1. اعىمداعى ورىن:
  2. باس بەت
  3. اعىم جاڭالىقتارى
  4. باس حابار
  5. زاڭ - ەرەجە

شي جينپيڭ جيليندە قىزمەت تەكسەردى

日期:2020年07月26日
来源:新疆日报
【字体:

شي جينپيڭ جيليندە قىزمەت تەكسەرگەندە بىلاي دەپ باسا دارىپتەدى

  جاڭا دامۋ ۇستانىمىنا تاباندى بولىپ، شىعىس سولتۇستىكتى گۇلدەندىرۋ ستراتەگياسىن ىشكەرىلەي اتقارىپ، جاڭا داۋىردەگى جيليننىڭ جالپى بەتتىك گۇلدەنۋىن، جان - جاقتى گۇلدەنۋىن جەدەل ىلگەرىلەتۋ كەرەك

  7 - ايدىڭ 22 - كۇنىنەن 24 - كۇنىنە دەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جيلين ولكەسىندە قىزمەت تەكسەردى. سۋرەتتە: 7 - ايدىڭ 22 - كۇنى تۇستەن كەيىن، سىپيڭ قالاسىنىڭ ليشۋ اۋدانىنداعى مەملەكەتتىڭ ميلليون مۋلىق جاسىل ازىق - تۇلىك شيكىزاتىن (جۇگەرى) ولشەمدەندىرىپ ءوندىرۋ بازاسىنىڭ وزەكتى ۇلگى كورسەتۋ اۋماعى بولىگىندە شي جينپيڭ جۇگەرى اتىزىنا كىرىپ، اۋىل شارۋاشىلىعى عىلىم - تەحنيكاسىن زەرتتەۋ - اشۋ، پايدالانۋ، قارا توپىراقتىڭ قورعالۋ جاعدايىن ۇعىسۋدا. 

    7 - ايدىڭ 22 - كۇنىنەن 24 - كۇنىنە دەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جيلين ولكەسىندە قىزمەت تەكسەردى. سۋرەتتە: 7 - ايدىڭ 23 - كۇنى تۇستەن كەيىن شي جينپيڭ چاڭچۇن قالاسى 1 - اۆتوموبيل توبىنىڭ زەرتتەۋ - اشۋ باس مەكەمەسىندە، جۇمىسشى - قىزمەتكەرلەردىڭ ۋاكىلدەرىمەن ىقىلاسپەن اڭگىمەستى. 

  جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جاقىندا جيليندە قىزمەت تەكسەرگەندە بىلاي دەپ باسا دارىپتەدى: پارتيا ورتالىق كوميتەتىنىڭ شەشىمدەرىن، ورنالاستىرۋلارىن شىن مانىندە تياناقتاندىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، جاڭا دامۋ ۇستانىمىنا تاباندى بولىپ، ءۇش ءىرى قامال الۋ شايقاسىن باتىل ويداعىداي جۇرگىزىپ، ”التىنى ورنىقتىرۋ“ قىزمەتىن تىڭعىلىقتى ويداعىداي ىستەپ، ”التىنى قامتاماسىز ەتۋ“ مىندەتىن جاپپاي تياناقتاندىرىپ، شىعىس سولتۇستىكتى گۇلدەندىرۋ ستراتەگياسىن ىشكەرىلەي اتقارىپ، جاپپاي دوڭگەلەك داۋلەتتى قوعام ورناتۋدىڭ جەڭىسىنە قول جەتكىزىپ، كەدەيلىكتەن ارىلتۋدان قامال الۋ شەشۋشى شايقاسىن جۇرگىزىپ، پارتيا مەن مەملەكەت قىزمەتىنىڭ جالپى جاعدايىنا قىزمەت ەتۋ بارىسىندا جاڭا جاۋاپكەرشىلىكتى ايگىلەپ، ساپاسى اناعۇرلىم جوعارى، ونىمدىلىگى اناعۇرلىم جاقسى، قۇرىلىمى اناعۇرلىم ساپالى، باسىمدىعى تولىق جارىققا شىعارىلاتىن دامۋ جاڭا جولىمەن جۇرۋدە تىڭعا قۇلاش سەرمەپ، جاڭا داۋىردەگى جيليننىڭ جالپى بەتتىك گۇلدەنۋىن، جان - جاقتى گۇلدەنۋىن جەدەل ىلگەرىلەتۋ ساپارىندا تىڭ ىسكەرلىك ايگىلەۋ كەرەك.

  شي جينپيڭ بىلاي دەپ اتاپ كورسەتتى: كەلەر جىلى ەلىمىز ”14 - بەسجىلدىق“ جوبانى اتقارا باستايدى. ”14 - بەسجىلدىق“ مەزگىلى − ەلىمىز جاپپاي سوتسياليستىك وسىزاماندانعان مەملەكەت قۇرۋ جاڭا جورىعىن باستايتىن ءبىرىنشى بەسجىلدىق، ”14 - بەسجىلدىق“ مەزگىلىندەگى دامۋدى ويداعىداي جوبالاۋ توتەنشە ماڭىزدى. قازىرگى تاڭداعى دۇنيە ءجۇزى 100 جىلدا بولماعان ۇلكەن وزگەرىستەردى باستان كەشىرۋدە، ەلىمىز دامۋىنىڭ ىشكى شارت - جاعدايى مەن سىرتقى ورتاسىندا تەرەڭ دە كۇردەلى وزگەرىستەر جارىققا شىعۋدا. ءبىز ەكونوميكانىڭ، قوعامنىڭ باياندى اقاۋسىز دامۋىن ساقتاۋ ءۇشىن، ءسوز جوق، ىشكەرىلەي تۇجىرىم جاساۋىمىز، ىشكەرىلەي تەكسەرۋ جۇرگىزۋىمىز، عىلمي شەشىم جاساۋىمىز كەرەك. پارتيا ورتالىق كوميتەتى ”14 - بەسجىلدىق“ مەزگىلىندەگى ەكونوميكالىق، قوعامدىق دامۋ جوبا ۇسىنىستارىن جاساۋدى ۇيىمداستىرۋدا. شي جينپيڭ جەر - جەردەن ىشكەرىلەي تەكسەرۋ - زەرتتەۋ جۇرگىزىپ، نازاردى ءدوپ كەلىپ وتىرعان كونە قيىن ماسەلەلەر مەن جاڭا سىن - سايىستارعا شوعىرلاندىرىپ، ”14 - بەسجىلدىق“ مەزگىلىندەگى دامۋ نىساناسىن، وي جەلىسىن، شاراسىن مۇقيات جوبالاۋدى ءۇمىت ەتتى.

  7 - ايدىڭ 22 - كۇنىنەن 24 - كۇنىنە دەيىن شي جينپيڭ جيلين ولكەلىك پارتكومنىڭ شۋجيى بايىنچاۋلۋدىڭ، ولكە باستىعى جيڭ جۇنحايدىڭ سەرىك بولۋىمەن، ىلگەرىندى - كەيىندى سىپيڭ، چاڭچۇن سياقتى جەرلەرگە بارىپ، اۋىل - قىستاقتاردى، الەۋمەتتىك اۋماقتاردى، عىلىم - تەحنيكا باقشا رايوندارىن، كاسىپورىنداردى ارالاپ، ىندەتتەن ساقتانۋ - تىزگىندەۋدى ۇدايىلاندىرۋ مەن ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتۋ، شىعىس سولتۇستىكتىڭ گۇلدەنۋىن ىلگەرىلەتۋ، ”14 - بەسجىلدىق“ مەزگىلىندەگى ەكونوميكالىق، قوعامدىق دامۋدى جوبالاۋ جونىندە تەكسەرۋ - زەرتتەۋ جۇرگىزدى.

  جيليننىڭ سۇڭلياۋ جازىعىنىڭ ”التىن جۇگەرى بەلدەۋى“ جانە ”سويابۇرشاق مەكەنى“ دەگەن ادەمى اتى بار، مەملەكەتتىڭ نەگىزگى استىق القاپتارىنىڭ ءبىرى. 7 - ايدىڭ 22 - كۇنى تۇستەن كەيىن شي جينپيڭ الدىمەن سۇڭلياۋ جازىعىنىڭ قويناۋىنداعى ليشۋ اۋدانىنا كەلىپ، مەملەكەتتىڭ ميلليون مۋلىق جاسىل ازىق - تۇلىك شيكىزاتىن (جۇگەرى) ولشەمدەندىرىپ ءوندىرۋ بازاسىنىڭ وزەكتى ۇلگى كورسەتۋ اۋماعى بولىگىندە جيلين ولكەسى مەن ليشۋ اۋدانىنىڭ اۋىل شارۋاشىلىعىنىڭ دامۋى جانە ماشينالاندىرىلعان، كولەمدەندىرىلگەن ەگىمشىلىگىنىڭ جاعدايى جونىندەگى مالىمەتىن تىڭدادى. شىلىڭگىر ىستىقتا ماساتىداي قۇلپىرعان جاپ - جاسىل قۇنارلى دالادا ۇشقىشسىز ۇشاق بۇركۋ جۇمىسىن اتقارىپ ءجۇر. شي جينپيڭ بىلاي دەپ اتاپ كورسەتتى: مەن استىق ءوندىرىسى مەن حاۋىپسىزدىگىنە ەرەكشە كوڭىل بولەمىن. بيىل جازعى استىقتان مول ءونىم الىناتىندىعى بەلگىلى بولدى، كۇزگى استىقتان دا ايتارلىقتاي ءونىم الۋعا ۇمتىلۋ كەرەك. جيلين استىق حاۋىپسىزدىگىن قامتاماسىز ەتۋدى كورنەكتى ورىنعا قويىپ، استىق ءوندىرىسىن تيتتەي دە بوساڭسىماستان ويداعىداي يگەرىپ، اۋىل شارۋاشىلىعىنىڭ دامۋ تاسىلىنە جەدەل بۇرىلىس جاساۋدى جەدەلدەتىپ، وسى زامانعى اۋىل شارۋاشىلىعىنىڭ دامۋ جولىن قاراستىرۋدا اناعۇرلىم كوپ تاجىريبەلەردى جاراتۋى كەرەك.

  شي جينپيڭ جۇگەرى اتىزىنا كەلىپ، قارا توپىراقتىڭ تاجىريبە جاسالاتىن ۇلگىسىن جانە كورمەگە قويىلعان جۇگەرىنىڭ تاڭداۋلى سورتىن كورىپ، اۋىل شارۋاشىلىعى عىلىم - تەحنيكاسىن زەرتتەۋ - اشۋ، پايدالانۋ، قارا توپىراقتىڭ قورعالۋ جاعدايىن ۇعىستى. شي جينپيڭ بىلاي دەپ باسا دارىپتەدى: اۋىل شارۋاشىلىعىن وسىزامانداندىرۋدىڭ تەتىگى − اۋىل شارۋاشىلىعى عىلىم - تەحنيكاسىن وسىزامانداندىرۋدا. اۋىل شارۋاشىلىعى مەن عىلىم - تەحنيكانىڭ توعىسۋىن كۇشەيتۋ، اۋىل شارۋاشىلىعى عىلىم - تەحنيكاسىندا جاڭالىق اشۋدى كۇشەيتۋ كەرەك، عىلمي زەرتتەۋ قىزمەتكەرلەرى ديسسەرتاتسيانى بايتاق دالاعا جازىپ، شارۋالاردىڭ ەڭ جاقسى تەحنيكامەن ەڭ جاقسى استىقتى ەگۋىنە مۇمكىندىك جاساۋ كەرەك. ليشۋ ۇلگىسىن مۇقيات قورىتىندىلاپ جانە جالپىلاستىرىپ، ۇتىمدى شارالار قولدانىپ، قارا توپىراق سىندى ”ەگىستىك جەردىڭ مىسىق ايۋىن“ شىن مانىندە ويداعىداي قورعاپ، ويداعىداي پايدالانىپ، ول ارقىلى حالىقتى ماڭگى باقىتقا كەنەلتۋ كەرەك.

  ىلە - شالا شي جينپيڭ لۋۋي اۋىل شارۋاشىلىعى ماشينالارى شارۋالار كاسىپتىك سەلبەستىك كووپەراتيۆىنە كەلىپ، سەلبەستىك كووپەراتيۆىنىڭ ءوندىرىس، شارۋاشىلىق جاعدايى جونىندەگى تانىستىرۋدى تىڭدادى. كووپەراتيۆ مۇشەلەرى كووپەراتيۆكە مۇشە بولعان شارۋا وتباسىلارىنىڭ ءار گەكتار جەرىنەن تۇسەتىن جىلدىق تازا كىرىستىڭ 10 مىڭ يۋاننان اساتىنىن ايتقاندا، شي جينپيڭ ەرەكشە قۋاندى. ول بىلاي دەپ باسا دارىپتەدى: شارۋالار كاسىپتىك سەلبەستىك كووپەراتيۆى − بازار شارۋاشىلىعى شارت - جاعدايىندا ۇيلەسىمدى كولەمدەگى شارۋاشىلىقتى دامىتۋدىڭ، وسى زامانعى اۋىل شارۋاشىلىعىن دامىتۋدىڭ ۇتىمدى ۇيىمدىق فورماسى، اۋىل شارۋاشىلىعى عىلىم - تەحنيكاسىنىڭ دەڭگەيىن جوعارىلاتۋعا، شارۋالاردىڭ عىلىم - تەحنيكا، مادەنيەت ساپاسىن جوعارىلاتۋعا، اۋىل شارۋاشىلىعىنىڭ جالپىلىق شارۋاشىلىق ونىمدىلىگىن جوعارىلاتۋعا ءتيىمدى. وتباسىلىق ەگىس الاڭى، شارۋالار سەلبەستىك كووپەراتيۆى سياقتى جاڭاشا اۋىل شارۋاشىلىعى شارۋاشىلىق تۇلعالارىن بەلسەنە سۇيەمەلدەپ، جەر - جەردى ءوز جەرىنىڭ جاعدايىنا قاراي تۇرلىشە كاسىپتىك سەلبەستىك كووپەراتيۆى ۇلگىسىنە ىزدەنىس جاساۋعا جىگەرلەندىرۋ كەرەك. اۋىلداستاردىڭ تاعى دا قايراتتانىپ، سەلبەستىك كووپەراتيۆىن ءتىپتى جانداندىرا ءتۇسۋىن ءۇمىت ەتەمىن.

  ونان سوڭ شي جينپيڭ سىپيڭ شايقاسى ەسكەرتكىش سارايىن ەكسكۋرسيالادى. ازاتتىق سوعىس مەزگىلىندە جۇڭگو كوممۋنيستىك پارتياسى باسشىلىق ەتكەن شىعىس سولتۇستىك دەموكراتيالىق بىرلەسكەن ارمياسى سىپيڭدە 4 رەت شايقاس جۇرگىزىپ، 20 مىڭعا جۋىق قولباسى مەن جاۋىنگەر ەرلىكپەن قۇربان بولىپ، لياۋشىن شايقاسىنىڭ جەڭىسىنە ءتيىستى شارت - جاعداي ازىرلەپ، ازاتتىق سوعىسىنداعى قالانى الۋ شايقاسىنا قىمباتتى سوعىس تاجىريبەسىن توپتادى. شي جينپيڭ دەن قويا كورىپ، ءالسىن - ءالى سۇراپ، سول كەزدەگى ايبىنى اسقاق سوعىس بارىسىن ۇعىستى. ول بىلاي دەپ باسا دارىپتەدى: ءبىز، ءسوز جوق، توڭكەرىستىك اعا بۋىنداردىڭ جۇڭگونىڭ توڭكەرىس ىستەرى جولىنا ارناعان ىستىق قانى مەن ءومىرىن ەستە بەرىك ساقتاۋىمىز، جاڭا جۇڭگونىڭ وڭاي - وسپاق قولعا كەلمەگەنىن ەستە بەرىك ساقتاۋىمىز كەرەك. ءىستى باستاۋ قيىن، ونى ساقتاۋ ونان دا قيىن. قالىڭ پارتيا مۇشەلەرى، كادرلار جانە حالىق بۇقاراسى پارتيا تاريحىن، جاڭا جۇڭگو تاريحىن ەرەكشە جاقسى ۇيرەنىپ، ءبىلىپ، پارتيانىڭ حالىققا باسشىلىق ەتىپ قۇرعان سوتسياليزم ۇلى ءىسىن قورعاپ، ۇرپاقتان - ۇرپاققا جالعاستىرۋى كەرەك.

  چاڭچۇن قالاسى كۋانچىڭ رايونى تۋانشان ءمالىسى چاڭشان حۋايۋان الەۋمەتتىك اۋماعى كەزىندە قات - قابات قيىنشىلىقتان باس كوتەرە الماي، ورتاسى لاس، بىلىققان، ناشار كۇيدە بولاتىن، تالاي جىلدىق وزگەرتۋ مەن جونگە سالۋدىڭ ناتيجەسىندە بۇگىندە تۇرعىندار تىنىش ءومىر، شات - شادىمان تىرشىلىك كەشەتىن الەۋمەتتىك اۋماققا اينالدى. 7 - ايدىڭ 23 - كۇنى تۇستەن كەيىن شي جينپيڭ الەۋمەتتىك اۋماققا كەلىپ، الەۋمەتتىك اۋماقتىڭ پارتيا قۇرىلىسى، نەگىزگى ساتىنى جونگە سالۋ، حالىققا قىزمەت وتەۋ قىزمەتى جاعدايىن ۇعىسىپ، ولار قۇرعان ”ءتورت دارەجەلى“ الەۋمەتتىك اۋماق پارتيا قۇرىلىسى تورى قىزمەتى جۇيەسىن جانە ”ءۇش باستىق“ الەۋمەتتىك اۋماق باسقارۋ جۇيەسىن تۇراقتاندىردى. چاڭشان حۋايۋان الەۋمەتتىك اۋماعى قۇرعان جيلين چاڭچۇن الەۋمەتتىك اۋماق كادرلارى شۋەيۋانىنا سۇيەنە وتىرىپ، قۇرىلعان ءبىر جىلدان بەرى بۇكىل ەل كولەمىندە، ولكە، قالا كولەمىندە 30 كەزەك كۋرس اشىپ، الەۋمەتتىك اۋماق قىزمەتكەرلەرىنەن 4400دەن استام ادامدى تاربيەلەدى. شي جينپيڭ شۋەيۋانعا بارىپ، شۋەيۋان قۇرىلىسىنىڭ جانە تاربيەلەۋ ءىسىنىڭ جاعدايىن ۇعىستى. ول بىلاي دەپ باسا دارىپتەدى: مەملەكەتتىڭ جونگە سالۋ جۇيەسى مەن جونگە سالۋ قابىلەتىنىڭ وسىزاماندانۋىن ىلگەرىلەتۋدە الەۋمەتتىك اۋماقتىڭ جونگە سالۋىن تەك قانا كۇشەيتۋ كەرەك، السىرەتۋگە بولمايدى. پارتيانىڭ باسشىلىعىن كۇشەيتىپ، پارتيا ۇيىمىنىڭ ەڭ نەگىزگى ساتىعا قاراي كەڭەيۋىن ىلگەرىلەتىپ، نەگىزگى ساتى پارتيا ۇيىمىنىڭ قىزمەت جۇيەسىن اقاۋسىزداندىرىپ، قالا، اۋىل الەۋمەتتىك اۋماقتارىنىڭ جونگە سالۋىنا پارمەندى كەپىلدىك ازىرلەۋ كەرەك. اماليات بارىسىندا قالىپتاسقان جاقسى تاجىريبەلەردى، جاقسى ادىستەردى قورىتىندىلاپ، جالپىلاستىرىپ، تاربيەلەۋ، باۋلۋدىڭ وزىقتىعى مەن جۇيەلىلىگىن ۇزدىكسىز جوعارىلاتۋ كەرەك.

  ونان سوڭ، شي جينپيڭ چاڭشان حۋايۋان الەۋمەتتىك اۋماعىنىڭ ورتاسىن جاياۋ ارالاپ كوردى ءارى الەۋمەتتىك اۋماق تۇرعىنى جاۋ شيڭفۋدىڭ ۇيىنە بارىپ ولارمەن شۇيىركەلەستى. جاۋ شيڭفۋ باس شۋجيگە سوڭعى جىلدارى الەۋمەتتىك اۋماق ورتاسىنىڭ جىل سايىن تۇرلەنىپ، جۇرتتىڭ تۇرمىسىنىڭ بارعان سايىن قولايلىلاسىپ، كورشىلەر قاتىناسىنىڭ جاراسىم تاپقانىن ايتتى. مۇنى ەستىپ شي جينپيڭ قاباعات ءسۇيىندى.

  الەۋمەتتىك اۋماق الاڭىندا حاباردى ەستي سالا جەتكەن الەۋمەتتىك اۋماق تۇرعىندارى باس شۋجيمەن قۋانا سالەمدەستى. شي جينپيڭ كوپشىلىككە قول بۇلعاپ قۇرمەت ءبىلدىردى، كوپشىلىكتىڭ قوجايىندىق رۋحتى ساۋلەلەندىرىپ، جۇرتتىڭ ءبارى ات سالىسىپ، بىرىككەن كۇش قالىپتاستىرىپ، حالىق ءۇشىن قىزمەت وتەۋ جۇمىستارىن جاقسى ىستەپ، مەكەندى اناعۇرلىم باقىتتى، كوركەم ەتىپ بىرگە قۇرىپ شىعۋىن ءۇمىت ەتتى.

  چاڭچۇن جاڭا رايونى قۇرىلعان 5 جىلدان بەرى، وزىق جاساۋ، بيولوگيالىق ءدارى - دارمەك، اۆياتسيا جانە عارىش سياقتى ستراتەگيالىق جاڭادان وركەندەگەن كاسىپ سالالارىن تىرەك ەتكەن وسى زامانعى كاسىپ سالاسى جۇيەسىن العاشقى قادامدا ورناتتى. شي جينپيڭ جاڭا رايون جوسپارى كورمە سارايىنا كىرىپ، ءونىم كورمەسىن كورىپ، جاڭا رايون جوباسىنىڭ، قۇرىلىسىنىڭ جاعدايىن ۇعىستى. شي جينپيڭ بىلاي دەپ باسا دارىپتەدى: جوعارى، جاڭا عىلىم - تەحنيكالىق باقشا رايونى مەملەكەت ستراتەگياسىنىڭ قاجەتىن ارقاۋ ەتە وتىرىپ، جوعارى دەڭگەيدە جوسپارلاۋعا، جوعارى ولشەممەن قۇرىلىس جۇرگىزۋگە تاباندى بولىپ، شوعىرلى، ماندىك دامۋ جولىمەن ءجۇرۋ، نەگىزدىك قۇرىلعىلاردى جوبالاۋعا، سالۋعا ءمان بەرۋ، ونان دا ماڭىزدىسى، كاسىپ سالاسى تىزبەگىن، قامداۋ تىزبەگىن ىركىلىسسىزدەندىرىپ، وڭىرلىك ەكونوميكالىق دامۋدا جەتەكشىلىك ەتۋ جانە شارپۋ رولىن ساۋلەلەندىرۋ كەرەك.

  1 - اۆتوموبيل توبى − جاڭا جۇڭگو اۆتوموبيل ونەركاسىبىنىڭ بەسىگى، 60 نەشە جىلدان بەرى ”حۇڭچي“، ”جيەفاڭ“ قاتارلى تانىمالى دەربەس ماركالار تۇلعالاپ، جەلىلەس بىرلەسىپ قارجىلاندىرىلعان سەلبەستىك ماركالارىن قالىپتاستىردى. 1 - اۆتوموبيل توبىنىڭ زەرتتەۋ - اشۋ باس مەكەمەسىنىڭ زالىندا باس شۋجي جالپى احۋال جونىندەگى تانىستىرۋدى تىڭدادى. شي جينپيڭ قۇراستىرىلىپ بولعان اۆتوموبيلدەردىڭ قاتتى بولشەكتەرىن سىناۋ تاجىريبەحاناسىنا كىرىپ، جاڭا تەحنيكالار زەرتتەۋ - اشۋ جاعدايىن ۇعىستى. سول جەردە داشۋەدەن ەندى وقۋ تاۋىسقان بىرنەشە وقۋشى بار ەكەن، باس شۋجي ولارمەن ىقىلاستى تۇردە اڭگىمەلەسىپ، بيىلعى جوعارى مەكتەپتەن وقۋ تاۋىسقان وقۋشىلاردىڭ جۇمىستانۋ جاعدايىن سۇراستىردى. شي جينپيڭ بىلاي دەپ باسا دارىپتەدى: ءار دارەجەلى پارتكوم مەن ۇكىمەت جوعارى مەكتەپتەردەن وقۋ تاۋىسقان وقۋشىلاردى جۇمىستاندىرۋ ماسەلەسىنە ايرىقشا ءمان بەرۋى، جوعارى مەكتەپتەردەن وقۋ تاۋىسقان وقۋشىلار دا كاسىپ تاڭداۋ، جۇمىستانۋ كوزقاراسىنا بۇرىلىس جاساۋى كەرەك، تالپىنىسىڭ بولسا جۇمىس تا تابىلادى، ونەر بار جەردە ساحنا دا بار. كوپشىلىكتىڭ ءوز ورىندارىن ءدال تاۋىپ، ءومىر ارماندارىن تىڭعىلىقتى تاباندىلىقپەن جۇزەگە اسىرۋلارىن ءۇمىت ەتەمىن.

  كاسىپورىننىڭ كورمە زالىندا شي جينپيڭ ەڭ جاڭا ۇلگىدەگى قۇراستىرىلىپ بولعان اۆتوموبيل ونىمدەرىن كورىپ، توپتىڭ جاڭالىق اشۋدى جەتەكشى ەتۋ، ءتۇزىلىس - مەحانيزمدە جاڭالىق اشۋ، كاسىپ قۇرىلىمىن ساپالىلاندىرۋ - جاڭالاۋ جاعدايىن ۇعىستى، سونداي - اق جۇمىسشى - قىزمەتشىلەر ۋاكىلدەرىمەن قىسقاشا پىكىرلەستى. ول بىلاي دەپ باسا دارىپتەدى: ەلىمىز اۆتوموبيل جاساۋ كاسىبىنىڭ جوعارى ساپالى دامۋىن ىلگەرىلەتۋ ءۇشىن، ءسوز جوق، شەشۋشى، وزەكتى تەحنيكالار مەن شەشۋشى بولشەكتەردى دەربەس زەرتتەپ - اشۋدى كۇشەيتىپ، تەحنيكالىق جاقتان دەربەس بولۋدى، ءوزىن قۇدىرەتتەندىرۋدى جۇزەگە اسىرىپ، ۇلتتىق ماركانى الۋەتتەندىرۋ، ۇلعايتۋ كەرەك. قازىرگى دۇنيە جۇزىندە جاساۋ كاسىبىنىڭ باسەكەسى ايرىقشا قيان - كەسكى جۇرىلۋدە، ورايدى مىقتاپ يگەرىپ، ستراتەگيالىق جاڭا وركەندەگەن كاسىپ سالالارىن زور كۇشپەن دامىتىپ، اينالما جولدا باسىپ وزۋدى جۇزەگە اسىرۋ كەرەك. كوپشىلىكتىڭ كوركەيۋ جولىندا قۇلشىنىپ، ەسىل شاقتاردى زايا جىبەرمەي، شىعىس سولتۇستىكتىڭ كوركەيۋىن ىلگەرىلەتۋ بارىسىندا قابىلەت - دارىنىن ارناپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ۇدەرىسىندە جاستىق كوكتەمنىڭ ايبىندى اسەم تاراۋىن جازۋىن ءۇمىت ەتەمىن.

  7 - ايدىڭ 24 - كۇنى تۇستەن بۇرىن شي جينپيڭ جيلين ولكەلىك پارتكوم مەن ۇكىمەتتىڭ قىزمەتتەن بەرگەن مالىمەتىن تىڭداپ، جيليننىڭ ءتۇرلى قىزمەتتەردە قول جەتكىزگەن ناتيجەلەرىن تۇراقتاندىرىپ، تۇتاس ولكەدەگى قالىڭ كادر - بۇقارادان پارتيا ورتالىق كوميتەتىنىڭ شەشىمدەرىن، ورنالاستىرۋلارىن ىشكەرىلەي دايەكتىلەندىرىپ، جيليننىڭ ءتۇرلى ىستەرىن دامىتۋدىڭ جاڭا جاعدايىن ۇزدىكسىز اشىپ، جاڭا داۋىردە جيليندى كوركەيتۋ بارىسىندا تىڭعا قۇلاش سەرمەۋدى جۇزەگە اسىرىپ، جاڭا ناتيجە جاراتۋدى ءۇمىت ەتتى.

  شي جينپيڭ بىلاي دەپ باسا دارىپتەدى: ەكونوميكانىڭ جوعارى ساپالى دامۋىن ىلگەرىلەتۋدە ەكونوميكالىق دامۋدىڭ ساپالىق - ساندىق وزگەرىسىن، ونىمدىلىك وزگەرىسىن، قوزعاۋشى كۇش وزگەرىسىن كۇش سالا ىلگەرىلەتىپ، ەكونوميكانىڭ باسەكەلىك قۋاتىن، جاڭالىق اشۋ قۋاتىن، حاۋىپ - قاتەرگە توتەپ بەرۋ قابىلەتىن نىعايتۋ كەرەك. ناقتى ەكونوميكانى، اسىرەسە، جاساۋ كاسبىن نىعايتىپ، ساپالىلاندىرىپ، الۋەتتەندىرىپ، تۇتاس كاسىپ سالاسى تىزبەگىنىڭ دەڭگەيىن كوتەرۋدى قامال الۋ بەتالىسى ەتىپ، جاڭا تيپتى نەگىزدىك قۇرىلعى قۇرىلىسىن كۇشەيتىپ، ءوندىرۋ، وقىتۋ، زەرتتەۋ ءبىر تۇلعالانعان جاڭالىق اشۋ تۇعىرىن جەدەل ورناتۋ كەرەك. ۇكىمەت فۋنكتسياسىنا جەدەل بۇرىلىس جاساپ، بازارلانعان، زاڭمەن جونگە سالىناتىن، حالىقارالانعان شارۋاشىلىق - ساۋدا ورتاسىن جەتىلدىرۋ كەرەك. مەملەكەت مەنشىگىندەگى كاسىپورىندار رەفورماسىن تەرەڭدەتىپ، حالىقتىق كاسىپورىنداردىڭ دامۋىنا قولداۋ كورسەتىپ، كاسىپكەرلەر رۋحىن ساۋلەلەندىرىپ، ءتۇرلى بازار تۇلعالارىنىڭ ومىرشەڭدىگىن قاۋلاتۋ كەرەك. ”ءبىر بەلدەۋ، ءبىر جولدى“ بىرگە قۇرۋعا بەلسەنە ات سالىسىپ، ەلىمىزدىڭ سولتۇستىككە ەسىك اشۋىنىڭ ماڭىزدى تەرەزەسىن جانە شىعىس سولتۇستىك ازيا ءوڭىرى سەلبەستىك ورتالىعى تورابىن قالىپتاستىرىپ، بەيجيڭدى، تيانجيدى، حىبەيدى سايكەستىرە دامىتۋ سياقتى ماڭىزدى وڭىرلىك دامۋ ستراتەگيالارىمەن ۇشتاستىرۋدى، سەلبەستىرۋدى ىلگەرىلەتۋ كەرەك.

  شي جينپيڭ بىلاي دەپ اتاپ كورسەتتى: اۋىل - قىستاقتى كوركەيتۋ ستراتەگياسىن اتقارۋدىڭ ماڭىزدى ورايىن مىقتى يگەرىپ، اۋىل شارۋاشىلىعى مەن اۋىل - قىستاقتى الدىمەن دامىتۋعا تاباندى بولىپ، اۋىل شارۋاشىلىعىنىڭ نەگىزدىك ورنىن نىعايتىپ، اۋىل - قىستاق رەفورماسىن تەرەڭدەتۋ كەرەك. جوعارى ولشەمدى اتىزدار قۇرىلىسىن جەدەلدەتىپ، اۋىل شارۋاشىلىعىنىڭ عىلىم - تەحنيكالىق جانە جابدىقتىق تىرەگىن كۇشەيتىپ، اۋىل شارۋاشىلىعىنىڭ قامداۋ جاعىنداعى قۇرىلىمدىق رەفورماسىن تەرەڭدەتىپ، جاسىل اۋىل شارۋاشىلىعىن جەدەل دامىتىپ، اۋىل - قىستاقتاعى 3 كاسىپتىڭ توعىسۋىن ىلگەرىلەتۋ كەرەك. اۋىل شارۋاشىلىعىن وسىزامانداندىرۋ مەن اۋىل - قىستاقتى وسىزامانداندىرۋدى ءبىر تۇلعادا جوبالاۋعا، ءبىر تۇلعادا ىلگەرىلەتۋگە تاباندى بولىپ، الەۋمەتتىك قىزمەت وتەۋدىڭ اۋىل - قىستاققا قاراي كەڭەيۋىن ىلگەرىلەتۋ كەرەك. وتباسى ەگىس الاڭدارى مەن شارۋالار سەلبەستىك كووپەراتيۆتەرى سىندى 2 تۇردەگى اۋىل شارۋاشىلىعى تيجارات تۇلعالارىن دامىتۋدى كورنەكتىلەندىرە وتىرىپ مىقتى يگەرىپ، لايىقتى كولەمدە تيجارات جۇرگىزۋدى ىلگەرىلەتىپ، اۋىل - قىستاق كوللەكتيۆ مال - مۇلىك ۇقىعى ءتۇزىمى رەفورماسىن تەرەڭدەتىپ، جاڭا تيپتى كوللەكتيۆ شارۋاشىلىقتى دامىتۋ، ۇلعايتۋ كەرەك. كەدەيلىكتەن ارىلتۋدان قامال الۋ جەتىستىكتەرىن بەكەمدەپ، قايتا كەدەيلەسۋدەن جانە كەدەيلىكتىڭ تىڭنان تۋىلۋىنان ساقتانۋ كەرەك. تۇنىق سۋ، جاسىل تاۋ − باعالى بايلىق ۇستانىمىن بەرىك ورناتىپ، ەلەۋلى ەكولوگيالىق ينجەنەريالاردى ويداعىداي اتقارۋ كەرەك.

  شي جينپيڭ بىلاي دەپ باسا دارىپتەدى: قاشاندا حالىقتىڭ تىنىش ءومىر، شات - شادىمان تىرشىلىك كەشىرۋىن، اماندىعىن، حال - جاعدايىن كوكەيدە ساقتاپ، قازىرگى جۇمىستانعانداردى بارلىق ءادىس - امالدى قولدانا وتىرىپ ورنىقتىرىپ، جاڭا جۇمىستانۋدى بەلسەنە كوبەيتىپ، جۇمىسسىز ادامداردىڭ قايتا جۇمىستانۋىن جەبەپ، جوعارى مەكتەپ تاۋىسقان وقۋشىلار، قوسىننان شەگىنگەن اسكەريلەر، شارۋا جۇمىسكەرلەر جانە قالا - قالاشىقتارداعى قيىنشىلىعى بار ادامدار سياقتى ءتۇيىندى قاۋىمداردى جۇمىستاندىرۋ قىزمەتىن كورنەكتىلەندىرە وتىرىپ ويداعىداي ىستەۋ كەرەك. پارتيانىڭ وقۋ - اعارتۋ باعىتىن جالپى بەتتىك دايەكتىلەندىرىپ، ونەگە كورسەتىپ ادام تاربيەلەۋ سىندى ءتۇبىرلى مىندەتتى تياناقتاندىرىپ، وقۋ - اعارتۋ رەفورماسىن تەرەڭدەتىپ، قالا مەن اۋىلداعى مىندەتتى وقۋ - اعارتۋدىڭ ءبىر تۇلعالانىپ بىركەلكى دامۋىن ىلگەرىلەتىپ، وقۋ - اعارتۋدىڭ ادىلدىگىن قورعاۋ كەرەك. ەلەۋلى ىندەتتەردەن ساقتانۋ - تىزگىندەۋ جانە قۇتقارۋ - ەمدەۋ ءتۇزىلىس - مەحانيزمدەرىن كەمەلدەندىرىپ، الەۋمەتتىك دەنساۋلىق ساقتاۋ نەگىزدىك قۇرىلعىلارىنا ۇسىنىلىمدى ارتتىرىپ، الەۋمەتتىك دەنساۋلىق ساقتاۋ قوسىنى قۇرىلىسىن كۇشەيتىپ، الەۋمەتتىك دەنساۋلىق ساقتاۋدان قىزمەت وتەۋ مەن مەديتسينالىق قىزمەت وتەۋدىڭ جوعارى ءونىمدى، سايكەسىمدى بولۋىن ىلگەرىلەتۋ كەرەك. قوعام اماندىعىن باسقارۋ بويىنشا ساقتانۋ - تىزگىندەۋ جۇيەسىن كەمەلدەندىرىپ، ءوندىرىس حاۋىپسىزدىگىنە ايرىقشا ءمان بەرۋ كەرەك. قازىر بۇكىل ەلدەگى تاسقىننان ساقتانۋ ”قاۋىرت“ كەزەڭگە ءوتتى، ءسوز جوق، وڭتۇستىك، سولتۇستىك تاراپتاعى داريا - وزەندەردىڭ تاسقىننان امان ءوتۋىن ءبىر تۇتاس جوسپارلاپ ويداعىداي يگەرىپ، تاسقىننان ساقتانۋ، اپاتتان قۇتقارۋ قىزمەتىن شىنايى ويداعىداي ىستەۋ كەرەك.

  شي جينپيڭ بىلاي دەپ اتاپ كورسەتتى: جاڭا داۋىردەگى پارتيانىڭ ۇيىمدىق لۋشيانىن ويداعىداي دايەكتىلەندىرىپ، تياناقتاندىرىپ، پارتيانى ۇيىمدىق جاقتان قۇرۋ مەن پارتيانى يدەيالىق جاقتان قۇرۋدى ورگانيكالى ۇشتاستىرۋعا تاباندى بولىپ، پارتيانىڭ ۇيىمدىق ابزالدىلىعىن ويداعىداي بەكەمدەۋ، ويداعىداي دامىتۋ، ويداعىداي ساۋلەلەندىرۋ كەرەك. قىزىل بايلىقتى مۇرات - سەنىمگە تاباندى بولۋدىڭ، پارتيالىلىق جەتىلىمدى كۇشەيتۋدىڭ جاندى وقۋلىعى ەتىپ، قالىڭ پارتيا مۇشەلەرىن، كادرلاردى اۋەلگى ماقساتتى ماڭگى ساقتاۋعا، بورىشتى ماڭگى ارقالاۋعا تاربيەلەۋ، جەتەكتەۋ كەرەك. ادام تاڭداۋدىڭ، ادام ىستەتۋدىڭ ساياسي وتكەلىن، كىرشىكسىزدىك وتكەلىن، قابىلەت وتكەلىن قاتاڭ، ويداعىداي يگەرىپ، جۇرەكتىلىكپەن جاۋاپكەرلىك ارقالايتىن، ىسكەرلىك كورسەتۋگە شەبەر كادرلاردى ىنتالاندىرۋدى، قورعاۋدى كۇشەيتىپ، ءار دارەجەلى باسشى كادرلاردى دۇرىس بيلىك كوزقاراسىن، ساياسي ناتيجە كوزقاراسىن، ءىس كوزقاراسىن ورناتۋعا تاربيەلەپ، جەتەكتەپ، فورماشىلدىقتى، تورەشىلدىكتى باتىل تيۋ كەرەك. پارتيانىڭ نەگىزگى ساتى ۇيىمدىق قۇرىلىسىن جالپى بەتتىك كۇشەيتىپ، نەگىزگى ساتىنىڭ اۋىرتپالىعىن جەڭىلدەتۋدى ۇدايىلاندىرۋ مەحانيزمىن اقاۋسىزداندىرۋ كەرەك. دارىندىلار قىزمەتى ساياساتىندا، ءتۇزىلىس - مەحانيزمىندە، ءادىس - تاسىلىندە جاڭالىق اشىپ، جۇرەك قالاۋىن تاۋىپ، دارىندىلاردى تياناقتاتۋدىڭ تاماشا ورتاسىن بەلسەنە قالىپتاستىرۋ كەرەك. پارتيا ستيلى، پاكتىك قۇرىلىسىن جانە شىرىكتەسۋگە قارسى كۇرەستى ىشكەرىلەي ىلگەرىلەتىپ، پارتيانى جاپپاي قاتاڭ جونگە سالۋ تۇلعالىق جاۋاپكەرشىلىگىن تياناقتاندىرىپ، ساياسي ەكولوگيا قۇرىلىسىن نەگىزدىك، ۇنەمىلىك قىزمەت ەتىپ، دۇرىس سالتتىڭ تولىق ساۋلەلەنۋىن، ساياسيدا سەرگەك بولۋدى جۇزەگە اسىرۋ كەرەك.

  ديڭ شۋەشياڭ، ليۋ حى، چىن شي، حى ليفىڭ جانە ورتالىقتىڭ قاتىستى تاراۋلارىنداعى جاۋاپتى جولداستار قىزمەت تەكسەرۋدە بىرگە بولدى.