ورتالىقتىڭ اۋىل - قىستاق قىزمەتى ءماجىلىسى بەيجيڭدە اشىلدى
شي جينپيڭ ”اۋىل شارۋاشىلىعى، اۋىل - قىستاق، شارۋالار“ قىزمەتىن ويداعىداي ىستەۋ جونىندە ماڭىزدى نۇسقاۋ بەردى
ورتالىقتىڭ اۋىل - قىستاق قىزمەتى ءماجىلىسى 12 - ايدىڭ 20 - كۇنىنەن 21 - كۇنىنە دەيىن بەيجيڭدە اشىلدى. ءماجىلىس شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتى ەكىنشى، ءۇشىنشى، ءتورتىنشى جالپى ماجىلىستەرىنىڭ رۋحىن ۇيرەنىپ، دايەكتىلەندىرىپ، ورتالىقتىڭ ەكونوميكالىق قىزمەت ءماجىلىسىنىڭ رۋحىن دايەكتىلەندىرىپ، تياناقتاندىرىپ، كەزەكتە ”اۋىل شارۋاشىلىعى، اۋىل - قىستاق، شارۋالار“ قىزمەتىندە ءدوپ كەلگەن جاعداي مەن مىندەتكە تالداۋ جاساپ، جاپپاي دوڭگەلەك داۋلەتتى قوعام ورناتۋ مەن كەدەيلىكتەن ارىلتۋدان قامال الۋ شايقاسىندا جەڭىسكە قول جەتكىزۋدى ارقاۋ ەتىپ، 2020 - جىلعى ”اۋىل شارۋاشىلىعى، اۋىل - قىستاق، شارۋالار“ قىزمەتىن اقىلداستى، ورنالاستىردى.
ءماجىلىس جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ تاياۋدا ورتالىق كوميتەت ساياسي بيۋروسى تۇراقتى كوميتەتى ماجىلىسىندە ”اۋىل شارۋاشىلىعى، اۋىل - قىستاق، شارۋالار“ قىزمەتىن ارناۋلى اقىلداسقان كەزدە سويلەگەن ماڭىزدى ءسوزىن جەتكىزدى، ۇيرەندى. شي جينپيڭ مىنانى اتاپ كورسەتتى: دوڭگەلەك داۋلەتكە جەتتىك پە، جەتپەدىك پە، باستىسى، اۋىلداستارعا قاراۋ كەرەك. كەدەيلىكتەن ارىلۋ ساپاسىنىڭ قانداي ەكەندىگىن، دوڭگەلەك داۋلەتتىڭ ساپاسىنىڭ قانداي ەكەندىگىن تارازىلاۋدا كوبىنەسە كەلەر جىلعى ”اۋىل شارۋاشىلىعى، اۋىل - قىستاق، شارۋالار“ قىزمەتىنىڭ ونىمدىلىگىنە قاراۋ كەرەك. كەدەيلىكتەن ارىلتۋدان قامال الۋ شايقاسىندا باتىل جەڭىسكە قول جەتكىزىپ، تولىق جەڭىسكە جەتپەيىنشە استە تىنباۋ؛ بايلىقتى شوعىرلاندىرىپ، قامتاماسىز ەتۋدى كۇشەيتىپ، دالمە - ءدال ءادىس - شارا قولدانىپ، ”اۋىل شارۋاشىلىعى، اۋىل - قىستاق، شارۋالار“ سالاسىنداعى ولقىلىقتاردى جەدەل تولىقتاۋ؛ تاراۋلار مەن جەرگىلىكتى ۇكىمەتتىڭ جاۋاپكەرشىلىگىن ناقتىلاندىرىپ، شارۋالاردىڭ استىق ەگۋ بەلسەندىلىگىن ويداعىداي قورعاپ، اۋىل - قىستاق نەگىزگى ساتى پارتيا ۇيىمى قۇرىلىسىن كۇشەيتىپ، ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيە جەتىستىگىن ويداعىداي بەكەمدەپ، پارتيا مەن بۇقارانىڭ، كادرلار مەن بۇقارانىڭ بايلانىسىن نىعايتىپ، بۇقاراعا قىزمەت وتەۋ قابىلەتىن جوعارىلاتۋ كەرەك.
ءماجىلىس «جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ ”اۋىل شارۋاشىلىعى، اۋىل - قىستاق، شارۋالار“ سالاسىنداعى ءتۇيىندى قىزمەتتەردى مىقتى يگەرىپ، جاپپاي دوڭگەلەك داۋلەتتى ۋاعىندا جۇزەگە اسىرۋعا شىنايى كەپىلدىك ەتۋ جونىندەگى پىكىرىن (تالقى نۇسقا)» تالقىلادى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەستىڭ ورىنباسار زۇڭليى حۋ چۇنحۋا ماجىلىسكە قاتىناستى جانە ءسوز سويلەدى.
ءماجىلىس مىنانى اتاپ كورسەتتى: بيىل جىل باسىنان بەرى، اۋىل شارۋاشىلىعىندا، اۋىل - قىستاقتاردا ۇزدىكسىز ورنىقتى دامۋ تاماشا ارىنى ساقتالدى، كەدەيلىكتەن دالمە - ءدال ارىلتۋ ونىمدىلىگى كورنەكتى بولدى، استىق جالپى ءونىم مولشەرىندە تاريحتاعى تىڭ ورە جاراتىلدى، اۋىل - قىستاقتاردا حالىق تۇرمىسى اناعۇرلىم جاقساردى، اۋىل - قىستاق رەفورماسى ۇزدىكسىز تەرەڭدەدى، اۋىل - قىستاق قوعامىندا جاراسىمدىلىق، ورنىقتىلىق ساقتالدى. كەلەر جىل − جاپپاي دوڭگەلەك داۋلەتتى قوعام ورناتۋ اياقتالاتىن جىل، كەلەر جىلعى ”اۋىل شارۋاشىلىعى، اۋىل - قىستاق، شارۋالار“ قىزمەتىن ويداعىداي ىستەۋدىڭ ەرەكشە ماڭىزدىلىعىن، ءسوز جوق، ىشكەرىلەي تانىپ، جاپپاي دوڭگەلەك داۋلەتتى قوعام ورناتۋ نىساناسىنىڭ تالاپ - ولشەمدەرىنە تۋرالانىپ، شارالاردى كۇشەيتىپ، تياناقتاندىرۋدى مىقتى يگەرىپ، كەدەيلىكتەن ارىلتۋدان قامال الۋ مىندەتتەرىن باتىل ۋاعىندا ورىنداپ، جاپپاي دوڭگەلەك داۋلەت بويىنشا ”اۋىل شارۋاشىلىعى، اۋىل - قىستاق، شارۋالار“ سالاسىنداعى ولقىلىقتاردى باتىل تولىقتاپ، ”اۋىل شارۋاشىلىعى، اۋىل - قىستاق، شارۋالار“دىڭ ورنىقتىرعىشتىق رولىن شىن مانىندە ويداعىداي ساۋلەلەندىرۋ كەرەك.
ءماجىلىس مىنانى باسا دارىپتەدى: كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋ − جاپپاي دوڭگەلەك داۋلەتتى قوعام ورناتۋداعى ماڭىزدىنىڭ - ماڭىزدىسى، العان بەتتەن قايتپاي، قاپىسىن تاۋىپ ىستەپ، كۇشتى شوعىرلاندىرا وتىرىپ، كەدەيلىكتەن ارىلتۋدىڭ قالدىق مىندەتتەرىن جاپپاي ورىنداۋ كەرەك. كەدەيلىكتەن قامال الۋدىڭ جەتىستىكتەرىن بەكەمدەپ، قايتا كەدەيلەسۋدەن ساقتانىپ، قايتادان كەدەيلەسكەندەرگە جانە جاڭادان كەدەيلەسكەندەرگە كومەكتەسىپ سۇيەمەلدەۋدى دەر كەزىندە جاقسى ىستەۋ كەرەك. قازىر اتقارىلىپ وتىرعان كەدەيلىكتەن ارىلتۋ ولشەمىنە تاباندى بولىپ، ”ەكىدەن تارىقتىرماۋ، ءۇشتى قامتاماسىز ەتۋ“دى ورنىقتى جۇزەگە اسىرۋعا شىنايى كەپىلدىك ەتۋ كەرەك. كەدەيلىكتەن ارىلتۋدان قامال الۋ ساياساتىنىڭ تۇلعالىق ورنىقتىلىعىن ساقتاپ، كەدەيلەردى ازايتۋ قىزمەتىن ۇزدىكسىز ىلگەرىلەتۋدى اقىلداسۋدى مىقتى يگەرۋ كەرەك.
ءماجىلىس مىنانى اتاپ كورسەتتى: جاپپاي دوڭگەلەك داۋلەتتى قوعام ورناتۋداعى ەڭ كورنەكتى ولقىلىق ”اۋىل شارۋاشىلىعىندا، اۋىل - قىستاقتا، شارۋالاردا“. اۋىل - قىستاق نەگىزدىك قۇرىلعى قۇرىلىسى سەرپىنىن ارتتىرىپ، اۋىل - قىستاقتاردى سۋمەن قامداۋدى قامتاماسىزداندىرۋ دەڭگەيىن جوعارىلاتىپ، اۋىل - قىستاق قونىس ورتاسىن رەتتەۋ - جونگە سالۋدى تىڭعىلىقتى ويداعىداي جۇرگىزىپ، اۋىل - قىستاق وقۋ - اعارتۋ ساپاسىن جوعارىلاتىپ، اۋىل - قىستاق نەگىزگى ساتى ەمدەۋ، دەنساۋلىق ساقتاۋ قىزمەت وتەۋىن كۇشەيتىپ، اۋىل - قىستاق قوعامدىق قامتاماسىزداندىرۋىن نىعايتىپ، اۋىل - قىستاق الەۋمەتتىك مادەنيەت قىزمەت وتەۋىن جاقسارتىپ، اۋىل - قىستاق ەكولوگيالىق ورتاسىنداعى كورنەكتى ماسەلەلەردى جونگە سالۋ كەرەك.
ءماجىلىس مىنانى باسا دارىپتەدى: شارۋالاردىڭ كىرىسىن ارتتىرۋ − جاپپاي دوڭگەلەك داۋلەتتىڭ نەگىزگى تالابى، حالىقتى اۋقاتتاندىراتىن اۋىل - قىستاق كاسىپ سالاسىن دامىتىپ، ءار سالاداعى دارىندىلاردى اۋىلدارىنا قايتىپ شارۋاشىلىق قۇرۋعا، جاڭالىق اشۋعا بەلسەنە شابىتتاندىرىپ، شارۋا جۇمىسكەرلەردى ورنىقتى جۇمىستاندىرىپ، شارۋا جۇمىسكەرلەردىڭ ەڭبەكاقىسىن كەشەۋىلدەتۋ ءىسىن رەتتەۋ - جونگە سالۋ تەبىنىن ارتتىرىپ، الۋان ارنامەن شارۋالار كىرىسىنىڭ ۇزدىكسىز ارتۋىن جەبەۋ كەرەك.
ءماجىلىس مىنانى اتاپ كورسەتتى: ماڭىزدى اۋىل شارۋاشىلىق ونىمدەرىمەن ۇتىمدى قامداۋدى قامتاماسىز ەتۋ باستان - اياق ”اۋىل شارۋاشىلىعى، اۋىل - قىستاق، شارۋالار“ قىزمەتىندەگى ماڭداي الدى ءىرى ءىس، استىق ءوندىرىسىن كۇش سالا ويداعىداي يگەرىپ، استىق حاۋىپسىزدىگىنە ولكە باستىعى جاۋاپتى بولۋ ءتۇزىمىن باعالاۋدى كۇشەيتىپ، استىق وندىرىسىندەگى ءىرى اۋدانداردى سيلاۋ جانە قولداۋ تەبىنىن ارتتىرىپ، اۋىل شارۋاشىلىق قوسىمشا قاراجات ساياساتىن اناعۇرلىم كەمەلدەندىرىپ، شارۋالاردىڭ استىق ەگۋ نەگىزگى كىرىسىن قامتاماسىزداندىرىپ، استىق ەگىلەتىن جەر اۋدانىن تۇراقتاندىرىپ، استىق ءونىم مولشەرىن ورنىقتىرۋ كەرەك. شوشقا ءوندىرىسىن جەدەل قالپىنا كەلتىرىپ، ولكە باس جاۋاپكەرشىلىكتى ارقالاۋ مەن ”كوجە قاتىققا“ قالا باستىعى جاۋاپتى بولۋ ءتۇزىمىن جاپپاي تياناقتاندىرىپ، شوشقا ءوندىرىسىن قولداۋ ساياساتتارىن، شارالارىن تياناقتاندىرۋ قاجەت. وسى زامانعى اۋىل شارۋاشىلىعى قۇرىلعى قۇرىلىسىن كۇشەيتىپ، جوعارى ولشەمدى ەگىس اتىزى قۇرىلىسىن جەدەل ىلگەرىلەتىپ، اۋىل شارۋاشىلىق ونىمدەرىن قامبادا جاس كۇيىندە توڭازىتىپ ساقتاۋ زات اينالىمى قۇرىلعى قۇرىلىسى ينجەنەرياسىن اتقارىپ، سۋ يگىلىگى قۇرىلىسى تەبىنىن ارتتىرۋ كەرەك.
ءماجىلىس مىنانى باسا دارىپتەدى: پارتيانىڭ ”اۋىل شارۋاشىلىعى، اۋىل - قىستاق، شارۋالار“ قىزمەتىنە جاپپاي باسشىلىعىن كۇشەيتىپ، اۋىل شارۋاشىلىعىن، اۋىل - قىستاقتى الدىمەن دامىتۋدان جازباي، 5 دارەجەلى شۋجي اۋىل - قىستاقتىڭ كوركەيۋىن يگەرۋ جاۋاپكەرشىلىگىن كۇشەيتىپ، اۋىل - قىستاق نەگىزگى ساتى پارتيا ۇيىمىنىڭ جاۋىنگەر قامالدىق رولىن ويداعىداي ساۋلەلەندىرۋ كەرەك. ”اۋىل شارۋاشىلىعىنا، اۋىل - قىستاققا، شارۋالارعا“ ۇسنىلىم تەبىنىن ارتتىرىپ، اۋىل - قىستاق كاسىپ سالاسىن دامىتۋعا پايدالانىلاتىن جەر ساياساتىن كەمەلدەندىرىپ، دارىندى جانە عىلىم - تەحنيكا جاعىنان تىرەك بولۋدى كۇشەيتۋ كەرەك. اۋىل - قىستاقتىڭ ءتۇيىندى رەفورمالارىن، مىندەتتەرىن مىقتى يگەرىپ، جەردى كوتەرمەگە الۋ بايلانىسىنىڭ باياندى، ورنىقتى بولۋىنان جازباي، اۋىل - قىستاق كوللەكتيۆ مال - مۇلىك ۇقىعى ءتۇزىمى رەفورماسى سىناق ءتۇيىنىن جاپپاي ەتەك الدىرۋ كەرەك. اۋىل - قىستاق نەگىزگى ساتىلارىن جونگە سالۋدى كۇشەيتىپ، قوعامدى جونگە سالۋ مەن قىزمەت وتەۋ ءتۇيىنىنىڭ نەگىزگى ساتىعا قاراي ويىسۋىن جەبەپ، اۋىل - قىستاق قايشىلىعى مەن داۋ - شارلارىن بەلسەنە جاراستىرىپ، جونگە سالىپ، شەشىپ، اۋىل - قىستاق قوعامىنىڭ جاراسىمدىلىعىن، ورنىقتىلىعىن قورعاۋ كەرەك. اۋىل - قىستاقتىڭ ءىس جۇزىندىگىن شىعار ءتۇيىن ەتۋدەن جازباي، جەرگىلىكتى جاعدايعا قاراي ىستەپ، شارۋالاردىڭ تىلەگىنە قۇرمەت ەتىپ، بار كۇشتى سالىپ، شاماعا قاراي ىستەپ، كەزەك كۇتتىرمەيتىن جۇمىستاردى ءبىر - بىردەن ويداعىداي شەشۋ كەرەك.
مەملەكەتتىك كەڭەستىڭ مۇشەسى، قوسىمشا مەملەكەتتىك كەڭەستىڭ باس حاتشىسى شياۋ جيە ءبىرىنشى رەتكى جالپى ءماجىلىستى باسقاردى.
ورتالىقتىڭ اۋىل - قىستاق قىزمەتى باسشىلىق گرۋپپاسىنىڭ مۇشەلەرى، ءارقايسى ولكەلەردەگى، اۆتونوميالى رايوندارداعى، قالالارداعى جانە جوسپارى بولەك جاسالاتىن قالالارداعى، شينجياڭ ءوندىرىس - قۇرىلىس بيڭتۋانىنداعى جاۋاپتى جولداستار، ورتالىق پەن مەملەكەت ورگانىنىڭ قاتىستى تاراۋلارىنداعى، اسكەري ءبولىمنىڭ قاتىستى ورىندارىنداعى جاۋاپتى جولداستار، ت.ب ماجىلىسكە قاتىناستى.
