مەملەكەتتىك ساياسي كەڭەس جاڭا جىل شاي ءماجىلىسىن وتكىزدى
شي جينپيڭ ماڭىزدى ءسوز سويلەدى
لي كىچياڭ، لي جانشۋ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتىناستى ۋاڭ ياڭ باسقاردى
12 - ايدىڭ 31 - كۇنى مەملەكەتتىك ساياسي كەڭەس بەيجيڭدە جاڭا جىل شاي ءماجىلىسىن وتكىزدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ شاي ماجىلىسىندە ماڭىزدى ءسوز سويلەدى. □ سۋرەتتى شينحۋا اگەنتتىگىنىڭ ءتىلشىسى پاڭ شيڭلەي تۇسىرگەن
12 - ايدىڭ 31 - كۇنى مەملەكەتتىك ساياسي كەڭەس بەيجيڭدە جاڭا جىل شاي ءماجىلىسىن وتكىزدى. پارتيا مەن مەملەكەت باسشىلارىنان شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان شاي ماجىلىسىنە قاتىناستى ءارى كونسەرتتى تاماشالادى. □ سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن
جۇڭگو حالىق ساياسي ءماسليحات كەڭەسى مەملەكەتتىك كوميتەتى 12 - ايدىڭ 31 - كۇنى تۇستەن بۇرىن مەملەكەتتىك ساياسي كەڭەس زالىندا جاڭا جىل شاي ءماجىلىسىن وتكىزدى. پارتيا مەن مەملەكەت باسشىلارىنان شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلىلار ءارقايسى دەموكراتيالىق پارتيا - توپتاردىڭ ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ جاۋاپتىلارىمەن جانە پارتيادا، توپتا جوق قايراتكەرلەردىڭ ۋاكىلدەرىمەن، ورتالىق پەن مەملەكەت ورگاندارىنىڭ قاتىستى جاقتارىنداعى جاۋاپتىلارىمەن، سونداي - اق استاناداعى ءار ۇلت، ءار سالا قايراتكەرلەرىنىڭ ۋاكىلدەرىمەن ءبىر اراعا باس قوسىپ، 2020 - جىلعى جاڭا جىل مەرەكەسىن قۋانىشپەن قارسى الدى.
جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ شاي ماجىلىسىندە ماڭىزدى ءسوز سويلەدى. ول بىلاي دەپ باسا دارىپتەدى: جاپپاي دوڭگەلەك داۋلەتتى قوعام ورناتۋ جۇڭحۋا ۇلتىنىڭ قاجىماي - تالماي تالپىنىپ كەلگەن ىزگى ارمانىن ارقالاعان. ۇزاق مەزگىل ماشاقاتتى ىزدەنىس جانە تالىقپاي قۇلشىنىس جاساۋ ارقىلى، ءبىز جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتىپ، ءبىرىنشى 100 جىلدىق كۇرەس نىساناسىن جۇزەگە اسىرۋدىڭ ۇلى جەڭىسىنە قول جەتكىزۋ الدىندا تۇرمىز. بۇل قاجىماي - تالماي، ۇزاق ۋاقىت كۇرەس جاساۋدىڭ جەمىسى، جانە دە جاڭا ساپارعا اتتانىپ، جەلكەن جايىپ تاعى جولعا شىعۋدىڭ اتتانىسى. ءبىز بۇكىل ەلدەگى ءار ۇلت حالقى جۇڭگو كوممۋنيستىك پارتياسىنىڭ توڭىرەگىنە تىعىز ىنتىماقتاسىپ، جۇڭگو كوممۋنيستىك پارتياسىنىڭ باسشىلىعىنداعى ساياسي ابزالدىلىق پەن جۇڭگوشا سوتسياليزم ءتۇزىمى ابزالدىلىعىن ساۋلەلەندىرىپ، سەنىمدى بەكەمدەپ، ۇدەرە العا تارتىپ، كۇرەس جاساۋعا باتىل، كۇرەس جاساۋعا شەبەر بولعاندا عانا، ءسوزسىز، ءبىرىنشى 100 جىلدىق كۇرەس نىساناسىن جۇزەگە اسىرۋدىڭ جەڭىسىنە قول جەتكىزە الاتىندىعىمىزعا كامىل سەنەمىز.
شي جينپيڭ جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس جانە ورتالىق اسكەري ىستەر كوميتەتى اتىنان دەموكراتيالىق پارتيا - توپتارعا، ساۋدا - ونەركاسىپشىلەر بىرلەستىگىنە جانە پارتيادا، توپتا جوق قايراتكەرلەرگە، حالىقتىق ۇيىمدارعا، بۇكىل ەلدەگى قالىڭ جۇمىسشىلارعا، شارۋالارعا، زيالىلارعا، كادرلارعا جانە ءار سالاداعى قايراتكەرلەرگە، حالىق ازاتتىق ارمياسىنىڭ كوماندير - جاۋىنگەرلەرىنە، قارۋلى ساقشى كوماندير - جاۋىنگەرلەرىنە، قوعام حاۋىپسىزدىگى كادر - ساقشىلارىنا جانە ءورت ءسوندىرۋ، ورتتەن ساقتانۋ، قۇتقارۋ اترەتىنىڭ كوماندير - جاۋىنگەرلەرىنە، شياڭگاڭ ەرەكشە اكىمشىلىك رايونىنداعى باۋىرلاستارعا، اۋمىن ەرەكشە اكىمشىلىك رايونىنداعى باۋىرلاستارعا، تايۋاندىق باۋىرلاستارعا جانە شەتەلدەگى چياۋباۋلارعا، جۇڭگونىڭ رەفورما جاساۋىنا، ەسىك اشۋىنا جانە وسىزامانداندىرۋ قۇرىلىسىنا كوڭىل بولگەن، قولداۋ كورسەتكەن ءار ەلدەگى دوستارعا مەرەكەلىك تىلەك ءبىلدىردى، كوپشىلىكتىڭ جاڭا جىلىن قۇتتىقتادى.
شي جينپيڭ بىلاي دەپ اتاپ كورسەتتى: 2019 - جىل جاڭا جۇڭگو قۇرىلعاندىعىنىڭ 70 جىلدىعى ءارى جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزۋدەگى شەشۋشى جىل. ءبىر جىلدان بەرى، ءبىز كوپشىلىك بىرگە كۇرەس جۇرگىزىپ، بىرگە قيىندىقتاردان قامال الىپ، كوپ تەر توگىپ ەڭبەكتەندىك ءارى كوپتەگەن تابىستارعا قول جەتكىزدىك. جۇڭگو كوممۋنيستىك پارتياسى ورتالىق كوميتەتى بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، ەل ءىشى - سىرتىنداعى حاۋىپ - قاتەر، سايىستار كورنەكتى كوبەيگەن كۇردەلى جاعدايعا بايىپتىلىقپەن توتەپ بەرىپ، جاڭا دامۋ ۇستانىمىن دايەكتىلەندىرىپ، ءۇش ءىرى قامال الۋ شايقاسىن كۇش سالا ويداعىداي جۇرگىزىپ، ەكونوميكالىق قۇرىلىس، ساياسي قۇرىلىس، مادەنيەت قۇرىلىسى، قوعامدىق قۇرىلىس، ەكولوگيالىق وركەنيەت قۇرىلىسىن ىلگەرىلەتۋدە جاڭا دا ەلەۋلى ىلگەرىلەۋشىلىكتەرگە قول جەتكىزىپ، كەدەيلىكتەن ارىلتۋدان قامال الۋ شايقاسىن ءۇرتىس پارمەندى ىلگەرىلەتىپ، ”13 - بەسجىلدىق“ جوبانىڭ نەگىزگى كورسەتكىشتەرىنىڭ ىلگەرىلەۋى مەجەگە سايكەس كەلىپ، جاپپاي دوڭگەلەك داۋلەتتى قوعام ورناتۋعا ءتىپتى دە بەرىك نەگىز قالادى.
شي جينپيڭ بىلاي دەپ باسا دارىپتەدى: وسى ءبىر جىلدا، ءبىز جاڭا جۇڭگو قۇرىلعاندىعىنىڭ 70 جىلدىعىن قۇتتىقتاۋ جەلىلەس قيمىلدارىن سالتاناتپەن وتكىزىپ، جۇڭگو كوممۋنيستىك پارتياسىنىڭ تاريحىن، جاڭا جۇڭگو تاريحىن اسەرلى بەينەلەپ، جاڭا جۇڭگوعا، كۇرەسكەر جاڭا داۋىرگە ماداق جاۋدىرۋ اسقاق سازىن شەرتىپ، بۇكىل پارتيانىڭ، بۇكىل ارميانىڭ، بۇكىل ەلدەگى ءار ۇلت حالقىنىڭ جانە ەل ءىشى - سىرتىنداعى جۇڭحۋا ۇلاندارىنىڭ وتاندى ءسۇيۋ قىزۋ ىنتاسى مەن كۇرەس جاساۋ رۋحىن بارىنشا قوزعاپ، جۇڭگوشا سوتسياليزمنىڭ اسا زور تابىسى مەن كۇشتى ومىرشەڭدىك كۇشىن ايگىلەدىك. وسى ءبىر جىلدا، ءبىز رەفورمانى جاپپاي تەرەڭدەتۋدى ۇزدىكسىز ىلگەرىلەتتىك. بيىل ورتالىقتىڭ رەفورمانى جاپپاي تەرەڭدەتۋ كوميتەتى ورنالاستىرعان 46 ءتۇيىندى رەفورما مىندەتى مەن باسقا 61 رەفورما مىندەتى نەگىزىنەن ورىندالدى، ورتالىق پەن مەملەكەت ورگاندارىنداعى قاتىستى تاراۋلار تاعى 178 رەفورما مىندەتىن ورىندادى، ءارقايسى جاق جالپى 285 رەفورما جوباسىن شىعاردى. جۇڭگو كوممۋنيستىك پارتياسى 18 - كەزەكتى ورتالىق كوميتەتىنىڭ ءۇشىنشى جالپى ماجىلىسىنەن بەرى، ءارقايسى جاق 2217 رەفورما جوباسىن ورتاعا قويدى.
شي جينپيڭ بىلاي دەپ اتاپ كورسەتتى: وسى ءبىر جىلدا، جۇڭگو كوممۋنيستىك پارتياسى بۇكىل پارتيادا ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىن ورىستەتىپ، پارتيانى جاپپاي قاتاڭ جونگە سالۋدى بۇلجىماستان ىلگەرىلەتىپ، ”ءتورت بۇرىس ستيل“دى، اسىرەسە، فورماشىلدىقتى، تورەشىلدىكتى بۇلجىماستان رەتتەپ - جونگە سالىپ، شىرىكتەسۋگە قارسى تۇرۋ كۇرەسىن بۇلجىماستان تەرەڭدەتتى. جۇڭگو كوممۋنيستىك پارتياسى 19 - كەزەكتى ورتالىق كوميتەتىنىڭ ءتورتىنشى جالپى ءماجىلىسى جاڭا جۇڭگو قۇرىلعان 70 جىلدان بەرگى ءتۇزىم قۇرىلىسىنداعى تابىستار مەن تاجىريبەلەردى جۇيەلى قورىتىندىلاپ، جاڭا داۋىردەگى ەلىمىزدىڭ ءتۇزىم قۇرىلىسىندا نەگە تاباندى بولۋ جانە بەكەمدەۋ، نەنى كەمەلدەندىرۋ جانە دامىتۋ سىندى كەلەلى ماسەلەگە ەگجەي - تەگجەيلى جاۋاپ بەرىپ، جۇڭگوشا سوتسياليزم ءتۇزىمىنىڭ كورنەكتى ابزالدىلىعىن اشىق ورتاعا قويىپ، جۇڭگو حالقىنىڭ ”ءتورت سەنىم“دى بەكەمدەۋ جىگەرىن كۇشەيتتى.
شي جينپيڭ بىلاي دەپ باسا دارىپتەدى: 2020 - جىل جاپپاي دوڭگەلەك داۋلەتتى قوعام ورناتۋ مەن ”13 - بەسجىلدىق“ جوبانى ءساتتى اياقتاتاتىن جىل. ءبىرىنشى 100 جىلدىق كۇرەس نىساناسىن جۇزەگە اسىرۋدىڭ بورىشى داڭقتى، جاۋاپكەرشىلىگى اۋىر. ءبىز جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، جۇڭگو كوممۋنيستىك پارتياسىنىڭ 19 - قۇرىلتايى مەن 19 - كەزەكتى ورتالىق كوميتەتىنىڭ ەكىنشى، ءۇشىنشى، ءتورتىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، جاپپاي دوڭگەلەك داۋلەتتى قوعام ورناتۋ نىسانا - مىندەتىمەن تىعىز ۇشتاستىرىپ، ”بەستى ءبىر تۇلعالاندىرۋ“ جالپى تۇلعالىق ورنالاستىرۋىن ءبىر تۇتاس جوسپارلاپ ىلگەرىلەتىپ، ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جاڭا دامۋ ۇستانىمىن جاپپاي دايەكتىلەندىرىپ، رەفورما جاساۋدى، ەسىك اشۋدى جاپپاي تەرەڭدەتىپ، ارتۋدى ورنىقتىرۋ، رەفورمانى جەبەۋ، قۇرىلىمدى رەتتەۋ، حالىق تۇرمىسىنا تيىمدىلىك جاساۋ، حاۋىپ - قاتەردەن ساقتانۋ، ورنىقتىلىقتى ساقتاۋ قىزمەتتەرىن جاپپاي ويداعىداي ورىنداپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە جوعارى ساپامەن قول جەتكىزىپ، ەكونوميكانىڭ ۇزدىكسىز اقاۋسىز دامۋىنا، قوعامدىق كەلەلى جاعدايدىڭ ورنىقتىلىعىنا شىنايى كەپىلدىك ەتۋىمىز كەرەك. ءبىز ”ءبىر ەل، ەكى ءتۇزىم“، ”شياڭگاڭدى شياڭگاڭدىقتار باسقارۋ“، ”اۋمىندى اۋمىندىقتار باسقارۋ“ وسكەلەڭ اۆتونوميا باعىتىن ۇزدىكسىز دايەكتىلەندىرىپ، شياڭگاڭنىڭ، اۋمىننىڭ ۇزاق مەزگىل گۇلدەنۋىن، ورنىقتىلىعىن قورعاۋىمىز كەرەك. ءبىز ءبىر جۇڭگو پرينسيبىنە تاباندى بولىپ، ”92 - جىلعى ورتاق تانىم“ نەگىزىندە ەكى جاعالاۋ قاتىناسىنىڭ بەيبىت دامۋىن ىلگەرىلەتۋىمىز كەرەك. ءبىز بەيبىتشىلىك، دامۋ، سەلبەستىك، بىرگە يگىلىككە كەنەلۋ تۋىن بيىك ۇستاپ، سىرتقا اۋىس - كۇيىس سەلبەستىگىن تەرەڭدەتىپ، ”ءبىر بەلدەۋ، ءبىر جول“ قۇرىلىسىن بەلسەنە ىلگەرىلەتىپ، دۇنيە ءجۇزىنىڭ بەيبىتشىلىگى مەن دامۋى سىندى وسكەلەڭ ارداقتى ىسكە جاڭا ۇلەس قوسۋىمىز كەرەك.
شي جينپيڭ بىلاي دەپ اتاپ كورسەتتى: ءبىر جىلدان بەرى، حالىق ساياسي كەڭەسى يدەيانى نازاريامەن قارۋلاندىرۋدى كۇشەيتۋگە كۇش سالىپ، جۇڭگو كوممۋنيستىك پارتياسى ورتالىق كوميتەتىنىڭ شەشىمدەرىن، ورنالاستىرۋلارىن مۇقيات دايەكتىلەندىرىپ، دەموكراتيانى ساۋلەلەندىرۋ مەن ىنتىماقتى جەبەۋدى ءوزارا تۇتاستىرۋعا، ۇسىنىس قويىپ، كەڭەس بەرۋ مەن ورتاق تانىمدى ۇيىستىرۋ سىندى قوس باعىتتا كۇش شىعارۋعا تاباندى بولىپ، ارناۋلى كەڭەس قۇرىلىمى ءتۇزىمىن كەمەلدەندىرىپ، پارتيا مەن مەملەكەتتىڭ وزەكتى مىندەتتەرىمەن تىعىز ۇشتاستىرىپ مىندەتىن ورىنداپ، بورىشىن اتقارىپ، پارتيا مەن مەملەكەت ىستەرىنىڭ دامۋى ءۇشىن ماڭىزدى ۇلەس قوستى. جاڭا ءبىر جىلدا، حالىق ساياسي كەڭەسى ”قوس 100 جىلدىق“ كۇرەس نىساناسىن جۇزەگە اسىرۋعا قىزمەت ەتۋدى قىزمەتتىڭ نەگىزگى جەلىسى ەتىپ، يدەيا - ساياسيدا جەتەكتەۋدى كۇشەيتۋدى، كەڭ كولەمدە ورتاق تانىم ۇيىستىرۋدى وزەكتى بۋىن ەتىپ، حالىق ساياسي كەڭەسىنىڭ ءتۇزىم ابزالدىلىعىن مەملەكەتتى جونگە سالۋ ونىمدىلىگىنە اينالدىرىپ، جاپپاي دوڭگەلەك داۋلەتتى قوعام ورناتۋ نىسانا، مىندەتىن جۇزەگە اسىرۋ، جاڭا داۋىردەگى جۇڭگو كوممۋنيستىك پارتياسىنىڭ تاريحي بورىشىن جۇزەگە اسىرۋ ءۇشىن زەيىن، كۇش ۇيىستىرۋ كەرەك.
شاي ءماجىلىسىن جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ باسقاردى. ول بىلاي دەپ اتاپ كورسەتتى: ءبىز باس شۋجي شي جينپيڭنىڭ ماڭىزدى سوزدەرىنىڭ رۋحىن، ءسوزسىز، مۇقيات ۇيرەنىپ، دايەكتىلەندىرىپ، جۇڭگو كوممۋنيستىك پارتياسى 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ جانە ورتالىقتىڭ ساياسي كەڭەس قىزمەتى ءماجىلىسىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، جۇڭگوشا سوتسياليزم ۇلى تۋىن بيىك ۇستاپ، زەيىن، كۇشتى ۇيىستىرىپ، ىنتىماقتاسا ەكپىندەي ىلگەرىلەپ، بىرلىكساپ پەن حالىق ساياسي كەڭەسىنىڭ ءتۇرلى قىزمەتتەرىن مۇقيات ويداعىداي ىستەپ، حالىق ساياسي كەڭەسىنىڭ ءتۇزىم ابزالدىلىعىن مەملەكەتتى جونگە سالۋ ونىمدىلىگىنە اينالدىرىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتىپ، ونان ارى سوتسياليستىك وسىزاماندانعان قۇدىرەتتى مەملەكەت قۇرۋ ءۇشىن تىنباي كۇرەس جۇرگىزۋىمىز كەرەك.
3 - قىركۇيەك ءىلمي قوعامى ورتالىق كوميتەتىنىڭ ءتوراعاسى ۋ ۋيحۋا دەموكراتيالىق پارتيا - توپتاردىڭ ورتالىق كوميتەتتەرى، مەملەكەتتىك ساۋدا - ونەركاسىپشىلەر بىرلەستىگى جانە پارتيادا، توپتا جوق قايراتكەرلەر اتىنان ءسوز سويلەپ، شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ءبىر نيەتپەن جۇمىلىپ، جان قيارلىقپەن شايقاسىپ، جۇڭگوشا سوتسياليزم تۇزىمىنە تاباندى بولۋ جانە ونى كەمەلدەندىرۋ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ، ”قوس 100 جىلدىق“ كۇرەس نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن قۇلشىنا كۇرەس جاسايتىندىقتارىن ءبىلدىردى.
شاي ماجىلىسىندە شي جينپيڭ قاتارلىلار ءار سالادان كەلگەن قايراتكەرلەر اراسىنا بارىپ، كوپشىلىكپەن ىقىلاسپەن قول الىسىپ، سالەمدەستى. ءبىر ءبولىم مەملەكەتتىك ساياسي كەڭەس مۇشەلەرى جانە ادەبيەت - كوركەمونەر قىزمەتكەرلەرى تارتىمدى كونسەرت قويدى. سوڭىندا تۇتاس الاڭداعىلار ورىندارىنان تۇرىپ «ىنتىماق − كۇش» ءانىن اسقاقتا شىرقادى، ءماجىلىس الاڭىندا قۋانىشتى، بەرەكەلى مەرەكەلىك لەپ ەستى.
بەيجيڭدەگى جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەلەرى، ورتالىق كوميتەت شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتىندەگى، مەملەكەتتىك كەڭەستەگى ءبىر ءبولىم باسشى جولداستار، مەملەكەتتىك ساياسي كەڭەستەگى باسشى جولداستار جانە ىلگەرى مەملەكەتتىك ساياسي كەڭەستىڭ ورىنباسار ءتوراعاسى مىندەتىن اتقارعان بەيجيڭدە تۇراتىن قارت جولداستار شاي ماجىلىسىنە قاتىناستى.
