«ىزدەنۋ» جۋرنالى باس شۋجي شي جينپيڭنىڭ ماڭىزدى ماقالاسىن جاريالايدى
زاڭ بويىنشا ساقتانۋ - تىزگىندەۋ، زاڭ بويىنشا جونگە سالۋ قابىلەتىن جاپپاي جوعارىلاتىپ، مەملەكەتتىڭ الەۋمەتتىك دەنساۋلىق ساقتاۋ شۇعىل جاعدايعا توتەپ بەرۋ - باسقارۋ جۇيەسىن اقاۋسىزداندىرۋ كەرەك
3 - ايدىڭ 1 - كۇنى باسپادان شىعاتىن «ىزدەنۋ» جۋرنالىنىڭ 5 - سانى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «زاڭ بويىنشا ساقتانۋ - تىزگىندەۋ، زاڭ بويىنشا جونگە سالۋ قابىلەتىن جاپپاي جوعارىلاتىپ، مەملەكەتتىڭ الەۋمەتتىك دەنساۋلىق ساقتاۋ شۇعىل جاعدايعا توتەپ بەرۋ - باسقارۋ جۇيەسىن اقاۋسىزداندىرۋ كەرەك» اتتى ماڭىزدى ماقالاسىن جاريالايدى.
ماقالادا بىلاي دەپ اتاپ كورسەتىلدى: حالىق بۇقاراسىنىڭ ءومىرىنىڭ حاۋىپسىزدىگىنە جانە دەنساۋلىعىنا شىنايى كەپىلدىك ەتۋ − پارتيامىزدىڭ ەل باسقارۋداعى كەلەلى مىندەتتەرىنىڭ ءبىرى. حالىق بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن قاشاندا ءبىرىنشى ورىنعا قويىپ، زاڭ شىعارۋ، زاڭ اتقارۋ، ءادىليا، زاڭعا بويسۇنۋ بۋىندارىنان كۇش جۇمساپ، زاڭ بويىنشا ساقتانۋ - تىزگىندەۋدى، عىلمي ساقتانۋ - تىزگىندەۋدى، بىرلەسىپ ساقتانۋدى، بىرلەسىپ تىزگىندەۋدى شىنايى ىلگەرىلەتۋ كەرەك. قازىرگى جاعدايدى تياناق ەتىپ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە عىلمي، دالمە - ءدال قول جەتكىزۋمەن بىرگە، الىس بولاشاقتى كوزدەپ، تاجىريبە قورىتىندىلاپ، ساباق الىپ، وسى رەتكى ىندەتتە بايقالعان ولقىلىقتار مەن جەتەرسىزدىكتەرگە مەڭزەس، ولقىلىقتاردى جەدەل تولىقتاۋ، ساڭلاۋلاردى بىتەۋ، ءالسىز بۋىنداردى كۇشەيتۋ، ەلەۋلى ىندەتتەن ساقتانۋ - تىزگىندەۋ ءتۇزىلىس - مەحانيزمىن كەمەلدەندىرىپ، مەملەكەتتىڭ الەۋمەتتىك دەنساۋلىق ساقتاۋ شۇعىل جاعدايعا توتەپ بەرۋ - باسقارۋ جۇيەسىن اقاۋسىزداندىرۋ كەرەك.
ماقالادا بىلاي دەپ اتاپ كورسەتىلدى: قازىر ىندەتتەن ساقتانۋ - تىزگىندەۋ شەشۋشى كەزەڭدە تۇر، زاڭ بويىنشا عىلمي، ءتارتىپتى ساقتانۋ - تىزگىندەۋ اسا ماڭىزدى. ىندەتتەن ساقتانۋ - تىزگىندەۋ نەعۇرلىم ماشاقاتتى كەزگە جەتكەن سايىن، زاڭ بويىنشا ساقتانۋ - تىزگىندەۋگە سولعۇرلىم تاباندى بولىپ، زاڭمەن جونگە سالۋ ارناسىندا ءتۇرلى ساقتانۋ - تىزگىندەۋ قىزمەتتەرىن ءبىر تۇتاس جوسپارلاپ ىلگەرىلەتىپ، زاڭ بويىنشا ساقتانۋ - تىزگىندەۋ، زاڭ بويىنشا جونگە سالۋ قابىلەتىن جاپپاي جوعارىلاتىپ، ىندەتتەن ساقتانۋ - تىزگىندەۋ قىزمەتىنىڭ ءساتتى ورىستەتىلۋىن قامتاماسىز ەتىپ، قوعامنىڭ جالپى جاعدايىنىڭ ورنىقتىلىعىن قورعاۋ كەرەك. ءار دارەجەلى پارتكوم مەن ۇكىمەت قىزمەت جاۋاپكەرشىلىگىن جاپپاي زاڭ بويىنشا وتەپ، زاڭمەن جونگە سالۋ ويىن جانە زاڭمەن جونگە سالۋ ءتاسىلىن قولدانىپ، ىندەتتەن ساقتانۋ - تىزگىندەۋ قىزمەتىن ورىستەتۋگە تاباندى بولىپ، ەلەۋلى توسىن وقيعالاردى ءبىر جاقتى ەتۋ بارىسىندا زاڭمەن جونگە سالىناتىن ۇكىمەت قۇرىلىسىن ىلگەرىلەتىپ، زاڭ بويىنشا بيلىك جۇرگىزۋ، زاڭ بويىنشا اكىمشىلىك جۇرگىزۋ دەڭگەيىن جوعارىلاتۋ كەرەك.
ماقالادا بىلاي دەپ اتاپ كورسەتىلدى: الەۋمەتتىك دەنساۋلىق ساقتاۋدى زاڭمەن جونگە سالۋ ارقىلى قامتاماسىز ەتۋدى كۇشەيتۋ كەرەك. الەۋمەتتىك دەنساۋلىق ساقتاۋ سالاسىنداعى قاتىستى زاڭ، زاڭ ەرەجە قۇرىلىسىن جاپپاي كۇشەيتىپ جانە كەمەلدەندىرىپ، جۇقپالى اۋرۋلاردان ساقتانۋ جانە ەمدەۋ زاڭى، جابايى حايۋاناتتاردى قورعاۋ زاڭى سياقتى زاڭدار مەن زاڭ ەرەجەلەرگە وزگەرىس ەنگىزۋدى جانە ونى كەمەلدەندىرۋدى مۇقيات ساراپتاۋ كەرەك. ءسوزسىز، حالىقتىڭ دەنساۋلىعىن قورعاۋ، مەملەكەتتىڭ حاۋىپسىزدىگىن قامتاماسىز ەتۋ، مەملەكەتتىڭ باياندى تىنىشتىعىن ساقتاۋ دەڭگەيىندە تۇرىپ، بيولوگيالىق حاۋىپسىزدىكتى مەملەكەتتىڭ حاۋىپسىزدىك جۇيەسىنە ەنگىزىپ، مەملەكەتتىڭ بيولوگيالىق حاۋىپسىزدىك حاۋىپ - قاتەرلەرىنەن ساقتانۋ - تىزگىندەۋ جانە ونى جونگە سالۋ جۇيەسى قۇرىلىسىن جۇيەلى جوسپارلاپ، مەملەكەتتىڭ بيولوگيالىق حاۋىپسىزدىكتى جونگە سالۋ قابىلەتىن جاپپاي جوعارىلاتۋ كەرەك. بيولوگيالىق حاۋىپسىزدىك زاڭىن شىعارۋدى جەدەل ىلگەرىلەتىپ، مەملەكەتتىڭ بيولوگيالىق حاۋىپسىزدىك زاڭ، زاڭ ەرەجەلەر جۇيەسىن، تۇزىمدىك قامتاماسىز ەتۋ جۇيەسىن جەدەل ورناتۋ كەرەك.
ماقالادا بىلاي دەپ اتاپ كورسەتىلدى: ىندەتتەن ساقتانۋ - تىزگىندەۋ جۇيەسىنە رەفورما جاساۋ جانە ونى كەمەلدەندىرۋ كەرەك. ساقتانۋدى نەگىز ەتكەن دەنساۋلىق ساقتاۋ جانە سالاماتتىق قىزمەت باعىتىن باتىل دايەكتىلەندىرىپ، ۇنەمىلىك دايىندىقتى بوساڭسىتپاۋعا تاباندى بولىپ، ساقتانۋ جۇمىسىنىڭ وتكەلىن العا جىلجىتىپ، كىشى - گىرىم اۋرۋلاردىڭ ۇلكەن ىندەتكە اپارىپ سوعۋىنان ساقتانۋ كەرەك. الەۋمەتتىك دەنساۋلىق ساقتاۋدان قىزمەت وتەۋ جۇيەسىن اقاۋسىزداندىرۋ كەرەك. الەۋمەتتىك دەنساۋلىق ساقتاۋ قوسىنى قۇرىلىسىن كۇشەيتۋ كەرەك. امبەباپ شيپاگەرلەردى باۋلۋ، دارەجە بويىنشا دياگنوز قويۋ جانە ەمدەۋ سياقتى ءتۇزىم قۇرىلىستارىن ۇزدىكسىز كۇشەيتۋ كەرەك. حاۋىپ - قاتەر تانىمىن كۇشەيتىپ، الەۋمەتتىك دەنساۋلىق ساقتاۋعا قاتىستى ەلەۋلى حاۋىپ - قاتەرلەر بويىنشا تۇجىرىمداۋ، ساراپتاۋ، شەشىم قابىلداۋ، ساقتانۋ مەن تىزگىندەۋدى سايكەستىرۋ مەحانيزمىن كەمەلدەندىرۋ كەرەك.
ماقالادا بىلاي دەپ اتاپ كورسەتىلدى: ەلەۋلى ىندەتتەن ساقتانۋ - تىزگىندەۋ، قۇتقارۋ - ەمدەۋ جۇيەسىنە رەفورما جاساۋ جانە ونى كەمەلدەندىرۋ كەرەك. ەلەۋلى ىندەتكە شۇعىل توتەپ بەرۋ اتتانىسقا كەلۋ مەحانيزمىن اقاۋسىزداندىرىپ، ورتالىقتانعان، ءبىر تۇتاس، جوعارى ءونىمدى باسشىلىق - قولباسشىلىق جۇيەسىن ورناتۋ كەرەك. عىلمي زەرتتەۋدى، ىندەتتى تىزگىندەۋدى، كلينيكالىق ەمدەۋدى ءونىمدى سايكەستىرۋ مەحانيزمىن اقاۋسىزداندىرىپ، توسىن تۋىلعان ەلەۋلى، ەرەكشە، ۇلكەن ىندەتتەن ساقتانۋ - تىزگىندەۋ ولشەمىن جانە شۇعىل توتەپ بەرىپ قۇتقارۋ - ەمدەۋ، باسقارۋ ءادىسىن كەمەلدەندىرۋ كەرەك. ەلەۋلى ىندەتتەن قۇتقارۋ - ەمدەۋ جۇيەسىن اقاۋسىزداندىرىپ، ساپالىلاندىرىپ، جۇقپالى اۋرۋلار سياقتى ەلەۋلى ىندەتتەن قۇتقارۋ - ەمدەۋدىڭ دارەجەگە، ساتىعا، ارناعا بولىنگەن مەحانيزمىن ورناتۋ، اقاۋسىزداندىرۋ كەرەك. ءىرى ساندى مالىمەت، جاساندى زەردە، بۇلتتىق ەسەپتەۋ سياقتى سيفرلى تەحنيكالاردان پايدالانۋعا ىنتالاندىرىپ، ىندەت جاعدايىن باقىلاۋ، ولشەۋ، تالداۋ، ۆيرۋستىڭ كەلۋ تەگىن انىقتاۋ، ساقتانۋ - تىزگىندەۋ جانە قۇتقارۋ - ەمدەۋ، بايلىق سەپتەۋ سياقتى جاقتاردا تىرەكتىك رولىن اناعۇرلىم ويداعىداي ساۋلەلەندىرۋ كەرەك.
ماقالادا بىلاي دەپ اتاپ كورسەتىلدى: ەلەۋلى اۋرۋلاردى ەمدەۋ قامسىزداندىرۋى جانە قۇتقارۋ - كومەكتەسۋ ءتۇزىمىن اقاۋسىزداندىرۋ كەرەك. شۇعىل جاعدايداعى مەديتسينالىق قۇتقارۋ - كومەكتەسۋ مەحانيزمىن كەمەلدەندىرىپ، توسىن تۋىلعان ىندەت سياقتى شۇعىل جاعدايدا، ەمدەۋ قۇرىلىمدارىنىڭ الدىمەن قۇتقارىپ - ەمدەپ، سوڭىنان اقى الۋىنا شىنايى كەپىلدىك ەتۋ، سونداي - اق ەمدەۋ قامسىزداندىرۋىمەن باسقا جەردە قولما - قول ەسەپ جابۋ ءتۇزىمىن كەمەلدەندىرۋ كەرەك. ەرەكشە شوعىر - توپتاردىڭ، ارنايى بەلگىلەنگەن اۋرۋلاردىڭ ەمدەۋ جانە ءدارى - دارمەك اقىسىن كەشىرۋ ءتۇزىمىن ورناتۋ جونىندە ىزدەنىس جاساۋ كەرەك. نەگىزگى ەمدەۋ قامسىزداندىرۋ قورى مەن الەۋمەتتىك دەنساۋلىق ساقتاۋدان قىزمەت وتەۋ قارجىسىنان پايدالانۋدى ءبىر تۇتاس جوسپارلاپ، الەۋمەتتىك دەنساۋلىق ساقتاۋعا قىزمەت وتەۋ مەن ەمدەۋدەن قىزمەت وتەۋدىڭ ءونىمدى ۇشتاسۋىن جۇزەگە اسىرۋ كەرەك.
ماقالادا بىلاي دەپ اتاپ كورسەتىلدى: شۇعىل جاعدايعا توتەپ بەرۋ زاتتىق ماتەريالىمەن قامتاماسىز ەتۋ ءبىر تۇتاس جۇيەسىن اقاۋسىزداندىرۋ كەرەك. شۇعىل جاعدايعا توتەپ بەرۋ زاتتىق ماتەريالىمەن قامتاماسىز ەتۋدى مەملەكەتتىڭ شۇعىل جاعدايعا توتەپ بەرۋ، باسقارۋ جۇيەسى قۇرىلىسىنىڭ ماڭىزدى مازمۇنى ەتىپ، قاتىستى قىزمەت مەحانيزمدەرى مەن شۇعىل جاعدايعا توتەپ بەرۋ جوبالارىن جەدەل اقاۋسىزداندىرۋ كەرەك. شۇعىل جاعدايعا توتەپ بەرۋ ماڭىزدى زاتتىق ماتەريالداردىڭ وندىرىستىك قۋاتىنىڭ قامتاماسىز ەتىلۋىن جانە وڭىرلىك ورنالاسۋىن ساپالىلاندىرىپ، شەشۋشى ساتتە سەپتەپ بەرە الۋدى، ىستەتە الۋدى ورىنداۋ كەرەك. مەملەكەتتىڭ زاپاس ساقتاۋ جۇيەسىن اقاۋسىزداندىرۋ كەرەك. مەملەكەت بويىنشا شۇعىل جاعدايعا توتەپ بەرۋ زاتتىق ماتەريالدارىن ساتىپ الۋ - قامداۋ ءبىر تۇتاس جۇيەسىن ورناتىپ، شۇعىل جاعدايعا توتەپ بەرۋ زاتتىق ماتەريالىمەن قامداۋ تورىنىڭ اناعۇرلىم جوعارى ءونىمدى، حاۋىپسىز، مەڭگەرىمدى بولۋىن ىلگەرىلەتۋ كەرەك.
