جۇڭگو مەن ساۋد ارابياسىنىڭ ديپلوماتيالىق قارىم - قاتىناس ورناتقاندىعىنىڭ 30 جىلدىعى بايلانىسىمەن
شي جينپيڭ مەن ساۋد ارابياسىنىڭ پاتشاسى سالمان ءوزارا قۇتتىقتاۋ تەلەگرامماسىن جولدادى
جۋىقتا مەملەكەت ءتوراعاسى شي جينپيڭ مەن ساۋد ارابياسىنىڭ پاتشاسى سالمان ءوزارا قۇتتىقتاۋ تەلەگرامماسىن جولداپ، ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 30 جىلدىعىن قۇتتىقتادى.
شي جينپيڭ قۇتتىقتاۋ تەلەگرامماسىندا بىلاي دەپ اتاپ كورسەتتى: ديپلوماتيالىق قارىم - قاتىناس ورناتقان 30 جىلدان بەرى، جۇڭگو مەن ساۋد ارابياسىنىڭ قارىم - قاتىناسى ورنىقتى دامىپ، ءار سالاداعى سەلبەستىگى مول ناتيجە بەردى. اسىرەسە، جاقىنعى جىلداردان بەرى، جۇڭگو مەن ساۋد ارابياسى جالپى بەتتىك ستراتەگيالىق سەرىكتەستىك قارىم - قاتىناس ورناتىپ، ەكى ەل قارىم - قاتىناسىنىڭ دامۋى تەز قارقىندى ارناعا ءتۇستى. قازىر جۇڭگو مەن ساۋد ارابياسى كۇش بىرىكتىرە جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانىپ، ەكى ەل حالىقتارىنىڭ سالاماتتىق ىرىس - قۇتىن، سونداي - اق الەمنىڭ جانە ءوڭىردىڭ الەۋمەتتىك دەنساۋلىق حاۋىپسىزدىگىن قورعاپ، ءوزارا قارايلاسۋدىڭ، قيىندىقتى بىلەك بىرىكتىرە جەڭۋدىڭ تاماشا حيكاياسىن جازدى. مەن جۇڭگو - ساۋد ارابياسى قارىم - قاتىناسىنىڭ دامۋىنا وسكەلەڭ ءمان بەرەمىن، سالمان پاتشامەن بىرگە قۇلشىنىپ، ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 30 جىلدىعىن وراي ەتە، ”ءبىر بەلدەۋ، ءبىر جولدى“ بىرگە قۇرۋ باستاماسى مەن ساۋد ارابياسى ”2030 جوباسىنىڭ“ ۇشتاسۋىن ىلگەرىلەتىپ، ەكى جاقتى قارىم - قاتىناس ستراتەگياسىنىڭ ىشكى ءمانىن مولىقتىرىپ، جاڭا داۋىردەگى جۇڭگو - ساۋد ارابياسى قارىم - قاتىناسىنىڭ ۇزدىكسىز جاڭا جەتىستىكتەرگە جەتىپ، ەكى ەلدى جانە ەكى ەل حالىقتارىن باقىتقا كەنەلتۋگە بىرگە جەتەكشىلىك ەتۋدى قالايمىن.
سالمان قۇتتىقتاۋ تەلەگرامماسىندا مىنالاردى ءبىلدىردى: ديپلوماتيالىق قارىم - قاتىناس ورناتقان 30 جىلدان بەرى، ساۋد ارابياسى مەن جۇڭگونىڭ ءارقايسى سالاداعى قارىم - قاتىناسى ەرەسەن زور دامۋشىلىققا قول جەتكىزدى، بۇل ەكى ەلدىڭ تەرەڭ دوستىعىنىڭ جانە ستراتەگيالىق قارىم - قاتىناسىنىڭ جوعارى ورەسىن كورسەتەدى. مەن وسى ەرەكشە قارىم - قاتىناستىڭ ۇزدىكسىز دامۋىن ىلگەرىلەتۋدى، ەكى ەلدىڭ جانە ەكى ەل حالىقتارىنىڭ ورتاق مۇددەسىنە قىزمەت ەتۋدى قالايمىن. ساۋد ارابياسى جاقتىڭ جۇڭگو جاقپەن جاڭا تيپتى ايدارشا ۆيرۋس وكپە قابىنۋ ىندەتىنە قالاي توتەپ بەرۋ جاعىنداعى كوزقاراسى ۇقساس نەمەسە قارايلاس، جۇڭگو جاقپەن بىرگە قۇلشىنىپ ىندەتكە قارسى اتتانۋدى قالايدى. ساۋد ارابياسى جاق جۇڭگو جاقپەن اناعۇرلىم كوپ سەلبەستىك ورىستەتىپ، ءوڭىردىڭ جانە دۇنيە ءجۇزىنىڭ حاۋىپسىزدىگى مەن ورنىقتىلىعىن جۇزەگە اسىرۋدى ىلگەرىلەتۋدى ءۇمىت ەتەدى.
