1. اعىمداعى ورىن:
  2. باس بەت
  3. اعىم جاڭالىقتارى
  4. باس حابار
  5. زاڭ - ەرەجە

شي جينپيڭ 4 ەل باسشىلارىنا حال سۇراۋ تەلەگرامماسىن جولدادى

日期:2020年03月23日
来源:新疆日报
【字体:

فرانسيادا، گەرمانيادا، يسپانيادا، سەربيادا جاڭا تيپتى ايدارشا ۆيرۋس وكپە قابىنۋ ىندەتىنىڭ تۋىلۋىنا بايلانىستى

شي جينپيڭ 4 ەل باسشىلارىنا حال سۇراۋ تەلەگرامماسىن جولدادى

 مەملەكەت ءتوراعاسى شي جينپيڭ جۋىقتا فرانسيا زۇڭتۇڭى ماكرونعا تەلەگرامما جولداپ، جۋىقتا فرانسيادا جاڭا تيپتى ايدارشا ۆيرۋس وكپە قابىنۋ ىندەتى تۋىلۋىنا بايلانىستى، جۇڭگو ۇكىمەتى مەن جۇڭگو حالقى اتىنان فرانسيا ۇكىمەتىنەن جانە حالقىنان شىنايى حال سۇرايتىندىعىن ءبىلدىردى.

شي جينپيڭ حال سۇراۋ تەلەگرامماسىندا بىلاي دەپ اتاپ كورسەتتى: ءوزارا قارايلاسىپ، ءبىر - بىرىنە كومەكتەسۋ، قيىندىقتى بىرگە وتكەرۋ − جۇڭگو - فرانسيا قارىم - قاتىناسىنىڭ تاماشا ءداستۇرى. فرانسيا ۇكىمەتىنىڭ جانە قوعامىنداعى ءار سالانىڭ جۇڭگونىڭ بار كۇشپەن ىندەتكە قارسى اتتانۋىنا بايلانىستى قولداۋ كورسەتكەندىگىنە جانە حال سۇراعاندىعىنا العىس ايتامىن. الەۋمەتتىك دەنساۋلىق ساقتاۋ حاۋىپسىزدىگى − ادامزات ءدوپ كەلىپ وتىرعان ورتاق سىن - سايىس. جۇڭگو ۇكىمەتى مەن حالقى فرانسيا جاقتىڭ ىندەتكە قارسى اتتانۋ قۇلشىنىسىنا باتىل قولداۋ كورسەتەدى، فرانسيا جاقپەن سەلبەستىكتى كۇشەيتىپ، ءوزارا كومەكتەسۋ، جاردەم بەرۋ بارىسىندا ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە بىرگە قول جەتكىزۋدى قالايدى. جۇڭگو مەن فرانسيانىڭ ەكەۋى دە بىرلەسكەن مەملەكەتتەر ۇيىمى حاۋىپسىزدىك القالار كەڭەسىنە تۇراقتى القا ەل رەتىندە، بۇكىل ادامزاتتىڭ ءومىرىنىڭ حاۋىپسىزدىگىن قورعايتىن ماڭىزدى جاۋاپكەرشىلىكتى بىرگە ارقالايدى. جۇڭگو جاق فرانسيا جاقپەن ىندەتتەن ساقتانۋ - تىزگىندەۋدىڭ حالىقارالىق سەلبەستىگىن بىرگە ىلگەرىلەتىپ، بىرلەسكەن مەملەكەتتەر ۇيىمىنىڭ جانە دۇنيە جۇزىلىك دەنساۋلىق ساقتاۋ ۇيىمىنىڭ الەمدىك الەۋمەتتىك دەنساۋلىق ساقتاۋدى جونگە سالۋدى كەمەلدەندىرۋدە وزەكتى رول اتقارۋىنا قولداۋ كورسەتىپ، ادامزاتتىڭ دەنساۋلىق ساقتاۋ، سالاماتتىق ورتاق تۇلعاسىن قالىپتاستىرۋدى قالايدى. شي جينپيڭ بىلاي دەپ باسا دارىپتەدى: مەن جۇڭگو - فرانسيا قارىم - قاتىناسىنىڭ دامۋىنا ايرىقشا ءمان بەرەمىن، ماكرون زۇڭتۇڭمەن بىرگە قۇلشىنىپ، ىندەتتەن ساقتانۋ - تىزگىندەۋ مەن ەكى جاقتى قارىم - قاتىناستىڭ ءتۇرلى قىزمەتتەرىن ءبىر تۇتاس ويداعىداي جوسپارلاپ، جۇڭگو - فرانسيا جان - جاقتى ستراتەگيالىق سەرىكتەستىك قارىم - قاتىناسىنىڭ ىندەتكە بىرگە قارسى اتتانۋ سىناعىنان ءوتىپ، ۇزدىكسىز العا دامۋىن ىلگەرىلەتۋدى قالايمىن.

شينحۋا اگەنتتىگىنىڭ 3 - ايدىڭ 21 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ جۋىقتا گەرمانيا زۇڭليى مەركەلگە تەلەگرامما جولداپ، جۋىقتا گەرمانيادا جاڭا تيپتى ايدارشا ۆيرۋس وكپە قابىنۋ ىندەتى تۋىلۋىنا بايلانىستى، جۇڭگو ۇكىمەتى مەن جۇڭگو حالقى اتىنان گەرمانيا ۇكىمەتىنەن جانە حالقىنان شىنايى حال سۇرايتىندىعىن ءبىلدىردى.

شي جينپيڭ حال سۇراۋ تەلەگرامماسىندا بىلاي دەپ باسا دارىپتەدى: تاياۋدا گەرمانيا ۇكىمەتى مەن ءار سالاسى كوپ ءتۇرلى فورمامەن جۇڭگونىڭ ىندەتتەن ساقتانۋ - تىزگىندەۋى جونىندە حال سۇرايتىندىعىن جانە قولداۋ كورسەتەتىندىگىن ءبىلدىردى. جۇڭگو جاق گەرمانيا جاقتىڭ ىندەتكە قارسى اتتانۋ قۇلشىنىسىنا باتىل قولداۋ كورسەتەدى، ەگەر گەرمانيا جاق قاجەت ەتسە، جۇڭگو جاق قولىنان كەلگەنشە كومەك كورسەتۋدى قالايدى. الەۋمەتتىك دەنساۋلىق ساقتاۋ داعدارىسى − ادامزات ءدوپ كەلگەن ورتاق سىن - سايىس، ىنتىماق پەن سەلبەستىك − ەڭ پارمەندى قارۋ. جۇڭگو جاق ادامزاتتىڭ تاعدىرلاس ورتاق تۇلعاسى ۇستانىمىن ۇستانىپ، گەرمانيا جاقپەن ۇزدىكسىز تۇردە ينفورماتسيادان جانە تاجىريبەدەن ورتاق پايدالانۋدى، ىندەتتەن ساقتانۋ - تىزگىندەۋ، ناۋقاستاردى قۇتقارۋ - ەمدەۋ، ۆاكسينا زەرتتەۋ - اشۋ سياقتى سالالارداعى سەلبەستىكتى كۇشەيتۋدى، ەكى ەلدىڭ جانە دۇنيە جۇزىندەگى باسقا ءار ەل حالىقتارىنىڭ سالاماتتىق باقىتىن بىرگە قورعاۋدى قالايدى. شي جينپيڭ بىلاي دەپ باسا دارىپتەدى: جۇڭگو جاق جۇڭگو - گەرمانيا قارىم - قاتىناسىن دامىتۋعا ايرىقشا ءمان بەرەدى، گەرمانيا جاقپەن بىرگە قۇلشىنىپ، جۇڭگو - گەرمانيا سان سالالى ستراتەگيالىق سەرىكتەستىك قارىم - قاتىناسىن تەرەڭدەتىپ، جۇڭگو - ەۆروپا قارىم - قاتىناسىنىڭ دامۋىن جەبەۋدى قالايدى.

شينحۋا اگەنتتىگىنىڭ 3 - ايدىڭ 21 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ جۋىقتا يسپانيا پاتشاسى فەليپ Ⅵعا تەلەگرامما جولداپ، جۋىقتا يسپانيادا جاڭا تيپتى ايدارشا ۆيرۋس وكپە قابىنۋ ىندەتى تۋىلۋىنا بايلانىستى، جۇڭگو ۇكىمەتى مەن جۇڭگو حالقى اتىنان يسپانيا ۇكىمەتىنەن جانە حالقىنان شىنايى حال سۇرايتىندىعىن ءبىلدىردى.

شي جينپيڭ حال سۇراۋ تەلەگرامماسىندا مىنالاردى ءبىلدىردى: جۇڭگو جاق يسپانيانىڭ ىندەتكە قارسى اتتانۋ قۇلشىنىسىنا جانە شارالارىنا باتىل قولداۋ كورسەتەدى، ساقتانۋ - تىزگىندەۋ تاجىريبەلەرىن جانە دياگنوز قويۋ - ەمدەۋ جوباسىن ورتاق پايدالانۋدى، سونداي - اق قولىنان كەلگەنشە كومەك جانە قولداۋ كورسەتۋدى قالايدى. ادامزات − تاعدىرلاس ورتاق تۇلعا، تەك ىنتىماقتاسىپ، سەلبەسكەندە عانا وسى ءبىر الەۋمەتتىك دەنساۋلىق ساقتاۋ حاۋىپسىزدىگى سىن - سايىسىندا جەڭىسكە جەتۋگە بولادى. جۇڭگو مەن يسپانيا ەكى ەل حالىقارالىق قوعاممەن بىرگە قۇلشىنسا بولعانى، ىندەتكە قارسى اتتانۋدىڭ سوڭعى جەڭىسىنە، ءسوز جوق، قول جەتكىزە الاتىندىعىنا سەنەمىن. مەن جۇڭگو - يسپانيا قارىم - قاتىناسىنىڭ دامۋىنا ايرىقشا ءمان بەرەمىن، قول ۇستاسا وتىرىپ ىندەتكە قارسى اتتانۋ ارقىلى ەكى ەل دوستىعىنىڭ جانە ءوزارا سەنىمىنىڭ اناعۇرلىم بەكەمدەلە تۇسەتىندىگىنە، ءوزارا ءتيىمدى سەلبەستىكتىڭ اناعۇرلىم تىعىز بولاتىندىعىنا، ەكى ەل مەن ەكى ەل حالقىن باقىتقا كەنەلتەتىندىگىنە سەنەمىن.

شينحۋا اگەنتتىگىنىڭ 3 - ايدىڭ 21 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ جۋىقتا سەربيا زۇڭتۇڭى ۆۋچيچكە تەلەگرامما جولداپ، جۋىقتا سەربيادا جاڭا تيپتى ايدارشا ۆيرۋس وكپە قابىنۋ ىندەتى تۋىلۋىنا بايلانىستى، جۇڭگو ۇكىمەتى مەن جۇڭگو حالقى اتىنان سەربيا ۇكىمەتىنەن جانە حالقىنان شىنايى حال سۇرايتىندىعىن ءبىلدىردى.

شي جينپيڭ حال سۇراۋ تەلەگرامماسىندا بىلاي دەپ باسا دارىپتەدى: جۇڭگو مەن سەربيا − جان - جاقتى ستراتەگيالىق سەرىكتەستەر، ەكى ەلدىڭ جانە ەكى ەل حالقىنىڭ ”اينىماس دوستىق سۇيىسپەنشىلىگى“ ۋاقىت وتكەن سايىن بەكەمدەلە تۇسۋدە. جۇڭگو حالقى بار كۇشپەن ىندەتكە قارسى اتتانعان كەزدە، سەربيا ۇكىمەتى مەن حالقى ناقتى ارەكەتىمەن جۇڭگو جاققا پارمەندى قولداۋ كورسەتتى، مەن بۇعان شىن جۇرەكتەن العىس ايتامىن. جۇڭگو جاق سەربيا جاقتىڭ ىندەتكە قارسى اتتانۋ قۇلشنىسىنا باتىل قولداۋ كورسەتەدى، سەربياعا ساقتانۋ - قورعانۋ زاتتىق ماتەريالدارىن جانە مەديتسينالىق اسپاپتاردى كومەككە بەرەدى، سونداي - اق سەربيا جاقتىڭ جۇڭگودان شۇعىل قاجەت زاتتىق ماتەريالدار ساتىپ الۋىنا سەلبەسەدى. جۇڭگو جاق تاعى مەديتسينالىق ماماندار گرۋپپاسىن سەربياعا جىبەرىپ، ساقتانۋ - تىزگىندەۋ ونىمدىلىگىن جوعارىلاتۋعا كومەكتەسىپ، حالىقتىڭ ءومىرىن، سالاماتتىق باقىتىن قورعايدى. مەن جۇڭگو - سەربيا قارىم - قاتىناسىن دامىتۋعا ايرىقشا ءمان بەرەمىن، قول ۇستاسا وتىرىپ ىندەتكە قارسى اتتانۋ بارىسىندا، ەكى ەلدىڭ قيىندىق پەن تاۋقىمەتتە ناعىز سۇيىسپەنشىلىگىن ايگىلەيتىن ءداستۇرلى دوستىعىنىڭ جۇرت جۇرەگىنە اناعۇرلىم تەرەڭ ۇيالاپ، جان - جاقتى ستراتەگيالىق سەرىكتەستىك قارىم - قاتىناستىڭ تەرەڭدەيتىندىگىنە جانە جوعارى دەڭگەيگە كوتەرىلەتىندىگىنە سەنەمىن.