شي جينپيڭ تاسقىننان ساقتانۋ، اپاتتان قۇتقارۋ قىزمەتىن ونان ارى جاقسى ىستەۋ جونىندە ماڭىزدى نۇسقاۋ بەرىپ، مىنالاردى تالاپ ەتتى
جاۋاپكەرشىلىكتى ناقتىلاندىرىپ، باتىلدىقپەن جاۋاپكەرشىلىك ارقالاپ، ءبىرىنشى شەپكە ىشكەرىلەي بارىپ، الدىڭعى شەپتە قولباسشىلىق ەتىپ حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن ەڭ زور قۇلشىنىسپەن قامتاماسىز ەتۋ كەرەك
جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاسقىننان ساقتانۋ، اپاتتان قۇتقارۋ قىزمەتىن ونان ارى جاقسى ىستەۋ جونىندە ماڭىزدى نۇسقاۋ بەردى.
شي جينپيڭ بىلاي دەپ اتاپ كورسەتتى: جۋىردا چاڭجياڭ، حۋايحى قاتارلى وزەن الاپتارىندا، دۇڭتيڭحۋ، پوياڭحۋ، تايحۋ قاتارلى كولدەردە سۋ دەڭگەيى ساقتىق شەگىنەن اسىپ، چۇڭچيڭ، جياڭشي، انحۇي، حۋبەي، حۋنان، جياڭسۋ، جىجياڭ قاتارلى جەرلەردە اۋىر تاسقىن اپاتى تۋىلىپ، ادام ءولىمىن جانە مال - مۇلىك زيانىن تۋدىردى، تاسقىننان ساقتانۋ جاعدايى توتەنشە اۋىرلاستى.
شي جينپيڭ بىلاي دەپ باسا دارىپتەدى: قازىر تاسقىننان ساقتانۋدىڭ شەشۋشى مەزگىلىنە وتتىك، ءار دارەجەلى پارتكومدار مەن ۇكىمەتتەر جاۋاپكەرشىلىكتى ناقتىلاندىرۋى، باتىلدىقپەن جاۋاپكەرشىلىك ارقالاۋى، ءار دارەجەلى باسشى كادرلار ءبىرىنشى شەپكە بارىپ، الدىڭعى شەپتە قولباسشىلىق ەتىپ، قالىڭ كادرلاردى، بۇقارانى ۇيىمداستىرىپ، اناعۇرلىم پارمەندى دە ءونىمدى شارالاردى قولدانىپ، باقىلاۋ - ولشەۋ، ساقتاندىرۋ، توسپالاردى، سۋ قويمالاردى اداقتاپ تەكسەرۋ، شۇعىل جاعدايعا توتەپ بەرۋ، ءبىر جاقتى ەتۋ، اپاتقا ۇشىراعان بۇقارانى ورنالاستىرۋ سياقتى قىزمەتتەردى شىن مانىندە جاقسى ىستەپ، بار كۇشپەن قاتەردەن اراشالاپ، كومەك بەرىپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن ەڭ زور قۇلشىنىسپەن قامتاماسىز ەتۋ كەرەك. مەملەكەتتىك تاسقىننان ساقتانۋ، قۋاڭشىلىققا قارسى اتتانۋ باس قولباسشىلىق شتابى، شۇعىل جاعدايلارعا توتەپ بەرۋ، باسقارۋ مينيسترلىگى، سۋ يگىلىگى مينيسترلىگى قاتارلى تاراۋلار ءبىر تۇتاس جوسپارلاپ سايكەستىرۋدى كۇشەيتىپ، كومەك كۇشتەرىن جانە اپاتتان قۇتقارۋ زاتتىق ماتەريالدارىن عىلمي ىڭعايلاستىرۋ كەرەك. جەرگىلىكتى ورىنداردا تۇرعان ازاتتىق ارميا جانە قارۋلى ساقشى اسكەري بولىمدەرى قاتەردەن اراشالاۋ، اپاتتان قۇتقارۋ قىزمەتىنە بەلسەندىلىكپەن ات سالىسۋ كەرەك.
شي جينپيڭ مىنالاردى تالاپ ەتتى: وڭىرلەر، قاتىستى تاراۋلار تاسقىننان ساقتانۋ، اپاتتان قۇتقارۋ قىزمەتتەرىن ويداعىداي يگەرۋمەن بىرگە، اپاتتان كەيىنگى قايتا قۇرۋدى زەر سالا جوسپارلاپ، ءوندىرىس، تۇرمىس ءتارتىبىن تەز ارادا قالپىنا كەلتىرۋ كەرەك. اپاتقا ۇشىراعان قيىنشىلىعى بار بۇقاراعا كومەكتەسۋ - سۇيەمەلدەۋدى، قارايلاسۋدى مۇقيات جاقسى ىستەپ، اپات سەبەبىنەن كەدەيلەسۋدىڭ، قايتا كەدەيلەسۋدىڭ الدىن الۋ كەرەك.
