1. اعىمداعى ورىن:
  2. باس بەت
  3. اعىم جاڭالىقتارى
  4. باس حابار
  5. زاڭ - ەرەجە

جاڭا تيپتەگى ايدارشا ۆيرۋسپەن جۇعىمدالۋدان بولعان وكپە قابىنۋ ىندەتىنەن ساقتانۋ - تىزگىندەۋ قىزمەتىن كۇشەيتۋدى اقىلداستى

日期:2020年02月04日
来源:新疆日报
【字体:

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى كوميتەتى ءماجىلىس اشتى

جاڭا تيپتەگى ايدارشا ۆيرۋسپەن جۇعىمدالۋدان بولعان وكپە قابىنۋ ىندەتىنەن ساقتانۋ - تىزگىندەۋ قىزمەتىن كۇشەيتۋدى اقىلداستى

جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى

 جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى كوميتەتى 2 - ايدىڭ 3 - كۇنى ءماجىلىس اشىپ، ورتالىقتىڭ جاڭا تيپتەگى ايدارشا ۆيرۋسپەن جۇعىمدالۋدان بولعان وكپە قابىنۋ ىندەتىنە توتەپ بەرۋگە باسشىلىق ەتۋ گرۋپپاسىنىڭ جانە قاتىستى تاراۋلاردىڭ ىندەتتەن ساقتانۋ - تىزگىندەۋ قىزمەتىنىڭ جاعدايى جونىندەگى مالىمەتىن تىڭداپ، كەلەسى قادامداعى ىندەتتەن ساقتانۋ - تىزگىندەۋ قىزمەتىن اقىلداستى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى ءارى ماڭىزدى ءسوز سويلەدى.

شي جينپيڭ پارتيا ورتالىق كوميتەتى اتىنان بۇكىل ەلدەگى ىندەتتەن ساقتانۋ - تىزگىندەۋ قىزمەتىنىڭ ءبىرىنشى شەبىندە ەرلىكپەن شايقاس جاساپ جاتقان قالىڭ كادرلارعا، جۇمىسشى - قىزمەتشىلەرگە، ەمدەۋ - دەنساۋلىق ساقتاۋ قىزمەتكەرلەرىنە جانە عىلمي زەرتتەۋ قىزمەتكەرلەرىنە، حالىق ازاتتىق ارمياسىنىڭ كوماندير - جاۋىنگەرلەرىنە جانە ءار جاقتاعى قىزمەتكەرلەرگە وسكەلەڭ قۇرمەت ءبىلدىرىپ، ناۋقاستاردان جانە ولاردىڭ وتباسىنداعىلاردان شىن ىقىلاستى حال سۇرادى. شي جينپيڭ سوزىندە بىلاي دەپ اتاپ كورسەتتى: بۇل جولعى ىندەت تۋىلعاننان بەرى، پارتيا ورتالىق كوميتەتى وسكەلەڭ ءمان بەرىپ، باستان - اياق حالىق بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن ءبىرىنشى ورىنعا قويدى، ورتالىق كوميتەت ساياسي بيۋروسىنىڭ تۇراقتى كوميتەتى 2 رەت ءماجىلىس اشىپ، ارناۋلى تاقىرىپتا زەرتتەۋ جۇرگىزدى، پارتيا ورتالىق كوميتەتى «پارتيانىڭ باسشىلىعىن كۇشەيتۋ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە جەتۋگە پارمەندى ساياسي كەپىلدىك ازىرلەۋ جونىندەگى حابارلاندىرۋ»دى باسىپ تاراتتى. ورتالىقتىڭ ىندەتكە توتەپ بەرۋ قىزمەت باسشىلىق گرۋپپاسى كوپ رەت ءماجىلىس اشىپ، ىندەتتەن ساقتانۋ - تىزگىندەۋ قىزمەتىن اقىلداستى، ورنالاستىردى، ورتالىقتىڭ جەتەكشىلىك ەتۋ گرۋپپاسى بەلسەنە قىزمەت ورىستەتتى. مەملەكەتتىك كەڭەستىڭ بىرلەسىپ ساقتانۋ، بىرلەسىپ تىزگىندەۋ مەحانيزمى سايكەستىرۋدى، ىڭعايلاستىرۋدى كۇشەيتىپ، ىندەتتەن ساقتانۋ - تىزگىندەۋ قىزمەتىندە جولىققان شۇعىل ماسەلەلەردى دەر كەزىندە سايكەستىرىپ شەشتى. قاتىستى تاراۋلار ءوز قىزمەتتەرىن اتقارىپ، ارميا جەرگىلىكتى ورىنداردىڭ ىندەتتەن ساقتانۋ - تىزگىندەۋىنە بەلسەنە كومەك بەردى. وڭىرلەر پارتيا، ۇكىمەت ورىندارىنداعى نەگىزگى جاۋاپتى جولداستار جەتەكشى بولعان باسشىلىق گرۋپپالارىن قۇردى. ءارقايسى پارتيا، ۇكىمەت ورىندارى، ارميا، بۇقارالىق ۇيىمدار، ورگاندار جانە كاسىپورىندار، ءىسورىندارى سياقتىلار شۇعىل ارەكەتكە كەلىپ، بار كۇشىن سالىپ ەرلىكپەن شايقاس جۇرگىزدى، قالىڭ ەمدەۋ قىزمەتكەرلەرى قالتقىسىز ۇلەس قوسىپ، ەرلىكپەن شايقاستى، قالىڭ حالىق بۇقاراسى ەل بىرلىگىنەن بەرىك قامال تۇرعىزىپ، ىنتىماقتاسا وتىرىپ ەرلىكپەن شايقاس جاساپ، ىندەتتەن ساقتانۋ - تىزگىندەۋدىڭ حالىقتىق شايقاسىن، ىندەتتەن ساقتانۋ - تىزگىندەۋدىڭ جالپى تۇلعالىق شايقاسىن جۇرگىزدى، بۇكىل ەلدە ىندەتتەن ساقتانۋ - تىزگىندەۋ قىزمەتىنە جاپپاي جۇمىلعان، جاپپاي ورنالاستىرۋ جاسالعان، ىندەتتەن ساقتانۋ - تىزگىندەۋ قىزمەتى جاپپاي كۇشەيتىلگەن جاعداي قالىپتاستى. پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىندا، ءار جاقتىڭ تىزە قوسا قۇلشىنۋىندا، ىندەتتەن ساقتانۋ - تىزگىندەۋ قىزمەتى پارمەندى ورىستەتىلۋدە.

شي جينپيڭ بىلاي دەپ باسا دارىپتەدى: ىندەتتەن ساقتانۋ - تىزگىندەۋ قىزمەتىن ويداعىداي ىستەۋ حالىقتىڭ ءومىرىنىڭ حاۋىپسىزدىگىمەن جانە دەنساۋلىعىمەن تىكە بايلانىستى، ەكونوميكالىق، قوعامدىق كەلەلى جاعدايدىڭ ورنىقتىلىعىمەن تىكە بايلانىستى، ەلىمىزدىڭ سىرتقا ەسىك اشۋىنا دا سايادى. قازىرگى ەڭ وزەكتى ماسەلە − تياناقتاندىرۋ قىزمەتىن ناقتى، ەگجەي - تەگجەيلى مىقتى ۇستاۋ. ءار دارەجەلى پارتكوم مەن ۇكىمەت ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن مۇقيات دايەكتىلەندىرىپ، تياناقتاندىرىپ، ىندەتتەن ساقتانۋ - تىزگىندەۋ قىزمەتىن قازىرگى ەڭ ماڭىزدى قىزمەت رەتىندە مىقتى ۇستاپ، سەنىمدى بەكەمدەۋ، قيىندىقتى بىلەك بىرىكتىرە جەڭۋ، عىلمي ساقتانۋ جانە ەمدەۋ، دالمە - ءدال شارا قولدانۋ تالابى بويىنشا تەزدەتىپ پارىقتاردى تاۋىپ، ولقىلىقتاردى تولىقتاپ، ىندەتتەن ساقتانۋ - تىزگىندەۋدىڭ ءتۇرلى قىزمەتتەرىن شىنايى، ويداعىداي ىستەپ، ۋاقىتپەن جارىسىپ، اۋرۋمەن ايقاسىپ، ىندەتتىڭ ءورشۋ اۋقىمىن باتىل تەجەپ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە باتىل قول جەتكىزۋ كەرەك.

شي جينپيڭ بىلاي دەپ اتاپ كورسەتتى: ىندەتتەن ساقتانۋ - تىزگىندەۋدە بۇكىل ەل ءبىر تۇتاس جۇيە بولۋىنا تاباندى بولۋ كەرەك. ءار دارەجەلى پارتكوم مەن ۇكىمەت، ءسوز جوق، پارتيا ورتالىق كوميتەتىنىڭ ءبىر تۇتاس قولباسشىلىعىنا، ءبىر تۇتاس سايكەستىرۋىنە، ءبىر تۇتاس ىڭعايلاستىرۋىنا قاتاڭ بويسۇنىپ، بۇيرىقتى بۇلجىتپاي اتقارۋ كەرەك. وڭىرلەر، تاراۋلار، ءسوز جوق، كەلەلى جاعداي تانىمىن جانە جالپى جاعداي كوزقاراسىن كۇشەيتىپ، ورتالىقتىڭ ىندەتكە توتەپ بەرۋ قىزمەت باسشىلىق گرۋپپاسىنىڭ جانە مەملەكەتتىك كەڭەستىڭ بىرلەسىپ ساقتانۋ، بىرلەسىپ تىزگىندەۋ مەحانيزمىنىڭ قولباسشىلىعىنا باتىل بويسۇنۋ كەرەك. وڭىرلەر، تاراۋلار شارا قولدانۋدا ءوز ءوڭىرىنىڭ، ءوز سالاسىنىڭ ساقتانۋ - تىزگىندەۋ قاجەتىن ويلاستىرۋمەن قاتار، ءتۇيىندى وڭىرلەردىڭ، بۇكىل مەملەكەتتىڭ ساقتانۋ - تىزگىندەۋىنە جاسايتىن ىقپالىن دا ويلاستىرۋ كەرەك. ىندەتتەن ساقتانۋ - تىزگىندەۋ تەك ەمدەۋ، ءدارى - دارمەك، دەنساۋلىق ساقتاۋ ماسەلەسى عانا ەمەس، قايتا جان - جاقتى قىزمەت، ءتۇرلى قىزمەتتەر تۇگەلدەي ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە جەتۋگە قولداۋ كورسەتۋى كەرەك. ىندەتتەن ساقتانۋ - تىزگىندەۋ جاعدايى ۇزدىكسىز وزگەرۋدە، ءتۇرلى قىزمەتتەر دە ۇزدىكسىز جاڭا احۋالدارعا، جاڭا ماسەلەلەرگە جولىعادى، ءجىتى قاداعالاپ، دەر كەزىندە تالداۋ جاساپ، جەدەل ارەكەتكە كەلىپ، ءتۇرلى قىزمەتتەردى باتىل، پارمەندى، تيتتەي دە سالعىرتسىماي ويداعىداي ىستەۋ كەرەك. ىندەتتەن ساقتانۋ - تىزگىندەۋ قىزمەتىندە فورماشىلدىققا، تورەشىلدىككە باتىل قارسى تۇرىپ، نەگىزگى ساتى كادرلارىنىڭ كۇش - قايراتىن ىندەتتەن ساقتانۋ - تىزگىندەۋدىڭ ءبىرىنشى شەبىنە نەعۇرلىم كوبىرەك جۇمساۋ كەرەك. پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرۋى، تياناقتاندىرۋى دارمەنسىز بولعانداردىڭ، ءبىر تۇتاس قولباسشىلىققا جانە ىڭعايلاستىرۋعا بويسۇنباي، ورىنشىلدىعى اۋىر بولعانداردىڭ، جاۋاپكەرلىكتى باتىل ارقالاماعان، ستيلى تۇرلاۋسىز بولعان، جاۋاپكەرشىلىكتەن جالتارىپ، ءبىر - بىرىنە يتەرمەلەگەندەردىڭ تىكەلەي جاۋاپتىلارىنىڭ جاۋاپكەرشىلىگىن قۋزاستىرۋدان سىرت، سيپاتى اۋىر بولعاندارىنىڭ پارتيا، ۇكىمەت ورىندارىنداعى نەگىزگى باسشىلارىن جاۋاپقا تارتۋ كەرەك. قىزمەت اتقارماعان، جاۋاپكەرسىزدىك ىستەگەندەردى ءتارتىپ بويىنشا، زاڭ بويىنشا جازالاۋ كەرەك.

ءماجىلىس مىنالاردى باسا دارىپتەدى: ءتۇيىندى وڭىرلەردىڭ ىندەتتەن ساقتانۋ - تىزگىندەۋ قىزمەتىن كۇش سالا ويداعىداي ىستەۋ كەرەك. كۇشتى شوعىرلاندىرا وتىرىپ ءتۇيىندى وڭىرلەردەگى ىندەتتى تىزگىندەگەندە عانا، بۇكىل مەملەكەتتەگى ىندەتتىڭ تارالۋ اۋقىمىن تۇبىرىنەن، ەرتەرەك وزگەرتۋگە بولادى. ساقتانۋ - تىزگىندەۋ كۇشتەرىن وڭىرلىك ءبىر تۇتاس جوسپارلاۋدى ءتۇيىندى تۇردە مىقتى يگەرىپ، قۇتقارۋ - ەمدەۋ بايلىقتارى مەن ساقتانۋ - قورعانۋ بايلىقتارىن ىندەتتەن ساقتانۋ - تىزگىندەۋدىڭ ءبىرىنشى شەبىنە باتىل تۇردە شوعىرلاندىرىپ، ءبىرىنشى شەپتەگى ەمدەۋ قىزمەتكەرلەرىنىڭ جانە ناۋقاستاردى قۇتقارۋ - ەمدەۋدىڭ قاجەتىن الدىمەن قاناعاتتاندىرۋ كەرەك. بۇكىل ەلدەگى ىندەتتەن ساقتانۋ - تىزگىندەۋدە حۋبەي ولكەسى، اسىرەسە، ۋحان قالاسى ءالى دە ماڭىزدىنىڭ ماڭىزدىسى بولىپ وتىر. ساقتانۋ - تىزگىندەۋدى ونان ارى كەمەلدەندىرىپ جانە كۇشەيتىپ، ەرتە بايقاۋ، ەرتە مالىمدەۋ، ەرتە اۋاشالاۋ، ەرتە ەمدەۋ شارالارىن قاتاڭ تياناقتاندىرىپ، ىندەت جاعدايىن باقىلاۋ - ولشەۋدى كۇشەيتىپ، ناۋقاستاردى شوعىرلى قۇتقارىپ، ەمدەپ، بارلىق جاقىن جۋىسقاندارعا ۇيدە مەديتسينالىق باقىلاۋ قولدانىپ، ىندەتتىڭ سىرتقا تارالۋىنان ساقتانۋ شارالارىن كەمەلدەندىرۋ جانە كۇشەيتۋ كەرەك. وڭىرلەر جەرگىلىكتى پارتكوم مەن ۇكىمەتتىڭ جاۋاپكەرشىلىگىن نىعايتىپ، الەۋمەتتىك اۋماقتىڭ ساقتانۋ - تىزگىندەۋىن، توركوزدەندىرىپ باسقارۋىن كۇشەيتىپ، اناعۇرلىم ەگجەي - تەگجەيلى، ءدال، اناعۇرلىم جارامدى، ۇتىمدى شارالار قولدانىپ، ىندەتتىڭ ورشۋىنەن ساقتانۋ كەرەك. كوكتەم مەرەكەسىنەن كەيىنگى قايتا ورالۋ ساپارىنداعى ىندەتتەن ساقتانۋ - تىزگىندەۋ قىزمەتىن ويداعىداي ىستەپ، ادامدار كىرەتىن جانە شىعاتىن جەرلەردەگى ساقتانۋ - تىزگىندەۋ جاۋاپكەرشىلىگىن تياناقتاندىرىپ، جولاۋشىلاردىڭ دەنساۋلىعىن باقىلاۋ - ولشەۋدى جانە قاتىناس قۇرالدارىنىڭ، الاڭ - بەكەتتەردىڭ زارارسىزداندىرىلۋىن، اۋاسىن الماستىرۋدى كۇشەيتۋ كەرەك.

ءماجىلىس مىنالاردى اتاپ كورسەتتى: ناۋقاستاردى بار كۇشپەن قۇتقارىپ، ەمدەپ، مەديتسينالىق ساقتانۋ - قورعانۋ زاتتىق ماتەريالدارىمەن قامداۋدى قامتاماسىز ەتىپ، ەمدەۋگە الۋ مولشەرىن جانە ەمدەپ ساۋىقتىرۋ مولشەرىن قۇلشىنا جوعارىلاتىپ، جۇعىمدالۋ مولشەرىن جانە اۋرۋدان ءولۋ مولشەرىن تومەندەتۋ كەرەك. بۇل − قازىرگى ساقتانۋ - تىزگىندەۋ قىزمەتىندەگى كورنەكتى مىندەت. شوعىرلى ەمدەۋگە الاتىن شيپاحانالاردى جەدەل سالىپ، پايدالانۋعا بەرىپ، قاجەتكە قاراي ۇزدىكسىز تۇردە بۇكىل مەملەكەتتەن ەمدەۋ قىزمەتكەرلەرىن ۋحانعا شۇعىل كومەككە جىبەرۋ، سونىمەن بىرگە ەمدەۋ قىزمەتكەرلەرىنىڭ دەنە جانە رۋحاني سالاماتتىعىن ويداعىداي قورعاۋ كەرەك. قىزمەتكەر سەپتەۋدى ءبىر تۇتاس جوسپارلاپ ويداعىداي ىستەپ، سايلاۋىت جاساقتار مەن مىعىم كۇشتەردى بارىنشا شوعىرلاندىرىپ، سالماقتى ناۋقاستاردى شوعىرلاندىرىپ، ءبىر تۇتاس ەمدەۋ - قۇتقارۋ جۇرگىزىپ، ءارقايسى شيپاحانالاردىڭ سالماقتى ناۋقاستاردى قۇتقارۋ - ەمدەۋدەگى ءونىمدى ادىستەرىن دەر كەزىندە جالپىلاستىرۋ كەرەك. بەلگىلەنگەن ەمدەۋ قۇرىلىمدارى، اۋاشالاۋ ورىندارى سياقتى ءتۇيىندى ورىندارداعى اماندىقتى ساقتاۋ قىزمەتىن كۇشەيتىپ، ەمدەۋ، اۋاشالاۋ ءتارتىبىن بار كۇشپەن قورعاۋ كەرەك. پسيحيكالىق جاقتان ارالاسۋدى جانە جەتەكتەۋدى كۇشەيتىپ، گۋمانيتارلىق قامقورلىقتى باعىتتامالى تۇردە ويداعىداي ىستەۋ كەرەك.

ءماجىلىس مىنالاردى باسا دارىپتەدى: عىلمي زەرتتەۋدەن قامال الۋ سەرپىنىن كۇشەيتۋ كەرەك. ىندەتتى جەڭىپ شىعۋ عىلىم - تەحنيكانىڭ تىرەك بولۋىنان ايرىلا المايدى. ۆيرۋستىڭ كەلۋ قاينارىن عىلمي دالەلدەپ، جۇعىمدالۋ قاينارىن جانە تارالۋ جولىن جەدەل تەكسەرىپ انىقتاپ، ۆيرۋستىڭ تۇرلەنۋ جاعدايىن ءجىتى قاداعالاپ، ساقتانۋ - تىزگىندەۋ تاكتيكالارىن جانە شارالارىن دەر كەزىندە زەرتتەۋ كەرەك. جوعارى مەكتەپتەر، عىلمي زەرتتەۋ اكادەميالارى مەن ورىندارى، كاسىپورىندار سياقتى ءار جاقتىڭ بەلسەندىلىگىن تولىق اتتانىسقا كەلتىرىپ، بۇكىل ەلدەگى عىلمي زەرتتەۋ قىزمەتكەرلەرىن ىندەتتەن ساقتانۋ - تىزگىندەۋ جاعىنداعى عىلمي زەرتتەۋدەن قامال الۋعا ۇيىمداستىرىپ، جۇمىلدىرىپ، قاتىستى ساندى مالىمەتتەر مەن اۋرۋ مىسالدارىنىڭ ماتەريالدارىن اشىق ۇستاۋدى، ورتاق پايدالانۋدى ىلگەرىلەتىپ، ۆيرۋستىڭ كەلۋ تەگى، تارالۋ كۇشى، تارالۋ مەحانيزمى سياقتى زەرتتەۋلەردى جەدەلدەتىپ، ساقتانۋ - تىزگىندەۋ تاكتيكالارى مەن شارالارىن دەر كەزىندە كەمەلدەندىرۋ كەرەك. شيپالى ءدارى - دارمەك جانە ۆاكسينالاردى زەرتتەۋ - اشۋدى كۇشەيتىپ، عىلمي زەرتتەۋدەن قامال الۋدى كلينيكا، ساقتانۋ - تىزگىندەۋ امالياتىمەن بىرلەستىرۋگە باسا ءمان بەرۋ كەرەك.

ءماجىلىس مىنالاردى اتاپ كورسەتتى: قالىپتى ەكونوميكالىق، قوعامدىق ءتارتىپتى شىنايى قورعاۋ كەرەك. ىندەتتەن ساقتانۋ - تىزگىندەۋدى كۇشەيتۋمەن بىرگە، ءوندىرىستىڭ، تۇرمىستىڭ ورنىقتى، ءتارتىپتى بولۋىن قۇلشىنا ساقتاۋ كەرەك. كوكونىس، ەت، جۇمىرتقا، ءسۇت، استىق سياقتى تۇرعىنداردىڭ تۇرمىسىنا قاجەتتى بۇيىمدارمەن قامداۋعا شىنايى كەپىلدىك ەتىپ، ”كوجە - قاتىق“قا قالا باستىعى جاۋاپتى بولۋ ءتۇزىمىن تياناقتاندىرىپ، كوكونىس سياقتى قوسىمشا ازىق - تۇلىكتەر ءوندىرىسىن بەلسەنە ۇيىمداستىرىپ، زاتتىق ماتەريالداردىڭ ۇلەستىرىلۋىن جانە بازاردىڭ قامداۋىن كۇشەيتۋ كەرەك. جەر - جەر ءبىر تۇتاس جوسپارلاۋدى، سايكەستىرۋدى كۇشەيتىپ، قىزمەتكەرلەردىڭ، اۆتوكولىكتەردىڭ قالىپتى قاتىناۋىنا شىنايى كەپىلدىك ەتۋ كەرەك. كومىرمەن، ەلەكترمەن، جانارمايمەن، جانارگازبەن قامداۋدى قامتاماسىز ەتۋ كەرەك. ىندەتتەن ساقتانۋ - تىزگىندەۋ بارىسىندا جارىققا شىققان ءتۇرلى قايشىلىقتار مەن ماسەلەلەردى لايىقتى ءبىر جاقتى ەتىپ، قوعام اماندىعىن جونگە سالۋ قىزمەتىن كۇشەيتىپ، ىندەتتەن پايدالانىپ زات باعاسىن ءوسىرىپ جىبەرۋ، قىمباتقا ساتۋ ءۇشىن توپتاپ ساقتاۋ، ورايدان پايدالانىپ ولجا ءتۇسىرۋ سياقتى قوعام ءتارتىبىن بىلىقتىراتىن زاڭعا قايشى قىلمىستىق ءىس - ارەكەتتەرگە زاڭ بويىنشا قاتاڭ سوققى بەرۋ، جالعان، جارامسىز ءدارى - دارمەك، مەديتسينالىق اسپاپ - جابدىقتار، مەديتسينالىق، دەنساۋلىق ساقتاۋ ماتەريالدارىن جاساۋ، ساتۋ سياقتى زاڭعا قايشى قىلمىستىق ءىس - ارەكەتتەرگە قاتاڭ سوققى بەرىپ، ءتۇرلى زاڭعا قايشى قىلمىستارعا زاڭ بويىنشا باتىل سوققى بەرىپ، قوعام ورنىقتىلىعىن جانە مەملەكەتتىڭ حاۋىپسىزدىگىن قورعاۋ كەرەك.

ءماجىلىس مىنالاردى باسا دارىپتەدى: ۇگىت - تاربيە جانە قوعامدىق پىكىر جەتەكشىلىگى قىزمەتىن ويداعىداي ىستەپ، ينتەرنەت جەلىسى مەن جەلىدەن تىس جەرلەردى، ەل ءىشى مەن حالىقارانى، ءىرى ىستەر مەن ۇساق ىستەردى ءبىر تۇتاس جوسپارلاپ، سەنىمدى اناعۇرلىم ويداعىداي نىعايتىپ، حالىق كوڭىلىنە اناعۇرلىم ويداعىداي جىلى شۋاق شاشىپ، حالىق تىلەگىن اناعۇرلىم ويداعىداي توعىستىرۋ كەرەك. پارتيا ورتالىق كوميتەتىنىڭ كەلەلى شەشىمدەرىن، ورنالاستىرۋلارىن ىشكەرىلەي ۇگىتتەپ، جەر - جەردىڭ، تاراۋلاردىڭ بىرلەسىپ ساقتانۋ، بىرلەسىپ تىزگىندەۋ شارالارىنىڭ ناتيجەلەرىن تولىق حابارلاپ، ىندەتتەن ساقتانۋ، ىندەتكە قارسى اتتانۋ ءبىرىنشى شەبىندەگى اسەرلى، ىزگى ىستەردى جاندى بايانداپ، جۇڭگونىڭ ىندەتكە قارسى اتتانۋ حيكايالارىن ويداعىداي بايانداپ، جۇڭگو حالقىنىڭ ءبىر نيەتپەن ىنتىماقتاسىپ، قيىندىقتى بىلەك بىرىكتىرە جەڭەتىن رۋحاني كەلبەتىن كورسەتىپ، ەل بىرلىگىنەن بەرىك قامال تۇرعىزىپ ىندەتكە قارسى اتتاناتىن قۋاتتى كۇش ۇيىستىرۋ كەرەك. جۇقپالى اۋرۋلاردان ساقتانۋ - ەمدەۋ زاڭى تۋرالى ۇگىت - تاربيەنى كۇشەيتىپ، بۇكىل قوعامدى زاڭ بويىنشا ارەكەتتەنۋگە، زاڭ بويىنشا ءىس جۇرگىزۋگە جەتەكتەۋ كەرەك. ورىن تەپكەن ماسەلەلەرگە تۋرا قاراپ، دەر كەزىندە قۇزىرەتتى ينفورماتسيا تاراتىپ، بۇقارانىڭ ءجىتى قاداعالاپ وتىرعان ىستەرىنە جاۋاپ قاتىپ، دەر كەزىندە بولۋدى، باعىتتامالى بولۋدى جانە كاسىبي بولۋدى كۇشەيتىپ، بۇقارانى سەنىمدى كۇشەيتۋگە، سەنىمدى بەكەمدەۋگە جەتەكتەۋ كەرەك. باعىتتامالى تۇردە رۋحاني وركەنيەت تاربيەسىن ورىستەتىپ، سالاماتتىق ۇستانىمدارى جانە جۇقپالى اۋرۋلاردان ساقتانۋ - تىزگىندەۋ بىلىمدەرى تۋرالى ۇگىت - تاربيەنى كۇشەيتىپ، قالىڭ حالىق بۇقاراسىن وركەنيەت ساپاسىن جانە ءوزىن - ءوزى قورعاۋ قابىلەتىن كۇشەيتۋگە تاربيەلەۋ، جەتەكتەۋ كەرەك. ينتەرنەت مەديالارىن باسقارۋ - مەڭگەرۋدى كۇشەيتىپ، تۇلعالىق جاۋاپكەرشىلىكتىڭ، جاۋاپتى بولىپ باسقارۋ جاۋاپكەرشىلىگىنىڭ، باقىلاۋ - باسقارۋ جاۋاپكەرشىلىگىنىڭ تياناقتانۋىن ىلگەرىلەتۋ كەرەك. دۇنيە جۇزىلىك دەنساۋلىق ساقتاۋ ۇيىمىمەن، قاتىستى ەلدەرمەن جانە وڭىرلەرمەن پىكىرلەسۋدى، سايكەسۋدى ۇزدىكسىز ويداعىداي ىستەپ، ىندەت ينفورماتسيالارىن ورتاق پايدالانۋدى جانە ساقتانۋ - تىزگىندەۋ تاكتيكالارىن سايكەستىرۋدى جەبەۋ كەرەك.

ءماجىلىس مىنالاردى اتاپ كورسەتتى: ءار دارەجەلى پارتكوم مەن ۇكىمەت بيىلعى ەكونوميكالىق، قوعامدىق دامۋدىڭ نىسانالارىن، مىندەتتەرىن جۇزەگە اسىرۋ ءۇشىن ۇزدىكسىز قۇلشىنۋ كەرەك. ىندەت اۋىر وڭىرلەر كۇش - قايراتتى شوعىرلاندىرىپ ىندەتتەن ساقتانۋ - تىزگىندەۋ قىزمەتىن ويداعىداي يگەرۋ، باسقا وڭىرلەر ىندەتتەن ساقتانۋ - تىزگىندەۋ قىزمەتىن ويداعىداي ىستەۋمەن بىرگە، رەفورما، دامۋ، ورنىقتىلىق قىزمەتتەرىن ءبىر تۇتاس جوسپارلاپ ويداعىدي يگەرۋ، اسىرەسە، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋگە ساياتىن، كەدەيلىكتەن ارىلتۋدان قامال الۋدىڭ شەشۋشى شايقاسىن جۇرگىزۋگە ساياتىن ءتۇيىندى مىندەتتەردى ويداعىداي يگەرۋ كەرەك. ەكونوميكانىڭ اينالىم احۋالىن ءجىتى باقىلاپ - ولشەپ، نازاردى ىندەتتىڭ ەكونوميكالىق اينالىمعا اكەلگەن سوققىسى مەن ىقپالىنا شوعىرلاندىرىپ، ”التىنى ورنىقتىرۋ“ قىزمەتىن ويداعىداي ىستەۋدى ارقاۋ ەتە وتىرىپ، ءتۇرلى كۇردەلى، قيىن جاعدايعا توتەپ بەرۋ دايىندىعىن جاقسى ىستەۋ كەرەك. ساقتانۋ - تىزگىندەۋ قىزمەتىن ويداعىداي ىستەۋ العى شارتىندا، ءتۇرلى ءوندىرىس كاسىپورىندارىنىڭ جۇمىستى، ءوندىرىستى قالپىنا كەلتىرۋىن بار كۇشپەن قولداپ جانە ۇيىمداستىرىپ، ىلگەرىلەتىپ، فينانستىڭ قولداۋ سەرپىنىن ارتتىرىپ، كاسىپورىنداردىڭ ءوندىرىستى قالپىنا كەلتىرۋگە بايلانىستى جۇمىسشى ىستەتۋىن قامتاماسىز ەتۋ سەرپىنىن ارتتىرىپ، كاسىپورىندارعا جاردەم بەرۋ، جۇمىس ورىندارىن تۇراقتى ۇستاۋ ساياساتىنان ويداعىداي، جەتكىلىكتى پايدالانىپ، جاڭادان قارجى قوسىلعان نىسانداردىڭ قۇرىلىس باستاۋ سەرپىنىن ارتتىرىپ، سالىنۋ ۇستىندەگى نىسانداردى بەلسەنە ىلگەرىلەتۋ كەرەك. قارجى قوسۋ قۇرىلىمىن رەتتەپ، ساپالىلاندىرىپ، ورتالىقتىڭ مەجە ەسەبى ىشىندەگى قارجى قوسۋدى الدىمەن ىندەت اپاتى اۋىر وڭىرلەردەگى توتەنشە جاعدايعا توتەپ بەرۋ، مەديتسينالىق قۇتقارۋ - ەمدەۋ قۇرىلعىلارى، اۋاشالاۋ قۇرىلعىلارى سياقتى جۇقپالى اۋرۋلاردان ساقتانۋعا جانە ونى ەمدەۋگە شۇعىل قاجەتتى نىساندارعا بەيىمدەۋ كەرەك. نازاردى كەدەيلىكتەن ارىلتۋدان قامال الۋ شايقاسىنداعى ەڭ سوڭعى قامالدى الۋعا شوعىرلاندىرىپ، اۋىل - قىستاقتى گۇلدەندىرۋ ستراتەگياسىن ىلگەرىلەتۋمەن بىرلەستىرىپ، ىندەتتەن ساقتانۋ - ەمدەۋدى كىرىسۋ ءتۇيىنى ەتىپ، اۋىل - قىستاقتىڭ قونىس ورتاسىن رەتتەۋ - جونگە سالۋ جانە الەۋمەتتىك دەنساۋلىق ساقتاۋ جۇيەسى قۇرىلىسىن كۇشەيتۋ كەرەك. تۇرعىنداردىڭ تۇتىنۋىن كۇش سالا ورنىقتىرىپ، جاڭا كوركەيگەن تۇتىنۋ كومەسكى كۇشىن جەدەل ىسكە قوسىپ، تۇرعىنداردىڭ سالاماتتى تۇرمىستىق تۇتىنۋ قاجەتىن اناعۇرلىم ويداعىداي قاناعاتتاندىرىپ، تۇرعىنداردىڭ سالاماتتى تۇرمىس داعدىسىن ونان ارى جەتىلدىرۋ كەرەك.

ءماجىلىس مىنالاردى باسا دارىپتەدى: بۇل جولعى ىندەت − ەلىمىزدىڭ جونگە سالۋ جۇيەسى مەن قابىلەتى ءۇشىن ءبىر رەتكى ۇلكەن سىن، ءبىز، ءسوز جوق، تاجىريبە قورىتىندىلاپ، ساباق الۋىمىز كەرەك. وسى رەتكى ىندەتكە توتەپ بەرۋدە بايقالعان ولقىلىقتار مەن كەمشىلىكتەرگە مەڭزەس، مەملەكەتتىڭ توتەنشە جاعدايلارعا توتەپ بەرۋ - باسقارۋ جۇيەسىن اقاۋسىزداندىرىپ، شۇعىل، قيىن، قاتەرلى، اۋىر مىندەتتەردى ءبىر جاقتى ەتۋ قابىلەتىن جوعارىلاتۋ كەرەك. الەۋمەتتىك دەنساۋلىق ساقتاۋ ورتاسىنا تۇبەگەيلى اداقتاپ تەكسەرۋ، رەتتەۋ - جونگە سالۋ جۇرگىزىپ، الەۋمەتتىك دەنساۋلىق ساقتاۋداعى ولقىلىقتاردى تولىقتاۋ كەرەك. بازاردى باقىلاۋ - باسقارۋدى كۇشەيتىپ، زاڭسىز جابايى حايۋاناتتار بازارىنا جانە ساۋداسىنا باتىل تيىم سالىپ جانە قاتاڭ سوققى بەرىپ، ەلەۋلى الەۋمەتتىك دەنساۋلىق ساقتاۋ قاتەرىن قاينار كوزىنەن باستاپ تىزگىندەۋ كەرەك. زاڭمەن جونگە سالۋ قۇرىلىسىن كۇشەيتىپ، الەۋمەتتىك دەنساۋلىق ساقتاۋدى زاڭمەن جونگە سالۋ ارقىلى قامتاماسىز ەتۋدى كۇشەيتۋ كەرەك. مەملەكەتتىك قور جۇيەسىنىڭ ولقىلىعىن جۇيەلى سالالاپ، قوردىڭ تيىمدىلىگىن جوعارىلاتىپ، شەشۋشى زاتتىق ماتەريالدار ءوندىرىس قۋاتىن ورنالاستىرۋدى ساپالىلاندىرۋ كەرەك.

ءماجىلىس باسقا دا ىستەردى اقىلداستى.