قازىرگى ەكونوميكالىق جاعداي مەن ەكونوميكالىق قىزمەتكە تالداۋ جاساپ، زەرتتەۋ جۇرگىزدى، «جۇڭگو كوممۋنيستىك پارتياسىنىڭ جاۋاپقا تارتۋ ەرەجەسى» مەن «پارتيا 19 - كەزەكتى ورتالىق كوميتەتىنىڭ 3 - رەتكى شارلاۋ جاعدايى جونىندەگى جالپىلىق بايانداماسىن» قارادى
ج ك پ ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى
■ سوڭعى جارتى جىلداعى ەكونوميكالىق قىزمەتتى ويداعىداي ىستەۋدىڭ ماڭىزى زور. ورنىقتىلىق بارىسىندا ىلگەرىلەۋ سىندى قىزمەت نەگىزگى اۋەنىنەن، قامداۋ جاعىنداعى قۇرىلىمدىق رەفورمانى نەگىزگى جەلى ەتۋدەن، جاڭا دامۋ ۇستانىمىنان جازباي، ساپالى دامۋدى ىلگەرىلەتىپ، رەفورما جاساپ، قاقپا اشۋدى ىلگەرىلەتۋگە، ماكرولىق ساياسات ورنىقتى بولۋ، ميكرولىق ساياسات جاندى بولۋ، قوعامدىق ساياسات تياناقتى بولۋ سىندى جالپى وي جەلىسىنەن جازباي، ىشكى جانە حالىقارالىق جالپى جاعدايدى ءبىر تۇتاس جوسپارلاپ، ارتۋدى ورنىقتىرۋ، رەفورمانى جەبەۋ، قۇرىلىمدى رەتتەۋ، حالىق تۇرمىسىنا تيىمدىلىك جاساۋ، حاۋىپ - قاتەردەن ساقتانۋ، ورنىقتىلىقتى قورعاۋ قىزمەتتەرىن ءبىر تۇتاس جوسپارلاپ، ەكونوميكانىڭ باياندى، اقاۋسىز دامۋىن جەبەۋ كەرەك.
■ پارتيانى جاپپاي قاتاڭ جونگە سالۋدا قاتاڭ بولۋدى ماڭداي الدى ورىنعا قويۋدا تاباندى بولىپ، جاۋاپكەرسىزدىك ىستەسە جاۋاپقا تارتۋ، جاۋاپقا تارتۋدا قاتاڭ بولۋ، ءتۇزىمنىڭ قاتاڭدىعىن ورناتۋ كەرەك. ءار دارەجەلى پارتكومدار (پارتيا باسشىلىق گرۋپپالارى) سۋبيەكتتىك جاۋاپكەرلىكتى ارقالاۋى، ءتارتىپ تەكسەرۋ كوميتەتتەرى باقىلاۋ ارناۋلى جاۋاپكەرلىگىن ويداعىداي اتقارۋى كەرەك. پارتيانىڭ قىزمەت ورگاندارى ءوز قىزمەتىن تياناق ەتىپ، جاۋاپقا تارتۋعا باتىل، شەبەر بولىپ، تۇزىمدەندىرۋ، جۇيەلىلەندىرۋ دەڭگەيىن جوعارىلاتۋى كەرەك
■ شارلاۋدى، رەتتەۋ - تۇزەتۋدى جانە تابىستان پايدالانۋدى ويداعىداي يگەرىپ، رەتتەۋ - تۇزەتۋدىڭ سۋبيەكتتىك جاۋاپكەرلىگى مەن باقىلاۋ جاۋاپكەرلىگىن كۇشەيتىپ، رەتتەۋ - تۇزەتۋدى «اۋەلگى ماقساتتى ۇمىتپاي، بورىشتى ەستە بەرىك ساقتاۋ» نەگىزگى تاقىرىپتىق تاربيەسىمەن، كۇندەلىكتى باقىلاۋمەن، رەفورمانى تەرەڭدەتۋمەن ۇشتاستىرۋ كەرەك.
ج ك پ ورتالىق كوميتەتىنىڭ ساياسي بيۋروسى 7 – ايدىڭ 30 – كۇنى ءماجىلىس اشىپ، قازىرگى ەكونوميكالىق جاعداي مەن ەكونوميكالىق قىزمەتكە تالداۋ جاساپ، زەرتتەۋ جۇرگىزدى، «جۇڭگو كوممۋنيستىك پارتياسىنىڭ جاۋاپقا تارتۋ ەرەجەسى» مەن «پارتيا 19 - كەزەكتى ورتالىق كوميتەتىنىڭ 3 - رەتكى شارلاۋ جاعدايى جونىندەگى جالپىلىق بايانداماسىن» قارادى. ج ك پ ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى.
ءماجىلىس بىلاي دەپ قارادى: بيىل جىل باسىنان بەرى ەل ءىشى - سىرتىنداعى حاۋىپ - قاتەر، سىن - سايىس كورنەكتى كوبەيگەن كۇردەلى جاعدايدا جەر - جەر، تاراۋلار پارتيا ورتالىق كوميتەتىنىڭ شەشىم، ورنالاستىرۋلارىن دايەكتىلەندىرىپ، 3 ۇلكەن قامال الۋ شايقاسىن ويداعىداي جۇرگىزىپ، ماكرولىق ساياساتتىڭ كەرى اينالىمدى رەتتەلۋىن دەر كەزىندە، لايىقتى اتقارىپ، ساپالى دامۋدى پارمەندى ىلگەرىلەتتى. الدىڭعى جارتى جىلدا ەكونوميكالىق اينالىم جالپى جاقتان ورنىقتى بولىپ، ورنىقتىلىق بارىسىندا ىلگەرىلەۋ سىندى دامۋ اۋقىمىن جالعاستىرىپ، نەگىزگى ماكرولىق شارۋاشىلىق كورسەتكىشتەرى ۇيلەسىمدى ارالىقتى ساقتادى، قامداۋ جاعىنداعى قۇرىلىمدىق رەفورما ۇزدىكسىز ىلگەرىلەتىلدى، رەفورما جۇرگىزۋ، قاقپا اشۋ ۇزدىكسىز تەرەڭدەدى، كاسىپتەندىرۋ ءبىرشاما جەتكىلىكتى بولدى، كەدەيلىكتەن ءدال ارىلتۋ تارتىپپەن ىلگەرىلەتىلدى، حالىقتىڭ تۇرمىس دەڭگەيى مەن ساپاسى ۇزدىكسىز جوعارىلاپ، ساپالى دامۋدى ىلگەرىلەتەتىن بەلسەندى فاكتورلار كوبەيدى.
