1. اعىمداعى ورىن:
  2. باس بەت
  3. اعىم جاڭالىقتارى
  4. باس حابار
  5. زاڭ - ەرەجە

بەيجيڭ داشيڭ حالىقارالىق اۋەجايى رەسمي ىسكە قوسىلىپ جۇمىس جۇرگىزدى

日期:2019年09月27日
来源:新疆日报
【字体:

شي جينپيڭ ىسكە قوسىلىپ جۇمىس جۇرگىزۋ سالتىنا قاتىناستى جانە مىنانى جاريالادى

بەيجيڭ داشيڭ حالىقارالىق اۋەجايى رەسمي ىسكە قوسىلىپ جۇمىس جۇرگىزدى

حان جىڭ سالتقا قاتىناستى جانە ارناۋ ءسوز سويلەدى

9 - ايدىڭ 25 - كۇنى تۇستەن بۇرىن بەيجيڭ داشيڭ حالىقارالىق اۋەجايىنىڭ ىسكە قوسىلىپ جۇمىس جۇرگىزۋ سالتى بەيجيڭدە وتكىزىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ سالتقا قاتىناسىپ، اۋەجايدىڭ رەسمي ىسكە قوسىلىپ جۇمىس جۇرگىزگەندىگىن جاريالادى ءارى اۋەجايدىڭ تەرمينال عيماراتىن ارالاپ كوردى

 سامۇرىق قانات جايىپ، زەڭگىر اسپاندا ارمان قۋدى. جاڭا جۇڭگو قۇرىلعاندىعىنىڭ 70 جىلدىعى قارساڭىندا، بەيجيڭ داشيڭ حالىقارالىق اۋەجايىنىڭ ىسكە قوسىلىپ جۇمىس جۇرگىزۋ سالتى 9 - ايدىڭ 25 - كۇنى تۇستەن بۇرىن بەيجيڭدە وتكىزىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ سالتقا قاتىناسىپ، اۋەجايدىڭ رەسمي ىسكە قوسىلىپ جۇمىس جۇرگىزگەندىگىن جاريالادى ءارى اۋەجايدىڭ تەرمينال عيماراتىن ارالاپ كوردى، پارتيا ورتالىق كوميتەتى اتىنان اۋەجايدىڭ قۇرىلىسىنا جانە ىسكە قوسىلىپ جۇمىس جۇرگىزۋىنە قاتىناسقان قالىڭ كادرلارعا، جۇمىسشى - قىزمەتشىلەرگە شىن جۇرەكتەن العىس ايتىپ، ىقىلاستى سالەم جولدادى.

شي جينپيڭ بىلاي دەپ باسا دارىپتەدى: داشيڭ حالىقارالىق اۋەجايىنىڭ 5 جىلعا جەتپەيتىن ۋاقىتتا بەلگىلەنگەن قۇرىلىس مىندەتىن ورىنداپ، ءساتتى ىسكە قوسىلىپ جۇمىس جۇرگىزۋى جۇڭگو ينجەنەريا قۇرىلىسىنىڭ مىعىم قۋاتىن تولىق كورسەتتى، جۇڭگو رۋحى مەن جۇڭگو كۇشىن تولىق ايگىلەدى، جۇڭگو كوممۋنيستىك پارتياسىنىڭ باسشىلىعى مەن ەلىمىزدىڭ سوتسياليستىك ءتۇزىمىنىڭ كۇشتى شوعىرلاندىرىپ ءىرى ءىس تىندىرا الاتىن ساياسي ارتىقشىلىعىن تولىق ايگىلەدى. جاڭا جۇڭگونىڭ 70 جىلى قانشاما شۇعىلالى دەسەڭىزشى! جۇڭگو كوممۋنيستىك پارتياسى جۇڭگو حالقىنا باسشىلىق ەتىپ تالاي - تالاي ”مۇمكىن ەمەستى“ جۇزەگە اسىرىپ، تاڭ قالارلىق تالاي - تالاي كەرەمەتتەر جاراتتى. كەرەمەت ىستەۋدەن كەلەدى، سوتسياليزم دە ىستەۋدەن كەلەدى. جۇڭگو كوممۋنيستىك پارتياسى مەن جۇڭگو حالقىندا ۇزدىكسىز كۇرەس جۇرگىزەتىن، ”قوس 100 جىلدىق“ كۇرەس نىساناسىن جۇزەگە اسىرۋعا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا قاراي قايراتتانا ىلگەرىلەيتىن ۇلى ماقسات، وزىنە سەنىم بار. اماليات جۇڭگو حالقىنىڭ، ءسوز جوق، قارىمى قاپتال جەتەتىندىگىن، جۇڭگونىڭ، ءسوز جوق، ىستەي الاتىندىعىن تولىق دالەلدەدى.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى حان جىڭ سالتقا قاتىناستى جانە ارناۋ ءسوز سويلەدى.

ساعات 9دان 45 مينۋت وتكەندە، شي جينپيڭ بەيجيڭ قالاسى فىڭتاي رايونىنا ورنالاسقان رەليستى قاتىناس داشيڭ اۋەجايى جەلىسى ساۋچياۋ ايالداماسىنا كەلىپ، بەيجيڭ قالاسى رەليستى قاتىناس قۇرىلىسىنىڭ دامۋ جاعدايىن جانە داشيڭ اۋەجايى جەلىسىنىڭ جۇمىس جۇرگىزۋىنە دايىندىق جاساۋ جاعدايىن تەكسەردى. بەيجيڭ داشيڭ حالىقارالىق اۋەجايى مەن ورتالىق قالا اۋماعىن جالعايتىن رەليستى قاتىناس ارناۋلى جەلىسى 1 - مەرزىمدىك ينجەنەرياسىنىڭ 41 كيلومەترى سالىنىپ ءبىتىپ ىسكە قوسىلدى. ساۋچياۋ ايالداماسى مەترو ايالداماسىنىڭ فۋنكتسيالارى مەن اۋەجايدىڭ ۇشاققا شىعۋ راسمياتتارىن ءبىتىرۋ فۋنكتسيالارىن بىرلەستىرىپ، جولاۋشىلاردىڭ مەترو ايالداماسىنىڭ ىشىندە ەل ءىشى، حالىقارالىق ۇشاقتارعا شىعۋ راسمياتتارىن بىتىرۋىنە، جۇكتى حاۋىپسىزدىك تەكسەرۋىنەن وتكىزۋ جانە جۇك جونەلتۋ جۇمىستارىن بىتىرۋىنە مۇمكىندىك جاساپ، قالا قاتىناسىنىڭ اۋەجاي قاتىناسىمەن ساڭلاۋسىز ۇشتاسۋىن ىسكە اسىرىپ، قالىڭ جولاۋشىلارعا ەرەكشە قولايلىلىق جاسادى.

ساۋچياۋ ايالداماسىنىڭ ايالداماعا كىرۋ ۇلكەن زالىندا شي جينپيڭ كورسەتپە تاقتامەن بىرلەستىرىلگەن قاتىستى جاعداي جونىندەگى تانىستىرۋدى تىڭدادى. شي جينپيڭ بىلاي دەپ باسا دارىپتەدى: قالانىڭ رەليستى قاتىناسى وسى زامانعى ءىرى قالالار قاتىناسىنىڭ دامۋ بەتالىسى سانالادى. رەليستى قاتىناستى دامىتۋ − ءىرى قالا كىناراتىن شەشۋدىڭ ءونىمدى جولى، سونداي - اق جاسىل قالا، زەردەلى قالا قۇرۋدىڭ ءونىمدى جولى. بەيجيڭ رەليستى قاتىناستى ۇزدىكسىز زور كۇشپەن دامىتىپ، كەشەندى، جاسىل، حاۋىپسىز، زەردەلى ستەرەولدى، وسىزاماندانعان قالا قاتىناسى جۇيەسىن ورناتىپ، ءارقاشان حالىقارالىق ەڭ وزىق دەڭگەيدى ساقتاپ، وسىزاماندانعان حالىقارالىق ءىرى قالا قالىپتاستىرۋى كەرەك.

وسىدان سوڭ، شي جينپيڭ رەليستى پويەزگە وتىرىپ بەيجيڭ داشيڭ حالىقارالىق اۋەجايىنا اتتاندى، جولدا رەليستى پويەزدىڭ جوبالانۋى، جاسالۋى جانە بەلەت باعاسى، جۇكتەردى جونەلتۋ، باسقا دا قاتىناس جەلىلەرىمەن ءتۇيىسۋى سياقتى جاعدايلاردى ەگجەي - تەگجەيلى سۇراستىردى. شي جينپيڭ بىلاي دەپ باسا دارىپتەدى: قالانى وسىزامانداندىرۋدا قاتىناستى الدىڭعى ورىنعا قويۋ كەرەك، داشيڭ حالىقارالىق اۋەجايىنىڭ ىقپال جاساۋ، جەتەكتەۋ رولىن ويداعىداي ساۋلەلەندىرىپ، بەيجيڭ، تيانجين، حىبەي الەمدىك دەڭگەيدەگى قالالار شوعىرىن، بەيجيڭنىڭ ”ءتورت ورتالىعىن“، شيۇڭ - ان جاڭا رايونى قۇرىلىسىن ۇلاستىرىپ، بەيجيڭدى، تيانجيندى، حىبەيدى سايكەستىرە دامىتۋعا ويداعىداي قىزمەت وتەۋ كەرەك.

قوڭىر كۇزدەگى بەيجيڭدە جانعا جايلى لەپ ەسىپ، كۇن بايتاق دالاعا شۇلەن شۇعىلاسىن شاشىپ تۇر، كۇن ساۋلەسىنىڭ شۇعىلاسىنا مالىنعان قوڭىرقاي اۋەجاي تەرمينال عيماراتىنىڭ توبەسى جالت - جۇلت ەتىپ ەرەكشە كوزگە تۇسەدى، بەيجيڭ داشيڭ حالىقارالىق اۋەجايى ۇشۋعا دايىندالىپ قانات - قۇيرىعىن قومدانعان التىن سامۇرىقتاي ەلەس بەرەدى.

بەيجيڭ داشيڭ حالىقارالىق اۋەجايىنا جەتكەن سوڭ، شي جينپيڭ الدىمەن كەشەندى قاتىناس ورتالىعىندا اۋەجاي كەشەندى قاتىناس جۇيەسى قۇرىلىسىنىڭ جاعدايى جونىندەگى تانىستىرۋدى تىڭدادى. داشيڭ حالىقارالىق اۋەجايىنا سايكەستىرىلىپ وسىزاماندانعان ستەرەولدى قاتىناس جۇيەسى قۇرىلىپ، اۋەجاي ىشىندە تاس جول، رەليستى قاتىناس، جوعارى جىلدامدىقتى تەمىر جول، قالا ارالىق تەمىر جول سياقتى تۇرلىشە تاسىمال تاسىلدەرى اراسىندا ستەرەولدى تۇردە ءوزارا اۋىسىپ وتىرۋ، ساڭلاۋسىز ۇشتاسۋ جۇزەگە اسىرىلعان، ونىڭ ۇستىنە سىرتقى بولەگىندە سايكەستىرىلىپ بەس تىك، ەكى كولدەنەڭ باعىتتاعى قاتىناس تورابى قۇرىلعان. قازىر داشيڭ اۋەجايى جوعارى قارقىندى جولى، رەليستى قاتىناس جاڭا اۋەجاي جەلىسى، بەيجيڭ - شيۇڭ - ان قالا ارالىق تەمىر جولى بەيجيڭ بولىگى سياقتىلار ءبىر ۋاقىتتا ىسكە قوسىلعان. شي جينپيڭ جاڭا اۋەجايدىڭ سايكەستى قاتىناس قۇرىلعىلارى قۇرىلىسىن تۇراقتاندىردى. ول بىلاي دەپ اتاپ كورسەتتى: ىشكى - سىرتقى بولەگى تۇتاسقان كەشەندى قاتىناس جۇيەسىن ورناتۋ − اۋەجايدىڭ جۇمىس ونىمدىلىگىن جوعارىلاتۋدىڭ تەتىگى. وزىق باسقارۋ ۇستانىمىن ورناتىپ، وسى زامانعى ينفورماتسيا تەحنيكاسىنان پايدالانىپ، باسقارۋدىڭ، جۇمىس جۇرگىزۋدىڭ زەردەلى، قولايلى بولۋ دەڭگەيىن جوعارىلاتۋ كەرەك.

داشيڭ اۋەجايى تەرمينال عيماراتى − قازىر دۇنيە ءجۇزى بويىنشا ەڭ كولەمدى دارا تۇلعالىق تەرمينال عيماراتى سانالادى، ول ءوزىنىڭ وزگەشە پىشىندىك جوباسىمەن، قۇرىلىس جۇرگىزۋدەگى ەرەن تەحنولوگياسىمەن، قولايلى قاتىناس ۇيىمداستىرىلۋىمەن، وزىق تەحنيكالار قولدانۋىمەن دۇنيە جۇزىندە كوپتەگەن ەڭدەردى جاراتتى. تەرمينال عيماراتىندا ءسۇيىر پىشىندىك كەڭىستىك قۇرىلىم ايرىقشا كەڭ ءارى جارىق كورىنەدى. شي جينپيڭ تەكشە زالى مەن ۇشاققا شىعۋ راسمياتتارىن ءبىتىرۋ زالىن ارالاپ كورىپ، ۇشاققا شىعۋ راسمياتتارىن ءبىتىرۋ، حاۋىپسىزدىك تەكسەرۋ، ۇشاققا شىعۋ جانە مۇگەدەك ادامدارعا ارنالعان كەدەرگىسىز قۇرىلعىلار سياقتى جاعدايلاردى ناقتى ۇعىستى، سونداي - اق قۇم مودەلمەن جانە ۇلگىمەن بىرلەستىرىپ اۋەجايدىڭ جالپى جوبالانۋى، قۇرىلعى قۇرىلىسى سياقتى تانىستىرۋلاردى تىڭدادى. شي جينپيڭ بىلاي دەپ باسا دارىپتەدى: داشيڭ حالىقارالىق اۋەجايى − استانانىڭ ماڭىزدى نىشاندىق ينجەنەرياسى، بەيجيڭدى، تيانجيندى، حىبەيدى سايكەستىرە دامىتۋدى ىلگەرىلەتۋدىڭ تىرەكتىك ينجەنەرياسى. بەيجيڭ، تيانجين، حىبەي ءۇش جەر ورايدى مىقتى يگەرىپ، سايكەسۋدى، سەلبەسۋدى كۇشەيتىپ، ءوڭىردىڭ جوعارى ساپالى دامۋىن جەدەل ىلگەرىلەتۋ كەرەك. حالىقتىق اۆياتسيا − مەملەكەتتىڭ ماڭىزدى ستراتەگيالىق كاسىپ سالاسى. اناعۇرلىم كوپ، اناعۇرلىم وزىق اۆياتسيا تورابىن، اناعۇرلىم كەمەلدى كەشەندى قاتىناس - تاسىمال جۇيەسىن قۇرىپ، قاتىناستا قۋاتتى ەل قۇرۋدى جەدەلدەتۋ كەرەك.

ۇشاققا شىعۋ راسمياتتارىن ءبىتىرۋ تەكشەسىنىڭ الدىندا شي جينپيڭ زەردەلى تەحنيكالى، تولىق اۆتوماتتى، قاعازسىز، زەردەلى ۇشاققا شىعۋ راسمياتتارىن ءبىتىرۋ ءتارتىبىن قاراپ، اۋەجايدىڭ وسىزاماندانعان قۇرىلعىلار قولدانىپ ساياحاتشىلارعا قولايلى قىزمەت وتەۋ ءادىسىن تۇراقتاندىردى. ول بىلاي دەپ باسا دارىپتەدى: داشيڭ حالىقارالىق اۋەجايىن جوعارى ساپامەن قۇرۋمەن بىرگە، ونان دا ماڭىزدىسى، داشيڭ حالىقارالىق اۋەجايىنىڭ جۇمىسىن جوعارى دەڭگەيدە جۇرگىزۋ كەرەك. داشيڭ حالىقارالىق اۋەجايىن حالىقارادا بىرەگەي تىنىش اۋەجاي، جاسىل اۋەجاي، زەردەلى اۋەجاي، گۋمانيتارلىق اۋەجاي ەتىپ قۇرىپ، الەمدىك دەڭگەيدەگى اۆياتسيا تورابىن قالىپتاستىرىپ، دۇنيە جۇزىنە جۇڭگو حالقىنىڭ پاراساتى مەن كۇش - قۋاتىن كورسەتۋ، جۇڭگونىڭ اشىق، سيىسىمدى، بەيبىت بولاتىن، سەلبەسەتىن دارقان پەيىلىن كورسەتۋ كەرەك.

ىسكە قوسىلىپ جۇمىس جۇرگىزۋ سالتى اۋەجايدىڭ بىرلەسىپ تەكسەرۋ ۇلكەن زالىندا وتكىزىلدى. ساعات 11 مولشەرىندە قوناق قارسى الۋ مۋزيكاسى ءۇنى ىشىندە شي جينپيڭ قاتارلىلار سالت وتەتىن جەرگە كەلدى، زالداعىلار تۇگەل ورىندارىنان تۇرىپ شاپالاق سوقتى.

جۇڭگو حالىقتىق اۆياتسيا مەكەمەسىندەگى جاۋاپتى جولداس استانا اۋەجاي توبى سەرىكتەستىگىنە بەيجيڭ داشيڭ حالىقارالىق اۋەجايىنىڭ پايدالانۋعا رۇقسات كۋالىگىن تابىستادى.

ساعات 11دەن 28 مينۋت وتكەندە، شي جينپيڭ ءتوراعالار مىنبەسىنە شىعىپ: ”بەيجيڭ داشيڭ حالىقارالىق اۋەجايى رەسمي ىسكە قوسىلىپ جۇمىس جۇرگىزدى!“ دەپ جاريالادى. بۇكىل زالدان دۋ قول شاپالاق ءۇنى كوتەرىلدى.

ىسكە قوسىلىپ جۇمىس جۇرگىزۋ سالتى اياقتاعان سوڭ، شي جينپيڭ اۋەجايدىڭ حالىقارالىق جونەلتۋ زالىنا كەلىپ، اۋەجايدىڭ قۇرىلىسىنا جانە جۇمىس جۇرگىزۋىنە قاتىناسقان قىزمەتكەرلەردىڭ ۋاكىلدەرىنە امانداستى. شي جينپيڭ كوپشىلىكپەن ءبىر - بىردەن قول الىسىپ، پارتيا ورتالىق كوميتەتى اتىنان كوپشىلىككە جانە اۋەجايدىڭ جوبالانۋىنا، سالىنۋىنا، جۇمىس جۇرگىزۋىنە قاتىناسقان بارلىق جولداستاردى قىزۋ قۇتتىقتادى جانە مەرەكەلىك سالەم جولدادى. شي جينپيڭ بىلاي دەپ اتاپ كورسەتتى: داشيڭ حالىقارالىق اۋەجايىنىڭ قۇرىلىس ولشەمى جوعارى، قۇرىلىس مەرزىمى تىعىز، قۇرىلىس جۇرگىزۋ قيىندىعى جوعارى بولدى، بارلىق قۇرىلىسشىلار قاجىرلىلىقپەن ەڭبەك ەتىپ، تىزە قوسا قۇلشىنىپ، مىندەتتى جوعارى ساپامەن ورىنداپ، داشيڭ حالىقارالىق اۋەجايىن سارا ينجەنەرياعا، ۇلگى ينجەنەرياعا، تىنىش ينجەنەرياعا، كىرشىكسىز ينجەنەرياعا اينالدىرىپ، پارتيا مەن حالىققا رازى بولارلىق جاۋاپ قايتاردى!

شي جينپيڭ بىلاي دەپ باسا دارىپتەدى: رەسپۋبليكا داشاسى ءبىر كەرپىش، ءبىر كەرپشتەن قالانعان، حالىق − ناعىز قاھارمان. داشيڭ حالىقارالىق اۋەجايى جۇڭگو حالقىنىڭ ارىندى جىگەرىن، اسقاق مۇراتىن جانە دۇنيە جۇزىلىك كوزاياسىن، ستراتەگيالىق كوزاياسىن كورسەتتى، ۇلتتىق رۋحتى جانە وسى زامانعى دەڭگەيدەگى ءىرى ەلدىڭ ۇستالىق كەلبەتىن ايگىلەدى. ول قالىڭ قۇرىلىسشىلاردان جاڭا ساپاردا ونان ارى قۇلشىنىپ، تاعى دا تىڭ ەڭبەك كورسەتۋىن ءۇمىت ەتتى!

حان جىڭ ارناۋ سوزىندە مىنالاردى ءبىلدىردى: بەيجيڭ داشيڭ حالىقارالىق اۋەجايى − باس شۋجي شي جينپيڭ ايرىقشا قامقورلىق جاساعان، تىكەلەي ىلگەرىلەتكەن استاناداعى ماڭىزدى نىشاندىق ينجەنەريا. وسى ماڭىزدى ينجەنەريانىڭ سالىنىپ ءبىتىپ، ىسكە قوسىلۋى، جۇمىس جۇرگىزۋى ەلىمىز حالىقتىق اۆياتسياسىنىڭ حالىقارالىق باسەكە قۋاتىن جوعارىلاتۋدا، بۇكىل ەلدىڭ سىرتقا ەسىك اشۋىنا اناعۇرلىم ويداعىداي قىزمەت وتەۋدە، بەيجيڭدى، تيانجيندى، حىبەيدى سايكەستىرە دامىتۋدى ىلگەرىلەتۋدە ماڭىزدى مانگە يە. جۇمىس جۇرگىزۋى ىركىلىسسىز، ۇيىمداستىرىلۋى جوعارى ءونىمدى جيناۋ - جونەلتەۋ - تاسىمالداۋ جۇيەسىن قۇلشىنا قۇرىپ، جۇمىس جۇرگىزۋ ونىمدىلىگى مەن باسقارۋ دەڭگەيىن جوعارىلاتىپ، ىقپال جاساۋ، جەتەكتەۋ رولىن تولىق ساۋلەلەندىرىپ، بەيجيڭ داشيڭ حالىقارالىق اۋەجايىن حالىقارالىق اۆياتسيا تورابىنىڭ قۇرىلىس، جۇمىس جۇرگىزۋىنىڭ جاڭا بەلگىسى، دۇنيە جۇزىندە بىرەگەي قولايلى، جوعارى ءونىمدى جاڭا مەملەكەت قاقپاسى، بەيجيڭدى، تيانجيندى، حىبەيدى سايكەستىرە دامىتۋدىڭ تىڭ قوزعالتقىشى ەتىپ قالىپتاستىرۋ كەرەك.

ديڭ شۋەشياڭ، ليۋ حى اتالعان قيمىلدارعا قاتىناستى. حى ليفىڭ ىسكە قوسىلىپ جۇمىس جۇرگىزۋ سالتىن باسقاردى.

ساي چي، فىڭ جىڭلين، ۋاڭ دۇڭفىڭ قاتارلىلار دا سالتتا ارناۋ ءسوز سويلەدى.

ورتالىق پەن مەملەكەت ورگاندارىنىڭ قاتىستى تاراۋلارىنداعى، بەيجيڭ قالاسىنداعى، حىبەي ولكەسىندەگى، تيانجين قالاسىنداعى جانە ورتالىق اسكەري ىستەر كوميتەتىنىڭ بىرلەسكەن شتابىنداعى، اۋە ارمياسىنداعى قاتىستى جاۋاپتى جولداستار، اۋەجايدى سالۋشى جانە جۇمىس جۇرگىزۋشى ورىندارىنىڭ ۋاكىلدەرى سياقتىلار ىسكە قوسىلىپ جۇمىس جۇرگىزۋ سالتىنا قاتىناستى.

ۇعىسۋىمىزشا، 2014 - جىلى 12 - ايدا بەيجيڭ داشيڭ حالىقارالىق اۋەجايى قۇرىلىس باستاعان. وسى مەرزىمدىك ينجەنەريادا باستىسى، ”ءۇش تىك، ءبىر كولدەنەڭ“ 4 سىرعىما جول، 700 مىڭ شارشى مەترلىك تەرمينال عيماراتى، 268 ۇشاق ورنى بار تۇرۋ تەكشەسى جانە باسقا دا قاتىستى قۇرىلعىلار سالىنعان. 2018 - جىلى 12 - ايدا ۇشۋ اۋماعىنداعى 4 سىرعىما جول جاپپاي تۇتاستىرىلىپ، ۇشۋدى تەكسەرۋ - دۇرىستاۋ قىزمەتى 2019 - جىلى 2 - ايدا تولىق تابىسپەن ورىندالعان. اۋەجاي قۇرىلىسىندا جاڭا دامۋ ۇستانىمى امالياتتا ايگىلەنىپ، دەربەس جاڭالىق اشۋ تياناق ەتىلىپ، كوپتەگەن جاڭا پاتەنتتىك تەحنيكالار، جاڭا تەحنولوگيالار، جاڭا قۇرىلىس ادىستەرى اشىلىپ، قولدانىلىپ، قۇرىلىس كورسەتكىشتەرى الەمدىك بىرەگەي دەڭگەيگە جەتكەن.