1. اعىمداعى ورىن:
  2. باس بەت
  3. اعىم جاڭالىقتارى
  4. باس حابار
  5. زاڭ - ەرەجە

شي جينپيڭ موڭعۇليانىڭ زۇڭتۇڭى باتتۇلعامەن كەڭەس وتكىزدى

日期:2020年02月29日
来源:新疆日报
【字体:

شي جينپيڭ موڭعۇليانىڭ زۇڭتۇڭى باتتۇلعامەن كەڭەس وتكىزدى

 مەملەكەت ءتوراعاسى شي جينپيڭ 2 - ايدىڭ 27 - كۇنى حالىق سارايىندا موڭعۇليانىڭ زۇڭتۇڭى باتتۇلعامەن كەڭەس وتكىزدى.

شي جينپيڭ باتتۇلعا زۇڭتۇڭنىڭ موڭعۇليانىڭ ءداستۇرلى مەرەكەسى ساعان مەرەكەسى دەمالىسىنان كەيىنگى ءبىرىنشى كۇنى جۇڭگوعا ساپارلاي كەلگەندىگىن قارسى الدى ءارى موڭعۇليا حالقىنا مەرەكەلىك سالەم جولدادى. شي جينپيڭ بىلاي دەپ اتاپ كورسەتتى: كەزەكتە جۇڭگو ۇكىمەتى مەن جۇڭگو حالقى جاڭا تيپتى ايدارشا ۆيرۋس وكپە قابىنۋ ىندەتىنە بار كۇشپەن قارسى اتتانۋدا، وسى بارىستا موڭعۇليا ۇكىمەتى مەن حالقىنىڭ قىمباتتى قولداۋى مەن كومەگىنە يە بولدى. زۇڭتۇڭ مىرزا ىندەت تۋىلعاننان كەيىن جۇڭگوعا ساپارلاي كەلگەن تۇڭعىش شەتەل مەملەكەت باسشىسى رەتىندە، ارنايى جۇڭگوعا كەلىپ حال سۇرادى جانە قولداۋ كورسەتتى، بۇل زۇڭتۇڭ مىرزانىڭ جانە موڭعۇليا جاقتىڭ جۇڭگو مەن موڭعۇليا قارىم - قاتىناسىنا وسكەلەڭ ءمان بەرەتىندىگىن جانە جۇڭگو حالقىنا دەگەن تەرەڭ دوستىق سۇيىسپەنشىلىگىن تولىق ايگىلەدى، جۇڭگو مەن موڭعۇليا ەكى كورشى ەلدىڭ ءوزارا قارايلاساتىندىعىن، قيىندىقتى بىلەك بىرىكتىرە جەڭەتىندىگىن جاندى بەينەلەدى، مەن مۇنى القايمىن.

شي جينپيڭ بىلاي دەپ باسا دارىپتەدى: جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان بەرى، جۇڭگو پارتياسى مەن ۇكىمەتى وسكەلەڭ ءمان بەرىپ، بۇكىل ەل بولىپ جۇمىلىپ، دەرەۋ ەڭ جان - جاقتى، ەڭ قاتاڭ، ەڭ تۇبەگەيلى ساقتانۋ - تىزگىندەۋ شارالارىن قولداندى. ءبىز ورتالىق ىندەتكە توتەپ بەرۋ قىزمەتى باسشىلىق گرۋپپاسىن قۇرىپ، حۋبەيعا ورتالىقتىڭ جەتەكشىلىك ەتۋ گرۋپپاسىن جىبەرىپ، ءبىر تۇتاس قولباسشىلىق ەتىپ، ءبىر تۇتاس سايكەستىرىپ، ءبىر تۇتاس ورنالاستىرىپ، بۇيرىقتى بۇلجىتپاي اتقارۋدى ورىندادىق. بۇكىل جۇڭگو حالقىنىڭ ىنتىماقتاسا ەرلىكپەن كۇرەس جاساۋىنىڭ ارقاسىندا ىندەتتەن ساقتانۋ - تىزگىندەۋ جاعدايى ءتيىمدى جاققا قاراي جاقسارۋ بەتالىسى كەڭەيۋدە. وسى جولعى ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە جەتۋگە تولىق سەنىمىمىز، قابىلەتىمىز، قارىمىمىز بار.

شي جينپيڭ بىلاي دەپ اتاپ كورسەتتى: جۇڭگو جاق ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋدى ءبىر تۇتاس جوسپارلاۋعا تاباندى بولىپ، ىندەتتىڭ ىقپالىن ەڭ تومەنگى دەڭگەيگە تۇسىرۋگە قۇلشىنادى. ءبىز ۇقساماعان وڭىرلەردىڭ ىندەت حاۋىپ - قاتەرى مەن ساقتانۋ - تىزگىندەۋ جاعدايىنا نەگىزدەلە وتىرىپ، وڭىرگە، دارەجەگە ءبولىپ جۇمىستى، ءوندىرىستى دالمە - ءدال قالپىنا كەلتىرۋدى تياناقتاندىرىپ، كوكتەمگى اۋىل شارۋاشىلىق ءوندىرىسىن مىقتاپ يگەرىپ، نەگىزگى حالىق تۇرمىسىنا شىنايى كەپىلدىك ەتەمىز. جۇڭگو ەكونوميكاسىنىڭ توزىمدىلىگى كۇشتى، ىشكى سۇرانىس كەڭىستىگى كەڭ، كاسىپ سالاسى نەگىزى مىعىم، ءبىز بيىلعى ەكونوميكالىق، قوعامدىق دامۋ نىسانالارىن جۇزەگە اسىرۋعا، اسىرەسە، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزۋدىڭ، كەدەيلىكتەن ارىلتۋدان قامال الۋدىڭ شەشۋشى شايقاسىن جۇرگىزۋدىڭ ءتۇيىندى مىندەتتەرىن ويداعىداي يگەرۋگە كۇش سالامىز.

شي جينپيڭ بىلاي دەپ اتاپ كورسەتتى: جۇڭگو جاق ادامزاتتىڭ تاعدىرلاس ورتاق تۇلعاسى ۇستانىمىنان جازباي، ءوز ەلى حالقىنىڭ ءومىرىنىڭ حاۋىپسىزدىگى مەن دەنساۋلىعىنا جاۋاپتى بولىپ قالماستان، الەمنىڭ الەۋمەتتىك دەنساۋلىق ساقتاۋ ىستەرىنە دە بارىنشا جاۋاپتى بولدى. ءبىز اشىق، جاريا، جاۋاپكەرشىلىك ارقالاۋ پوزيتسياسىمەن ىندەتكە قارسى تۇرۋ حالىقارالىق سەلبەستىگىن بەلسەندى ورىستەتىپ، دۇنيە جۇزىلىك دەنساۋلىق ساقتاۋ ۇيىمنىڭ، سونداي - اق حالىقارالىق قوعامنىڭ وسكەلەڭ تۇراقتاندىرۋى مەن جاپپاي مويىنداۋىنا يە بولدىق. جۇڭگو جاق موڭعۇليانى قامتىعان ءار ەلمەن سەلبەستىكتى ۇزدىكسىز كۇشەيتىپ، ىندەتكە ءونىمدى تۇردە بىرگە توتەپ بەرىپ، ءوڭىردىڭ جانە الەمنىڭ الەۋمەتتىك دەنساۋلىق ساقتاۋ حاۋىپسىزدىگىن قورعايدى.

شي جينپيڭ بىلاي دەپ اتاپ كورسەتتى: جۇڭگو مەن موڭعۇليا تاۋ - سۋى جالعاسىپ جاتقان دوس كورشىلەر. جۇڭگو جاق جۇڭگو مەن موڭعۇليا قارىم - قاتىناسىن دامىتۋعا وسكەلەڭ ءمان بەرەدى، موڭعۇليانى باستان - اياق جۇڭگونىڭ توڭىرەكتىك ديپلوماتياسىنىڭ ماڭىزدى بەتالىسى ەتەدى. جۇڭگو جاق موڭعۇليا جاقپەن بىرگە، ساياسي ءوزارا سەنىمدىلىكتى بەكەمدەپ، ”ءبىر بەلدەۋ، ءبىر جولدى“ بىرگە قۇرۋ سەلبەستىگىن كۇشەيتىپ، تاعدىرلاس ورتاق تۇلعا قۇرۋدى بىرگە ىلگەرىلەتىپ، ەكى ەل حالقىنا اناعۇرلىم باقىت جاراتىپ، ءوڭىردىڭ بەيبىتشىلىگى، ورنىقتىلىعى، دامۋى ءۇشىن ۇلەس قوسۋدى قالايدى.

باتتۇلعا موڭعۇليا ۇكىمەتى جانە حالقى اتىنان جۇڭگو حالقىنىڭ جاڭا تيپتى ايدارشا ۆيرۋس وكپە قابىنۋ ىندەتىنە ۇشىراعاندىعى بايلانىسىمەن شىنايى حال سۇرادى، جۇڭگو جاقتىڭ ادامدى نەگىز ەتىپ، بىرلەسىپ ساقتانۋ، بىرلەسىپ تىزگىندەۋ مەحانيزمىن دەر كەزىندە ورناتىپ، بۇكىل ەل بولىپ جۇمىلىپ، ءبىر نيەتپەن ىنتىماقتاسىپ ىندەتكە توتەپ بەرگەندىگىنە ءارى بەلسەندى ونىمدىلىككە قول جەتكىزگەندىگىنە بارىنشا سۇيىنەتىندىگىن جانە القايتىندىعىن ءبىلدىردى. باتتۇلعا مىنالاردى ءبىلدىردى: موڭعۇليا مەن جۇڭگو جان - جاقتى ستراتەگيالىق سەرىكتەس، موڭعۇليا حالقى جۇڭگو حالقىنىڭ كەشىرمەسىن ءوز باسىنان وتكەرگەندەي سەزىنىپ وتىر، وسى ماشاقاتتى كەزدە جۇڭگو حالقىمەن قيىندىقتى بىلەك بىرىكتىرە جەڭۋدى قالايدى. موڭعۇليا جاق ەل ىشىندە ”ماڭگىلىك كورشى ەل، مەيىر جەتكىزىپ قولداۋ كورسەتەيىك“ ارەكەتىن باستاپ، جۇڭگو جاقتىڭ ىندەتكە قارسى تۇرۋىنا قولداۋ كورسەتۋ ءۇشىن جىلۋ جيناپ، موڭعۇليا قوعامىنداعى ءار سالانىڭ بەلسەندى ءۇن قوسۋىنا يە بولدى. موڭعۇليا جاق وسىدان بۇرىن جۇڭگو جاققا بەرگەن جىلۋ اقشاسى نەگىزىندە، جۇڭگو جاققا تاعى 30 مىڭ قوي بەرىپ، موڭعۇليا حالقىنىڭ كوڭىلىن بىلدىرەدى. ءتوراعا شي جينپيڭنىڭ پارمەندى باسشىلىعىندا، جۇڭگو حالقىنىڭ ىندەتتى، ءسوزسىز، كۇنى بۇرىن تىزگىندەپ، قيىنشىلىقتى جەڭىپ، بەلگىلەگەن ەكونوميكالىق، قوعامدىق دامۋ نىسانالارىن ورىنداپ، ەل - جۇرتتىڭ بەيبىت تۇرمىس كەشىرۋىن جۇزەگە اسىراتىندىعىنا سەنەمىن. موڭعۇليا جاق جۇڭگو جاق تاباندى بولعان ەتەنە، ادال، ءتيىمدى، باۋىرمال بولۋداي توڭىرەكتىك ديپلوماتيا باعىتىن وسكەلەڭ القايدى، باستان - اياق جۇڭگو جاقپەن تاتۋ كورشى، دوس بولاتىن جانە ءوزارا تيىمدىلىك جەتكىزىپ سەلبەسەتىن سەرىكتەستىك قارىم - قاتىناستى دامىتۋعا كۇش سالادى، جۇڭگو جاقپەن بىرگە ساياسي ءوزارا سەنىمدىلىكتى جانە ءوزارا قولداۋدى ۇزدىكسىز تەرەڭدەتىپ، ءتۇرلى سالاداعى سەلبەستىكتى كۇشەيتىپ، ەكى جاقتى قارىم - قاتىناستىڭ اناعۇرلىم زور دامۋىن ىلگەرىلەتۋدى قالايدى.

كەڭەستەن كەيىن، باتتۇلعا تاعى شي جينپيڭگە موڭعۇليا جاقتىڭ جۇڭگو جاققا تارتۋ ەتكەن 30 مىڭ قويدىڭ كۋالىگىن تابىس ەتتى.

ياڭ جيەچى، ۋاڭ ي، حى ليفىڭ قاتارلىلار كەڭەسكە قاتىناستى.