«ءتورت تانىمدى» بەرىك ورناتىپ، «ءتورت سەنىمدى» بەكەمدەپ، «ەكىنى قورعاۋدى» باتىل ورىنداپ، جۇرەكتىلىكپەن جاۋاپكەرشىلىك ارقالاپ، ىسكەرلىك كورسەتىپ، پارتيا ورتالىق كوميتەتىنىڭ شەشىمىن، ورنالاستىرۋىن شىندىققا جۇگىنۋ، ناقتى ءىس ىستەۋ ستيلىمەن تىڭعىلىقتى تياناقتاندىرۋ كەرەك
جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى ءارى ماڭىزدى ءسوز سويلەدى
جۇڭگو كوممۋنيستىك پارتياسى ورتالىق كوميتەتى ساياسي بيۋروسى 12 - ايدىڭ 25 -، 26 - كۇندەرى دەموكراتيالىق تۇرمىس ءماجىلىسىن اشتى، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى ءارى ماڭىزدى ءسوز سويلەدى. سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن
جۇڭگو كوممۋنيستىك پارتياسى ورتالىق كوميتەتى ساياسي بيۋروسى 12 - ايدىڭ 25 -، 26 - كۇندەرى دەموكراتيالىق تۇرمىس ءماجىلىسىن اشتى، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى ءارى ماڭىزدى ءسوز سويلەدى. سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن
جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى ءارى ماڭىزدى ءسوز سويلەدى.
ماجىلىستەن ىلگەرى، قاتىستى جاقتار دايىندىق جاسادى. ورتالىق كوميتەت ساياسي بيۋروسىنداعى جولداستار قاتىستى جاۋاپتى جولداستارمەن اڭگىمەلەسىپ، نەگىزگى تاقىرىپتى ارقاۋ ەتە ماسەلەلەردى تەكسەرىپ ورتاعا قويىپ، سويلەۋ ماتەريالىن جازدى. ءماجىلىس الدىمەن «پارتيانىڭ 19 - قۇرىلتايىنان بەرى ورتالىق كوميتەت ساياسي بيۋروسىنىڭ ورتالىقتىڭ <8 ءتۇرلى بەلگىلەمەسىن> دايەكتىلەندىرۋ، اتقارۋ جاعدايى جونىندەگى باياندامانى» قارادى. ونان كەيىن، ورتالىق كوميتەت ساياسي بيۋروسىنداعى جولداستار ءبىر - بىردەن ءسوز سويلەپ، تالاپ بويىنشا سالىستىرىپ تەكسەرۋ جۇرگىزدى. ورتالىق كوميتەت ساياسي بيۋروسىنداعى جولداستاردىڭ سوزدەرىندە تانىمدارى تەرەڭ، تەكسەرىپ ماسەلەنى ورتاعا قويۋى قاتاڭ، پىكىرى بۇكپەسىز بولىپ، يدەيانى اناعۇرلىم بىرلىككە كەلتىرۋ، باعداردى ايقىنداۋ، كۇش جۇمىلدىرۋ ماقساتىنا جەتتى.
ورتالىق كوميتەت ساياسي بيۋروسىنداعى جولداستاردىڭ سوزدەرىندە 3 ماڭىزدى ءتۇيىن يگەرىلدى جانە ايگىلەندى. ءبىرىنشى، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن باستاماشىلدىقپەن ۇيرەنىپ، دايەكتىلەندىرىپ، «ج ك پ ورتالىق كوميتەتى ساياسي بيۋروسىنىڭ پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىن كۇشەيتۋ جانە جاقسارتۋ جونىندەگى ءبىرقانشا بەلگىلەمەسىن» قاتاڭ اتقارىپ، «ەكىنى قورعاۋدى» باتىل ورىنداپ، ساياسي جاۋاپكەرشىلىكتى سانالى تۇردە قاتايتىپ، ساياسي قابىلەتتى جوعارىلاتۋ. ەكىنشى، پارتيا ورتالىق كوميتەتىنىڭ شەشىمىن، ورنالاستىرۋىن باستاماشىلدىقپەن دايەكتىلەندىرىپ، تياناقتاندىرىپ، جاڭا دامۋ ۇستانىمىن دايەكتىلەندىرىپ، جاڭا جاعدايعا، جاڭا سايىسقا توتەپ بەرىپ، قىزمەتتەردىڭ تياناقتانۋىن مىقتاپ يگەرىپ، جۇرەكتىلىكپەن قامال الىپ، قيىندىقتى جەڭۋ. ءۇشىنشى، ورتالىقتىڭ «8 ءتۇرلى بەلگىلەمەسىنىڭ» جانە ونى ەگجەي - تەگجەيلى اتقارۋ ەرەجەسىنىڭ رۋحىن باستاماشىلدىقپەن قاتاڭ اتقارىپ، پاك، تارتىپشەڭ بولىپ، تۋىس - تۋعان، بالا - شاعا مەن جانىنداعى قىزمەتكەرلەردى ويداعىداي باسقارىپ، فورماشىلدىقتان، تورەشىلدىكتەن باتىل ساقتانۋ جانە ونى جەڭۋ.
ءماجىلىس مىنالاردى باسا دارىپتەدى: بيىل − پارتيا 19 - قۇرىلتايىنىڭ رۋحىن دايەكتىلەندىرۋدەگى، تياناقتاندىرۋداعى باستاما جىل. قىم - قۋىت، كۇردەلى حالىقارالىق ورتا مەن جاپالى، اۋىر ىشكى رەفورما، دامۋ، ورنىقتىلىق مىندەتتەرىنە سايكەس، باس شۋجي شي جينپيڭنىڭ باسشىلىعىندا، ورتالىق كوميتەت ساياسي بيۋروسى پارتيا 19 - قۇرىلتايى جاساعان ورنالاستىرۋ بويىنشا ۇزدىكسىز تۇردە «بەستى ءبىر تۇلعالاندىرۋ» جالپىلىق ورنالاستىرۋىن ءبىر تۇتاس ىلگەرىلەتىپ، «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتىپ، قىزمەتتى ورنىقتىلىق بارىسىندا ىلگەرىلەتۋ سىندى جالپى ارنادان جازباي، جاڭا دامۋ ۇستانىمىن دايەكتىلەندىرىپ، جوعارى ساپالى دامۋ تالاپتارىن تياناقتاندىرىپ، رەفورما جاساۋدى، ەسىك اشۋدى جاپپاي تەرەڭدەتىپ، سىرتقى ورتاداعى تەرەڭ وزگەرىستەرگە ءونىمدى تۇردە توتەپ بەرىپ، قيىندىقتان تايسالماي ورگە ۇمتىلىپ، ەرلىكپەن العا ىلگەرىلەپ، تىڭعىلىقتى قىزمەت ىستەدى، ءتۇرلى جاقتاعى قىزمەتتە تىڭ قادام تاستالىپ، پارتيا مەن مەملەكەت ىستەرى تاماشا دامۋ ارىنىن ساقتادى، پارتيا 19 - قۇرىلتايىنىڭ رۋحىن دايەكتىلەندىرۋدە، تياناقتاندىرۋدا تاماشا باستاما ىسكە اسىرىلدى.
ءماجىلىس بىلاي دەپ قارادى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىمەن وي - سانانى قارۋلاندىرۋ، امالياتقا جەتەكشىلىك ەتۋ، قىزمەتتى ىلگەرىلەتۋ − بارلىق قىزمەتتى جاقسى ىستەۋدىڭ ماڭىزدى العى شارتى. ورتالىق كوميتەتتىڭ ساياسي بيۋروسىنداعى جولداستار، ءسوز جوق، بۇكىل پارتياعا ونەگە بولۋى، شىن مانىندە جەتە ۇيرەنۋگە، جەتە يگەرۋگە، شىنايى تياناقتاندىرۋعا ۇزدىكسىز كۇش سالۋى كەرەك. جۇيەلى ۇيرەنىپ، وسى عىلمي نازاريانىڭ نەگىزگى كوزقاراسىن، نازاريالىق جۇيەسىن جاپپاي مەڭگەرۋى كەرەك. ءجىتى ۇيرەنىپ، باس شۋجي شي جينپيڭنىڭ ەڭ جاڭا ماڭىزدى سوزدەرىنىڭ رۋحىن دەر كەزىندە ۇيرەنۋى كەرەك. ءىس جۇزىندىككە بايلانىستىرا ۇيرەنىپ، جاڭا داۋىردەگى جاڭا امالياتقا، جاڭا تالاپقا تىعىز ۇشتاستىرىپ، يدەيا ءىس جۇزىندىگىنە، قىزمەت ءىس جۇزىندىگىنە تىعىز ۇشتاستىرىپ، باعىتتامالى تۇردە ماڭىزدى تۇيىندەر بويىنشا ۇيرەنىپ، وسى عىلمي نازاريانى وزدەرىنىڭ ءىس جۇزىندىك قىزمەتتەرىندە تياناقتاندىرۋى كەرەك. وسى عىلمي نازارياعا ارقاۋ بولعان ماركستىك تۇرعىنى، كوزقاراستى، ادىستەمەنى قۇلشىنا مەڭگەرىپ، ونى وبيەكتيۆ دۇنيە مەن سۋبيەكتيۆ دۇنيەنى وزگەرتۋدەگى ناقتى ماسەلەلەردى شەشۋگە جەتەكشىلىك ەتۋگە پايدالانۋ كەرەك.
ءماجىلىس مىنالاردى باسا دارىپتەدى: باس شۋجي شي جينپيڭنىڭ پارتيا ورتالىق كوميتەتىنىڭ ۇيتقىسى ورنىن، بۇكىل پارتيانىڭ ۇيتقىسى ورنىن قورعاۋ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن قورعاۋ − بۇكىل پارتيانىڭ ىنتىماعى مەن بىرلىگىنە، قادام بىركەلكىلىگىنە كەپىلدىك ەتىپ، بۇكىل ەلدەگى ءار ۇلت حالقىن باستاپ جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتىپ، جاڭا ءداۋىر جۇڭگوشا سوتسياليزمىنىڭ ۇلى جەڭىسىنە قۇلشىنا قول جەتكىزۋدەگى ءتۇبىرلى ساياسي كەپىلدىك. باس شۋجي شي جينپيڭ جاڭا داۋىردەگى پارتيا مەن مەملەكەت ىستەرىنىڭ دامۋىنا باسشىلىق ەتۋ بارىسىندا، كۇن سايىن قىم - قۋىت، كۇردەلى بولا تۇسكەن ىشكى - سىرتقى دامۋ اۋقىمىن بارلاۋ جانە مەڭگەرۋ بارىسىندا، بۇكىل پارتيانى، بۇكىل ەلدەگى ءار ۇلت حالقىن باستاپ جاڭا داۋىردەگى ەكپىندەي ىلگەرىلەۋدىڭ ۇلى امالياتى بارىسىندا كورەگەن دە قىراعى ستراتەگيالىق تۇجىرىم، جەتىك تە ەرەن ساياسي باسشىلىق، ايقىن دا بەرىك حالىقتىق تۇرعى، پارمەندى دە بەكەم تاريحي جاۋاپكەرشىلىك تانىتىپ، ايتسا ايتقانداي پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى ەكەندىگىن تولىق دالەلدەدى. ورتالىق كوميتەت ساياسي بيۋروسىنداعى جولداستار باستاماشىلدىقپەن «ءتورت تانىمدى» بەرىك ورناتىپ، «ءتورت سەنىمدى» بەكەمدەپ، «ەكىنى قورعاۋدى» باتىل ورىنداپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى سانالى تۇردە ساقتاپ، ساياسي جاۋاپكەرشىلىكتى كۇشەيتىپ، ساياسي تاباندىلىقتى ساقتاپ، ساياسي باعداردى دۇرىس مەڭگەرىپ، ساياسي قابىلەتتى جوعارىلاتىپ، كۇرەس رۋحىن نىعايتىپ، ساياسي ءتارتىپ پەن ساياسي قاعيدانى بۇلدىرەتىن ارەكەتتەرمەن باتىل كۇرەس جۇرگىزىپ، پارتيانىڭ ساياسي قۇرىلىسىنىڭ كوشباسشىسى، امالياتتا ايگىلەۋشىسى، ىلگەرىلەتۋشىسى بولۋعا قۇلشىنۋى كەرەك.
ءماجىلىس مىنالاردى باسا دارىپتەدى: ستيل قۇرىلىسى ماڭگى جالعاسادى، «ءتورت ءتۇرلى بۇرىس ستيلدى» تۇزەتۋدىڭ تابىستارىن بەكەمدەپ جانە كەڭەيتىپ، تاماشا پارتيا ستيلى مەن ۇكىمەت ستيلىن ساقتاۋدا، ءسوز جوق، پارتيا ورتالىق كوميتەتىنەن باستاپ يگەرۋ، جوعارى دارەجەلى كادرلاردان باستاپ ىستەۋ كەرەك. ورتالىق كوميتەت ساياسي بيۋروسىنداعى جولداستار ءوزى ونەگە بولىپ، تومەندەگىلەرگە ۇلگى كورسەتىپ، سانالى تۇردە پاك، ءتارتىپشىل بولىپ، تۋىس - تۋعان، بالا - شاعالارى مەن جانىنداعى قىزمەتكەرلەردى قاتاڭ باسقارىپ، وتباسى سالتىن، وتباسى تاربيەسىن ويداعىداي يگەرىپ، ەرەكشە ۇقىق يدەياسىنان، ەرەكشە ۇقىق قۇبىلىستارىنان قاتاڭ ساقتانىپ جانە وعان قارسى تۇرىپ، فورماشىلدىق، تورەشىلدىك اتاۋلىدان باستاماشىلدىقپەن اۋلاق بولىپ، بۇكىل پارتياعا ويداعىداي ۇلگى ورناتىپ، ويداعىداي ونەگە كورسەتۋى كەرەك.
شي جينپيڭ سوزىندە ورتالىق كوميتەت ساياسي بيۋروسىنداعى جولداستاردىڭ سالىستىرىپ تەكسەرۋ سوزىنە قورىتىندى جاسادى ءارى ورتالىق كوميتەت ساياسي بيۋروسىنىڭ «بەلگىلەمەنى»، «ەگجەي - تەگجەيلى اتقارۋ ەرەجەسىن» دايەكتىلەندىرۋى، تياناقتاندىرۋى جونىندەگى تالاپتارىن العا قويىپ، مىنالاردى ءبىلدىردى: ورتالىق كوميتەت ساياسي بيۋروسىنىڭ وسى رەتكى دەموكراتيالىق تۇرمىس ءماجىلىسى وتە جاقسى اشىلدى، كوپشىلىك سوزگە تولىق دايىندالىپ، ءىس جۇزىندىكپەن بايلانىستىرىپ، تەرەڭ تولعاندى، تانىمدى ورتاعا سالىپ، اسەردى تىلگە تيەك ەتىپ، ماسەلەنى جايىپ سالىپ، ولقىلىقتاردى ىزدەدى، ءادىس - امال قاراستىرىپ، ۇسىنىس قويدى، بۇكپەسىز اڭگىمەلەسىپ، رياسىز پىكىرلەستى، ءارى يدەيا الماسىپ، ىنتىماقتى نىعايتىپ، ءارى ماسەلەنى كورسەتىپ، جاقسارتۋ بەتالىسىن ايقىنداپ، كوزەۋلى نىساناعا جەتتى.
شي جينپيڭ مىنالاردى باسا دارىپتەدى: پارتيانىڭ 18 - قۇرىلتايىنان بەرى، ءبىز پارتيا ىشىندە ورىن تەپكەن ءتۇرلى - ءتۇستى ماسەلە مەن كىناراتتاردى دۇرىس باعامداپ، ورتالىقتىڭ «8 ءتۇرلى بەلگىلەمەسىن» جاساۋدى جانە اتقارۋدى بەتاشار ەتىپ، جاڭا جاعدايداعى ستيل قۇرىلىسىندا نەنى يگەرۋ، قالاي يگەرۋ كەرەك دەگەن ماسەلەنى شەشىپ، پارتيانى جاپپاي قاتاڭ جونگە سالۋدى ىلگەرىلەتىپ، پارتيا ستيلىنىڭ، ۇكىمەت ستيلىنىڭ، قوعامدىق سالتتىڭ جاقسارۋىن ىلگەرىلەتتىك. پارتيانىڭ 19 - قۇرىلتايىنان كەيىن، ءبىز جاڭا جاعدايعا، جاڭا ماسەلەگە باعىتتاپ، ورتالىقتىڭ «8 ءتۇرلى بەلگىلەمەسىنىڭ» ەگجەي - تەگجەيلى اتقارۋ ەرەجەسىن جاساپ، ورتالىقتىڭ «8 ءتۇرلى بەلگىلەمەسىنىڭ» رۋحىن ۇزدىكسىز تياناقتاندىردىق. ورتالىق كوميتەت ساياسي بيۋروسىنداعى جولداستار ورتالىقتىڭ «8 ءتۇرلى بەلگىلەمەسىنىڭ» رۋحىن باستاماشىلدىقپەن قاتاڭ اتقارۋى، سونىمەن بىرگە، جۇمىس ءبولىسى بويىنشا باسقاراتىن جەرلەر مەن تاراۋلاردىڭ ورتالىقتىڭ «8 ءتۇرلى بەلگىلەمەسىنىڭ» رۋحىن دايەكتىلەندىرۋ، اتقارۋ قىزمەتىن قاتاڭ، ويداعىداي يگەرۋى كەرەك. كورنەكتى ماسەلەلەرگە نازاردى شوعىرلاندىرىپ، شەشۋشى بۋىنداردى ءجىتى قاداعالاپ، «ءتورت ءتۇرلى بۇرىس ستيل» ماسەلەسىن شەشۋگە مىقتاپ كۇش سالۋى كەرەك، سيىر قۇيمىشاقتاتۋعا بولمايدى، «جارىم - جارتى ينجەنەرياعا» اينالدىرۋعا بولمايدى، فورماشىلدىق، ۇستىرتتىك ىستەۋگە تىپتەن بولمايدى.
شي جينپيڭ مىنالاردى اتاپ كورسەتتى: دەموكراتيالىق ورتالىقتاندىرۋ ءتۇزىمى − پارتيامىزدىڭ ءتۇبىرلى ۇيىمدىق پرينسيبى جانە باسشىلىق ءتۇزىمى، ماركسيزمدىك ساياسي پارتيانى باسقا ساياسي پارتيالاردان پارىقتاندىرىپ تۇراتىن ماڭىزدى بەلگى. بۇل ءتۇزىم پارتيا ىشىندەگى دەموكراتيانى تولىق ساۋلەلەندىرۋ مەن ورتالىقتاندىرۋدى دۇرىس جۇرگىزۋدى جاندى تۇردە ۇشتاستىرادى، ءارى بۇكىل پارتيانىڭ جاسامپازدىق ومىرشەڭدىگىن بارىنشا قاۋلاتۋعا بولادى، ءارى بۇكىل پارتيانىڭ يدەياسى مەن ارەكەتىن بىرلىككە كەلتىرىپ، كەڭەسكەنمەن شەشىم جاسامايتىن، شەشىم جاساعانمەن اتقارمايتىن بىتىراندىلىقتان ءونىمدى تۇردە ساقتانۋعا جانە ونى جەڭۋگە بولادى، بۇل عىلمي، ۇيلەسىمدى ءارى ءونىمدى ءتۇزىم. دەموكراتيالىق ورتالىقتاندىرۋ ءتۇزىمى دەموكراتيا مەن ورتالىقتاندىرۋ دەگەن ەكى جاقتى ءوز ىشىنە الادى، ەكەۋى ءبىرىن - ءبىرى شارت ەتەدى، ءبىرىن - ءبىرى تولىقتىرادى، بىرەۋى كەم بولسا بولمايدى. ءبىز دەموكراتيا مەن ورتالىقتاندىرۋدى جاندى تۇردە ۇشتاستىرىپ، دەموكراتيالىق ورتالىقتاندىرۋ ءتۇزىمىنىڭ ارتىقشىلىعىن شىن مانىندە پارتيامىزدىڭ ساياسي ارتىقشىلىعىنا، ۇيىمدىق ارتىقشىلىعىنا، ءتۇزىم ارتىقشىلىعىنا، قىزمەت ارتىقشىلىعىنا اينالدىرۋىمىز كەرەك.
شي جينپيڭ مىنالاردى باسا دارىپتەدى: پارتيامىزدىڭ تاريحي تاجىريبەسى پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىنا ويداعىداي تاباندى بولعاندا، پارتيانىڭ ىستەرى گۇلدەنىپ - كوركەيە بەرەتىندىگىن؛ كەرىسىنشە بولعاندا، پارتيانىڭ ىستەرى ساتسىزدىككە ۇشىرايتىندىعىن كورسەتتى. پارتيانىڭ 18 - قۇرىلتايىنان بەرى، پارتيا ورتالىق كوميتەتى «ءتورت تانىمدى»، «ەكىنى قورعاۋدى» ايقىن باسا دارىپتەپ، ءبىرسىپىرا ايقىن تالاپتاردى العا قويدى، قول جەتكەن ناتيجەلەر دە وتە كورنەكتى. بۇكىل پارتيادا جوعارىدان تومەنگە دەيىن ءبىر نيەتپەن ىنتىماقتاسىپ، بىركەلكى قادام تاستاعاندىقتان، ۇزاقتان بەرى شەشۋدى ويعا الساق تا شەشە الماي كەلگەن كوپتەگەن قيىن ماسەلەنى شەشىپ، وتكەندە ورىنداۋدى ويعا العانمەن ورىنداي الماي كەلگەن ءىرى ىستەردى ورىنداپ، پارتيا مەن مەملەكەتتىڭ ىشكى جاعىندا ورىن تەپكەن اۋىر كومەسكى قاتەردى جويىپ، پارتيا مەن مەملەكەت ىستەرىندە تاريحي جەتىستىكتەرگە قول جەتىپ، تاريحي وزگەرىستەردىڭ جارىققا شىعۋىن ىلگەرىلەتتىك.
شي جينپيڭ مىنالاردى اتاپ كورسەتتى: پارتيانىڭ 18 - قۇرىلتايىنان بەرى، پارتيا ورتالىق كوميتەتىنىڭ ءتۇرلى شەشىمدەرىندە دەموكراتيالىق ورتالىقتاندىرۋ ءتۇزىمى قاتاڭ اتقارىلىپ، پارتيا ىشىندەگى دەموكراتيانى تولىق ساۋلەلەندىرۋگە باسا ءمان بەرىلدى، ءبارى دە ىشكەرىلەي تەكسەرۋ - زەرتتەۋ جۇرگىزۋ، كەڭ كولەمدە جان - جاقتان پىكىر الۋ، قايتا - قايتا تالقىلاۋ ارقىلى قالىپتاستىرىلدى. ءبىز سەكىلدى ۇلكەن پارتيانى، ۇلكەن ەلدى ويداعىداي جونگە سالۋ ءۇشىن، جان - جاقتىلى جاعدايدى مەڭگەرۋ قاجەت، ول ءۇشىن پارتيا ىشىندەگى دەموكراتيانى ساۋلەلەندىرۋگە، ءار دارەجەلى پارتيا ۇيىمدارى مەن قالىڭ پارتيا مۇشەلەرىنىڭ، كادرلاردىڭ حالىق ۇنىنە قۇلاق ءتۇرىپ، حالىق تىلەگىن توعىستىرۋىنا سۇيەنۋگە تۋرا كەلەدى. باسشى كادرلار دەموكراتيالىق بىلىكتىلىكتى باسشىلىق قابىلەتتىڭ ءبىرى رەتىندە جەتىلدىرۋى، باسشىلىق ونەردىڭ ءبىرى رەتىندە مەڭگەرۋى كەرەك. تەڭ تۇرعىدا قاراپ، ىزگى نيەتپەن مامىلە جاسايتىن ادال پيعىل، كىشى پەيىلدىك كورسەتىپ، كەڭ قۇشاق اشاتىن جومارت كوڭىل بولۋى، ءار جاقتىڭ شىنايى پىكىرىن تولىق، مۇلتىكسىز يگەرۋگە كۇش سالىپ، قايتا - قايتا زەرتتەپ، قايتا - قايتا سالىستىرىپ، جاقسىسىن تاڭداپ پايدالانۋ كەرەك. دۇرىس ورتالىقتاندىرۋعا شەبەر بولىپ، تۇرلىشە پىكىرلەردى بىرلىككە كەلتىرىپ، ءار ءتۇرلى بىتىراڭقى پىكىرلەردەگى دۇرىس تانىمدى قورىتىپ، جيناقتاپ شىعىپ، زاتتاردىڭ دامۋ زاڭدىلىعىنا ۇيلەسەتىن، قالىڭ حالىق جۇرتشىلىعىنىڭ ءتۇبىرلى مۇددەسىنە ۇيلەسەتىن دۇرىس پىكىرلەردى شوعىرلاندىرىپ، عىلمي شەشىم قابىلداۋ كەرەك. دەموكراتيالىق ورتالىقتاندىرۋ ءتۇزىمىن دايەكتىلەندىرۋ، اتقارۋ − بۇكىل پارتيانىڭ ورتاق ساياسي جاۋاپكەرشىلىگى، وتە - موتە، ءار دارەجەلى باسشى كادرلاردىڭ، اسىرەسە، ورتالىق كوميتەتتىڭ ساياسي بيۋروسىنداعى جولداستاردىڭ جاۋاپكەرشىلىگى، كوپشىلىك ونەگەلىك رولدارىن ساۋلەلەندىرۋى كەرەك.
شي جينپيڭ مىنالاردى باسا دارىپتەدى: جاڭا داۋىردە جۇڭگوشا سوتسياليزمگە تاباندى بولۋ جانە ونى دامىتۋ − ۇلى قوعامدىق توڭكەرىس، بىزدەن، ءسوز جوق، قاي - قاشان دا كوپتەگەن جاڭا تاريحي ەرەكشەلىككە يە ۇلى كۇرەستەر جۇرگىزۋدى، ءسوز جوق، كادرلارىمىزدىڭ، اسىرەسە، باسشى كادرلارىمىزدىڭ ىستىق - سۋىقتى باستان وتكەرىپ، كوز ايانى كەڭەيتىپ، ىسكەرلىكتى ۇشتاپ، قاجىر - قايراتتى شىڭاۋىن، كۇرەس رۋحىن ساقتاپ، كۇرەس قابىلەتىن نىعايتۋىن تالاپ ەتەدى. كۇرەس رۋحىن جەتىلدىرىپ، كوممۋنيستەردىڭ جۇرەكتىلىكپەن كۇرەس جۇرگىزەتىن جىگەرىن، قاسيەتىن، نامىسىن، باتىلدىعىن قاي - قاشان دا ساقتاۋ كەرەك. كۇرەس قابىلەتىن نىعايتىپ، جاعدايدىڭ دامۋىنىڭ بولاشاقتاعى بەتالىسىن، ونىڭ استارىنداعى وراي مەن سايىستاردى، ءتيىمدى فاكتور مەن ءتيىمسىز فاكتورلاردى عىلمي بولجاپ، قۇبىلىستان مانگە كوز جەتكىزىپ، ستراتەگيالىق جوبالاۋدى ويداعىداي يگەرىپ، كۇرەستەگى ىرىقتىلىقتى مىقتاپ مەڭگەرۋ كەرەك. ۇيىمدى، جوسپارلى تۇردە كادرلاردى كەلەلى كۇرەستىڭ ءبىرىنشى شەبىندە شىنايى شىنىعۋعا جىبەرىپ، ءالسىز تۇستى كۇشەيتىپ، ولقىلىقتى تولىقتىرىپ، ناعىز ءبىلىم ۇيرەنىپ، ناعىز قابىلەتتى ۇشتاۋ كەرەك.
