ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ 7 - ايدىڭ 22 - كۇنىنەن 23 - كۇنىنە دەيىن ج ك پ ورتالىق كوميتەتى ساياسي بيۋروسىنىڭ مۇشەسى، شاڭحاي قالالىق پارتكومنىڭ شۋجيى لي چياڭ مەن قالا باستىعى يىڭ يۇڭنىڭ سەرىك بولۋىندا شاڭحايدا قىزمەت تەكسەردى.
لي كىچياڭ شاڭحاي ەركىن ساۋدا سىناق رايونىنىڭ جاڭا رايونىنا كەلىپ، جالپى تۇلعالىق جوبا جونىندەگى مالىمەتتى تىڭدادى. ول بىلاي دەدى: جاڭا رايون وتكەن 5 جىلداعى ەركىن ساۋدا سىناق رايونىنىڭ امالياتى نەگىزىندە قۇرىلدى، بۇل ــ قاقپا اشۋدىڭ تىڭنان كەڭەيۋى، رەفورمانىڭ جاڭا اياق الىسى، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا ورتالىق كوميتەتىنىڭ، مەملەكەتتىك كەڭەستىڭ ورنالاستىرۋلارىن دايەكتىلەندىرىپ، جاڭا ورايدى يگەرىپ، حالىقارانىڭ وزىق ورەسىنە بەيىمدەلىپ، اناعۇرلىم زور تەبىنمەن رەفورما جۇرگىزىپ، قاقپا اشىپ، بوستىق جوبالاۋىن كەمەلدەندىرىپ، شوعىرلى، ۇنەمدى اشۋدى ىسكە اسىرىپ، وسى اسىل جەردى شارىقتاي دامىتىپ، ساپالى دامۋدى ىلگەرىلەتۋ كەرەك.
شاڭحاي ەلەكتر – گاز توبى ــ جىلدىق تيجارات كىرىسى 100 ميلليارد يۋاننان اساتىن ۋنيۆەرسال جابدىق جاساۋ كاسىپورنى. لي كىچياڭ وسى اراعا كەلىپ، قازىرگى ەكونوميكالىق جاعدايدىڭ بازار تۇلعاسىنا جاسايتىن ىقپالىن ۇعىستى، كاسىپورىنداردىڭ زەرتتەپ وندىرگەن ماڭىزدى جابدىقتارىنىڭ حالىقارانىڭ جانە ەل ءىشىنىڭ الدىڭعى قاتارىنا وتكەنىن القادى. ول كاسىپورىنداردى دۇنيە ءجۇزى بويىنشا ماڭداي الدى ورىندى كوزدەپ، حالىقارالىق بازار باسەكەسىندە ءتىپتى دە بەلسەندى بولىپ، كەرەمەتتەر جاراتۋعا ۇمتىلىپ، ءتىپتى دە قۇدىرەتتى رۋحتى ايگىلەپ، ەلىمىزدىڭ ماڭىزدى جابدىق جاساۋ ورەسىن جوعارىلاتۋعا، ەكونوميكانىڭ دامۋى مەن حالىق تۇرمىسىن جاقسارتۋعا كوبىرەك ۇلەس قوسۋعا شابىتتاندىردى. لي كىچياڭ جاڭجياڭداعى جاساندى زەردە ارالىنا بارىپ، 3D كورۋ تۇيسىگىنەن پايدالانىپ الىستان ەمدەۋ، زەيىندىك نەرۆكە ەلىكتەۋ، زەردەلى اۆتوماتتى جەلىلەس تەحنيكا سياقتى جاڭا تابىستاردى كوردى. ول بىلاي دەدى: جاساندى زەردە دەگەنىمىز ادامنىڭ اقىل - پاراساتىن شوعىرلاندىرىپ، ادام ءۇشىن ءتىپتى دە جاقسى قىزمەت ەتۋ دەگەندىك. نەگىزدىك زەرتتەۋگە باسا ءمان بەرىپ، ءوتىمدى كاسىپتەردى دامىتۋ جاپا – ماشاقاتقا ءتوزىمدى جاندارعا مۇقتاج. سايكەسۋدى، سەلبەسۋدى كۇشەيتىپ، زەرتتەۋ تابىسىن جاساۋ كاسىبى، قىزمەت وتەۋ كاسىبى سياقتى سالالاردا كەڭىنەن قولدانىپ، جاڭا قوزعاۋشى كۇشتى جەتىلدىرىپ جانە زورايتىپ، حالىققا باقىت جاراتۋ كەرەك.
