شي جينپيڭ بەيجيڭدە جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ جونىندەگى عىلمي زەرتتەۋدەن قامال الۋ قىزمەتىن تەكسەرگەندە بىلاي دەپ باسا دارىپتەدى
جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ جونىندەگى عىلمي زەرتتەۋدەن قامال الۋدى سايكەستى ىلگەرىلەتىپ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە قول جەتكىزۋگە عىلىم - تەحنيكالىق تىرەك ازىرلەۋ كەرەك
3 - ايدىڭ 2 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ بەيجيڭدە جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ جونىندەگى عىلمي زەرتتەۋدەن قامال الۋ قىزمەتىن تەكسەردى. سۋرەتتە: شي جينپيڭ اسكەري مەديتسينا زەرتتەۋ اكادەمياسىنىڭ اۋىر ىندەتكە شۇعىل توتەپ بەرۋ، ساقتانۋ - تىزگىندەۋ دارىلەرىن زەرتتەۋ ۇيىندە ۆاكسينا مەن انتيتەل زەرتتەپ جاساۋ جاعدايىن ۇعىستى.
3 - ايدىڭ 2 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ بەيجيڭدە جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ جونىندەگى عىلمي زەرتتەۋدەن قامال الۋ قىزمەتىن تەكسەردى. سۋرەتتە: شي جينپيڭ چيڭحۋا داشۋەسى مەديتسينا شۋەيۋانى الەمدىك سالاماتتىق جانە جۇقپالى اۋرۋلاردى زەرتتەۋ ورتالىعىندا عىلمي زەرتتەۋ قىزمەتكەرلەرىمەن پىكىر الماستىرۋدا.
جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 3 - ايدىڭ 2 - كۇنى بەيجيڭدە جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ جونىندەگى عىلمي زەرتتەۋدەن قامال الۋ قىزمەتىن تەكسەرىپ، ىندەتتەن ساقتانۋ - تىزگىندەۋ جونىندەگى عىلمي زەرتتەۋدەن قامال الۋدىڭ ءبىرىنشى شەبىندە كۇرەس جۇرگىزىپ جاتقان قالىڭ عىلىم - تەحنيكا قىزمەتكەرلەرىنە پارتيا ورتالىق كوميتەتى اتىنان شىن جۇرەكتەن العىس ايتتى جانە ولارعا ىقىلاستى سالەم جولدادى. ول بىلاي دەپ باسا دارىپتەدى: ادامزاتتىڭ ىندەتپەن ايقاسۋداعى ەڭ پارمەندى قارۋى − عىلىم - تەحنيكا، ادامزات ۇلكەن اپاتتى، ۇلكەن ىندەتتى جەڭۋدە عىلىمنىڭ دامۋىنان جانە تەحنيكادا جاڭالىق اشۋدان ايرىلا المايدى. جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ جونىندەگى عىلمي زەرتتەۋدەن قامال الۋدى كەلەلى دە كوكەي تەستى مىندەت ەتىپ، كوپ ءپاننىڭ كۇشىن جيناقتاپ، ءبىر تۇتاس باسشىلىق ەتىپ، سايكەستى ىلگەرىلەتىپ، عىلميلىققا تاباندى بولۋ، حاۋىپسىزدىككە شىنايى كەپىلدىك ەتۋ نەگىزىندە زەرتتەۋ - اشۋ اياق الىسىن تەزدەتىپ، ىندەتتەن ساقتانۋ - تىزگىندەۋدەگى ءتۇيىندى، قيىن ماسەلەلەردەن تەزىرەك قامال الىپ، ىندەتتەن ساقتانۋ - تىزگىندەۋ حالىقتىق شايقاسىنىڭ، جالپى تۇلعالىق شايقاسىنىڭ، توسقاۋىل شايقاسىنىڭ جەڭىسىنە قول جەتكىزۋگە قۋاتتى عىلىم - تەحنيكالىق تىرەك ازىرلەۋ كەرەك.
3 - ايدىڭ 2 - كۇنى تۇستەن كەيىن شي جينپيڭ الدىمەن اسكەري مەديتسينا زەرتتەۋ اكادەمياسىنا كەلىپ، زەرتتەۋ اكادەمياسىنىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ جونىندەگى عىلمي زەرتتەۋدەن قامال الۋىنىڭ جالپى جاعدايى مالىمەتىن تىڭداپ، كورمە تاقتاسىمەن جانە ناقتى زاتتارمەن ۇشتاستىرا وتىرىپ، ۆاكسينا مەن انتيتەل زەرتتەپ جاساۋ، دارىلەردى سۇرىپتاۋ، ۆيرۋستىڭ اۋرۋ تۋدىرۋ سەبەبىن زەرتتەۋ، جەدەل تەكسەرۋ سىناق ءدارىسىن زەرتتەۋ جانە پايدالانۋ سياقتىلاردىڭ ىلگەرىلەۋ جاعدايىن ۇعىستى. اسپاپپەن سىناق جاساۋ عيماراتىندا، شي جينپيڭ اۋىر ىندەتكە شۇعىل توتەپ بەرۋ، ساقتانۋ - تىزگىندەۋ دارىلەرىن زەرتتەۋ ءۇيىن كورىپ، قىزمەت ورنىندا تاپجىلماي، قامال الۋ جولىندا قۇلشىنىپ جاتقان ءبىرىنشى شەپتەگى ماماندار مەن عىلمي زەرتتەۋ قىزمەتكەرلەرىنەن شىنايى حال سۇرادى. ول: ەمدەپ ساۋىقتىرۋ مولشەرىن جوعارىلاتىپ، اۋرۋدان ءولۋ مولشەرىن تومەندەتىپ، ەڭ سوڭىندا ىندەتتى جەڭۋدە شەشۋشىسى، عىلىم - تەحنيكاعا سۇيەنۋ كەرەك، - دەپ باسا دارىپتەدى. شي جينپيڭ بىلاي دەپ اتاپ كورسەتتى: جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان بەرى، اسكەري مەديتسينا زەرتتەۋ اكادەمياسى پارتيا ورتالىق كوميتەتى مەن ورتالىق اسكەري ىستەر كوميتەتىنىڭ شەشىمدەرىن، نۇسقاۋلارىن باتىل دايەكتىلەندىرىپ، بۇيرىقتى ەستي سالا قيمىلداپ، ۋاقىتتى جىبەرمەي، كۇشتى شوعىرلاندىرا وتىرىپ شۇعىل توتەپ بەرىپ، عىلمي زەرتتەۋدەن قامال الۋ قىزمەتىن ورىستەتىپ، كەزەڭدىك تابىسقا قول جەتكىزىپ، حالىق ارمياسىنىڭ پارتياعا ادال بولۋ، حالىققا ادال بولۋ سىندى ساياسي قاسيەتىن جانە قيان - كەسكى شايقاستى باتىل جۇرگىزۋ، شەبەرلىكپەن جەڭىستى شايقاس جۇرگىزۋ سىندى تاڭداۋلى ستيلىن تولىق ايگىلەدى. شي جينپيڭ ولاردان مىنالاردى ءۇمىت ەتتى: كۇش ۇستىنە كۇش قوسىپ، ەكپىندىلەر اترەتىندىك جانە نەگىزگى قوسىندىق رولدى تولىق ساۋلەلەندىرىپ، حاۋىپسىز، ءونىمدى ۆاكسينانى، ءدارىنى، تەكسەرۋ سىناق ءدارىسىن تەزىرەك زەرتتەپ جاساپ، ىندەتكە قارسى اتتانۋ قاجەتىن كۇش سالا قاناعاتتاندىرۋ كەرەك. ىندەتتىڭ كوزىن تابا الۋ، دياگنوز قويا الۋ، ساقتانا الۋ، ەمدەي الۋ، تىزگىندەي الۋ جاقتارىندا كۇش بىرىكتىرە قامال الۋعا تاباندى بولىپ، وسى رەتكى قيان - كەسكى شايقاس ارقىلى دەربەس ءبىلىم مەنشىگى ۇقىعىنا يە اناعۇرلىم كوپ وزەكتى عىلىم - تەحنيكانى يگەرىپ، اناعۇرلىم كوپ شەشۋشى - وزەكتى ونىمدەردى جاساپ، حالىق ءومىرىنىڭ حاۋىپسىزدىگى مەن دەنساۋلىعىن قورعاۋعا، مەملەكەتتىڭ ستراتەگيالىق حاۋىپسىزدىگىن قورعاۋعا اناعۇرلىم زور ۇلەس قوسۋ كەرەك.
اسكەري مەديتسينا زەرتتەۋ اكادەمياسىنان شىققان سوڭ، شي جينپيڭ چيڭحۋا داشۋەسى مەديتسينا شۋەيۋانىنا كەلىپ قىزمەت تەكسەرىپ، تەكسەرۋ - زەرتتەۋ جۇرگىزدى. ول ىلگەرىندى - كەيىندى الەمدىك سالاماتتىق جانە جۇقپالى اۋرۋلاردى زەرتتەۋ ورتالىعىنا، بيومەديتسينالىق تەكسەرۋ تەحنيكاسى مەن اسپاپتاردىڭ بەيجيڭ تاجىريبەحاناسىنا بارىپ، مامانداردان ءدارى زەرتتەۋ - اشۋدىڭ ىلگەرىلەۋ جاعدايىن جانە جاڭا تيپتەگى تەكسەرۋ سىناق ءدارىسىن، تەكسەرۋ جابدىعىن زەرتتەۋ - اشۋ، پايدالانۋ سياقتى جاعدايدى ەگجەي - تەگجەيلى ۇعىستى ءارى جاسالىپ جاتقان فەرمەنتپەن بايلانىستىرىلعان يممۋنوسوربتسيالىق تالداۋدى كوردى. شي جينپيڭ بىلاي دەپ اتاپ كورسەتتى: جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ كۇرەسىنىڭ ەكى شەبى بار، بىرەۋى، ىندەتتەن ساقتانۋ - تىزگىندەۋدىڭ ءبىرىنشى شەبى، ەندى بىرەۋى، عىلمي زەرتتەۋ جانە زاتتىق ماتەريال ءوندىرۋ، بۇل ەكى شەپ ءوزارا سايكەسىپ، تىزە قوسا شايقاس جۇرگىزۋى كەرەك. شي جينپيڭ ولاردىڭ الدىڭعى شەپپەن سايكەسۋدى كۇشەيتىپ، ىسكەر كۇشتەردى ۇيىمداستىرىپ، شۇعىل ىستەردى شۇعىل ىستەپ، جاڭا تيپتى تەكسەرۋ سىناق ءدارىسى، انتيبيوتيك دارىلەر، ۆاكسينا جانە دياگنوز قويۋ - ەمدەۋ جوباسى سياقتىلاردان قامال الۋدى تەز ىلگەرىلەتۋىن ءۇمىت ەتتى. شي جينپيڭ بىلاي دەپ باسا دارىپتەدى: ەلىمىز ءبىر ميلليارد 400 ميلليوننان استام حالقى بار ءىرى ەل، اۋىر ىندەتتەن جانە اۋىر توسىن الەۋمەتتىك دەنساۋلىق ساقتاۋ حاۋىپ - قاتەرىنەن ساقتانۋ جانە ونى جويۋ قاي - قاشان دا ءبىز ءبىر ساتكە بوساڭسىتۋعا بولمايتىن ءىرى ءىس. بۇكىل مەملەكەتتىڭ اۋىر ىندەتتى باقىلاۋ تورىن اقاۋسىزداندىرىپ، زاڭ، زاڭ ەرەجەلەر جۇيەسىن كەمەلدەندىرىپ، العى تەحنيكالاردان قامال الۋ جانە ۇزدىك دارىندىلاردى باۋلىپ جەتىلدىرۋ سەرپىنىن كۇشەيتىپ، ەلىمىزدىڭ اۋىر توسىن الەۋمەتتىك دەنساۋلىق ساقتاۋ وقيعالارىنا توتەپ بەرۋ قابىلەتى مەن ورەسىن تەزدەن جوعارىلاتۋ كەرەك.
وسىدان كەيىن، شي جينپيڭ چيڭحۋا داشۋەسى مەديتسينا شۋەيۋانىندا اڭگىمە ءماجىلىستى باسقارىپ اشىپ، عىلىم - تەحنيكا مينيسترلىگىنىڭ بۇكىل ەلدىڭ ءدارى جانە ۆاكسينانى زەرتتەۋ - اشۋ قىزمەتى جونىندەگى، مەملەكەتتىك دەنساۋلىق ساقتاۋ، سالاماتتىق كوميتەتىنىڭ كلينيكادا پايدالانىلاتىن ءونىمدى تاجىريبەلەر مەن ءونىمدى دياگنوز قويۋ - ەمدەۋ جوباسىن قورىتىندىلاپ جالپىلاستىرۋ قىزمەتى جونىندەگى جاعدايدان بەرگەن مالىمەتىن تىڭدادى.
مالىمەتتى تىڭداعان سوڭ، شي جينپيڭ ماڭىزدى ءسوز سويلەدى. ول بىلاي دەپ اتاپ كورسەتتى: ىندەت تۋىلعاننان بەرى، بۇكىل ەلدىڭ عىلىم - تەحنيكا شەبى پارتيا ورتالىق كوميتەتىنىڭ ۇندەۋىنە بەلسەنە ءۇن قوسىپ، قاتىستى تاراۋلار عىلمي زەرتتەۋدەن قامال الۋ گرۋپپاسىن ۇيىمداستىرىپ، كلينيكالىق قۇتقارۋ - ەمدەۋ جانە ءدارى، ۆاكسينا زەرتتەۋ - اشۋ، تەكسەرۋ تەحنيكاسى جانە ونىمدەرى، ۆيرۋستىق ەتيولوگيا جانە ەپيدەميولوگيا، حايۋانات ۇلگىسىن قۇراۋ سياقتى 5 ۇلكەن نەگىزگى قامال الۋ بەتالىسىن بەلگىلەپ، ءپان اتتاعان، سالا اتتاعان عىلمي زەرتتەۋ ۇجىمدارىن قۇرىپ، عىلمي زەرتتەۋ، كلينيكا، ساقتانۋ - تىزگىندەۋ ءبىرىنشى شەبى ءوزارا سايكەسىپ، ءوندىرىس، وقىتۋ، زەرتتەۋ تاراپتارى تىعىز سەلبەسىپ، نەبارى ءبىر ايدان استام ۋاقىت ىشىندە بەلسەندى ىلگەرىلەۋشىلىككە قول جەتكىزىپ، ىندەتتەن ساقتانۋ - تىزگىندەۋگە پارمەندى عىلىم - تەحنيكالىق تىرەك ازىرلەدى. وسى جولعى كەلەلى كۇرەستە قالىڭ عىلىم - تەحنيكا قىزمەتكەرلەرى شايقاسۋ، ۇلەس قوسۋ تاڭداۋلى ستيلىن، ىجداعاتتىلىق، شىندىققا ۇمتىلۋ كاسىپتىك رۋحىن تولىق ايگىلەدى. قازىرگى تاڭدا ىندەتتەن ساقتانۋ - تىزگىندەۋدىڭ حالىقتىق شايقاسىنىڭ، جالپى تۇلعالىق شايقاسىنىڭ، توسقاۋىل شايقاسىنىڭ جەڭىسىنە قول جەتكىزۋ ءۇشىن ءالى جاپالى قۇلشىنىستار جاساۋعا تۋرا كەلەدى. قانشالىقتى وسىنداي جاعدايعا ءدوپ كەلگەن سايىن، سونشالىقتى عىلىمنان جاۋاپ تابۋعا، ءادىس - امال تابۋعا تاباندى بولۋ كەرەك.
شي جينپيڭ بىلاي دەپ باسا دارىپتەدى: ەڭ زور قۇلشىنىس جاساپ، اناعۇرلىم كوپ ناۋقاستىڭ ءومىرىن قۇتقارۋ − كەزەكتەگى شۇعىل مىندەت، ماڭىزدىنىڭ ماڭىزدىسى، ءدارى، ەمدەۋ جابدىقتارىن زەرتتەۋ - اشۋ جانە كلينيكالىق قۇتقارۋ - ەمدەۋدىڭ ءوزارا ۇشتاسۋىن كۇشەيتىپ، شىن مانىندە ەمدەپ ساۋىقتىرۋ مولشەرىن جوعارىلاتىپ، اۋرۋدان ءولۋ مولشەرىن تومەندەتۋ كەرەك. عىلمي زەرتتەۋدەن قامال الۋعا سۇيەنىش بولۋدى جانە الدىڭعى شەپتەگى قۇتقارۋ - ەمدەۋگە قىزمەت وتەۋدى ورنالاستىرۋدى كۇشەيتىپ، كلينيكالىق زەرتتەۋ مەن كلينيكالىق قۇتقارۋ - ەمدەۋدىڭ سايكەسۋىنە تاباندى بولىپ، عىلمي زەرتتەۋ تابىستارىن كلينيكا ءبىرىنشى شەبىنە اناعۇرلىم كوپ بەيىمدەۋ كەرەك. ءدارى زەرتتەۋ - اشۋ اياق الىسىن جەدەلدەتىپ، جۇڭگوشا، باتىسشا شيپاگەرلىكتى ۇشتاستىرۋعا، جۇڭگوشا دارىلەر مەن باتىسشا دارىلەردى قاتار ىستەتۋگە تاباندى بولىپ، زەرتتەلىپ جاسالعان جانە سۇرىپتالىپ الىنعان ءونىمدى دارىلەردى جەدەل جالپىلاستىرىپ پايدالانۋ، سونىمەن قاتار ءبىرىنشى شەپتەگى قۇتقارۋ - ەمدەۋ قاجەتىنە نەگىزدەلە وتىرىپ ءونىمدى ەمدەۋ دارىلەرىنەن ءبىر توبىن تاعى دا سۇرىپتاپ الىپ، جاڭا ەمدەۋ ءتاسىلىن قاراستىرىپ، اۋرۋى جەڭىل ناۋقاستاردىڭ اۋرۋىنىڭ اسقىنىپ كەتۋىن مۇمكىندىكتىڭ بارىنشا توسۋ كەرەك. قالپىنا كەلۋ مەزگىلىندەگى قان پلازماسى، تەك كلەتكا، جالاڭ كلوندىق انتيتەل سياقتى وزىق ەمدەۋ تاسىلدەرىن قولدانىپ، سالماقتى ناۋقاستاردى، قاتەرلى سالماقتى ناۋقاستاردى قۇتقارۋ - ەمدەۋ ورەسىن جوعارىلاتۋ كەرەك.
شي جينپيڭ بىلاي دەپ اتاپ كورسەتتى: سالاماتتى ادامدارعا پايدالانىلاتىن ەرەكشە ءونىم رەتىندە، ۆاكسينا ىندەتتەن ساقتانۋ - تىزگىندەۋدە اسا ماڭىزدى، ونىڭ حاۋىپسىزدىگىنە قويىلاتىن تالاپ تا ءبىرىنشى ورىندا تۇرادى. بۇرىنعى بار كوپ ءتۇرلى تەحنيكالىق جولداعى ۆاكسينا زەرتتەۋ - اشۋدى جەدەل ىلگەرىلەتۋ، سونىمەن قاتار شەتەلدەردىڭ زەرتتەۋ - اشۋ اياق الىسىنا ءجىتى ىلەسىپ، سەلبەستىكتى كۇشەيتىپ، ۆاكسينانىڭ كلينيكالىق تاجىريبەسىن جانە بازارعا شىعارىلىپ پايدالانىلۋىن ەرتەرەك ىلگەرىلەتۋگە ۇمتىلۋ كەرەك. ۆاكسينانى زەرتتەۋ - اشۋ مەن كاسىپ سالالانعان تىزبەكتىڭ ورگانيكالى ۇشتاسۋىن ىلگەرىلەتىپ، كاسىپورىندى نەگىزگى تۇلعا ەتكەن، ءوندىرۋ، وقىتۋ، زەرتتەۋ ۇشتاستىرىلعان ۆاكسينا زەرتتەۋ - اشۋ جانە كاسىپ سالالاندىرۋ جۇيەسىن جەدەل قۇرۋ، مەملەكەتتىڭ ۆاكسينانى زاپاس ساقتاۋ ءتۇزىمىن ورناتىپ، جارىققا شىعۋى مۇمكىن بولعان ۇدايىلانعان ساقتانۋ - تىزگىندەۋ قىزمەتىنە جان - جاقتى دايىندىق جاساۋ كەرەك.
شي جينپيڭ بىلاي دەپ باسا دارىپتەدى: ۆيرۋستىڭ تەگىن تابۋ، سونداي - اق ونىڭ تارالۋ جولىن زەرتتەۋدى ءبىر تۇتاس جوسپارلاپ، ۆيرۋستىق بەلوك پەن تۇرلىشە قابىلداۋشىلاردىڭ بىرلەسۋ ەرەكشەلىگىنەن پايدالانىپ، كۇدىكتى حايۋاناتتاردىڭ ارالىق مەكەن بولۋ مۇمكىندىگىنە باعالاۋ جۇرگىزىپ، جاساندى زەردە، ۇلكەن ساندى مالىمەت سياقتى جاڭا تەحنيكالاردان پايدالانىپ، ەپيدەميولوگيالىق جانە تەگىن تەكسەرۋ جۇمىسىن ورىستەتىپ، اۋرۋدىڭ قايدان شىققانىن، قالاي تارالاتىنىن انىقتاپ، دالدىكتى جانە ەكشەپ تەكسەرۋ ونىمدىلىگىن جوعارىلاتۋ كەرەك.
شي جينپيڭ بىلاي دەپ اتاپ كورسەتتى: ناۋقاستاردىڭ پسيحيكالىق سالاماتتىعىنىڭ قالپىنا كەلۋى ءۇشىن بارىس كەرەك، ۇيلەرىندە اۋاشالانعان كوپتەگەن قاۋىمدا ۋاقىت ۇزارعان سوڭ ءار ءتۇرلى پسيحيكالىق ماسەلەلەر جارىققا شىعادى، اۋرۋدان قايتىس بولعانداردىڭ وتباسىنداعىلارعا دا پسيحيكالىق جەتەكتەۋ قاجەت. ولاردىڭ پسيحيكالىق سالاماتتىعىنا بارىنشا ءمان بەرىپ، ءار جاقتاعى كۇشتەردى اتتانىسقا كەلتىرىپ، پسيحيكالىق جەتەكتەۋ قىزمەتىن جاپپاي كۇشەيتۋ كەرەك.
شي جينپيڭ بىلاي دەپ باسا دارىپتەدى: اۋىر جۇقپالى اۋرۋلار مەن بيولوگيالىق حاۋىپسىزدىك قاتەرى − مەملەكەتتىڭ حاۋىپسىزدىگىنە، دامۋىنا ساياتىن، قوعامدىق كەلەلى جاعدايدىڭ ورنىقتىلىعىنا ساياتىن اۋىر حاۋىپ - قاتەر، سىن - سايىس. بيولوگيالىق حاۋىپسىزدىكتى مەملەكەتتىڭ جالپى تۇلعالىق حاۋىپسىزدىگىنىڭ ماڭىزدى قۇرامداس ءبولىمى ەتىپ، جاي كەزدەگى مەن شايقاس كەزىن ۇشتاستىرۋعا، الدىن الۋ مەن شۇعىل توتەپ بەرۋدى ۇشتاستىرۋعا، عىلمي زەرتتەۋ مەن قۇتقارۋ - ەمدەۋ، ساقتانۋ - تىزگىندەۋدى ۇشتاستىرۋعا تاباندى بولىپ، ىندەتتەن ساقتانۋ - تىزگىندەۋ مەن الەۋمەتتىك دەنساۋلىق ساقتاۋ جونىندەگى عىلمي زەرتتەۋدەن قامال الۋ جۇيەسى مەن قابىلەت قۇرىلىسىن كۇشەيتۋ كەرەك. ءار جاقتاعى عىلمي زەرتتەۋ كۇشتەرىن ءبىر تۇتاس جوسپارلاپ، جۇيەلىلەنگەن قارسى تۇرۋ قابىلەتى مەن ورەسىن ءوسىرۋ كەرەك. ستراتەگيالىق جوبالاۋ مەن كورەگەندىك ورنالاستىرۋدى كۇشەيتىپ، ىندەتتەن ساقتانۋ - تىزگىندەۋ بويىنشا الدىن الا ساقتاندىرۋ، بولجاۋ مەحانيزمىن كەمەلدەندىرىپ، ينفورماتسيالاردى دەر كەزىندە ۇتىمدى تۇردە يەلەپ، توتەپ بەرۋ شاراسىن دەر كەزىندە قولدانۋ كەرەك. ىندەت ءورشىپ شۇعىل جاعدايعا كوشكەننەن كەيىنگى عىلمي زەرتتەۋدەن قامال الۋ سياقتى جاقتارداعى قولباسشىلىق ەتۋ، ارەكەتتەنۋ، قامتاماسىزداندىرۋ جۇيەسىن ورناتۋدى زەرتتەپ، شۇعىل توتەپ بەرۋ ارەكەت باعدارناماسىن جايشىلىقتا ويداعىداي دايىنداپ، شۇعىل جاعدايدا جەدەل ىسكە قوسۋ كەرەك.
شي جينپيڭ بىلاي دەپ اتاپ كورسەتتى: ءومىردىڭ حاۋىپسىزدىگى مەن بيولوگيالىق حاۋىپسىزدىك سالاسىنداعى كەلەلى عىلىم - تەحنيكالىق تابىستارى دا مەملەكەتتىڭ باعالى دۇنيەسى، ىندەتتەن ساقتانۋ - تىزگىندەۋ جانە الەۋمەتتىك دەنساۋلىق ساقتاۋ جاعىنداعى شۇعىل توتەپ بەرۋ جۇيەسى − مەملەكەتتىڭ ستراتەگيالىق جۇيەسىنىڭ ماڭىزدى قۇرامداس ءبولىمى. وزەكتى تەحنيكالاردان قامال الۋداعى جاڭاشا بۇكىل ەلدىك جۇيەنى كەمەلدەندىرىپ، حالىقتىڭ سالاماتتىعى، بيولوگيالىق حاۋىپسىزدىك سياقتى سالالارداعى عىلمي زەرتتەۋ كۇشتەرىنىڭ ورنالاسۋىن جەدەل ىلگەرىلەتىپ، تىرشىلىك عىلىمى، بيوتەحنيكا، ءدارى - دارمەك، دەنساۋلىق ساقتاۋ، ەمدەۋ جابدىقتارى سياقتى سالالارداعى مەملەكەتتىڭ ءتۇيىندى عىلمي زەرتتەۋ جۇيەسىن بىرىكتىرىپ، مەملەكەتتىك كلينيكالىق مەديتسينا زەرتتەۋ ورتالىقتارىنان ءبىر توبىن ورنالاستىرىپ، دەنساۋلىق ساقتاۋ، سالاماتتىق سالاسىنا عىلىم - تەحنيكالىق ۇسىنىلىمدى ارتتىرىپ، تىرشىلىك عىلىمى سالاسىنداعى نەگىزدىك زەرتتەۋ مەن ەمدەۋ سالاماتتىق شەشۋشى وزەكتى تەحنيكالارىنان قامال الۋدى كۇشەيتىپ، ىندەتتەن ساقتانۋ - تىزگىندەۋ جانە الەۋمەتتىك دەنساۋلىق ساقتاۋ سالاسىنداعى ستراتەگيالىق عىلىم - تەحنيكالىق كۇشتەر مەن ستراتەگيالىق قوردىڭ قابىلەتىن جەدەل جوعارىلاتۋ كەرەك. ەلىمىزدىڭ وزىق ەمدەۋ جابدىقتارى جاعىنداعى ولقىلىقتارىن جەدەل تولىقتىرىپ، شەشۋشى وزەكتى تەحنيكالاردان قامال الۋدى جەدەلدەتىپ، تەحنيكامەن جابدىقتاۋداعى بوگەتتەردى بۇزىپ، وزىق ەمدەۋ جابدىقتارىن دەربەس مەڭگەرۋدى جۇزەگە اسىرۋ كەرەك.
شي جينپيڭ بىلاي دەپ باسا دارىپتەدى: وتانشىلدىق تازالىق قيمىلىن ورىستەتۋگە تاباندى بولىپ، قونىس ورتاسىن جاقسارتۋ، ازىقتانۋ ادەتى، قوعامدىق پسيحيكالىق اقاۋسىزدىق، الەۋمەتتىك دەنساۋلىق ساقتاۋ قۇرىلعىلارى سياقتى كوپ جاقتاردان قىزمەت ورىستەتىپ، اسىرەسە، جابايى جانۋارلاردى جەۋ سىندى سولەكەت ادەتتەردى باتىل تيىپ، وركەنيەتتى، اقاۋسىز، جاسىل، قورشاعان ورتاعا زيان كەلتىرمەيتىن تۇرمىس ءتاسىلىن دارىپتەۋ كەرەك.
شي جينپيڭ بىلاي دەپ اتاپ كورسەتتى: الەۋمەتتىك دەنساۋلىق ساقتاۋ حاۋىپسىزدىگى − ادامزات ءدوپ كەلىپ وتىرعان ورتاق سىن - سايىس، ءار ەلدىڭ قول ۇستاسا توتەپ بەرۋىن قاجەت ەتەدى. قازىرگى تاڭدا جاڭا تيپتى ايدارشا ۆيرۋس وكپە قابىنۋ ىندەتى كوپتەگەن ەلدە جارىققا شىقتى، دۇنيە جۇزىلىك دەنساۋلىق ساقتاۋ ۇيىمىمەن بايلانىستى، اۋىس - كۇيىستى، قاتىستى مەملەكەتتەرمەن، اسىرەسە، ىندەت ورشىگەن مەملەكەتتەرمەن ىندەت تەگىن تابۋ، ءدارى، ۆاكسينا، تەكسەرۋ جاقتارىنداعى عىلمي زەرتتەۋ سەلبەستىگىن كۇشەيتىپ، عىلمي زەرتتەۋ ساندى مالىمەتتەرى مەن ينفورماتسيالارىن ورتاقتاسىپ، توتەپ بەرۋ امالىن بىرگە زەرتتەپ العا قويىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە اقىل - پاراسات جانە كۇش قوسۋ كەرەك.
ديڭ شۋەشياڭ، ليۋ حى، شۇي چيلياڭ، جاڭ يوۋشيا، ساي چي، شياۋ جيە جانە عىلىم - تەحنيكا مينيسترلىگىندەگى، مەملەكەتتىك دەنساۋلىق ساقتاۋ، سالاماتتىق كوميتەتىندەگى جاۋاپتى جولداستار قاتىستى قيمىلدارعا قاتىناستى.
