شي جينپيڭ ورتالىق مەملەكەتتى جاپپاي زاڭمەن جونگە سالۋ كوميتەتىنىڭ 3 - رەتكى ءماجىلىسىن باسقارىپ اشىپ بىلاي دەپ باسا دارىپتەدى
زاڭ بويىنشا ساقتانۋ - تىزگىندەۋ، زاڭ بويىنشا جونگە سالۋ قابىلەتىن جاپپاي جوعارىلاتىپ، ىندەتتەن ساقتانۋ - تىزگىندەۋگە پارمەندى زاڭمەن جونگە سالۋ كەپىلدىگىن ازىرلەيىك
لي كىچياڭ، لي جانشۋ، ۋاڭ حۋنيڭ قاتىناستى
جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى، ورتالىق مەملەكەتتى جاپپاي زاڭمەن جونگە سالۋ كوميتەتىنىڭ مەڭگەرۋشىسى شي جينپيڭ 2 - ايدىڭ 5 - كۇنى تۇستەن كەيىن ورتالىق مەملەكەتتى جاپپاي زاڭمەن جونگە سالۋ كوميتەتىنىڭ 3 - رەتكى ءماجىلىسىن باسقارىپ اشتى ءارى ماڭىزدى ءسوز سويلەدى. ول بىلاي دەپ باسا دارىپتەدى: پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىندا، قاشاندا حالىق بۇقاراسىنىڭ ءومىرىنىڭ حاۋىپسىزدىگىن، دەنساۋلىعىن ءبىرىنشى ورىنعا قويىپ، زاڭ شىعارۋ، زاڭ اتقارۋ، ءادىليا، زاڭعا بويسۇنۋ بۋىندارىنان كۇش جۇمساپ، زاڭ بويىنشا ساقتانۋ - تىزگىندەۋ، زاڭ بويىنشا جونگە سالۋ قابىلەتىن جاپپاي جوعارىلاتىپ، ىندەتتەن ساقتانۋ - تىزگىندەۋ قىزمەتىنە پارمەندى زاڭمەن جونگە سالۋ كەپىلدىگىن ازىرلەۋ كەرەك.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرى، ورتالىق مەملەكەتتى جاپپاي زاڭمەن جونگە سالۋ كوميتەتىنىڭ ورىنباسار مەڭگەرۋشىلەرى لي كىچياڭ، لي جانشۋ، ۋاڭ حۋنيڭ ماجىلىسكە قاتىناستى.
ءماجىلىس «ورتالىق مەملەكەتتى جاپپاي زاڭمەن جونگە سالۋ كوميتەتىنىڭ جاڭا تيپتەگى ايدارشا ۆيرۋسپەن جۇعىمدالۋدان بولعان وكپە قابىنۋ ىندەتىنەن زاڭ بويىنشا ساقتانۋ - تىزگىندەۋ، حالىق بۇقاراسىنىڭ ءومىرىنىڭ، سالاماتتىعىنىڭ حاۋىپسىزدىگىن شىن مانىندە قامتاماسىز ەتۋ جونىندەگى پىكىرىن»، «ءادىليا جاۋاپكەرشىلىك ءتۇزىمىنىڭ كەشەندى سايكەستى رەفورماسىن تەرەڭدەتۋ جونىندەگى پىكىر»دى، «اۋىل - قىستاقتى زاڭمەن جونگە سالۋ قۇرىلىسىن كۇشەيتۋ جونىندەگى پىكىر»دى، «اكىمشىلىك قايتا قاراۋ ءتۇزىلىسى رەفورماسى جوباسىن» جانە شاڭحاي قالاسىنىڭ زاڭمەن جونگە سالىناتىن ساۋدا - شارۋاشىلىق ورتاسى قۇرىلىسىن ىلگەرىلەتۋ جاعدايى جونىندەگى باياندامانى، كەشەندى اكىمشىلىك زاڭ اتقارۋ ءتۇزىلىسى رەفورماسىن ىلگەرىلەتۋ جاعدايى جونىندەگى باياندامانى قاراپ ماقۇلدادى.
شي جينپيڭ سوزىندە بىلاي دەپ باسا دارىپتەدى: قازىر ىندەتتەن ساقتانۋ - تىزگىندەۋ شەشۋشى كەزەڭدە تۇر، زاڭ بويىنشا عىلمي جولمەن ءتارتىپتى تۇردە ساقتانۋ - تىزگىندەۋ اسا ماڭىزدى. ىندەتتەن ساقتانۋ - تىزگىندەۋ نەعۇرلىم ماشاقاتتى كەزەڭگە جەتكەن سايىن، زاڭ بويىنشا ساقتانۋ - تىزگىندەۋگە سولعۇرلىم تاباندى بولىپ، زاڭمەن جونگە سالۋ ارناسىندا ءار ءتۇرلى ساقتانۋ - تىزگىندەۋ قىزمەتتەرىن ءبىر تۇتاس ىلگەرىلەتىپ، ىندەتتەن ساقتانۋ - تىزگىندەۋ قىزمەتىنىڭ ءساتتى ورىستەتىلۋىن قامتاماسىز ەتۋ كەرەك.
شي جينپيڭ بىلاي دەپ اتاپ كورسەتتى: ىندەتتەن ساقتانۋ - تىزگىندەۋگە قاتىستى زاڭ شىعارۋدى كەمەلدەندىرىپ، سايكەستى ءتۇزىم قۇرىلىستارىن كۇشەيتىپ، جازالاۋ ءتارتىبىن كەمەلدەندىرىپ، الەۋمەتتىك حاۋىپسىزدىك قامتاماسىزداندىرۋىن كۇشەيتىپ، ىندەتتەن ساقتانۋ - تىزگىندەۋدىڭ جۇيەلى دە كەمەلدى، عىلمي دا ارناعا تۇسكەن، جۇمىس اينالىمى ءونىمدى زاڭ جۇيەسىن قۇرۋ كەرەك. ىندەتتەن ساقتانۋ - تىزگىندەۋ جانە شۇعىل جاعدايعا توتەپ بەرۋ، ءبىر جاقتى ەتۋ زاڭ، زاڭ ەرەجەلەرىن قاتاڭ اتقارىپ، حاۋىپ - قاتەردى باعالاۋدى كۇشەيتىپ، زاڭ بويىنشا بايسالدىلىقپەن شەشىم شىعارىپ، ساقتانۋ - تىزگىندەۋ شارالارىن قاتاڭ تۇردە زاڭ بويىنشا اتقارىپ، ىندەتتىڭ ورشۋىنەن باتىل ساقتانۋ كەرەك. ىندەتتەن ساقتانۋ - تىزگىندەۋگە زيان جەتكىزۋ ارەكەتتەرىنە قاراتا زاڭ اتقارۋ ءادىليا سەرپىنىن كۇشەيتىپ، جۇقپالى اۋرۋلاردان ساقتانۋ - تىزگىندەۋ زاڭى، سونداي - اق ونى اتقارۋ ەرەجەسى، جابايى حايۋاناتتاردى قورعاۋ زاڭى، حايۋاناتتاردى ىندەتتەن ساقتاۋ زاڭى، توسىن تۋىلعان الەۋمەتتىك دەنساۋلىق ساقتاۋ وقيعالارىنا شۇعىل توتەپ بەرۋ ەرەجەسى سياقتى زاڭداردى، زاڭ ەرەجەلەردى قاتاڭ اتقارىپ، ىندەتتەن ساقتانۋ - تىزگىندەۋ، سونداي - اق شۇعىل جاعدايعا توتەپ بەرۋ، ءبىر جاقتى ەتۋ شارالارىن زاڭ بويىنشا اتقارۋ كەرەك. قوعام اماندىعىن باسقارۋدى كۇشەيتۋ، بازار باقىلاۋ - باسقارۋ سياقتى زاڭ اتقارۋ قىزمەتتەرىن كۇشەيتىپ، ەمدەۋ قىزمەتكەرلەرىنە زورلىقتى كۇش جۇمساپ زاقىمداۋ، زيان كەلتىرۋ سىندى زاڭعا قايشى ارەكەتتەرگە سوققى بەرۋ سەرپىنىن كۇشەيتىپ، ىندەتتەن ساقتانۋ - تىزگىندەۋ بۇيىمدارى مەن حالىق تۇرمىسىنا قاجەتتى تاۋارلاردىڭ باعاسىن قىمباتتاتۋ سىندى ءار ءتۇرلى زاڭعا قايشى ارەكەتتەردى قاتاڭ تەكسەرىپ ءبىر جاقتى ەتىپ، ىندەتتەن ساقتانۋ - تىزگىندەۋگە قارسىلاسۋ، ەمدەۋ قىزمەتكەرلەرىنە زورلىقتى كۇش جۇمساپ زاقىمداۋ، جالعان - جارامسىز تاۋارلاردى ءوندىرۋ، ساتۋ، وسەك - اياڭ شىعارۋ، تاراتۋ سياقتى ىندەتتەن ساقتانۋ - تىزگىندەۋدى بۇلدىرەتىن زاڭعا قايشى قىلمىستىق ارەكەتتەرگە زاڭ بويىنشا قاتاڭ سوققى بەرىپ، قوعامنىڭ تىنىش، ءتارتىپتى بولۋىن قامتاماسىز ەتۋ كەرەك. جىلۋ اتاۋ، جىلۋ قابىلداۋ ارەكەتتەرىن زاڭ بويىنشا ارناعا ءتۇسىرىپ، جىلۋعا اتالعان قازىنا - مۇلىكتىڭ بارلىعىنىڭ دەر كەزىندە ىندەتتەن ساقتانۋ - تىزگىندەۋگە پايدالانىلۋىنا شىنايى كەپىلدىك ەتۋ كەرەك. ىندەت جاعدايىنان مالىمەت بەرۋ جانە جاريالاۋ قىزمەتىن زاڭ بويىنشا جاقسى ىستەپ، زاڭدا بەلگىلەنگەن مازمۇن، ءتارتىپ، ءتاسىل بويىنشا ىندەت ينفورماتسيالارىن ۋاقىت شەگى ىشىندە دەر كەزىندە ءدال مالىمدەۋ كەرەك. قاتىستى دەلولاردى قاراۋ قىزمەتىنە جەتەكشىلىكتى كۇشەيتىپ، دەر كەزىندە ءبىر جاقتى ەتىپ، تورەلىگىن ايتۋ، تالاس - تارتىستى توقتاتۋ كەرەك. ىندەتتەن ساقتانۋ - تىزگىندەۋدى زاڭمەن جونگە سالۋ ۇگىتىن جانە زاڭدىق قىزمەت وتەۋدى كۇشەيتىپ، نەگىزگى ساتىنى ىندەتتەن ساقتانۋ - تىزگىندەۋ بويىنشا زاڭ جالپىلاستىرۋ ۇگىتىن ورىستەتۋگە ۇيىمداستىرىپ، قالىڭ حالىق بۇقاراسىن زاڭمەن جونگە سالۋ تانىمىن كۇشەيتىپ، ىندەتتەن ساقتانۋ - تىزگىندەۋ قىزمەتىن زاڭ بويىنشا قولداۋعا جانە وعان سايكەسۋگە جەتەكتەۋ كەرەك. ىندەتتەن ساقتانۋ - تىزگىندەۋ زاڭدىق قىزمەت وتەۋىن كۇشەيتىپ، ىندەت كەزىندەگى قايشىلىق، داۋ - شارلاردى شەشۋدى كۇشەيتىپ، قيىنشىلىعى بار بۇقاراعا ءونىمدى زاڭدىق كومەك بەرۋ كەرەك.
شي جينپيڭ بىلاي دەپ باسا دارىپتەدى: ءار دارەجەلى پارتكوم مەن ۇكىمەت قىزمەت جاۋاپكەرشىلىگىن جاپپاي زاڭ بويىنشا وتەپ، زاڭمەن جونگە سالۋ ويىن جانە زاڭمەن جونگە سالۋ ءتاسىلىن قولدانىپ، ىندەتتەن ساقتانۋ - تىزگىندەۋ قىزمەتىن ورىستەتۋگە تاباندى بولىپ، ەلەۋلى توسىن وقيعالاردى ءبىر جاقتى ەتۋ بارىسىندا زاڭمەن جونگە سالىناتىن ۇكىمەت قۇرىلىسىن ىلگەرىلەتىپ، زاڭ بويىنشا بيلىك جۇرگىزۋ، زاڭ بويىنشا اكىمشىلىك جۇرگىزۋ دەڭگەيىن جوعارىلاتۋ كەرەك. قاتىستى تاراۋلار جاۋاپكەرشىلىكتى، جۇمىس ءبولىسىن ايقىنداپ، بەلسەندى ىرىقتى تۇردە مىندەت وتەپ، مىندەتتەردىڭ تياناقتاندىرىلۋىن ويداعىداي يگەرىپ، ىندەتتەن ساقتانۋ - تىزگىندەۋدىڭ زاڭمەن جونگە سالىنۋ دەڭگەيىن جوعارىلاتىپ، حالىق بۇقاراسىنىڭ ءومىرى مەن سالاماتتىعىنىڭ حاۋىپسىزدىگىن شىن مانىندە قامتاماسىز ەتۋ كەرەك.
ءماجىلىس مىنالاردى اتاپ كورسەتتى: ءادىليا جاۋاپكەرشىلىك ءتۇزىمى كەشەندى سايكەستى رەفورماسى − ءادىليا ءتۇزىلىسى رەفورماسىنىڭ ماڭىزدى مازمۇنى، ءادىليانىڭ ادىلدىگىنە، جوعارى ونىمدىلىگىنە، بەدەلىنە سايادى. رەفورما مىندەتتەرىنىڭ تياناقتانىپ ناتيجە بەرۋىن ويداعىداي يگەرىپ، ”قاراۋشىنىڭ تورەلىك ايتۋىنا، تورەلىك ايتۋشىنىڭ جاۋاپتى بولۋىنا“ شىن مانىندە مۇمكىندىك جاساپ، ءادىليانىڭ الەۋمەتتىك سەنىمدىلىگىن جوعارىلاتىپ، حالىق بۇقاراسىنىڭ ءاربىر ءادىليالىق دەلودان ادىلدىك پەن تۋراشىلدىقتى سەزىنۋىنە قۇلشىنا مۇمكىندىك جاساۋ كەرەك. زاڭمەن جونگە سالىناتىن اۋىل - قىستاق قۇرىلىسىن كۇشەيتۋ − اۋىل - قىستاقتى گۇلدەندىرۋ ستراتەگياسىن اتقارۋداعى، مەملەكەتتى جاپپاي زاڭمەن جونگە سالۋدى ىلگەرىلەتۋدەگى نەگىزدىك قىزمەت. اۋىل - قىستاقتاعى قالىڭ كادر - بۇقارانى ءىس بىتىرۋدە زاڭعا نەگىزدەلۋگە، ىسكە جولىققاندا زاڭمەن ساناسۋعا، ماسەلەنى شەشۋدە زاڭنان پايدالانۋعا، قايشىلىقتى شەشكەندە زاڭعا سۇيەنۋگە تاربيەلەپ، جەتەكتەپ، زاڭمەن جونگە سالىناتىن اۋىل - قىستاق قۇرىلىسىن بەلسەنە ىلگەرىلەتۋ كەرەك. اكىمشىلىك قايتا قاراۋ ءتۇزىلىسى رەفورماسى جوباسىن تياناقتاندىرىپ، اكىمشىلىك قايتا قاراۋ بايلىقتارىنىڭ جايعاستىرىلۋىن ساپالىلاندىرىپ، قاتىستى زاڭدار مەن زاڭ ەرەجەلەرگە وزگەرىس ەنگىزۋ قىزمەتىن ىلگەرىلەتىپ، اكىمشىلىك قايتا قاراۋدىڭ ادىلەتتى، جوعارى ءونىمدى بولۋ، حالىققا قولايلى بولۋ، حالىق ءۇشىن ىستەۋ سىندى تۇزىمدىك ابزالدىلىعىن جانە اكىمشىلىك تالاس - تارتىستاردى شەشۋدەگى نەگىزگى ارنالىق رولىن ساۋلەلەندىرۋ كەرەك.
ءماجىلىس مىنالاردى باسا دارىپتەدى: مەملەكەتتى جاپپاي زاڭمەن جونگە سالۋعا تاباندى بولۋ − جۇڭگوشا سوتسياليستىك مەملەكەت ءتۇزىمىنىڭ جانە مەملەكەتتى جونگە سالۋ جۇيەسىنىڭ كورنەكتى ابزالدىلىعى. جۇڭگوشا سوتسياليزم امالياتى العا قاراي ءبىر قادام ىلگەرىلەسە، زاڭمەن جونگە سالۋ قۇرىلىسى وعان ىلەسە ءبىر قادام ىلگەرىلەۋى كەرەك. ەلىمىزدىڭ سوتسياليستىك زاڭمەن جونگە سالۋىنا پارتيامىزدىڭ ەل باسقارۋىنىڭ نازاريالىق جەتىستىكتەرى مەن امالياتتىق تاجىريبەلەرى توپتالعان، تۇزىمدىك جونگە سالۋدىڭ ەڭ نەگىزگى، ەڭ ورنىقتى، ەڭ سەنىمدى كەپىلى. مەملەكەتتى جاپپاي زاڭمەن جونگە سالۋدى ىلگەرىلەتىپ، زاڭمەن جونگە سالۋدىڭ مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋداعى بەلسەندى رولىن ساۋلەلەندىرىپ، پارتيانىڭ مەملەكەتتى زاڭمەن جونگە سالۋ، زاڭ بويىنشا بيلىك جۇرگىزۋ قابىلەتىن جوعارىلاتىپ، حالىقتىڭ قوجايىندىعىن زاڭمەن جونگە سالۋمەن قامتاماسىز ەتىپ، جۇڭگوشا سوتسياليستىك زاڭمەن جونگە سالۋ جۇيەسىنە تاباندى بولىپ جانە ونى كەمەلدەندىرىپ، زاڭمەن جونگە سالۋدىڭ رەفورماعا، دامۋعا، ورنىقتىلىققا بولعان جەتەكتەۋ، ارناعا ءتۇسىرۋ، قامتاماسىز ەتۋ رولىن اناعۇرلىم ويداعىداي ساۋلەلەندىرىپ، جوعارى ساپالى زاڭمەن جونگە سالۋ قىزمەت قوسىنىن قۇرىپ، مەملەكەتتى جونگە سالۋدىڭ تۇزىمدەنۋىن، تارتىپتەنۋىن، ارناعا ءتۇسۋىن، زاڭمەن جونگە سالىنۋىن بىرتىندەپ جۇزەگە اسىرۋ كەرەك. جوعارى دەڭگەيلى جوبالاۋ مەن زاڭمەن جونگە سالۋدىڭ امالياتىن ۇشتاستىرۋعا تاباندى بولىپ، نەگىزگى زاڭنىڭ جاپپاي اتقارىلۋىنا كەپىلدىك ەتەتىن ءتۇزىلىس - مەحانيزمدى اقاۋسىزداندىرىپ، زاڭنىڭ اتقارىلۋىن باقىلاۋدى كۇشەيتىپ، قوعامدىق ادىلدىكتى، تۋراشىلدىقتى زاڭمەن جونگە سالۋمەن قامتاماسىز ەتۋ ءتۇزىمىن اقاۋسىزداندىرىپ، زاڭمەن جونگە سالۋدىڭ جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى جەبەۋ رولىن جوعارىلاتۋ كەرەك. ءار دارەجەلى باسشى كادرلار زاڭمەن جونگە سالۋ تانىمىن كۇشەيتىپ، باستاماشىلدىقپەن زاڭعا قۇرمەت ەتىپ، زاڭ ۇيرەنىپ، زاڭعا بويسۇنىپ، زاڭنان پايدالانىپ، ءتۇزىم اتقارۋدىڭ ۇلگىسى بولۋ كەرەك. جالپى حالىققا زاڭ جالپىلاستىرۋ قىزمەتىنىڭ سەرپىنىن كۇشەيتىپ، سوتسياليستىك زاڭمەن جونگە سالۋ رۋحىن اسقاقتاتىپ، جالپى حالىقتىڭ زاڭمەن جونگە سالۋ كوزقاراسىن كۇشەيتىپ، الەۋمەتتىك زاڭدىق قىزمەت وتەۋ جۇيەسىن كەمەلدەندىرىپ، مەملەكەتتى زاڭمەن جونگە سالۋدىڭ قوعامدىق نەگىزىن نىعايتۋ كەرەك. مەملەكەتتى زاڭمەن جونگە سالۋ مەن مەملەكەتتى ءمورال ارقىلى جونگە سالۋدى ۇشتاستىرۋعا تاباندى بولىپ، سوتسياليستىك وزەكتى قۇن كوزقاراسىن زاڭمەن جونگە سالۋ قۇرىلىسىنا توعىستىرىپ، تاماشا قوعامدىق سالت پەن قوعامدىق ءتارتىپتى قۇلشىنا قالىپتاستىرۋ كەرەك. حالىقارالىق زاڭمەن جونگە سالۋ سالاسىنداعى سەلبەستىكتى كۇشەيتىپ، ەلىمىزدىڭ زاڭ اۋماعىنان سىرت قولدانىلاتىن زاڭ جۇيەسى قۇرىلىسىن تەزدەتىپ، حالىقارالىق زاڭداردى زەرتتەۋ مەن قولدانۋدى كۇشەيتىپ، شەتەلدەرگە ساياتىن قىزمەتتەردىڭ زاڭمەن جونگە سالىنۋ دەڭگەيىن جوعارىلاتۋ كەرەك.
ورتالىق مەملەكەتتى جاپپاي زاڭمەن جونگە سالۋ كوميتەتىنىڭ مۇشەلەرى ماجىلىسكە قاتىناستى، ورتالىق پەن مەملەكەتتىڭ ورگاندارىنىڭ قاتىستى تاراۋلارىنداعى جاۋاپتى جولداستار ماجىلىسكە سىرتتاي قاتىناستى.
