شي جينپيڭ يندونەزيانىڭ زۇڭتۇڭى جوكومەن جانە كاتاردىڭ ءامىرى تاميممەن جەكە - جەكە تەلەفوندا سويلەستى
مەملەكەت ءتوراعاسى شي جينپيڭ 2 - ايدىڭ 11 - كۇنى كەشتە ۇسىنىس بويىنشا يندونەزيانىڭ زۇڭتۇڭى جوكومەن تەلەفوندا سويلەستى.
شي جينپيڭ بىلاي دەپ اتاپ كورسەتتى: جۇڭگو قازىر جاڭا تيپتى ايدارشا ۆيرۋس وكپە قابىنۋ ىندەتىنە قارسى تۇرۋدىڭ ماڭىزدى ساتىندە تۇر، زۇڭتۇڭ مىرزانىڭ مەنىمەن تەلەفوندا سويلەسۋى يندونەزيانىڭ جان - جاقتى ستراتەگيالىق سەرىكتەس رەتىندە جۇڭگو جاققا دەگەن سۇيىسپەنشىلىگى مەن قولداۋىن ايگىلەيدى، يندونەزيالىق دوستاردىڭ جۇڭگوعا سەنگەنىنە جانە تۇسىنگەنىنە العىس ايتامىن. جۇڭگو مەن يندونەزيا ەكەۋى دە وركەندەپ كەلە جاتقان ءىرى ەلدەر، سوندىقتان ءىرى ەلدىك جاۋاپكەرشىلىكتى قول ۇستاسا ارقالاپ، اناعۇرلىم كوپ ىسكەرلىك كورسەتۋى كەرەك. جۇڭگو جاق يندونەزيامەن تاتۋ كورشىلىك دوستىق ءداستۇرىن ۇزدىكسىز ساۋلەلەندىرىپ، دامۋ ستراتەگيالارىنىڭ ءتۇيىلىسۋىن ۇزدىكسىز تەرەڭدەتىپ، ”ءبىر بەلدەۋ، ءبىر جول“دى بىرگە قۇرۋداعى جاكارتا - باندۇڭ جوعارى جىلدامدىقتى تەمىر جولى سياقتى ءتۇيىندى نىسانداردى ويداعىداي اتقارىپ، ەكى ەل حالقىنا اناعۇرلىم كوپ باقىت اكەلۋدى قالايدى.
شي جينپيڭ بىلاي دەپ باسا دارىپتەدى: جاڭا تيپتى ايدارشا ۆيرۋس وكپە قابىنۋ ىندەتىنە قارسى تۇرۋ − كەزەكتە جۇڭگو ۇكىمەتىنىڭ ماڭداي الدى ءىرى ءىسى. ءبىز ءتۇزىم ابزالدىلىعىن ساۋلەلەندىرىپ، ىندەتتەن ساقتانۋ - تىزگىندەۋدىڭ حالىقتىق سوعىسىن جۇرگىزىپ، ەڭ قاتاڭ، ەڭ تۇبەگەيلى ساقتانۋ - تىزگىندەۋ شاراسىن قولدانىپ، بەلسەندى ناتيجەلەرگە قول جەتكىزدىك. جۇڭحۋا ۇلتى تالاي ميحىناتتى باستان وتكەرگەن، قاجىماس قايسار ۇلت، قيىنشىلىق پەن سىن - سايىس قانشا زور بولعان سايىن، ۇيىسۋ قۋاتى مەن جاۋىنگەرلىك قۋاتى سونشا كۇشەيە تۇسەدى. ىندەتتى تۇبەگەيلى جەڭۋگە ءارى بەلگىلەنگەن ەكونوميكالىق، قوعامدىق دامۋ نىسانا - مىندەتتەرىن ورىنداۋعا قابىلەتىمىز جەتەدى، سەنىمىمىز كۇشتى، مۇمكىندىگىمىز زور. جۇڭگونىڭ وسى جولعى ىندەتتى جەڭگەن سوڭ اناعۇرلىم گۇلدەنىپ - كوركەيەتىندىگىنە سەنەمىن.
شي جينپيڭ بىلاي دەپ اتاپ كورسەتتى: ءبىزدىڭ ادامزاتتىڭ تاعدىرلاس ورتاق تۇلعاسى ۇستانىمىندا بەرىك تۇرۋىمىز ءوز ەلىمىز حالقىنىڭ ءومىرىنىڭ حاۋىپسىزدىگى مەن دەنساۋلىعىنا بولعان جاۋاپكەرلىگىمىز ءارى جەر شارىنىڭ الەۋمەتتىك دەنساۋلىق ىستەرى جونىنەن جاۋاپكەرشىلىكتى ادا ەتكەندىگىمىز بولىپ تابىلادى. جۇڭگو جاق ۇزدىكسىز اشىق، جاريا پوزيتسيامەن، يندونەزيانى قامتىعان ءار ەلمەن ساقتانۋ - تىزگىندەۋ سەلبەستىگىن كۇشەيتىپ، وڭىرلەردىڭ، جەر شارىنىڭ الەۋمەتتىك دەنساۋلىق ساقتاۋ حاۋىپسىزدىگىن قورعايدى. ءبىز سونداي - اق ءوز ەلىمىزدىڭ ازاماتتارىنا ماملە جاساعانداي، يندونەزيا مەن باسقا ەلدەردىڭ جۇڭگوداعى ازاماتتارىنا دا جالعاستى قارايلاسامىز.
شي جينپيڭ بىلاي دەپ باسا دارىپتەدى: باسقا قيىنشىلىق تۇسكەندە ناعىز سۇيىسپەنشىلىك بىلىنەدى. ىندەت تۋىلعاننان بەرى، يندونەزيانى قامتىعان توڭىرەكتەگى مەملەكەتتەر بىزگە ءار جاقتان قىمباتتى قولداۋ كورسەتىپ، كورشىلەر اراسىنداعى راقاتتا دا، ميحىناتتا دا بىرگە بولۋدى، ءبىر جاعادان باس، ءبىر جەڭنەن قول شىعارۋدى، ءوزارا قارايلاسۋدى ايگىلەدى. ءبىز وڭىردەگى مەملەكەتتەردىڭ ۇيلەسىمدى ساقتانۋ - تىزگىندەۋمەن قاتار، ەكى جاقتى بارىس - كەلىستى، سەلبەستىكتى قۇلشىنا قورعاۋىن ءۇمىت ەتەمىز، بۇل ەكى جاقتىڭ جانە وسى وڭىردەگى ءار ەلدىڭ ورتاق مۇددەسىنە ۇيلەسەدى.
جوكو جۇڭگو ۇكىمەتى مەن حالقىنىڭ جاڭا تيپتى ايدارشا ۆيرۋس وكپە قابىنۋ ىندەتىنە ۇشىراۋىنا بايلانىستى يندونەزيا ۇكىمەتى مەن حالقى اتىنان حال سۇرايتىندىعىن ءبىلدىردى. جوكو مىنالاردى ءبىلدىردى: وسى جولى جۇڭگو ىندەتكە قارسى تۇرعان قيىن ساتتە، يندونەزيا جۇڭگونىڭ ىزگى نيەتتى سەرىگى رەتىندە، باستان - اياق جۇڭگو حالقىمەن مىزعىماي بىرگە بولىپ، جۇڭگو حالقىمەن بىرگە قۇلشىنىپ، ىندەتتى قۇلشىنا تەز جەڭىپ شىعادى. يندونەزيا ۇكىمەتى جۇڭگو جاققا ءبىر توپ مەديتسينالىق قورعانۋ بۇيىمىن بەردى، ەگەر جۇڭگو جاق قاجەت ەتسە، يندونەزيا جۇڭگوعا ۇزدىكسىز تۇردە قاجەتتى كومەكتەر بەرۋگە دايىندالىپ وتىر. يندونەزيا جۇڭگو جاقپەن بىرگە قۇلشىنىپ، ”ءبىر بەلدەۋ، ءبىر جول“دى بىرگە قۇرۋدى ۇزدىكسىز ىلگەرىلەتۋدى قالايدى. وسى جولعى ىندەتتىڭ سىناعى ارقىلى يندونەزيانىڭ جۇڭگومەن دوستىعىنىڭ اناعۇرلىم تەرەڭدەپ، ەكى ەل قارىم - قاتىناسىنىڭ اناعۇرلىم تىڭ ساتىعا كوتەرىلەتىندىگىنە سەنەمىن.
شينحۋا اگەنتتىگىنىڭ 2 - ايدىڭ 11 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 2 - ايدىڭ 11 - كۇنى ۇسىنىس بويىنشا كاتاردىڭ ءامىرى تاميممەن تەلەفوندا سويلەستى.
شي جينپيڭ بىلاي دەپ اتاپ كورسەتتى: جۇڭگو جاڭا تيپتى ايدارشا ۆيرۋس وكپە قابىنۋ ىندەتىنە قارسى تۇرىپ جاتقان شەشۋشى ساتتە، كاتار جاق تالاي رەت جۇڭگو جاققا قولداۋ كورسەتتى ءارى كاتاردىڭ اۆياتسيا تورى ارقىلى جۇڭگو جاقتىڭ ىندەتكە قارسى زاتتىق ماتەريالداردى تاسۋىنا كومەكتەستى، جۇڭگو جاق بۇعان ەرەكشە العىس ايتادى جانە القايدى. سىننان وتكەن قيىن كەزدەگى شىنايى سۇيىسپەنشىلىك جۇڭگو حالقىن ەرەكشە تەبىرەنتتى. جۇڭگو جاق جۇڭگو - كاتار قارىم - قاتىناسىنىڭ دامۋىنا وسكەلەڭ ءمان بەرەدى، كاتار جاقپەن قول ۇستاسا قۇلشىنىپ، ءبىر - ءبىرىنىڭ وزەكتى مۇددەسى مەن ەلەۋلى ءجىتى قاداعالاپ وتىرعان ماسەلەلەرىندە ۇزدىكسىز ءوزارا قولداۋ كورسەتىپ، ەكى جاقتى قارىم - قاتىناستىڭ تىڭ ساتىعا كوتەرىلە بەرۋىن ىلگەرىلەتۋدى قالايدى.
شي جينپيڭ بىلاي دەپ باسا دارىپتەدى: ىندەت تۋىلعاننان بەرى، جۇڭگو بۇكىل ەل بولىپ ارەكەتتەنىپ، بار كۇشپەن توتەپ بەرىپ، ەڭ تۇبەگەيلى، ەڭ قاتاڭ ساقتانۋ - تىزگىندەۋ شاراسىن قولدانىپ، ىندەتتەن ساقتانۋ - تىزگىندەۋدىڭ حالىقتىق شايقاسىن جۇرگىزدى. قازىر ءبىزدىڭ ساقتانۋ - تىزگىندەۋ قىزمەتىمىزدە بەلسەندى ناتيجەلەرگە قول جەتۋدە. جۇڭگو حالقىنىڭ ءبىر نيەت، ءبىر تىلەكپەن كۇش - قۋاتتى شوعىرلاندىرا وتىرىپ ءىرى ءىس تىندىرۋداي ءتۇزىم ابزالدىلىعىنا، قۇدىرەتتى زاتتىق جانە تەحنيكالىق نەگىزگە، سونداي - اق باي امالياتتىق تاجىريبەگە سۇيەنە وتىرىپ، ءبىزدىڭ وسى جولعى ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە قول جەتكىزۋگە سەنىمىمىز كۇشتى، قابىلەتىمىز قاپتال، مۇمكىندىگىمىز زور.
شي جينپيڭ بىلاي دەپ باسا دارىپتەدى: جۇڭگو جاق جۇڭگو حالقىنىڭ ءومىرىنىڭ حاۋىپسىزدىگى مەن دەنساۋلىعىنا جاۋاپتى بولدى ءارى دۇنيە ءجۇزىنىڭ الەۋمەتتىك دەنساۋلىق ساقتاۋ حاۋىپسىزدىگىن قورعاۋعا دا بەلسەندى ۇلەس قوستى. جۇڭگو پارمەندى ساقتانۋ - تىزگىندەۋ شاراسىن قولدانعاندىقتان دا حالىقارادا كەڭ كولەمدە جايىلىپ ورشىگەن جوق. ءار ەلدىڭ دۇنيە جۇزىلىك دەنساۋلىق ساقتاۋ ۇيىمىنىڭ ساياحات جانە دەنساۋلىق ساقتاۋ جونىندەگى جەتەكشى پىكىرىن دەر كەزىندە ءتۇسىنۋىن جانە وعان بويسۇنۋىن ءۇمىت ەتەمىن. جۇڭگو جاق كاتار جاقپەن تىعىز تىلدەسۋدى ساقتاپ، ىندەتتىڭ ەڭ جاڭا جاعدايىن دەر كەزىندە حابارلاندىرىپ، جۇڭگوداعى كاتار ازاماتتارىنىڭ تۇرمىسى مەن سالاماتتىلىعىن قامتاماسىز ەتىپ، ەكى ەل حالقىنىڭ سالاماتتىق حاۋىپسىزدىگىن شىن مانىندە ويداعىداي قورعاۋدى قالايدى.
تاميم كاتار ۇكىمەتى مەن حالقى اتىنان، جۇڭگو ۇكىمەتى مەن حالقىنىڭ ىندەتكە قۇلشىنا قارسى تۇرعاندىعىن باتىل قولدايتىندىعىن ءبىلدىردى، باقىتقا قارسى اۋرۋدان قايتىس بولعاندارعا ازا ءبىلدىردى، ولاردىڭ وتباسىنداعىلاردان حال سۇرادى، ناۋقاستاردىڭ دەنساۋلىعىنىڭ تەزىرەك قالپىنا كەلۋىن تىلەدى. تاميم مىنالاردى ءبىلدىردى: كاتار جاق جۇڭگو جاقتىڭ پارمەندى شارا قولدانعاندىعىن بارىنشا القايدى، مەن جۇڭگو جاقتىڭ ىندەتتى تەزىرەك جەڭىپ، كوز الداعى قيىنشىلىقتاردى جەڭەتىندىگىنە قابىلەتىنىڭ، مۇمكىندىگىنىڭ بار ەكەندىگىنە تولىق سەنەمىن، جۇڭگونىڭ تابىسقا جەتۋىن تىلەيمىن. جۇڭگو حالقى كاتار حالقىنىڭ جاقسى دوسى، كاتار جاق جۇڭگو حالقىمەن باستان - اياق تاباندىلىقپەن ءبىر جاقتا تۇرادى، كاتار جاق دۇنيە جۇزىلىك دەنساۋلىق ساقتاۋ ۇيىمىنىڭ ۇسىنىسىنا قاتاڭ بويسۇنادى، مەن كاتاردىڭ دەنساۋلىق ساقتاۋ قۇرىلىمدارىنا جۇڭگو جاق پەن اۋىس - كۇيىستى، سەلبەستىكتى كۇشەيتۋگە نۇسقاۋ بەرەمىن. ەگەر جۇڭگو جاقتىڭ الدەقانداي قاجەتى بولسا، كاتار جاق جۇڭگو جاققا ۇزدىكسىز كومەك كورسەتۋگە قاشاندا دايىن تۇرادى. كاتار جاق جۇڭگو جاقپەن بىرگە قۇلشىنىپ، كاتار - جۇڭگو قارىم - قاتىناسىنىڭ اناعۇرلىم زور دامۋعا قول جەتكىزۋىن ىلگەرىلەتۋدى ءتورت كوزبەن كۇتەدى.
