىپ، ىشكى سۇرانىستى كەڭەيتۋ سىندى ستراتەگيالىق نەگىزگى ءتۇيىندى مىقتاپ يگەرىپ، بازار تۇلعالارىنىڭ ومىرشەڭدىك كۇشىن زور كۇشپەن قورعاپ جانە قاۋلاتىپ، ”التىنى ورنىقتىرۋ“ قىزمەتىن تىڭعىلىقتى، ويداعىداي ىستەپ، ”التىنى قامتاماسىز ەتۋ“ مىندەتىن جالپى بەتتىك تياناقتاندىرىپ، ەكونوميكانىڭ جوعارى ساپالى دامۋىن ىلگەرىلەتىپ، قوعام ورنىقتىلىعى كەلەلى جاعدايىن قورعاپ، تۇتاس جىلداعى ەكونوميكالىق، قوعامدىق دامۋدىڭ نىسانالارىن، مىندەتتەرىن ورىنداۋعا قۇلشىنۋ كەرەك.
ءماجىلىس مىنالاردى اتاپ كورسەتتى: ماكرولىق ساياساتتاردىڭ تياناقتانۋىنا، ناتيجە بەرۋىنە شىنايى كەپىلدىك ەتۋ كەرەك. قازىنا ساياساتىندا اناعۇرلىم بەلسەندى ىسكەرلىك كورسەتىپ، ناقتى ناتيجەگە باسا ءمان بەرۋ كەرەك. ەلەۋلى نىسان قۇرىلىسى قارجىلارىن قامتاماسىز ەتىپ، ساپا مەن ونىمدىلىككە باسا ءمان بەرۋ كەرەك. اقشا ساياساتى اناعۇرلىم يكەمدى، لايىقتى بولۋ، دالمە - ءدال جەتەكتەۋ كەرەك. اقشامەن قامداۋ مولشەرى مەن قوعامدىق قارجى قۇراۋ كولەمىنىڭ لايىقتى ارتۋىن ساقتاپ، جالپىلىق قارجى قۇراۋدىڭ وزىندىك قۇنىنىڭ كورنەكتى تومەندەۋىن ىلگەرىلەتۋ كەرەك. جاڭادان ارتقان قارجى قۇراۋدىڭ جاساۋ كاسىبىنە، ورتا، شاعىن، ۇساق كاسىپورىندارعا ءتۇيىندى تۇردە بەيىمدەلۋىنە شىنايى كەپىلدىك ەتۋ كەرەك. ماكرولىق ەكونوميكالىق ساياساتتا سايكەسۋدى، سەلبەسۋدى كۇشەيتىپ، قازىنا، اقشا ساياساتىنىڭ جۇمىستانۋ، كاسىپ سالاسى، ءوڭىر سياقتى ساياساتتارمەن شوعىرلانۋ اسەرىن قالىپتاستىرۋىن جەبەۋ كەرەك.
ءماجىلىس مىنالاردى تالاپ ەتتى: ىندەتتەن ساقتانۋ - تىزگىندەۋدى ۇدايىلاندىرۋدى تيتتەي دە بوساڭسىماي ويداعىداي يگەرىپ، ىندەتتەن ساقتانۋ - تىزگىندەۋدى ۇدايىلاندىرۋ مەحانيزمىن اقاۋسىزداندىرىپ، مەديتسينالىق، دەنساۋلىق ساقتاۋ زاتتىق ماتەريالدارىن زاپاس ساقتاۋدى كۇشەيتىپ، ىندەتتەن ساقتانۋ - تىزگىندەۋ بويىنشا حالىقارالىق سەلبەستىكتى كۇشەيتىپ، ناقتى ارەكەتپەن ادامزاتتىڭ دەنساۋلىق ساقتاۋ، سالاماتتىق ورتاق تۇلعاسىن ورناتۋدى ىلگەرىلەتۋ كەرەك. ىشكى سۇرانىستى ۇزدىكسىز كەڭەيتىپ، ىندەتتىڭ ىقپالىن جەڭىپ، سوڭعى تۇتىنۋدى كەڭەيتىپ، تۇرعىندار تۇتىنۋىنىڭ دارەجەسىن كوتەرۋ ءۇشىن شارت - جاعداي ازىرلەۋ كەرەك. ۇزاق بولاشاقتى كوزدەپ، ءونىمدى قارجى قوسۋدى بەلسەنە كەڭەيتىپ، قوعامدىق كاپيتالدى ات سالىسۋعا ىنتالاندىرۋ كەرەك. جاڭاشا نەگىزدىك قۇرىلعى قۇرىلىسىن جەدەلدەتىپ، كەلەلى وڭىرلىك دامۋ ستراتەگيالارىن ىشكەرىلەي ىلگەرىلەتىپ، مەملەكەتتىڭ كەلەلى ستراتەگيالىق نىساندارىنىڭ اتقارىلۋ اياق الىسىن جەدەلدەتۋ كەرەك. جاڭاشا قالا - قالاشىقتاندىرۋ ارقىلى قارجى قوسۋدى جانە تۇتىنۋ سۇرانىسىن جەتەكتەپ، قالالار شوعىرىنىڭ، قالالار شەڭبەرىنىڭ ءبىر تۇلعالانىپ دامۋ تۇزىلىسىندە، مەحانيزمىندە جاڭالىق اشۋدى ىلگەرىلەتۋ كەرەك. كاسىپ سالاسى تىزبەگىنىڭ، قامداۋ تىزبەگىنىڭ ورنىقتىلىعىن جانە باسەكەلىك قابىلەتىن جوعارىلاتىپ، ولقىلىقتاردى تولىقتاۋ مەن ارتىقشىلىقتاردى نىعايتۋعا اناعۇرلىم ءمان بەرۋ كەرەك. اۋىل شارۋاشىلىعىنىڭ نەگىزدىك ورنىن بار كۇشپەن بەكەمدەۋ كەرەك. رەفورما جاساۋدى، ەسىك اشۋدى اناعۇرلىم زور سەرپىنمەن ىلگەرىلەتىپ، رەفورمانى تەرەڭدەتۋ ادىسىمەن شارۋاشىلىق - ساۋدا ورتاسىن ساپالىلاندىرىپ، مەملەكەت مەنشىگىندەگى كاسىپورىندار رەفورماسىنىڭ 3 جىلدىق ارەكەت جوباسىن ويداعىداي اتقارىپ، ەسىك اشۋدى ۇزدىكسىز كەڭەيتۋ كەرەك. كاپيتال بازارىنىڭ نەگىزگى تۇزىمدەر قۇرىلىسىن ىلگەرىلەتىپ، باعالى قاعازعا قاتىستى زاڭعا قايشى ارەكەتتەرگە زاڭ بويىنشا قاتاڭ سوققى بەرىپ، كاپيتال بازارىنىڭ ورنىقتى، اقاۋسىز دامۋىن جەبەۋ كەرەك. ءۇيدى ساۋدالاۋعا ەمەس، قايتا تۇرۋعا پايدالانۋ دەگەن تۇجىرىمعا تاباندى بولىپ، قورا - جاي بازارىنىڭ ورنىقتى، اقاۋسىز دامۋىن جەبەۋ كەرەك. حالىق تۇرمىسىن قامتاماسىز ەتۋدى ويداعىداي ىستەپ، قيىنشىلىعى بار بۇقارانىڭ نەگىزگى تۇرمىسىن قامتاماسىز ەتۋ قىزمەتىن ويداعىداي ىستەپ، ءونىمدى شارالار قولدانىپ ىندەتتىڭ جاستاردىڭ جۇمىستانۋىنا جاساعان ىقپالىن جەڭىلدەتىپ، سىرتقا شىعىپ جۇمىس ىستەيتىن شارۋا جۇمىسكەرلەردىڭ جۇمىستانۋىنا قىزمەت وتەۋدى كۇشەيتىپ، اۋىلىنا قايتقان شارۋا جۇمىسكەرلەردى جاقىن ماڭدا جۇمىستانۋعا جەتەكتەۋ كەرەك. كەدەيلىكتەن ارىلتۋدان قامال الۋ سەرپىنىن ارتتىرىپ، قازىر اتقارىلىپ وتىرعان ولشەمنەن تومەن اۋىل - قىستاقتاعى كەدەي حالىقتىڭ تۇگەلدەي كەدەيلىكتەن ارىلۋىنا، كەدەي اۋدانداردىڭ كەدەيلىك قالپاعىن تۇگەل الىپ تاستاۋىنا شىنايى كەپىلدىك ەتۋ كەرەك. لاستانۋدان ساقتانۋ جانە ونى جونگە سالۋدان قامال الۋ شايقاسىن ۇزدىكسىز ويداعىداي جۇرگىزىپ، چاڭجياڭنىڭ، حۋاڭحىنىڭ ەكولوگياسىن قورعاۋعا قاتىستى ءبىر توپ كەلەلى ينجەنەريالاردىڭ اتقارىلۋىن ىلگەرىلەتىپ، چاڭجياڭ وزەنىندە 10 جىل بالىق اۋلاۋعا تيىم سالۋدى ويداعىداي تياناقتاندىرۋ كەرەك. توتەنشە جاعداي بويىنشا باسقارۋدى ويداعىداي يگەرىپ، ءوندىرىس حاۋىپسىزدىگىن كۇشەيتۋ كەرەك. تاسقىننان ساقتانۋدى، اپاتتان قۇتقارۋدى پارمەندى ۇيىمداستىرىپ، وڭتۇستىك، سولتۇستىك تاراپتاعى داريا - وزەندەردىڭ تاسقىن مەزگىلىنەن حاۋىپسىز ءوتۋىن ءبىر تۇتاس جوسپارلاپ ويداعىداي يگەرىپ، اپاتتان كەيىنگى قالپىنا كەلتىرۋدى، قايتا قۇرۋدى دەن قويا جوسپارلاپ، اتقارىپ، حالىقتىڭ ءومىرىنىڭ، مال - مۇلكىنىڭ حاۋىپسىزدىگىنە شىنايى كەپىلدىك ەتۋ كەرەك.
ءماجىلىس باسقا دا ىستەردى اقىلداستى.
